ခတ်ချို

ရေဘေးဒဏ်ကြောင့် ဝိုင်းမော်မြို့နယ် မြစ်ကမ်းနံဘေး ရွာ ၃ရွာက လူနေအိမ် ၈၀ ဝန်းကျင်ထိခိုက်ပျက်စီး

ရေဘေးသင့်ခဲ့တဲ့ ကချင်ပြည်နယ် ဝိုင်းမော်မြို့နယ် မြစ်ကမ်းနံဘေးမှာရှိတဲ့ ရွာပေါင်း ၃ ရွာက နေအိမ် ၈၀ကျော် ထိခိုက်ပျက်စီးခဲ့ပြီး ပြန်လည်ထူထောင်ရေးကို ကိုယ်ထူကိုယ်ထစနစ်နဲ့လုပ်ဆောင်နေကြပြီဖြစ်တယ်လို့ ရေဘေးသင့်ပြည်သူတွေကပြောပါတယ်။ ရေကြီးရေလျှံမှုကြောင့် နေအိမ်ထိခိုက်ပျက်စီသွားတဲ့ရွာတွေဟာ မိုင်းနားကျေးရွာ၊ ခတ်ချိုနဲ့ နောင်တာလော ရွာတွေကဖြစ်တယ်လို့  ဝိုင်းမော်အခြေစိုက်လူမှုကယ်ဆယ်ရေးအသင်းတွေနဲ့ ဒေသခံတွေရဲ့ ပြောကြားအချက်အရ သိရပါတယ်။ အဲဒီထဲမှ ထိခိုက်ပျက်စီးမှုအများဆုံးဟာ မိုင်းကျေးရွာအုပ်စုထဲက ဟိုးလော်နဲ့ရဝမ်ကထောင်ရပ်ကွက်အပြင် နောင်တလောကျေးရွာမှာရှိတဲ့ ရေလည်ကျွန်းက နောင်တာလော ရပ်ကွက် ၂တို့ ဖြစ်တယ်လို့ သိရပါတယ်။ “ထိခိုက်ဆုံးရှုံးမှုတွေကတော့ နေအိမ်တွေ ဝန်းတွေ ပေ ၆၀နဲ့ ၇၀ ဝန်းကျင်လောက်တော့ရှိမယ်ထင်တယ် မြေပြိုပြီးပါသွားတယ်”လို့ မိုင်းနားရပ်ကွက်နေပြည်သူတစ်ဦးကပြောပါတယ်။ မိုင်းနားကျေးရွာအုပ်စု ထိခိုက်ပျက်စီးသွားတဲ့နေအိမ် ၁၆ အိမ်၊ ခတ်ချိုကျေးရွာ နေအိမ် ၃၈ အိမ်၊ နောင်တာလော‌ကျေးရွာရပ်ကွက်(၂)က ရေလည်ကျွန်းမှာရှိတဲ့ အိမ်ခြေ(၂၆) အိမ်ထဲက ၅ အိမ်သာကျန်ရှိတော့တယ်လို့ နောင်တာလောအခြေစိုက် မြင့်မြတ်စေတနာလူမှုကယ်ဆယ်ရေးအသင်းရဲံ အဖွဲ့ဝင်တစ်ဦးက ဆိုပါတယ်။ “အဓိကအားဖြင့်အိမ်လုံးဝမရှိတော့တဲ့သူတွေအတွက်တော့ တအားခက်ခဲနေတယ်ပေါ့ စားဖို့သောက်ဖို့ကအစပေါ့ သူတို့က အိမ်တွေဝင်းတွေအကုန်ပါသွားတဲ့အခါကြတော့ သူတို့အတွက် ကူညီပေးနိုင်တဲ့အဖွဲ့အစည်းတွေ နေမယ့်နေရာနဲ့ စားဖို့သောက်ဖို့ကူညီပေးရင်တော့ ကောင်းတာပေါ့”လို့ သူကဆက်ပြောပါတယ်။  နေအိမ်နဲ့ အိမ်ခြံဝန်းတွေ ထိခိုက်ဆုံးရှုံးသွားတာကတော့ များသောအားဖြင့် မြစ်ကမ်းနားဘေးနားနေထိုင်တဲ့သူတွေဖြစ်ပြီး လတ်တလောမှာတော့ နီးစပ်ရာဆွေမျိုးတွေရဲ့ အိမ်တွေနဲ့ ဘုန်းကြီးကျောင်းတွေမှာ နေထိုင်တဲ့သူတွေရှိသလို တစ်ချို့ကတော့ နေအိမ်တွေပြိုသွားပေမယ့် အဲဒီခြုံဝန်းထဲမှာဘဲ တဲထိုးပြီးနေနေကြတယ်လို့ ဝိုင်းမော်ဒေသခံတွေဆီကနေ သိရပါတယ်။ အခုလိုပျက်စီးဆုံးရှုံးမှုအခြေအနေတွေကြောင့် ဝိုင်းမော်မြစ်ကမ်းပါးတစ်လျှောက်မှာနေထိုင်တဲ့သူတွေအနေနဲ့လည်း ကမ်းပါးတစ်လျှောက် ရေကာတာတွေကို သေချာဆောက်လုပ်ပေးဖို့ မျှော်လင့်နေကြတာဘဲ ဖြစ်ပါတယ်။ ဒါပေမယ့်လည်း လက်ရှိနိုင်ငံရေးအခြေအနေအရ ဝိုင်းမော်မြို့နယ်တစ်ဝိုက်မှာ ကေအိုင်အေပူးပေါင်းတပ်တွေနဲ့ စစ်ကောင်စီတပ်တို့ စစ်ရေးပြင်းထန်နေတဲ့အတွက် တာဝန်ရှိသူတွေအနေနဲ့ သေချာတာဝန်ယူဆောင်ရွက်ပေးနိုင်ခြင်းမရှိတဲ့အပြင် ရေဘေးပြန်လည်ထူထောင်ရေးနဲ့ ပက်သက်ပြီး ဝိုင်းမော်ဒေသခံတွေနဲ့ ဝိုင်းမော်အခြေစိုက်လူမှုကယ်ဆယ်ရေးအသင်းတွေ ကသာ ကိုယ်ထူကိုယ်ထဆောင်ရွက်နေတယ်လို့ သိရပါတယ်။ ကချင်ပြည်နယ်မှာ ဇူလိုင်လ လဆန်းပိုင်း ဧရာဝတီမြစ်ရေဟာ မြစ်ကြီးနားမြို့ စိုးရိမ်ရေအမှတ် ၁၂၀၀ စင်တီမီတာထက် ၆ ပေကျော် စံချိန်တင်မြင့်တက်ခဲ့တာကြောင့်…

Read More »

ဝိုင်းမော်မြို့ အနီးပတ်ဝန်းကျင်မှာရှိတဲ့ ပြည်သူတွေ လုံခြုံတဲ့နေရာပြင်ဆင်ထားဖို့လိုတယ်လို့ ဗိုလ်မှူးကြီးနော်ဘူပြော

ကချင်ပြည်နယ် ဝိုင်းမော်မြို့နဲ့ပတ်ဝန်းကျင်မှာရှိတဲ့ ပြည်သူတွေအနေနဲ့ လုံခြုံတဲ့နေရာတွေပြင်ဆင်ထားဖို့လိုတယ်လို့ KIO သတင်းနဲ့ ပြန်ကြားရေးတာဝန်ခံ ဗိုလ်မှူးကြီးနော်ဘူကပြောပါတယ်။ ပြီးခဲ့တဲ့ ဇွန်လ ၈ ရက်နေ့လောက်ကစပြီး မြစ်ကြီးနားဘက်ကနေပစ်ခတ်လိုက်တဲ့လက်နက်ကြီးတွေဟာ ဝိုင်းမော်မြို့နယ်ထဲက အရပ်သားတွေနေတဲ့နေရာတွေမှာကျရောက်ပေါက်ကွဲခဲ့ပြီး အရပ်သားသေဆုံးမှုမြင့်တက်လာတာကြောင့် ပြည်သူတွေအနေနဲ့ ဘေးလွတ်ပြီးလုံခြုံတဲ့နေပြင်ဆင်ထားဖို့ လိုတယ်လို့ KIO သတင်းနဲ့ပြန်ကြားရေးတာဝန်ခံဗိုလ်မှူးကြီးနော်ဘူက ခုလိုပြောပါတယ်။ “အဓိကကတော့ စကစဘက်က ရန်သူရှိမရှိဘာမှနားမလည်ဘူး ပြည်သူလူထုရှိတဲ့ဘက်မှာပဲ ရမ်းပစ်နေတာ အဲ့တာကိုတော့ကျနော်တို့ဂရုစိုက်ဖို့လိုပါတယ်။ တိုက်ပွဲမရှိဘူး KIA တွေမရှိဘူးဆိုပြီးမှ ကိုယ့်ရဲ့ နေရာတွေ ရပ်ကွက်တွေကလုံခြုံတာမဟုတ်ဘူးအဲ့တာကိုကျနော်ပြောလိုပါတယ်။ ဒါ့ကြောင့် လုံခြုံတဲ့နေရာတွေတော့ ပြင်ဆင်ထားဖို့ကတော့ လိုတယ်လို့ပြောလိုပါတယ်။”လို့ ဗိုလ်မှူးကြီးနော်ဘူကပြောပါတယ်။ ဒါ့အပြင် တိုက်ပွဲတွေအတွင်း ကျေးရွာရပ်ကွက်တွေမှာရှိတဲ့ ဘာသာရေးအဆောက်အဦးနဲ့စာသင်ကျောင်းတွေမှာ စစ်ရှောင်တွေအနေနဲ့တိမ်းရှောင်နေကြပေမယ့် ဒီနေရာတွေကိုလည်း စစ်တပ်ကပစ်မှတ်ထားတိုက်ခိုက်လာတာကြောင့် လုံခြုံမှုမရှိတော့ဘူးလို့ သူက ဆက်ပြောပါတယ်။ ဒီရက်ပိုင်းအတွင်း စစ်ကောင်စီတပ်ရဲ့လက်နက်ကြီးပစ်ခတ်မှုကြောင့် ခတ်ချိုရွာနဲ့ သိမ်ကြီးစုရွာမှာ ဇွန်လ ၁၁ ရက်နေ့နဲ့ ၁၂ ရက်နေ့ နှစ်ရက်ဆက်တိုက်အရပ်သားသေဆုံးမှုတွေရှိခဲ့ပြီး လက်နက်ကြီးကျခဲ့တဲ့နေရာတွေနဲ့ ဝိုင်းမော်မြို့ပတ်ဝန်းကျင်မှာ တိုက်ပွဲကြီးကြီးမားမားဖြစ်တာမရှိဘူးလို့ ဗိုလ်မှူးကြီးနော်ဘူကဆက် ပြောပါ တယ်။ “ဝိုင်းမော်မြို့ရဲ့ပတ်ဝန်းကျင်မှာကတော့တိုက်ပွဲတွေကမရှိပါဘူး ဒါပေမဲ့ စကစဘက်ကတော့ သူတို့ လုံခြုံ ရေး မြှင့်ပြီးမှတစ်ခါတစ်ရံ ထိတွေ့ရင်ဆိုင်တိုက်ပွဲတွေတော့ရှိပါတယ်။ နောက်တစ်ခုက သူတို့ မပခ ဘက်က နေ လက်နက်ကြီးနဲ့ပစ်တာတွေရှိတယ်။ ပြီးတော့ဒရုန်းနဲ့လေကြောင်းတွေရောပေါ့။ မြေပြင်တိုက်ပွဲကြီးကြီး ကျယ်ကျယ်ကတော့မရှိပါဘူး”လို့ပြောပါတယ်။ ပြီးခဲ့တဲ့ မေလ ၁၈ ရက်နေ့ကစလို့ ကချင်လွတ်လပ်ရေးတပ်မတော် KIA နဲ့ပူးပေါင်းတပ်ဖွဲ့တွေဟာ ဝိုင်းမော်မြို့နယ်ထဲက ရွှေညောင်ပင် ခမရ ၃၂၁ တပ်ရင်းကိုပါသိမ်းပိုက်ခဲ့ပြီးနောက် စစ်တပ်က ပစ်ခတ်လိုက်တဲ့လက်နက်ကြီးကြောင့် ခတ်ချိုရွာက အရပ်သား ၁၀  ဦး၊  ဝိုင်းမော်မြို့ သိမ်ကြီးစုက တစ်ဦး၊ လမြန်ရွာက ဒေသခံတစ်ဦး လက်နက်ကြီးထိမှန်သေဆုံးခဲ့ တစ်လအတွင်း လက်နက်ကြီးကျည်ကြောင့် သေဆုံးသူ ၁၂ ဦးနဲ့ ကျည်ထိမှန်သေဆုံးတဲ့အရပ်သား ၂၀ ကျော်အထိရှိလာပြီဖြစ်ပါတယ်။ အဲ့ဒီတိုက်ပွဲကြောင့်ပဲ ဝိုင်းမော်မြို့နယ်ထဲက အရပ်သားသောင်းနဲ့ချီ မြစ်ကြီးနားနဲ့ ဝိုင်းမော်မြို့နယ်ထဲက ဘေးလွှတ်ရာနေရာတွေမှာတိမ်းရှောင်နေကြရတာဖြစ်ပြီး စစ်ကောင်စီတပ်ဘက်ကလည်း ဝိုင်းမော်မြို့အထိ KIA ပူးပေါင်းတပ်ဘက်က စစ်ရေးခြိမ်းခြောက်လာလို့ စစ်ရေးပြင်ဆင်မှုတွေရှိတယ်လို့ ဒေသခံတွေဆီက သိရပါတယ်။ By – အမိုး

Read More »

ဝိုင်းမော်မြို့နယ် ခတ်ချို့ရွာလက်နက်ကြီးကျလို့အရပ်သားတစ်ဦးသေဆုံး ၆ ဦးဒဏ်ရာရ

ကချင်ပြည်နယ် ဝိုင်းမော်မြို့နယ် ခတ်ချိုရွာမှာ မနေ့က ညပိုင်း ၈ နာရီလောက်က လက်နက်ကြီးကျရောက်ပေါက်ကွဲလို့ အရပ်သားတစ်ဦးသေဆုံးခဲ့ပြီး ၆ ဦးဒဏ်ရာရရှိခဲ့တယ်လို့ ဒေသခံတွေဆီကသိရ ပါတယ်။ သေဆုံးခဲ့တဲ့သူဟာ အသက် ၂၆ နှစ်အရွယ် ကိုသားငယ်ဆိုသူဖြစ်ပြီး လက်နက်ကြီးထိမှန်ပြီးနောက် ဝိုင်းမော်ဆေးရုံအရောက်မှာသေဆုံးခဲ့ရတာဖြစ်တယ်လို့ ဒေသခံတစ်ယောက်ကပြောပါတယ်။ “မနေ့ည ၈ နာရီဝန်းကျင်လောက်ကလက်နက်ကြီးကျတာ လူ၇ယောက်ထိတယ်လို့သိရတယ်။ တစ်ယောက် ကတော့ဆုံးသွားတယ်။ မနေ့ညကချက်ချင်းပဲလေ ဖြစ်တာနဲ့ ၄ ယောက်ကို သုံးဘီးနဲ့ချက်ချင်း ပို့တာ ဒါပေမဲ့ အဲ့ ၄ ယောက်ထဲကတစ်ယောက်ကတော့ ဆေးရုံရောက်တာနဲ့ဆုံးသွားတယ်လို့ပြောတယ်။”လို့ပြောပါတယ်။ ထိခိုက်ဒဏ်ရာရရှိခဲ့တဲ့သူတွေကတော့ ကိုအာကာ ၂၈ နှစ်၊ မနန်းပို ၂၆နှစ်၊ အောင်ကျော်မြင့် ၂၇ နှစ်၊ ဒေါ်ညွန့်ခိုင် ၅၀ နှစ်၊ အားရှမ်းကော ၅၀ နှစ် နဲ့ အမည်မသိတဲ့နောက်ထပ်အရပ်သားတစ်ယောက်တို့ ထိခိုက် ဒဏ်ရာရရှိခဲ့ပြီး ၃ ယောက်က ဒဏ်ရာပြင်းထန်လို့ ဝိုင်းမော်ဆေးရုံကိုပို့ဆောင်ထားတယ်လို့ သိရပါတယ်။ ဇွန်လ ၁၀ ရက်နေ့ မနက်ပိုင်း ၅ နာရီလောက်ကနေ စစ်ကောင်စီနဲ့ KIA ပူးပေါင်းအဖွဲ့တွေ ဝိုင်းမော်မြို့နယ်ထဲမှာ တိုက်ပွဲတွေဖြစ်ပွားခဲ့တယ်လို့သိရပြီး ခတ်ချို၊နောင်စီပေါ စတဲ့ရွာနှစ်ရွာကနေထွက်လာတဲ့ စစ်ကောင်စီတပ်ဖွဲ့တွေနဲ့ တိုက်ပွဲတွေဖြစ်ခဲ့တာလို့သိရပါတယ်။ ဒါ့ကြောင့် စစ်တပ်ကမနေ့ကတစ်နေကုန် လက်နက်ကြီးသံတွေကြားနေခဲ့ရတယ်လို့ ဝိုင်းမော်မြို့နယ် ခတ်ချိုရွာက ဒေသခံတစ်ဦးကပြောပါတယ်။ “လက်နက်ကြီးကတော့ မနေ့ကတစ်နေကုန်ပဲဒါပေမဲ့ဆက်တိုက်တော့မဟုတ်ဘူး တစ်ခါတစ်လေခြောက် လှန့်တာ အဲ့ပုံစံနဲ့လည်းဖြစ်နိုင်တယ်။  အသံတွေကတော့ကြားနေရတယ် ဘယ်ကပစ်နေမှန်းတော့မသိဘူး။”လို့ပြောပါတယ်။ ကချင်လွတ်လပ်ရေးတပ်မတော် KIA နဲ့ ပူးပေါင်းတပ်ဖွဲ့တွေဟာ ပြီးခဲ့တဲ့ မေလ ၁၈ ရက်နေ့ကတည်းက စပြီး ဝိုင်းမော်မြို့နဲ့အနီးတစ်ဝှိုက်မှာရှိတဲ့ စစ်ကောင်စီရဲ့တပ်စခန်းတွေကို သိမ်းပိုက်ဖို့စစ်ရေးအရှိန်မြင့်ခဲ့ရာ ဝိုင်းမော် မြို့အထွက်မှာရှိတဲ့ ရွှေညောင်ပင် ခမရ ၃၂၁ ကိုသိမ်းပိုက်နိုင်ခဲ့ပါတယ်။ အဲ့ဒီလို တပ်စခန်းကြီးကို လက်လွှတ်ခဲ့ရတဲ့ စစ်ကောင်စီတပ်ဘက်ကလည်း ဝိုင်းမော်မြို့ကိုလက်မလွှတ်ရရေးအတွက် အင်အားဖြည့်တင်းတာတွေရှိနေသလို ဧရာဝတီမြစ်တစ်ဖက်ကမ်း မြစ်ကြီးနားမြို့ကနေ လက်နက်ကြီးတွေနဲ့ ရမ်းသမ်းပစ်ခတ်တာတွေလုပ်နေတယ်လို့ ဒေသခံတွေကပြောပါတယ်။ ပြီးခဲ့တဲ့ ဇွန်လ ၈ ရက်နေ့မနက်ပိုင်းကဆိုရင်လည်း ဘယ်အဖွဲ့အစည်းကပစ်ခတ်တဲ့လက်နက်ကြီးမှန်းမသိတဲ့ လက်နက်ကြီး ၃ လုံး ခတ်ချိုကျေးရွာက ဘုန်းကြီးကျောင်းနဲ့ နေအိမ်တစ်လုံးပေါ်ကျရောက်ခဲ့ပြီး ကားတစ်စီး နဲ့ နေအိမ် ခေါင်မိုးပျက်စီးခဲ့တဲ့အပြင် တစ်လအတွင်းမှာ အရပ်သား ထိခိုက်သေဆုံးတာ ၃၀ ဝန်းကျင်ရှိလာပြီဖြစ်ပါတယ်။ By – အမိုး

Read More »

ဝိုင်းမော်မြို့နယ် ခတ်ချိုကျေးရွာ ဘုန်းကြီးကျောင်းနဲ့လူနေအိမ်ပေါ် လက်နက်ကြီးကျ

ကချင်ပြည်နယ် ဝိုင်းမော်မြို့နယ် ခတ်ချိုကျေးရွာ ဘုန်းကြီးကျောင်းတစ်ခုနဲ့အရပ်သားနေအိမ်ပေါ် ဇွန်လ ၈ ရက်နေ့ မနက်ပိုင်း ၉နာရီဝန်းကျင်လောက်က လက်နက်ကြီးကျရောက်ခဲ့တယ်လို့ ဒေသခံတွေဆီကသိရပါ တယ်။ ခတ်ချိုရပ်ကွက်မှာရှိတဲ့ ဝေဠုဝန်ဆိုတဲ့ဘုန်းကြီးကျောင်းနဲ့ နေအိမ်တစ်လုံးပေါ်လက်နက်ကြီးကျခဲ့တာဖြစ်ပြီး ဘုန်းကြီးကျောင်းအတွင်းကျရောက်ခဲ့တဲ့ လက်နက်ကြီး၂လုံးက ပေါက်ကွဲခြင်းမရှိလို့လူထိခိုက်မှုတော့မရှိခဲ့ဘူးလို့ သိရပါတယ်။ အရပ်သားနေအိမ်ပေါ်ကျရောက်ပေါက်ကွဲခဲ့တဲ့လက်နက်ကြီးကြောင့်တော့ ကားနဲ့ခေါင်မိုးတွေပျက်စီးခဲ့ရတယ်လို့ ဝိုင်းမော် ခတ်ချိုရပ်ကွက်က ဦးဇင်းတစ်ပါးကမိန့်ပါတယ်။ “ခတ်ချိုအထက်ပိုင်း ဝေဠုဝန်ကျောင်းနဲ့လူနေအိမ်မှာကျတာ လူတွေတော့ထိခိုက်မှုမရှိခဲ့ဘူး မပေါက် ကွဲတာ က နှစ်လုံးဘုန်းကြီးကျောင်းထဲမှာ ဘုန်းကြီးကျောင်းအနောက်ဘက်ကလူနေအိမ်မှာကျတာက လူတော့မထိ ဘူး ကားနဲ့ခေါင်မိုးတွေတော့ပျက်စီးသွားတယ်”လို့ဆိုပါတယ်။ လက်နက်ကြီးကျရောက်ပေါက်ကွဲခဲ့တဲ့ ဝေဠုဝန်ဘုန်းကြီးကျောင်းတစ်ဝှိုက်မှာ အရပ်သားတွေနေထိုင်ကြတာဖြစ်ပြီး လက်နက်ကြီးကတော့ ဘယ်အဖွဲ့အစည်းကပစ်ခတ်တဲ့လက်နက်ကြီးဆိုတာတော့ အတည်မပြုနိုင်သေးဘူးလို့ဆိုပါတယ်။ ဒါပေမယ့် အခုလို လက်နက်ကြီးကျရောက်ပေါက်ကွဲခဲ့တဲ့အတွက် ဝေဠုဝန်ဘုန်းကြီးကျောင်းက ဦးဇင်းနဲ့ ကိုယ်ရင်တွေအပါအဝင် ဘုန်းကြီးကျောင်းအနီးတစ်ဝှိုက်နေထိုင်တဲ့အရပ်သားတွေပါ ဘေးလွှတ်ရာကိုရွှေ့ပြောင်းထားတယ် လို့ အခြေနေသိရှိသူတွေကပြောပါတယ်။ အခုလိုပစ်ခတ်မှုတွေကြောင့် စစ်ရေးတင်းမာနေကြတဲ့ နှစ်ဖက်တပ်တွေ အရပ်သားတွေနေထိုင်ရာဒေသ တွေကိုကြည့်ရှုပြီးရမ်းသမ်းမပစ်ခတ်ကြဖို့ ဝိုင်းမော်မြို့နယ်ထဲက ဝိုင်းရှောင်ဆရာတော်က သူ့ရဲ့လူမှုကွန်ယက် စာမျက်နှာကတစ်ဆင့်တောင်းဆိုထားပါတယ်။ “ ဘုန်းကြီးကျောင်းနဲ့ စစ်ရှောင်စခန်းတွေမှာ သာသနာ့အလံနဲ့ အလံဖြူတွေအကုန်လုံးလွှင့်ထားတယ်။ အခုလည်းထပ်ပြီးသတိပေးပါတယ် နှစ်ဖက်စစ်ခင်းကြတဲ့သူတွေ ပစ်ချင်ရင်လည်းသေချာကြည့်ပြီးပစ်ပါ။ ရမ်းပစ်ရင် မသက်ဆိုင်တဲ့သူတွေအများကြီးထိခိုက်သွားနိုင်တယ်” လို့ဝိုင်းမော်မြို့နယ်က ဝါရှောင်ဆရာတော်ကမိန့်ပါတယ်။ ကချင်လွတ်လပ်ရေးတပ်မတော် KIA ပူးပေါင်းတပ်ဖွဲ့တွေနဲ့ စစ်ကောင်စီတပ်တွေအကြား ပြီးခဲ့တဲ့ မတ်လ ၁၈ ရက်နေ့ကတည်းက ဝိုင်းမော်မြို့နယ်အတွင်း တိုက်ပွဲတွေပြင်းထန်နေတာဖြစ်ပြီးတော့ အရပ်သားသောင်းနဲ့ချီ ဘေးလွှတ်ရာကိုထွက်ပြေးနေကြရတာဖြစ်ပါတယ်။ အဲ့ဒီမတ်လ ၁၈ ရက်နေ့ကစတင်ခဲ့တဲ့ နှစ်ဖက်တပ်တွေအကြားတိုက်ပွဲမှာ လက်နက်ကြီးရမ်းသမ်းပစ်ခတ်မှု တွေကြောင့် ဝိုင်းမော်မြို့နယ် ခတ်ချိုရပ်ကွက်ကအပါအဝင် အရပ်သား ၁၀ ယောက်ထက်မနည်းသေဆုံးခဲ့ရ ပြီးဖြစ်ပါတယ်။ By – အမိုး

Read More »

ခတ်ချို-စန်းကားလမ်းပိတ်ထားလို့ ငှက်ပျောကားများ ရွာပတ်လမ်းကိုအသုံးပြုနေတဲ့အတွက် တံတားတွေ ပျက်စီးမှာဒေသခံတွေစိုးရိမ်

ကချင်ပြည်နယ် ဝိုင်းမော်မြို့နယ်က ဒေသခံတွေအဓိကအသုံးပြုတဲ့ ခတ်ချို-စန်းကား ကားလမ်းမပိတ်ထားလို့ ငှက်ပျောကားတွေဟာ ရွာနောက်ဖေးလမ်းကြားတွေကိုအသုံးပြုနေတာကြောင့် အဲ့ဒီလမ်းတွေမှာရှိတဲ့ တံတားငယ်တွေပျက်စီးမှာကိုဒေသခံတွေစိုးရိမ်နေကြတယ်လို့ သိရပါတယ်။ ပုံမှန်ဆိုရင် ငှက်ပျောသီးတွေကို  ၁၂ ဘီးတွဲကားကြီးတွေနဲ့သယ်ယူတာဖြစ်ပေမယ့် လက်ရှိလမ်းပိတ်ထားတဲ့အခြေနေတွေကြောင့် တုံဖုန်းကား(လေးဘီးကား) တွေနဲ့တင်ကာ ရွာနောက်ဖေးလမ်းကနေ သွားလာနေကြတယ်လို့ ဒေသခံတွေကဆိုပါတယ်။ “အခုလောလောဆယ်က ခတ်ချိုဘက်ကလမ်းကပိတ်ထားတယ်။ အခုက တော်တော်များများက ဒီမုတ်လွဲ လမ်း ဒီလမ်းသေးသေးလေးကိုပဲဝိုင်းသုံးကြတယ်ဆိုတော့ ငှက်ပျောကားတွေဘာညာက ဒီလောက်များတာ တွဲကားကြီးတွေနဲ့တင်တာတော့မဟုတ်တော့ဘူးပေါ့ တုံဖုန်းကားနဲ့ပေါ့ ဒါပေမဲ့ အစီးရေကအများကြီးပဲဆို တော့ ဒီပုံစံနဲ့ဆိုတံတားပါကျိုးပျက်သွားနိုင်တဲ့အခြေနေပေါ့”လို့ဒေသခံတစ်ယောက်ကပြောပါတယ်။ ကချင်လွတ်လပ်ရေးတပ်မတော် KIA ပူးပေါင်းတပ်တွေ နဲ့ စစ်ကောင်စီတပ်တွေအကြား ပြီးခဲ့တဲ့ မေလ ၁၈ ရက်နေ့က စတင်ဖြစ်ပွားခဲ့တဲ့တိုက်ပွဲတွေကြောင့် တိုက်ပွဲဖြစ်ပြီး နှစ်ရက်အကြာမှာ ခတ်ချို-စန်းကားလမ်းကနေ ကားတွေသွားလာခွင့်ကိုစစ်ကောင်စီတပ်ကအသုံးပြုခွင့်မပေးဘဲ ပိတ်ဆို့ထားခဲ့တာဖြစ်ပါတယ်။ အဲ့ဒီလမ်းမကြီးကိုပိတ်လိုက်တဲ့နောက် ခတ်ချိုရပ်ကွက်နဲ့အနီးတစ်ဝှိုက်မှာ တိမ်းရှောင်နေကြတဲ့အရပ်သားတွေအတွက် လိုအပ်တဲ့စားနပ်ရိက္ခာတွေကိုလည်း ရွာလမ်းကြားတွေကိုသာအသုံးပြုနေရသလို တန်ချိန်လေးလံတဲ့ ငှက်ပျောကားတွေကပါ ဒီလမ်းကြားတွေကိုအသုံးပြုလာတဲ့အတွက်ဒေသခံတွေစိုးရိမ်နေကြ တာဖြစ်ပါတယ်။ ဒါ့ကြောင့် ဒီရွာလမ်းကြားကိုအသုံးပြုရင်လည်း လမ်းပိုင်းမှာရှိတဲ့ တံတားတွေရဲ့ခံနိုင်ဝန်လောက်ကိုပဲ ကုန်တွေသယ်ပေးကြဖို့ ဒေသခံတွေကတောင်းဆိုနေကြပါတယ်။ “ဒီသူတို့သုံးနေတဲ့ မုတ်လွဲလမ်းဆိုရင်လည်း တံတားနှစ်ခုရှိတယ်။ မုတ်လွဲတံတားနဲ့ သံတံတား အခုကလည်း ပြောရမယ်ဆိုရင် တံတားရဲ့ တန်ခံနိုင်ဝန်ကိုချင့်ချိန်ပြီးတော့ ဒီငှက်ပျောတင်ကားတို့ ဆန်တင်ကားတို့ ဘာပဲဖြစ်ဖြစ်ပေါ့ ဝိတ်အရမ်းလေးရင်လျော့တင်ပေးဖို့ မေတ္တာရပ်ခံ ချင်ပါတယ်။ ဒီတံတားတွေသာ ကျိုးသွားရင် တစ်မြို့လုံးဒုက္ခရောက်မှာ ဒီလိုအခြေနေမျိုးမှာ ပြန်ပြင်ဖို့လည်း မလွယ်ဘူး တာဝန်ယူမယ့် သူလည်းမရှိဘူး “လို့ဒေသခံတစ်ဦး ကပြောပါတယ်။ ကချင်ပြည်နယ် တစ်ပြည်နယ်လုံးအတိုင်းအတာနဲ့ စစ်ဆင်ရေးတွေစတင်ခဲ့တဲ့ KIA နဲ့ပူပေါင်းအဖွဲ့တွေရဲ့ မြို့သိမ်း၊ စခန်းသိမ်းတိုက်ပွဲတွေဟာ ဒီနေ့အထိအရှိန်မြင့်နေဆဲဖြစ်ပြီး အဲ့ဒီလိုတိုက်ပွဲအရှိန်တွေပြင်းထန် လာတာနဲ့အတူ ဒေသခံအရပ်သားတွေကလည်း အဘက်ဘက်ကနေ ဒုက္ခတွေကြုံတွေ့လာရတာဖြစ်ပါ တယ်။ လက်ရှိမှာတော့ ဝိုင်းမော်မြို့နယ်ထဲက ရွာပေါင်း ၂၀ လောက်အပါအဝင် ဧရာဝတီမြစ်အရှေ့ခြမ်း ဗန်းမော်၊ မံစီ၊ မိုးမောက် စတဲ့မြို့ကြီးတွေမှာရှိတဲ့ အရပ်သားတွေသောင်းနဲ့ချီဘေးလွှတ်ရာတွေမှာထွက်ပြေးတိမ်း ရှောင်နေကြရပါတယ်။ By – အမိုး

Read More »

ဝိုင်းမော် ခတ်ချိုလက်နက်ကြီးကျလို့ ထိခိုက်ဒဏ်ရာရတဲ့ထဲက အမျိုးသမီးတစ်ယောက်ထပ်မံသေဆုံး

ဝိုင်းမော်မြို့နယ် ခတ်ချိုရွာ ကွက်သစ်ရပ်ကွက်မှာ ပြီးခဲ့တဲ့ မေလ ၂၀ ရက်နေ့က လက်နက်ကြီးကျရောက်ပေါက်ကွဲလို့ ထိခိုက်ဒဏ်ရာရတဲ့ထဲက အမျိုးသမီးတစ်ယောက် ဆေးကုသမှုခံယူရင်း ဒီကနေ့ပဲသေဆုံးသွားတယ်လို့ ဒေသခံတွေဆီကသိရပါတယ်။ အဲ့ဒီလက်နက်ကြီးကျရောက်ပေါက်ကွဲခဲ့တဲ့ဖြစ်စဥ်မှာ ကလေးငယ် ၂ ယောက်အပါအဝင် အရပ်သား ၆ ယောက်ပွဲချင်းပြီးသေဆုံးခဲ့တာဖြစ်ပြီးတော့ ၁၁ ယောက်ကထိခိုက်ဒဏ်ရာရခဲ့ရာ ဆေးကုသမှုခံယူနေရင်းသေဆုံးသွားတာလို့ ဒေသခံတစ်ယောက်ကပြောပါတယ်။ “ဒီနေ့တစ်ယောက်ဆုံးတယ် အဲ့ဒီဒဏ်ရာရတဲ့သူထဲကတစ်ယောက်ဆုံးတာ အမျိုးသမီးဟုတ်တယ်။ မနက်ဖြန်မှ သင်္ဂြိုဟ်မယ်“လို့ပြောပါတယ်။ သေဆုံးခဲ့သူအမျိုးသမီးဟာ အသက် ၅၆ နှစ်အရွယ်ရှိပြီဖြစ်ပြီးတော့ ဝမ်းဗိုက်မှာဒဏ်ရာရရာကနေ ၃ ရက်အကြာ ဆေးကုသမှုခံယူရင်းသေဆုံးခဲ့တာဖြစ်ပါတယ်။ စစ်ကောင်စီတပ်နဲ့ ကချင်လွတ်လပ်ရေးတပ်မတော် KIA ပူးပေါင်းအဖွဲ့တွေဟာ ပြီးခဲ့တဲ့ မေလ ၁၈ ရက်နေ့ ကစတင်ပြီးတော့ တိုက်ပွဲတွေပြင်းထန်ခဲ့ရာကနေ စစ်ကောင်စီတပ်ဘက်က မြစ်ကြီးနားမြို့ဘက်ကနေ လက်နက်ကြီးတွေနဲ့ဆက်တိုက်ပစ်ခတ်နေတာလို့ ဒေသခံတွေကဆိုပါတယ်။ ဒါ့အပြင် ဒီကနေ့မနက်ပိုင်းမှာဆိုရင်လည်း စစ်ကောင်စီကလေကြောင်းကနေ ရမ်းသမ်းပစ်ခတ်ခဲ့တာတွေ လုပ်ခဲ့တယ်လို့ ပြောပါတယ်။ “ဒီနေ့မနက် လေယာဥ်နဲ့ပစ်တော့ ရွှေညောင်ပင်ပန်းကုန်းက ကျောင်းဓမ္မာရုံကိုသွားထိတယ် နည်းနည်းထိ သွားတာပေါ့ ဒီမနက်က ၅ နာရီလောက်ကနေ လေယာဥ်ကဝဲနေတာ စောင့်ကြည့်နေတာပေါ့အခုပုံစံက တော့”လို့ဒေသခံတစ်ယောက်ကပြောပါတယ်။ တစ်ဖက်မှာတော့ အခုလိုနှစ်ဖက်တိုက်ပွဲတွေပြင်းထန်လာတာနဲ့အတူ ဒီနေ့အထိ ဝိုင်းမော်မြို့ပေါ်ကဒေသခံ တွေရော ကျေးရွာပေါင်း ၂၀ကျော်ကဒေသခံ သောင်းနဲ့ချီဘေးလွှတ်ရာကိုထွက်ပြေးနေကြတယ်လို့ ဒေသခံ တွေကပြောပါတယ်။ ခတ်ချိရွာမှာ ပြီးခဲ့တဲ့ မေလ ၁၈ ရက်နေ့က တိုက်ပွဲစဖြစ်တဲ့နေကနေ ဒီနေ့အထိ လက်နက်ကြီး နှစ်ကြိမ်တိုင်တိုင် ကျရောက်ပေါက်ကွဲခဲ့ပြီးတော့ အရပ်သား ၇ ယောက်သေဆုံးခဲ့ပြီဖြစ်သလို ၁၄ ယောက်ဒဏ်ရာရရှိခဲ့တယ်လို့သိရပါတယ်။ ဒေသခံတွေပြောဆိုချက်အရ ခတ်ချိုကျေးရွာရဲ့ မျက်နှာချင်းဆိုင် ဧရာဝတီမြစ်တစ်ကမ်း ဇီးကျွန်းမှာ စစ်တပ်က လက်နက်ကြီးထောင်ထားပြီး အဲဒီကနေ ပစ်ခတ်နေတော့ ခတ်ချိုရွာရဲ့နောက်ကျောမှာရှိတဲ့ ကွက်သစ်ရပ်ကွက်ထဲ ကျရောက်ပေါက်ကွဲနေတာလည်းဖြစ်ပါတယ်။ By – အမိုး

Read More »

ခတ်ချိုမှာ လက်နက်ကြီးကျလို့ ကလေး ၂ ယောက်အပါအဝင် ၆ ယောက်သေဆုံး၊

ဝိုင်းမော်မြို့နယ် ခတ်ချိုကျေးရွာ ကွက်သစ်ရပ်ကွက်မှာ ဒီနေ့ နေ့လည် ၁၂ နာရီလောက်က လက်နက်ကြီး ကျရောက်ပေါက်ကွဲလို့ အရပ်သား ၆ ဦးသေဆုံးခဲ့ပြီး ၁၁ ဦးထိခိုက်ဒဏ်ရာရရှိခဲ့တယ်လို့ ဒေသခံတွေ ဆီကသိရပါတယ်။ သေဆုံးခဲ့သူတွေထဲ ကလေး ၂ ဦးပါဝင်ပြီးတော့…

Read More »

ခတ်ချို၊မခန္တီး၊ နောင်ဟီး ကူးသို့ဆိပ်အားလုံး ယာယီပိတ်

မြစ်ကြီးနားမြို့ရဲ့ ဧရာဝတီမြစ်တစ်ဖက်ကမ်း ဝိုင်းမော်မြို့နယ်ထဲက ခတ်ချို၊ နောင်ဟီးရွာ၊ မခန္တီး ရွာမှာရှိတဲ့ ကူးသို့ဆိပ်တွေအားလုံးကို ဒီနေ့ နေ့လည်ကစပြီး ဖြတ်သန်းသွားလာခွင့်ယာယီပိတ်လိုက်ပြီဖြစ်တယ်လို့ ခတ်ချိုဒေသခံတွေကပြောပါတယ်။ မေလ ၂၀ ရက်နေ့ ဒီနေ့ နေ့လည် ၁ နာရီဝန်းကျင်ကစပြီး စစ်ကောင်စီတပ်ဘက်က ပိတ်ခိုင်းလိုက်တာဖြစ်တယ်လို့ ဒေသခံတွေကပြောပါတယ်။ “ဟုတ်တယ် နေ့လည်ကတည်းက ပိတ်ခိုင်းလိုက်တာတဲ့ ခုက ဘယ်စက်လှေမှမထွက်တော့ဘူးလို့ သိရတယ်”လို့ နောင်ဟီးဒေသခံတစ်ယောက်က ပြောပါတယ်။ ဒီကူးသို့ဆိပ်ရှိတဲ့ ခတ်ချို၊မခန္တီး၊ နောင်ဟီး တစ်ဆက်တည်းရှိတဲ့ရွာတွေဖြစ်ပြီး မြစ်ကြီးနားမြို့ရဲ့ ဧရာဝတီမြစ်တစ်ဖက်ကမ်းမှာရှိတဲ့ ရွာတွေဖြစ်ပါတယ်။ အိမ်ခြေအများအပြားရှိပြီး ရွာပေါင်း ၁၀ ရွာထက်မနည်းရှိပြီး ဒေသခံထောင်းချီဟာ မြစ်ကြီးနားဘက်ကိုသွားဖို့ စက်လှေနဲ့ကူးကြတဲ့ စက်လှေကူးသို့ဆိပ်တွေဖြစ်ပါတယ်။ အဲဒီထဲကမှ ခတ်ချိုကျေးရွာဟာ ဝိုင်းမော်မြို့နဲ့အနိီးဆုံးမှာရှိတဲ့ ရွာဖြစ်ပါတယ်။ ဒါ့အပြင် လက်ရှိတိုက်ပွဲပြင်းထန်နေတဲ့ ဝိုင်းမော်မြို့ကနေ – ရွှေညောင်၊အောင်မြေ ၁ ရွာဘက်ကို သွားတဲ့လမ်းမပေါ်ရှိပြီး အင်းလေးရွာမရောက်ခင် လမ်းဆုံကနေ ညာဘက်ကို ၅ မိနစ်ဝန်းကျင်ဝင်သွားရကာ ဧရာဝတီမြစ်ကမ်းနံဘေးရှိတဲ့ရွာဖြစ်ပါတယ်။  ခတ်ချိုရဲ့တစ်ဖက်ကမ်းမှာတော့ ဇီးလွန်ရပ်ကွက်ရှိတာဖြစ်ပါတယ်။ ဇီးလွန်ရွာဟာ မြစ်ကြီးနားမြို့တွင်းကနေ စစ်ကောင်စီတပ်ရဲ့ ရဲတပ်ရင်း ၃၀ နဲ့အကျဉ်းထောင်ရှိတဲ့ လယ်ကုန်းရပ်ကွက်နဲ့တစ်ဆက်တည်းရှိတဲ့ရပ်ကွက်တွေဖြစ်ပါတယ်။ အလားတူ မခန္တီးကျေးရွာဟာ ခတ်ချိုရွာရဲ့အောက်ဘက်မှာရှိပြီး ဂေါ်ရခါးလူမျိုးအများစုနေထိုင်တဲ့ရွာဖြစ်ပါတယ်။ မခန္တီးရဲ့တစ်ဖက်ကမ်းကြက်ပေါင်ခြံရပ်ကွက်ရှိပါတယ်။ ဒါ့အပြင် နောင်ဟီးရွာကလည်း ခတ်ချိုကျေးရွာ၊မခန္တီးကျေးရွာရဲ့အောက်ဘက်မှာရှိတဲ့ ရွာဖြစ်ပြီး ဧရာဝတီမြစ်ကမ်းနံဘေးမှာရှိကာ နောင်ဟီးရွာရဲ့တစ်ဖက်ကမ်းမှာတော့ ကြက်ပေါင်ခြံရပ်ကွက်နဲ့ စစ်တပ်ရဲ့ ၃၇ တပ်ရှိပါတယ်။ ကြက်ပေါင်ခြံရပ်ကွက်ဟာ မြစ်ကြီးနားမြို့တွင်းကနေ မြောက်ပိုင်းတိုင်းစစ်ဌာနချုပ်ကိုသွားတဲ့ ပြည်ထောင်စုလမ်းမကြီးပေါ်ရှိ မြို့သစ်ကြီးရပ်ကွက်ကနေ ၁၀ မိနစ်ခန့်ချိုးဝင်တဲ့နေရာမှာရှိပါတယ်။  ဒီကူးသို့ဆိပ်နေရာတွေအားလုံးဟာ စစ်ကောင်စီတပ်ရဲ့ အဓိကျဆုံး မြောက်ပိုင်းတိုင်းစစ်ဌာနချုပ်အပြင် တပ်ရင်း၊တပ်ဖွဲ့တွေရှိတဲ့နေရာတွေနဲ့အလွန်နီးကပ်နေပြီး မေလ ၇ ရက်နေ့ KIA ပူးပေါင်းတပ်တွေရဲ့စစ်ဆင်ရေးစတင်ခဲ့တဲ့နေ့ကစပြီး ရေလမ်းကြောင်း လုံခြုံရေးအပြည့်ချထားတဲ့နေရာတွေလည်းဖြစ်ပါတယ်။ “ဒီမြစ်ကမ်းတစ်လျှောက် ခုစစ်သားတွေအပြည့်ဖြစ်သွားပြီ မနေ့က ကျနော်တို့နောင်ဟီးကနေကူးလာတဲ့ချိန်တောင် ဒီဘက်ကမ်းမှာ စစ်သားတွေအပြည့်ဘဲ ပိုများလာတယ်။ ပြီးခဲ့တဲ့ ၂ လထဲကတော့ရှိတယ် ဒါပေမယ့် ခုပိုများလာပြီ”လို့ နောင်ဟီးကျေးရွာပြည်သူတစ်ဦးက ပြောပါတယ်။ ဒါ့အပြင် ခတ်ချိုအောက်ဘက်တစ်ကြောမှာရှိတဲ့ မခန္တီးကျေးရွာ၊နောင်ဟီးကျေးရွာ၊စန်းကားကျေးရွာ၊တာစန့်ကျေးရွာတွေမှာ စစ်ကောင်စီတပ်တွေအင်အားဖြည့်တင်းပြီး စစ်ဆေးရေးတင်းကြပ်လာတာကြောင့်  ဒေသခံပြည်သူတွေဟာ အများပိုင်း ရွာကနေ ထွက်ပြေးတိမ်းရှောင်သွားကြပြီဖြစ်ပါတယ်။ အဲဒီထဲက နောင်ဟီးကျေးရွာအောက်ဘက်မှာရှိတဲ့ စန်းကားကျေးရွာဟာ စစ်တပ်ရဲ့နမ့်ပေါင်လေတပ်စခန်းမျက်နှာချင်းဆိုင်ရွာမှာရှိပြီး မေလ ၁၉ ရက်နေ့ နမ့်ပေါင်လေတပ်စခန်းပစ်ခံရချိန် လေတပ်စခန်းကနေ ပြန်ပစ်ခတ်တဲ့လက်နက်ကြီး ၃ လုံး ရွာရဲ့နောက်ဘက် တောစပ်စတ်နေရာမှာ ကျရောက်ပေါက်ကွဲတာလည်းရှိခဲ့တယ်လို့ သိရပါတယ်။ By – ဇမီ

Read More »