,

Breaking News :

ပန်ဆိုင်း ရဲစခန်းကို ကိုးကန့်တပ် တိုက်ခိုက်ပြီးနောက် မုံးကိုးဘက်လည်း တိုက်ပွဲ ဆက်လက်ဖြစ်ပွားခဲ့

ပန်ဆိုင်း (ကြူကုတ်) တိုက်ပွဲမှာ အရပ်သား ပြည်သူ ၃ ဦး သေဆုံး

မြစ်ကြီးနားအခြေစိုက် သတင်းထောက်အားလုံး လွတ်မြောက်

နောင်မွန်မြို့မှ ဖမ်းဆီးခံရသည့် ဆရာတော် ၃ ဦး ပြန်လည် လွတ်မြောက်လာ

မြစ်ကြီးနား KBZ ဘဏ်ရှေ့ ဗုံးပေါက်ကွဲမှု ဗီဒီရိုက်ကူးခဲ့သည့် လူငယ် ပြန်လည်လွတ်မြောက်လာ

KNO ဥက္ကဋ္ဌ ဒူဝါဘောမ်ဝမ်လရော် ကွယ်လွန်

မချမ်းဘော့ဒေသခံများ၏ စိုက်ပျိုးမြေကို စစ်ကောင်စီအောက် ပြည်သူ့စစ်အဖွဲ့က ရွှေတူးရန် သတ်မှတ်ယူ

ရှမ်းမြောက်တွင် တိုက်ပွဲ ဆက်လက်ပြင်းထန်နေ

တရုတ်နယ်စပ်တိုက်ပွဲအတွင်း ဒေသခံတစ်ဦး လက်နက်ကြီးထိမှန် ဒဏ်ရာ ရ

မုံးကိုး နဲ့ တီးမ ကျေးရွာဘက် စစ်ကောင်စီ နဲ့ MNDAA ၊ KIA တို့ တိုက်ပွဲဖြစ်

ဖားကန့်တွင် ကျပ်သိန်း ၆ သောင်းကျော် ကုန်ကျမည့် ကျောက်မျက်ရတနာဈေးတစ်ခု တည်ဆောက်မည်

ဖားကန့် ကျောက်မျက်ရတနာစျေးတည်ဆောက်မည့် ပုံစံ

ဖားကန့်မြို့တွင် ကျပ်သိန်းပေါင်း ၆ သောင်းကျော် ကုန်ကျမည့် ကျောက်မျက်ရတနာဈေးတစ်ခု စတင် တည်ဆောက်နေပြီဖြစ်ကြောင်း ကချင်ပြည်နယ် သဘာဝသယံဇာတဝန်ကြီးဌာနမှ သိရပါသည်။

အဆိုပါ ကျောက်စိမ်းဈေးကို ပြည်နယ် သဘာဝ သယံဇာတဝန်ကြီးဌာနနှင့် ဖားကန့် ကျောက်မျက်လုပ်ငန်းရှင်များအသင်း တို့ပူးပေါင်းဆောင်ရွက်ခြင်းဖြစ်သည်ဟု သိရပါသည်။

“လုံခြုံရေးအရ လုပ်ငန်းဆောင်ရွက်တဲ့ခါမှာ ကျောက်သယ်ဆောင်လာတဲ့ ဟာတွေ(တရားမဝင်) ကျောက်အရောင်းအဝယ် လုပ်တဲ့အချိန်မှာ တွေ့တဲ့ဟာတွေကို ဖမ်းရတယ်။ တရားဝင်ဈေး ဖြစ်သွားခဲ့မယ်ဆိုရင် တရားဝင်ဈေးမှာ ရောင်းကြ ဝယ်ကြမယ်။ ဒီတရားဝင်ဈေးက ဝယ်ပြီးမှသယ်ယူသွားတဲ့ဟာမျိုးဆိုရင် ထောက်ခံချက်တွေပါမယ်။ ဖမ်းဆီးတဲ့သူတွေလည်း ထောက်ခံချက်ကို တွေ့မယ်ဆိုရင် ဖမ်းဆီးတာတွေ လျော့နည်းသွားမယ်။” ဟု ကျောက်စိမ်းဈေးနှင့်ပတ်သက်ပြီး သယံဇာတဝန်ကြီး ဦးဒရှီလှဆိုင်း ဆိုသည်။

အဆိုပါကျောက်မျက်ရတနာဈေးတွင် အခန်းပေါင်း ၁၀၈ ခန်း ပါဝင်မည်ဖြစ်ပြီး ဆိုင်ခန်းတစ်ခန်းလျှင် အများဆုံး ကျပ်သိန်း ၇၅၀ ကုန်ကျမည်ဖြစ်ကာ အရစ်ကျပေးချေသည့်စနစ်ဖြင့် ရောင်းချပေးသွားမည်ဟု ဖားကန့်ကျောက်မျက်လုပ်ငန်းရှင်များ အသင်းမှ သိရသည်။

ထို့အပြင် ဖားကန့်ကျောက်စိမ်းဈေးတွင် A အဆင့် B အဆင့် သတ်မှတ်ထားခြင်းမရှိသည့်အတွက် မည်သည့် ကျောက်စိမ်း မဆို လာရောက်ရောင်းချနိုင်ကြောင်း ဖားကန့်ကျောက်မျက်လုပ်ငန်းရှင်များအသင်း ဥက္ကဌ ဦးကိုဝမ်းက ပြောသည်။

“ဖားကန့်ကျောက်စိမ်းဈေးမှာတော့ အဆင့်သတ်မှတ်လို့ရမှာ မဟုတ်ဘူး အကုန်လုံးရောင်းချခွင့်ပြုမှာပါ ။ အဓိကတော့ ကုန်သည်တွေအတွက် ဆိုင်ခန်းတွေရောင်းပေးမယ်။ ဆိုင်ခန်းတွေရှိရင် ရောင်းသူ ဝယ်သူတွေ ရောက်လာမှာဘဲ။ အဲလို ရောင်းဝယ်ပြီးတော့ မြစ်ကြီးနားကို ပို့ချင်တာဘဲဖြစ်ဖြစ်၊ မန္တလေးကို ပို့ချင်တာပဲ ဖြစ်ဖြစ်၊ တရားဝင်လိုင်စင် အခွန်ဆောင်နိုင်အောင် ကျနော်တို့ စီစဉ်ဆောင်ရွက်ပေးမယ် ချိတ်ဆက်ပေးမယ်။” ဟု ကျောက်မျက်လုပ်ငန်းရှင်များအသင်း ဥက္ကဌ ဆိုပါသည်။

ယင်းကျောက်မျက်ရတနာဈေးတည်ဆောက်ပြီးနောက် စားသောက်ဆိုင်နှင့် ဘဏ်များကိုလည်း ချိတ်ဆက်ကာ ဆောက်လုပ်သွားမည်ဖြစ်ကြောင်း ကျောက်မျက်လုပ်ငန်းရှင်များအသင်းထံမှ သိရသည်။

ကချင်ပြည်နယ်တွင် မြစ်ကြီးနားမြို့တွင် လာမယ့် ဖေဖော်ဝါရီ နောက်ဆုံးအပတ်အတွင်း ကျောက်မျက် ရတနာပြပွဲတစ်ခုလည်း ပြုလုပ်ရန် စီစဉ်နေကြောင်း သိရပါသည်။

 

Read Previous

ဥရုချောင်းရှင်းလင်းရေး စံချိန်စံညွန်းမှီရန်နှင့် ကုမ္ပဏီများစည်းကမ်းလိုက်နာရန် လိုအပ်ဟုဆို

Read Next

NLD တိုင်းရင်းကော်မတီ ဥက္ကဋ္ဌ ကချင်လူမျိုး ခန့်ထားခြင်းပေါ် KSPP ဝေဖန်

Leave a Reply

Your email address will not be published. Required fields are marked *