အိန္ဒိယနိုင်ငံထဲမှာ အခြေစိုက်ထားတဲ့ ကသည်းလက်နက်ကိုင်အဖွဲ့ဟာ စစ်ကိုင်းတိုင်း၊ နာဂကိုယ်ပိုင်အုပ်ချုပ်ခွင့်ရဒေထဲကို ဝင်ရောက်ဖို့ကြိုးပမ်းနေတယ်လို့ သိရပါတယ်။
မဏီပူပြည်နယ်မှာအခြေစိုက်ထားတဲ့ ကသည်း(Meitei) လူမျိုးစုအခြေပြုလက်နက်ကိုင်အဖွဲ့ဖြစ်တဲ့ ကသည်းလက်ကိုင်အဖွဲ့ဟာ နိုဝင်ဘာလန်ဆန်းပိုင်းကနေစပြီး နာဂကိုယ်ပိုင် အုပ်ချုပ်ခွင့်ရဒေသထဲကို ဝင်ရောက်ဖို့ချဥ်းကပ်လာ နေပြီး လက်ရှိ လေရှီးအနောက်ဘက်ခြမ်းရောက်နေပြီလို့ လေရှီးဒေသခံအမျိုးသားတစ်ဦး KNG ကိုပြောပါတယ်။
“သူတို့အင်အား တစ်ရာကျော်တယ်ပြောတယ်။ လေရှီးအနောက်ခြမ်း ဆွမ္မရာဘက်ကနေဝင်လာတာ နယ်စပ်ထဲရောက်နေပြီတဲ့ အခြေအနေကတော့တင်းမာနေတယ်။ အဲ့ဘက်က NSCN-K နှစ်ဖွဲ့စလုံးရှိတော့သူတို့နဲ့တိုက်ပွဲ ကအချိန်မရွေးထဖြစ်နိုင်တယ်”လို့ ဒေသခံအမျိုးသားတစ်ဦးက ပြောပါတယ်။
အဲ့ဒီကသည်းလက်နက်ကိုင်တပ်ဖွဲ့ဝင်ဟာ အင်အား ၁၀၀ ဝန်းကျင်သုံးပြီး နိုဝင်ဘာ ၅ ရက်နေ့ကစလို့စစ်ကိုင်းတိုင်း၊တမူးမြို့ဘက်ကနေတဆင့် လေရှီးမြို့ နယ်၊ဆွမ္မရာမြို့ထဲဝင်ရောက်လာကာ နိုင်ဝင်ဘာလ ၉ ရက်နေ့ မနေ့ကအထိတော့ ဆွမ္မရာချောင်းတစ်ဖက်ကမ်းအထိ ရောက်နေပြီလို့သိရပါတယ်။
ကသည်းအဖွဲ့တွေ ခုလိုစိမ့်ဝင်လာနေတဲ့သတင်းကြောင့် နာဂလက်နက်ကိုင်အဖွဲ့တွေဖြစ်တဲ့ NSCN(အန်းမိုင်း)အဖွဲ့နဲ့ NSCN-K (ယုန်းအောင်)အဖွဲ့တွေက ဆွမ္မရာမြို့အထွက် နယ်စပ်တကြောမှာ စစ်အင်အားအလုံးအရင်းချထားတာကြောင့် တိုက်ပွဲဖြစ်လာမည်ကိုဒေသခံများစိုးရိမ်နေရကြောင်း နောက်ထပ်ဒေသခံအမျိုးသားတစ်ဦး ပြောပါတယ်။
“ဒီဘက် NSCN-K အဖွဲ့တွေလည်း ဆွမ္မရာချောင်းဒီဘက်ကနေစောင့်နေကြတယ် ကျော်လာရင်တော့ပစ်ဖို့အဆင်သင့်အနေအထားပဲ။ဘယ်လိုဖြစ်လာမလဲတော့မသိသေးဘူးဒေသခံတွေကတော့စိုးရိမ်တာပေါ့တိုက်ပွဲ ဖြစ်လာမှာလည်းမလိုလာဘူး”လို့သူကဆက်ပြောပါတယ်။
ကသည်းလက်နက်ကိုင်အဖွဲ့နဲ့ NSCN-Kအဖွဲ့တွေအကြား စစ်ရေးတင်းမာနေတာကြောင့် ဆွမ္မရာမြို့အနီးတဝိုက်ကျေးရွာနေပြည်သူတချို့ကြိုတင်တိမ်းရှာင်ရတာတွေလည်းရှိတယ်လို့သိရပါတယ်။
ဒေသခံတွေသုံးသပ်ချက်အရ အဲ့ဒီကကည်းလက်နက်ကိုင်တွေဟာ ပြီးခဲ့တဲ့ ၂၀၂၃ ခုနှစ်မှာ စစ်ကောင်စီတပ်တွေတပ်ဆုတ်စွန့်ခွာခဲ့တဲ့ပန်ဆပ်ကျေးရွာအနီးက စခန်းကုန်းမှာတပ်စွဲဖို့ဝင်ရောက်လာတာဖြစ်နိုင်တယ်လို့ သုံးသပ် နေကြပေမယ့် အသေးစိတ်သိရဖို့ KNG က ကြိုးစားနေဆဲဖြစ်ပါတယ်။
လက်ရှိ ကသည်းလက်နက်ကိုင်တွေ စိမ့်ဝင်လာနေတဲ့ ဆွမ္မရာမြို့ဟာ အိန္ဒိယ–မြန်မာနယ်စပ်ရှိ မြန်မာဘက်ခြမ်းက အစွန်ဆုံးမြို့တစ်မြို့ဖြစ်ပါတယ်။
ကသည်းလက်နက်ကိုင်တွေဟာ နာဂဒေသထဲစိမ့်ဝင်လာရုံမကပဲ ပြီးခဲ့တဲ့ ၂၀၂၃၊ ၂၀၂၅ ခုနှစ်တွေမှာလည်း တမူးမြို့နယ်ထဲ တော်လှန် ရေးတပ်ဖွဲ့တွေနဲ့မကြာခနထိတွေ့တိုက်ပွဲ ဖြစ်ပွားလျက်ရှိတဲ့အဖွဲ့ဖြစ်ပါတယ်။
ဒါ့အပြင် ကသည်းလက်နက်ကိုင်အဖွဲ့ဟာ အိန္ဒိယနိုင်ငံ မဏိီပူပြည်နယ်မှာအခြေစိုက်ထားပေမယ့် အိန္ဒယအစိုးရက အကြမ်းဖက်အဖွဲ့အဖြစ်ကြေငြာထားတဲ့အဖွဲ့ဖြစ်ပါတယ်။
By – Zaw Zaw
