အရေးပြားယားယံမှု

ယားယံမှု နှင့် ဖျားနာမှု ဖြစ်ပွားနေသော ကလေးငယ်များအတွက် ဆေးဝါးထောက်ပံ့ပေးရန် တောင်းဆို

ကလေးငယ်များတွင် အရေပြားယားယံမှု ဝေဒနာခံစားနေရသော တနိုင်း လီဒိုလမ်းတစ်လျှောက်ကျေးရွာများသို့ သွားရောက် ကုသနိုင်ရန်အတွက် ဆေးဝါး အရေးပေါ် ကူညီမှုလိုအပ်နေကြောင်း ကချင်နယ်လှည့် ကျန်းမာရေးလုပ်သားအဖွဲ့ ထံမှ သိရသည်။ လက်ရှိ တနိုင်း လီဒူလမ်းတစ်လျှောက်ကျေးရွာများရှိ ကလေးငယ်များတွင် အဖုအပိန့်ယားယံမှု ဝေဒနာများနှင့် အခြားဆိုးရွားသောရောဂါများကို မြင်တွေ့နေရသော်လည်း ဆေးဝါးလုံလောက်မှု မရှိသောကြောင့် ကူညီနိုင်ရန်ခက်ခဲနေသည်ဟု ကချင်ကျေးလက်ဒေသများသို့ ဆေးဝါး ကူညီကုသပေးနေသော Kachin Backpack Health Worker Team မှ တာဝန်ခံ Mr.Zet မှ KNG သတင်းဌာန ကို ပြောသည်။ “ဘာရောဂါမှန်း ကောင်းကောင်းက မသိရပဲ၊ ကိုယ်ပူ အဖျားလည်းမြင့်ပြီး အကျတတ်နဲ့ ဆိုးဆိုးရွားရွား ဖျားနာနေကြတဲ့အဆင့်ဖြစ်တယ်။ ကျနော်တို့ ဟိုနေ့က ဒွမ်ဘန်ရွာမှာ တစ်နေ့ထဲနဲ့ လူက ၃၀၀ ကျော်ဖြစ်သွားတော့ ဆေးဝါးမလောက်တော့တာ။…