,

Breaking News :

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ထီးချိုင့် တိုက်ပွဲတွင် စစ်ကောင်စီဘက်မှ ဗိုလ်ကြီး ၁ ဦး အပါအဝင် ၉ ဦး သေဆုံး

လူမရှိသည့် နေအိမ်များကို မီးရှို့မည်ဟု ခြိမ်းခြောက်ကာ မိုးမောက်ဒေသခံများကို နေရပ်ပြန်ခေါ်ကာ အကာအကွယ်ယူနေ

ဖားကန့်တွင် ​မြေစာပုံပြိုကျပြီး ရေမဆေးသမား ၁ ဦးသေဆုံး၊ တစ်ဦးပြင်းထန်ဒဏ်ရာရ

အင်းတော်နယ် နတ်မဟုတ်ကြီးကျေးရွာ မီးရှို့ဖျက်ဆီးခံရပြီး ပြည်သူ ၈ ဦးလည်း ဖမ်းဆီးခံထားရ

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

Covid-19 ပိုးတွေ့ရှိဒေသမှ KIO နယ်မြေသို့ဝင်လာသူတိုင်း Quarantine ပြန်ဝင်ရတော့မည်

KIO နယ်မြေရှိစစ်ဆေးရေးဂိတ်တစ်ခု ဓါတ်ပုံ – Covid ninghkap komiti

အစိုးရထိန်းချုပ်နယ်မြေရှိ ပိုးတွေ့လူနာများရှိနေဆဲနေရာမှ ကချင်လွတ်လပ်ရေးအဖွဲ့ KIO နယ်မြေသို့ ဝင်လာသောမည်သူမဆို Quarantine (၇) ရက်ခံယူရမည်ဖြစ်ကြောင်း KIO Covid-19 ကူးစက်ရောဂါကာကွယ်ရေးကော်မတီမှ သိရသည်။

Covid-19 ကူးစက်ရောဂါ ဒုတိယလှိုင်းကြောင့် လက်ရှိ မြန်မာပြည်အနောက်ဘက် ရခိုင်ပြည်နယ်တွင်ကူးစက်မှုများပြားလာပြီး ရန်ကုန်နှင့် အခြားမြို့များသို့လည်း တဖန်ကူးစက်လာသာကြောင့် ယခုလို ပြန်လည်ဆုံးဖြတ်ရခြင်းဖြစ်သည်ဟု KIO Covid-19 ရောဂါကာကွယ်နှိမ်နှင်းရေး ကော်မတီအတွင်းရေးမှူး ဦးဟိန်းဝေါမ်က ယခုလိုပြောဆိုသည်။

“အခုတလော ရခိုင်ဘက်မှာ ရောဂါဖြစ်ပွားတဲ့သူတွေ ပိုတိုးလာတဲ့အတွက် Check- Point တွေမှာ စစ်ဆေးမှုကို အရင်ကထက်ပိုပြီး ကြိုတင်ပြင်ဆင်ထားတယ်။ ရောဂါဖြစ်နေတဲ့ ဒေသကလာတဲ့ သူတွေကိုဆို သူတို့ရဲ့ခရီးသွား ရာဇဝင်နဲ့ မှတ်ပုံတင်တွေကအစ သေသေချာချာ စီစစ်တယ်။ နောက်ပြီး သူတို့က Quarantine လည်း ဝင်ရမှာဖြစ် တယ်” ဟု ပြောဆိုသည်။

ပိုးတွေ့ဒေသမှ ရောက်လာသူများကို ပုံမှန်နေရာတွင် Quarantine ထားမှာဖြစ်ပြီး ကိုယ်အပူချိန်တိုင်းမြင့်တက်သူများကိုမူ ဌာနချုပ် လိုင်ဇာမြို့အနီး Mung Lai Hkyet (မုန်လိုင်ခတ်) ဆေးရုံကြီးတွင် ဆေးကုသခံယူစေမည်ဟု သူကဆက်လက်ပြောဆိုသည်။

KIO ထိန်းချုပ်နယ်မြေအတွင်း ကျန်းမာရေးနှင့်ပတ်သက်ပြီး ဆေးစစ်ဆေးမှုများ ပြုလုပ်နိုင်ရန် Check- Point ၁၇ ခု ထားရှိထားပြီး ဖြတ်သန်းသွားလာနေသူများ၏ ခရီးသွားမှတ်တမ်းကောက်ယူခြင်းနှင့် ကိုယ်အပူချိန်တိုင်းတာ စစ်ဆေးမှုများကိုလည်း ဆက်လက်လုပ်ဆောင်နေပြီ ဖြစ်ကြောင်းသိရသည်။

လွန်ခဲ့သော သြဂုတ် ၁၆ ရက်နေ့မှစ၍ KIA နယ်မြေအတွင်း ဝင်လာသူများတွင် ကိုယ်အပူချိန်မြင့်တက်နေသူများမှအပ အခြားသူများမှာ ကွာရန်တင်းဝင်စရာမလိုအောင် KIO က ဖြေလျှော့မှုပြုလုပ်ခဲ့သည်။

သို့သော်လည်း Covid ဒုတိယလှိုင်းကြောင့် ယခုလို သတ်မှတ်ချက်များပြန်လည်တင်းကျပ်လာရခြင်းဖြစ်သည်ဟု ဆိုသည်။

မြန်မာပြည်တွင် Covid-19 ကူးစက်ရောဂါစတင်ဖြစ်ပေါ်လာသည့် လွန်ခဲ့သည့် ဧပြီလတွင် KIO နယ်မြေသို့ဝင်လာသူတိုင်း၂၁ ရက်ကွာရန်တင်းဝင်ခဲ့ရကြောင်း သိရသည်။

Read Previous

ကချင်ငြိမ်းချမ်းရေးနှီးနှောဖလှယ်ပွဲ မြစ်ကြီးနားတွင်ပြုလုပ်

Read Next

ဗန်းမော်ခရိုင်ရှိ စစ်ရှောင်စခန်း ၃ ခု၌သာ မဲရုံထားမည်