,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ကချင်ပေါင်းစည်းပါတီ KSPP ပထမအကြိမ်ညီလာခံမှ ယာယီဦးဆောင်သူများကို တရားဝင်အဖြစ်ခန့်အပ်

ကချင်ပြည်နယ်ပြည်သူ့ပါတီ KSPP ၏ ပထမအကြိမ်ညီလာခံကို မတ်လ ၃ နှင့် ၄ ရက်တွင် ပြုလုပ်ပြီးနောက် ယာယီဖွဲ့စည်းထားသော ဦးဆောင်ကော်မတီများကို တရားဝင်ဦးဆောင်ကော်မတီများအဖြစ် ဖွဲ့စည်းကာ မူဝါဒများကိုလည်း ချမှတ်ခဲ့သည်ဟု သိရသည်။

လက်ရှိ KSPP ပါတီ၏ အတည်ပြုထားသော ဦးဆောင်ကော်မတီများမှာ ဥက္ကဌ – ဒေါက်တာ မနမ်တူးဂျာ၊ ဒု- ဥက္ကဌ (၁) ရှေ့နေ ဒေါ်ဒွဲဘူ၊ ဒု- ဥက္ကဌ (၂) ဦးကွမ်ဂရောင်အောင်ခမ်း၊ ဒု- ဥက္ကဌ (၃) ဦးမိထွယ်ဇော်လတ်နှင့် ဒု- ဥက္ကဌ (၄) တောင်သူအရေးလှုပ်ရှာသူ ဒေါ်ဘောက်ဂျာ တို့အသီးအသီးဖြစ်ကြသည်။

ယခင်က UDPKS ပါတီ ဥက္ကဌဖြစ်ခဲ့သူ နှင့် KSPP အဖြစ်ပေါင်းစည်းပြီးနောက် ဒု-ဥက္ကဌ (၁) အဖြစ်ယာယီ ဦးဆောင်ခဲ့သူ ဦးခက်ထိန်နန်သည် လွန်ခဲ့သည့်လတွင် ပါတီမှာ နှုတ်ထွက်ခဲ့သောကြောင့် သူ၏ နေရာတွင် ယခင် UDPKS ပါတီမှ ဒေါ်ဒွဲဘူကို ပြန်လည်ခန့်အပ်ခဲ့သည်။

ကချင်ပါတီ ၄ ခု ပူးပေါင်းထားသည့် ကချင်ပြည်နယ်ပြည်သူ့ပါတီမှာ ၂၀၂၀ ရွေးကောက်ပွဲ အောင်နိုင်ရေးအတွက် အဓိကလုပ်ဆောင်သွားမည်ဖြစ်ပြီး ကချင်ပြည်နယ်တွင်ရှိသည့် ပြည်နယ်သားအားလုံးအတွက် ကိုယ်စားပြုထား သည့်ပါတီဖြစ်သည်ဟု ဒု- ဥက္ကဌ (၁) ရှေ့နေ ဒေါ်ဒွဲဘူ ယခုလိုပြောသည်။

“ကချင်ပြည်နယ်ပြည်သူ့ပါတီက ကချင်ပြည်နယ်မှာရှိကြတဲ့ ပြည်နယ်သားအားလုံး လူမျိုးဘာသာမရွေး ပါဝင်နိုင်တဲ့ ပါတီကြီး တစ်ခုဖြစ်ပါတယ်။ အနာဂတ်မှာလည်း အောက်ခြေခိုင်ခိုင် ပါတီကြီးတစ်ခုဖြစ်အောင် လုပ်ဆောင်သွားမယ်။ အနာဂတ်မှာ အောင်နိုင်တဲ့ ပါတီဖြစ်မယ်လို့ ယုံကြည်တယ်” ဟု ပြောဆိုသည်။

ပါတီညီလာခံ ၂ ရက်အတွင်း မြို့နယ် ၁၈ခုမှ ပါတီကိုယ်စားလှယ်များ၏တင်ပြချက်များကို အတည်ပြုခြင်း၊ ပါတီ၏ နိုင်ငံမူဝါဒသဘောထားများ၊ ပါတီဖွဲ့စည်းပုံများ၊ ကျား/မရေးရာ မူဝါဒများနှင့် ပါတီ၏ ရှေးလုပ်ငန်းစဉ် (၁၁) ချက်ကိုလည်း အတည်ပြုနိုင်ခဲ့ကြောင်း သိရပါသည်။

ထို့နောက် ရွေးကောက်ပွဲအောင်နိုင်ရေးလုပ်ဆောင်ရာတွင် အခြားတိုင်းနှင့်ပြည်နယ်အသီးသီးတွင်ရှိကြသည့် တိုင်းရင်းသားများကို ကိုယ်စားပြုထားသည့် တိုင်းရင်းသားဒေသခံ ပါတီများဖြင့်လည်း မဟာမိတ် ဖွဲ့သွားမည်ဟု ဒု- ဥက္ကဌ (၂) ဦးကွမ်ဂရောင် အောင်ခမ်း ယခုလိုပြောသည်။

“ကျနော်တို့ပါတီအနေနဲ့ ရွေးကောက်ပွဲကို အောင်နိုင်အောင်လုပ်ဆောင်ပြီးမှ တိုင်းနှင့်ပြည်နယ်အသီးသီးက တိုင်းရင်းသားပါတီတွေနဲ့ မဟာမိတ်ဖွဲ့သွားဖို့ရှိတယ်။ ရည်မှန်းချက်ကတော့ ပြည်နယ်လွှတ်တော်ကို ထိန်းချုပ်ဖို့ဖြစ်တယ်။ အဓိကတော့ ဖက်ဒရယ်နိုင်ငံတည်ဆောက်ဖို့ပါ” ဟု ပြောသည်။

ကချင်ပြည်နယ်ပြည်သူ့ပါတီ KSPP သည် ပါတီကြီးတစ်ခုဖြစ်လာရန်လုပ်ဆောင်နေသည့်အတွက် ပြည်နယ်အတွင်းရှိ သီးခြားပါတီများ ပေါင်းစည်းလာရန်လည်း ကြိုဆိုနေဆဲဖြစ်သည်ဟု ဆိုသည်။

၂ ရက်ပြုလုပ်သည့် ညီလာခံတွင် ကချင်ပြည်နယ်အတွင်းရှိ မြို့နယ် (၁၈)ခုမှ ပါတီကိုယ်စားလှယ်များနှင့် ဦးဆောင် ကော်မတီများ စုစုပေါင်း ၃၀၀ကျော် ပါဝင်ဆွေးနွေးခဲ့ကြောင်း သိရသည်။

Read Previous

ဖားကန့်တွင် လက်လုပ်လက်စားများ လျှောက်လွှာများ စတင်လက်ခံနေ

Read Next

ကဆုန်ဒေသခံ စစ်ရှောင် ၂ ဦး မိုင်းနင်းမိ၊ ခြေထောက်ဒဏ်ရာပြင်းထန်စွာရရှိ