,

Breaking News :

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

ကချင်တွင် လပိုင်းအတွင်း စစ်ရှောင်အသစ်ထပ်တိုးလာကြောင်းနှင့် ကူညီထောက်ပံ့မှုလိုအပ်နေကြောင်း အရပ်ဘက်အဖွဲ့အစည်းများထုတ်ပြန်

လိုင်ဇာမြို့အနီး ခယာဘွမ့်တွင် ရိက္ခာပို့နိုင်ရန် ဒေါ့ဖုန်းယန် မှ ကားလမ်းတစ်လျှောက် စစ်အင်အားတိုးချဲ့ချထား

ဘွမ်ရာယန်စစ်ရှောင်စခန်းတွင် သောက်ရေ အဓိကအခက်အခဲဖြစ်နေ

ရှဒူးဇွပ်စစ်ရှောင်များ ရေဘေးမှလွတ်မြောက်ရေး နေရာအသစ်တွင် ပြောင်းရွေ့ရန်ခက်ခဲနေ

လိုင်ဇာမြို့အနီး အာဏာသိမ်းစစ်တပ်၏ ယာဉ်တန်းကို KIA ကြားဖြတ် တိုက်ခိုက်

အာဏာသိမ်းစစ်တပ်က ကားဖြင့်တိုက်သဖြင့် ပူတာအိုဒေသခံတစ်ဦး ခြေတစ်ဖက်ကျိုး

ဒေါ့ဖုန်းယန်မြို့အနီးတွင် အကြမ်းဖက်စစ်တပ်ကို KIA က ကြားဖြတ်တိုက်ခိုက်

KIAနဲ့ ဆက်သွယ်သည်ဟုဆိုကာ ချီဖွေစစ်ရှောင်စခန်းမှ အမျိုးသမီးတစ်ဦး စစ်ကောင်စီက ဖမ်းဆီးထား

လူဦးရေ ၃၀ အထက် လူစုလူဝေးပြုမည်ဆိုပါက ခွင့်ပြုမိန့်တင်ရမည်ဟုဆို

မြစ်ကြီးနား စီတာပူ ကုန်တင်ကုန်ချစခန်း

ကျန်းမာရေးဝန်ကြီးဌာန၏ ထုတ်ပြန်ချက်နှင့်အညီ ကချင်ပြည်နယ်တွင် Covid-19 ကပ်ကာလ လူဦးရေ ၃၀ ထက်ပိုပြီး လူစုလူဝေးပြုလုပ်မည်ဆိုပါက ပြည်နယ်အစိုးရထံ ခွင့်ပြုမိန့်တင်ရမည်ဖြစ်ကြောင်း သိရသည်။

“ခုသင်တန်းတွေလုပ်တာရှိကြတယ်၊ ဒါလည်း ၃၀ထက်မပိုရဘူး။ အရင်ကတည်းကလည်း ဘာသာရေးအခမ်းနားတွေ လုပ်မယ်ဆိုခဲ့ရင် ခွင့်ပြုချက်တောင်းရတယ်။ ပြီးတော့ ကျန်းမာရေးနဲ့အားကစားဝန်ကြီးဌာနက ညွှန်ကြားထားတဲ့အတိုင်း လက်ဆေးဖို့ ဘေစဉ်တွေထားရတယ်။ အဲကြောင့် အဲတိုင်းဘဲဆက်သွားမယ်။ သို့သော်လည်း ဒါကိုအမှီပြုပြီးတော့ ဘုရားကျောင်းတွေ၊ ဘုန်းကြီးကျောင်းတွေ၊ တရားစခန်းတွင်ပြန်ဖွင့်နေကြတယ်။ ဒါကိုတရားဝင် ခွင့်မပြုသေးပါဘူး။” ဟု ပြည်နယ် ညွှန်ကြားရေးမှူး ဦးဇော်ဇော်ကပြောသည်။

အဆိုပါ ခွင့်ပြုမိန့်များတောင်းမည်ဆိုပါက ခွင့်ပြုစာအား ၂ပတ်ကြိုတင်ရမည်ဖြစ်ပြီး အခမ်းနားလုပ်မည့်အချိန်၊ နေရာအား တစ်ပါတည်း ဖော်ပြတောင်းခံရမည်ဖြစ်ကြောင်း ၎င်းကဆက်ပြောသည်။

မြန်မာနိုင်ငံတွင် Covid-19 ကပ်ရောဂါနှင့်ပတ်သက်ပြီး ပြည်သူများအနေဖြင့် မပေါ့ဆရန် ကျန်းမာရေးဝန်ကြီးဌာနမှ သြဂုတ်လ(၁၅)ရက်တွင် သတိပေးစာများထပ်မံထုတ်ပြန်ထားသည်။

“ခုနောက်ထပ် ဒုတိယလှိုင်းပြန်ဖြစ်လာနိုင်တယ်ဆိုတဲ့ဟာကို ပြောနေကြတာတွေ့ရတယ်။ နောက်တစ်ခုက စစ်ဆေးရေးဂိတ်တွေမှာ ခုဆိုစစ်တာအားနည်းသွားတဲ့အပိုင်းတွေရှိနေတယ်။ ဒီရောဂါက လွယ်လွယ်နဲ့ပျောက်ကင်းသွားမယ့် ရောဂါမဟုတ်တဲ့အတွက် ခရီးသွားရာဇဝင်တွေ သေချာရှိရမယ်။ ဘာဖြစ်လို့လဲဆိုရင် ပြည်ပကပြန်လာပြီး ကူးတာတွေများနေတဲ့တွက် ခရီးသွားရာဇဝင်တော့ သေချာလုပ်ထားဖို့ လိုအပ်တယ်။” ဟု ကချင်ပြည်နယ် Covid-19 ကာကွယ်ထိန်းချုပ်ရေး အရပ်ဘက်အဖွဲ့စည်းတစ်ခုမှ ရှေ့နေဦးခွန်မြတ်မင်းအောင်က ဆိုသည်။

ကချင်ပြည်နယ် Covid-19 ရောဂါပိုးတွေ့ရှိသူ ၂ဦးရှိခဲ့သော်လည်း ပြီးခဲ့သည့် ဇွန်လတွင်ပင် ရောဂါပျောက်ကင်းသွားသဖြင့် ဆေးရုံမှဆင်းသွားပြီဖြစ်သည်။

ကချင်လွတ်လပ်ရေးအဖွဲ့ KIO က လည်း ၎င်း၏နယ်မြေသို့ဝင်လာသောသူများတွင် ကိုယ်အပူချိန်မြင့်တက်နေသူများကလွဲပြီး မည်သူမျှ ကွာရန်တင်းဝင်ရန်မလိုတော့ကြောင်း ပြောဆိုထားသည်။

ကချင်ပြည်နယ်တွင် သြဂုတ်လ ၁၈ ရက်နေ့ထိ ဓါတ်ခွဲနမူနာပေါင်း ၅၃၆၃ဦး၊ ပိုးတွေ့ရှိသူ ၂ဦးရှိခဲ့ပြီး ပိုးမတွေ့ရှိသူ ၅၃၆၁ ဦးရှိခဲ့သည်။ လက်ရှိနောက်ဆုံးအခြေအနေတွင် ဆေးရုံ၊ နေအိမ် သတ်မှတ်ထားသောကွာရန်တင်း ၄၃၅ နေရာရှိကာ အသွားလာကန့်သတ်ခံရသူ ၄၄၇ဦး ရှိကြောင်း ကချင်ပြည်နယ်ပြည်သူ့ကျန်းမာရေးဦးစီးဌာနမှ ထုတ်ပြန်ထားသည်။

သြဂုတ်လ(၁၉)ရက်နေ့အထိ ကျန်းမာရေးနှင့်အားကစားဝန်ကြီးဌာန၏ ထုတ်ပြန်ချက်အရ မြန်မာပြည်တွင် ပြည်တွင်းကူးစက်မှု အတည်ပြုလူနာ(၃)ဦးထပ်တိုးလာသည်ဟု ဖော်ပြထားသည်။

တစ်နိုင်ငံလုံးအတိုင်းတာအားဖြင့် ဓါတ်ခွဲစစ်ဆေးခဲ့သူ ၁၃၇၇၄၉ ဦး၊ အတည်ပြုလူနာ ၃၇၉ ဦး၊ သေဆုံးသူ(၆)ဦးနှင့် ပြန်လည်ကောင်းမွန်လာသူ ၃၃၁ ဦးရှိကာ စောင့်ကြည့်လူနာ ၇၀၈၅ ဦးရှိကြောင်း ကျန်းမာရေးဌာနက ထုတ်ပြန်ထားသည်။

Read Previous

ဒေသခံ ရာနှုန်းပြည့်ခန့် ကန့်ကွက်သော ခေါင်လန်ဖူး ရွှေနှင့်သတ္တုတူးဖော်ရေးအစီစဉ်

Read Next

ဧရာဝတီမြစ်ကျောင်းတစ်လျှောက် တရားမဝင်စက်လှေအစီး ၂၀ ကျော်ကို တစ်ရက်အတွင်းဖမ်းမိ

Leave a Reply

Your email address will not be published. Required fields are marked *