ချီဖွေ
-
Aug- 2024 -30 Augustသတင်း
ချီဖွေမြို့မှာ အခြေခံစားသောက်ကုန်နဲ့ဆေးဝါးတွေပြတ်လပ်လာ
ကချင်ပြည်နယ် ချီဖွေမြို့မှာ အခြေခံစားသောက်ကုန်တွေနဲ့ ဆေးဝါးတွေပြတ်လပ်မှုကြုံတွေ့နေရတယ်လို့ ချီဖွေဒေသခံတွေက KNGကိုပြောပါတယ်။ ချီဖွေမြို့ကိုရောက်ရှိလာတဲ အခြေခံကုန်စည်တွေဟာ အဓိကအားဖြင့်မြစ်ကြီးနားမြို့ကနေ တင်ပို့တာဖြစ်ပေမယ့်လည်း လက်ရှိ မြစ်ကြီးနား–မန္တလေးပိတ်ထားတဲ့အတွက် မြစ်ကြီးနားမြို့မှာတောင် အခြေခံစားသောက်ကုန်တွေပြတ်လပ်နေတာဘဲ ဖြစ်ပါတယ်။ ခုလိုအခြေအနေတွေကြောင့် မြစ်ကြီးနားမြို့ကနေ ချီဖွေမြို့ကို ကုန်စည်တွေရောက်ရှိလာမှုနည်းပါးနေတဲ့အပြင် ကုန်ဈေးနှုန်းတွေလည်း တစ်နေ့ထက်တစ်နေ့ ပိုမိုမြင့်တက်လာတယ်လို့ ချီဖွေဒေသခံ အမျိုးသမီးတစ်ဦးက ခုလိုပြောပါတယ်။ “တစ်နေ့တစ်နပ်ဘဲစားပြီး ဗိုက်ကိုကြိုးနဲ့ချီပြီးနေရမလိုတောင်ဖြစ်နေတယ်လို့တောင်အချင်းချင်းပြောနေကြတယ် အရမ်းဈေးကြီးသွားပြီ အကုန်လုံးက ဈေးကိုမြင့်တက်သွားတာ”လို့ ပြောပါတယ်။\ လက်ရှိ ချီဖွေမြို့ ဈေးတွေမှာ ငါးနဲ့ ကြက်သားတွေပြတ်လပ်နေပြီး ဝက်သားတစ်ခုတည်းသာရောင်းချနေတယ်လို့ သိရပါတယ်။ ဒါ့အပြင် ဟင်းသီးဟင်းရွက်တွေအကုန်ဈေးတက်သွားပြီး ခရမ်းချဉ်သီးတရုတ်မျိုး အလုံးကြီးတစ်လုံး ၃ထောင်ကျပ်၊ ပြည့်ဝဆီ၁ပိဿာ ၄သောင်း ၅ထောင်ကျပ် ငရုပ်သီးတစ်ထုပ်ကို၂ ထောင်ကျပ်ထိဈေးပေါက်နေတယ်လို့ သိရပါတယ်။ ဒီကုန်ဈေးနှုန်းတွေဟာ အရင်ကထက် နှစ်ဆ သုံးဆဝန်ကျင်မြင့်တက်သွားတာဖြစ်ပြီး သာမန်လယ်လုပ်ပြီး အသက်မွေးဝမ်းကြောင်းပြုတဲ့သူတွေအတွက် ဆင်းရဲဒုက္ခကြုံတွေ့နေရတယ်လို့ ဆိုပါတယ်။ ကုန်ဈေးနှုန်းတွေ မြင့်တက်လာသလို တစ်ဖက်မှာလည်း ဆေးဝါးတွေပြတ်လပ်လာခဲ့တာဘဲ ဖြစ်ပါတယ်။ “ဆေးရုံမှာ ဆေးတွေပြတ်နေတော့ ဆေးရုံလာပြတဲ့သူတွေအကုန်လုံးကို အပြင်ကဆေးတွေဝယ်ခိုင်းတယ် သိတိုင်းအတိုင်းဘဲ အပြင်ကဝယ်ရတော့ဈေးက ပိုကြီးတယ် ပိုက်ဆံရှိတဲ့သူတွေဘဲ ဝယ်စုထားကြတာ”လို့ နောက်ထပ်ဒေသခံတစ်ဦးက ဆက်ပြောပါတယ်။ အဓိကအားဖြင့် မြစ်ကြီးနား–မန္တလေးလမ်း ပိတ်နေတာဟာ မြစ်ကြီးနားမြို့တစ်ခုတည်းတင်မဟုတ်ဘဲ မြစ်ကြီးနာမြို့ကနေ ကုန်စည်တွေတင်ပို့နေရတဲ့ ချီဖွေလို မြို့တွေမှာပါ အခြေခံစားသောက်ကုန်စည်တွေနဲ့ ဆေးဝါးပြတ်လပ်မှုတွေကို ကြုံတွေ့နေရတာဘဲ ဖြစ်ပါတယ်။ ချီဖွေမြိုဟာ မြစ်ကြီးနားမြို့အရှေ့မြောက်ဘက် ၈၈ မိုင်ခန့်အကွာမှာတည်ရှိတာဖြစ်ပြီး တရုတ်မြန်မာနယ်စပ်မြို့ဖြစ်တဲ့ ပန်ဝါမြို့နဲ့တော့ မိုင်၄၀ခန့်သာ ကွာဝေးတာဘဲ ဖြစ်ပါတယ်။ မြစ်ကြီးနားနဲ့ပန်ဝါမြို့အကြားမှာရှိတဲ့ ချီဖွေမြို့ဟာ တရုတ်နယ်စပ် ပန်ဝါနဲ့ ပိုပြီးနီးပေမေယ့် လက်ရှိ မြန်မာငွေစျေးထိုးကျနေပြီး တရုတ်ယွင်ငွေတက်နေတာကြောင့် အခြေခံစားသောက်ကုန်တွေအားလုံး မြစ်ကြီးနားကနေ အဓိကတင်သွင်းတာလည်းဖြစ်ပါတယ်။ ၂၀၁၉ခုနှစ် စက်တင်ဘာလ၃၀ရက်နေ့ မြစ်ကြီးနားခရိုင်မြို့နယ်အထွေထွေအုပ်ချုပ်ရေးဦးစီးဌာနရဲ့ ထုတ်ပြန်ချက်အရ ချီဖွေမြို့ဟာ လူဦးရေအားဖြင့် ၂၁၄၅၀ဦးရှိတာဖြစ်ပြီး စတုရန်းမိုင်ပေါင်း (၁၃၂၄.၀၉)မိုင်ကျယ်ဝန်းတာ ဖြစ်ပါတယ်။ By – Hope
Read More » -
23 Augustသတင်း
ချီဖွေနဲ့ ပန်ဝါဒေသမှာ ပြည်သူ့စစ်အတင်းအဓမ္မစုဆောင်းနေတဲ့အတွက် နေထိုင်ဖို့အခက်အခဲဖြစ်နေ
ကချင်ပြည်နယ် ချီဖွေနဲ့ ပန်ဝါဒေသတွေမှာ စစ်ကောင်စီလက်အောက်ခံ ပြည်သူ့စစ်တပ်ဖွဲ့တွေ တပ်သားသစ်အတင်းအဓမ္မစုဆောင်းနေတာကြောင့် ဒေသခံပြည်သူတွေ နေထိုင်မှုအခက်အခဲဖြစ်နေကြတယ်လို့ သိရပါတယ်။ ပြီးခဲ့တဲ့ ဇူလိုင်လဆန်းပိုင်းကနေ ချီဖွေနဲ့ ပန်ဝါဒေသမှာရှိတဲ့ ပြည်သူ့စစ်နဲ့ နယ်ခြားစောင့်တပ်တွေ ကျေးရွာ၊ ရပ်ကွက်နဲ့ လုပ်ငန်းခွင်တွေမှာ တပ်သားလိုက်စုဆောင်းနေတယ်လို့ ချီဖွေဒေသခံတစ်ဦးက KNG ကိုပြောပါတယ်။ “အခုချိန်မှာ ဒေသခံပြည်သူတွေက အပြင်လည်းထွက်လို့မရ ထွက်ပြီဆိုကတည်းက တပ်သားစုဆောင်းခံရမှာကြောက်ရ။ ဒေသမှာ နေထိုင်ဖို့တော်တော်လည်း ခက်ခဲနေကြတယ်။ နိုင်ငံရေးမတည်ငြိမ်တဲ့ကြားမှာ ကုန်စျေးနှုန်းတွေက မဆမတန်တက် ငွေရှာရမယ့် နေရာကမရှိ။ သွားဖို့ လာဖို့ဆိုရင်လည်း တပ်သားစုဆောင်းခံရမှာကကြောက်ရနဲ့ သတ္ထုဆိုက်တွေလည်း ဖမ်းနေတယ်လို့ ဆိုတော့ တော်တော်ခက်ခဲနေကြတယ်”လို့ပြောပါတယ်။ ချီဖွေဒေသမှာ အရင်က ပြည်သူ့စစ်လုပ်ဖို့ တပ်သားစုဆောင်တာတွေပုံမှန်ရှိပေမယ့် ဒီတစ်ကြိမ် တပ်သားစုဆောင်းတဲ့ ပုံစံဟာကျေးရွာဒေသအတွင်း သွားလာလှုပ်ရှားတဲ့ သူတွေ၊ လုပ်ငန်းခွင်အတွင်း အလုပ်လုပ်ကိုင်နေတဲ့ သူတွေ၊ နေအိမ်မှာ ရှိနေတဲ့ သူတွေကို အတင်းအဓမ္မလိုက်လံဖမ်းဆီးနေတယ်လို့ ပြောပါတယ်။ တပ်သားလိုက်လံစုဆောင်းတဲ့အခါမှာ အုပ်ချုပ်ရေးမှူးတွေနဲ့ အတူ ပြည်သူ့စစ်၊ နယ်ခြားစောင့်တပ်တွေပူးပေါင်း ဖမ်းဆီးနေတယ်လို့ပြောပါတယ်။ အခုလို ပြည်သူ့စစ်လုပ်ဖို့ အတင်းအဓမ္မလိုက်လံဖမ်းဆီးနေတာဟာ ရက်ပေါင်း ၂၀ လောက်ကြာမြင့်လာပြီဖြစ်ပြီး အသက် ၃၅ အထိရှိတဲ့ လူကြီး၊ လူငယ်မရွေးအကုန်လုံးကို ဖမ်းဆီးနေတယ်လို့ သိရပါတယ်။ ပန်ဝါဒေသမှာဆိုရင် ကချင်ပြည်နယ်အနှံ့က သတ္ထုလုပ်ငန်းလာရောက် လုပ်ကိုင်နေကြတဲ့ သူတွေအများဆုံးဖမ်းဆီးခံနေရပြီးတော့ ရက်ပေါင်း ၂၀ ကျော်အတွင်းမှာ ဖမ်းဆီးခံရသူ ရာဂဏန်းရှိပြီလို့ ပန်ဝါဒေသမှာရောက်ရှိနေတဲ့ လူငယ်တစ်ဦးထံကနေ သိရတာလည်းဖြစ်ပါတယ်။ ပန်ဝါဒေသရဲ့ သတ္တုတူးဖော်တဲ့ လုပ်ငန်းခွင်တစ်ချို့မှာက ချီဖွေမှတ်ပုံတင်ကိုင်ဆောင်ထားတဲ့ သူတွေကိုသာ ဖမ်းဆီးနေတယ်လို့လည်း ဆက်သိရပါတယ်။ ဒါ့အပြင် ချီဖွေမြို့ပေါ်မှာလည်း ပြည်သူ့စစ်အဖွဲ့တွေ တပ်သားစုဆောင်းသွားတဲ့ သူတွေ အယောက် ၁၀၀ ဝန်းကျင်လောက်ရှိပြီလို့လည်း ချီဖွေဒေသခံတွေပြောပါတယ်။ ချီဖွေနဲ့ ပန်ဝါဒေသမှာ အခုတစ်ကြိမ် ပြည်သူ့စစ်လုပ်ဖို့ တပ်သားစုဆောင်းနေဟာ အာဏာသိမ်းစစ်တပ်ရဲ့ စစ်မှုမထမ်းမနေရ ထုတ်ပြန်ထားတဲ့ စစ်မှုထမ်းဥပဒေကို ကျင့်သုံးနေပြီဖြစ်လို့ ချီဖွေဒေသခံ တစ်ဦးကဆက်ပြောပါတယ်။ “ဒီဘက်မှာရှိတဲ့ ပြည်သူ့စစ်နဲ့ နယ်ခြားစောင့်တပ်တွေက အာဏာသိမ်းစစ်တပ်နဲ့ တစ်ဖွဲ့တည်းပါပဲ။ နယ်ခြားစောင့်တပ်နဲ့ ပြည်သူ့စစ်အဖွဲ့တွေရဲ့ ထိန်းချုပ်နယ်မြေ အထူးဒေသ(၁) ဆိုတော့ သူတို့ဖမ်းချင်သလိုဖမ်းနေကြတယ်။ ဒါဟာ စစ်တပ်ရဲ့ လက်ကိုင်တုတ်လုပ်ပေးဖို့ လုပ်ဆောင်နေကြတယ်လို့ပဲ မြင်ပါတယ်”လို့ဆက်ပြောပါတယ်။ ၂၀၂၄ ခုနှစ် ဖေဖော်ဝါရီလ ၁၀ ရက်နေ့မှာ စစ်တပ်က စစ်မှုမထမ်းမနေရ မြန်မာတစ်နိုင်ငံလုံး ထုတ်ပြန်ကြေညာလိုက်တဲ့နောက်ပိုင်း မန္တလေး၊ ရန်ကုန် အောက်ပိုင်းဒေသဘက်မှာ စစ်မှုထမ်းဖို့ ဆင့်ခေါ်စာနဲ့ ခေါ်ယူလုပ်ဆောင်းခိုင်းနေပြီဖြစ်ပါတယ်။ ဒါပေမယ့် ကချင်ပြည်နယ်မှာတော့ စစ်မှုထမ်းဖို့ တရားဝင်ဆင့်ခေါ်စာနဲ့ ပွင့်လင်းမြင်သာစွာ လုပ်ဆောင်လာတာဟာ ဒီကနေ့ အထိ မတွေ့ရသေးပေမယ့် ချီဖွေနဲ့ ပန်ဝါဒေသတွေမှာ စစ်တပ်ရဲ့ စစ်မှုမထမ်းမနေရ ဥပဒေလက်အောက်မှာ စတင်ကျင့်သုံးနေပြီလို့ ချီဖွေဒေသခံတွေက ပြောပါတယ်။ By – နော်ထွယ့်(ဟူးကောင့်)
Read More » -
8 Augustသတင်း
ချီဖွေနဲ့ပန်ဝါမှာ ပြည်သူ့စစ်အဖွဲ့ တပ်သားသစ် အပြင်းထန်စုဆောင်းနေ
ချီဖွေမြို့နဲ့ ပန်ဝါမြို့မှာ စစ်ကောင်စီတပ်လက်အောက် ပြည်သူ့စစ်တပ်ဖွဲ့ တပ်သားစုဆောင်းတာတွေ အပြင်းအထန်လုပ်နေတယ်လို့ ဒေသခံတွေကပြောပါတယ်။ ချီဖွေ၊ပန်ဝါဒေသ ဦးဘောမ်လန်းဦးဆောင်တဲ့ ပြည်သူ့စစ်တပ်ဖွဲ့တွေဟာ မြစ်ကြီးနား– ချီဖွေ– ပန်ဝါ လမ်းသွားလမ်းလာ လူငယ်တွေကို ဆက်တိုက်ဖမ်းဆီးနေသလို သတ္တုတူးဖော်တဲ့လုပ်ငန်းခွင်ထဲထိ လူငယ်တွေကို လိုက်လံဖမ်းဆီးပြီး ဆက်တိုက်တပ်သားစုဆောင်းနေတယ်လို့ ချီဖွေဒေသခံတွေဆီကနေ သိရပါတယ်။ “ပြည်သူ့စစ်တွေ တပ်သားအရမ်းစုဆောင်းနေတယ်။ အခုချိန် လူငယ်တွေအပြင်မထွက်ရဲကြတော့ဘူး။ ပြည်သူ့စစ်တွေ သတ္တုဆိုက်အားလုံးမှာ လိုက်စုဆောင်းနေတာ။ ဟိုတစ်နေ့ကလည်း ချီဖွေကနေ ၆ မိုင်အကွာ သတ္တုဆိုဒ်တစ်ခုမှာ လူငယ် ၆ ယောက်ကို ဖမ်းသွားတယ်။ ပြီးတော့ ဖီမှော်နဲ့ ပန်ဝါသွားတဲ့လမ်းဆုံ ပြည်သူ့စစ်နဲ့စစ်တပ်ပေါင်းထိုင်တဲ့ဂိတ်မှာ ယောက်ျားလေး ၄ ယောက် ထပ်ပါသွားတယ်။ လမ်းမှာပိတ်ပြီးစုဆောင်းတယ်။ ပန်ဝါထဲမှာက အိမ်တိုင်ရာ တစ်အိမ်ဝင်တစ်အိမ်ထွက် စုဆောင်းတယ်ပြောတယ်။လို့ ချီဖွေဒေသခံ တစ်ဦးက ပြောပါတယ်။ ပြီးခဲ့တဲ့ ဇူလိုင် ၂၉ ရက်နေ့ကစပြီး ချီဖွေကနေ ၆ မိုင်အကွာမှာရှိတဲ့မြေရှားသတ္တုဆိုက်တစ်ခုမှ လူငယ် ၆ ဦးကို ပြည်သူ့စစ်တပ်ဖွဲ့တွေ တပ်သားစုဆောင်းခေါ်ဆောင်သွားတယ်လို့ ပြောပါတယ်။ အဲဒီနေ့ တစ်ရက်တည်းမှာပဲ ချီဖွေကနေ ၄ မိုင်အကွာ ဖီမှော်နဲ့ ပန်ဝါသွားလမ်းဆုံဂိတ်မှာလည်း လူငယ် ၄ ဦးထပ်မံဖမ်းသွားတယ်လို့ ဆိုပါတယ်။ ဒါ့အပြင် ဩဂုတ်လ ၅ ရက်နေ့ ပန်ဝါဒေသ မြေရှားသတ္တုတူးဖော်တဲ့ လုပ်ငန်းခွင်တွေမှာ ပြည်သူ့စစ်တပ်ဖွဲ့တွေ တပ်သားသစ်လိုက်လံစုဆောင်းရာ လူငယ် ၂၀ ဦးထက်ဖမ်းခံသွားရတယ်လို့ ဆက်လက်သိရပါတယ်။ အဖက်ဖက်ကနေ စစ်အင်အားကျဆင်းလာတဲ့ စစ်ကောင်စီတပ်ဖွဲ့တွေဟာ ချိီဖွေဒေသကိုကာကွယ်ဖို့ဆိုတဲ့ခေါင်းစဉ်အောက်မှာ လူငယ်တွေကို ဖမ်းဆီးကာ စစ်အင်အားဖြည့်နေတာလို့ သိရပြီး ကချင်လူငယ်တွေကိုသာ အဓိကဖမ်းခေါ်တပ်သားစုဆောင်းနေတာလို့ ဒေသခံတွေဘက်ကပြောပါတယ်။ ဖမ်းဆီးစုထားတဲ့လူငယ်တွေကို မြစ်ကြီးနားဘက်ကို လိုင်းကားနဲ့ ဆက်တိုက်ပို့ဆောင်နေတယ်လို့ ချီဖွေဒေသခံကဆက်ပြောပါတယ်။ “စစ်ကောင်စီတပ်တွေ အရမ်းကျရှုံးလာလို့ သူတို့ဘက်ကို အင်အားဖြည့်ပေးဖို့အတွက် နဲ့ ရှေ့တန်းပို့ဖို့အတွက်ပဲလို့မြင်တယ်။ ပြီးတော့ ချီဖွေကနေ စုဆောင်းရထားတဲ့ လူငယ်တွေကို မြစ်ကြီးနားဘက်ကို ပို့နေတယ်။ လိုင်းကားကနေ ၁ ရက်ခြား ၂ ခြား နဲ့ တစ်စုစီပို့နေတယ်။ ဆိုတော့ စစ်ကောင်စီကို အင်အားဖြည့်ပေးနေတာကိုတွေ့ရတယ်။”လို့ ဆိုပါတယ်။ လက်ရှိ ကချင်ပြည်နယ်တစ်ခုလုံးအတိုင်းအတာ မြို့နယ်အားလုံးနီးပါးမှာ ဖုန်းလိုင်း၊ အင်တာနက်လိုင်းတွေ ပြတ်တောက်နေပေမဲ့ မြစ်ကြီးနားမြို့ထဲက ရပ်ကွက်တချို့မှာတော့ MPT ဖုန်းလိုင်းရရှိတာဖြစ်ပါတယ်။ တစ်ဖက်မှာ စစ်ကောင်စီတပ်ဖွဲ့ဟာ ကချင်ပြည်နယ်တစ်ခုလုံးအတိုင်းအတာ ဆက်သွယ်ရေးလိုင်းအားလုံးပြတ်တောက်ထားပေမဲ့ ပူတာအိုနောင်မွန်မြို့နယ်မှာလည်း ဆက်သွယ်ရေးလိုင်း ရရှိသလို ချီဖွေမြို့နယ်မှာလည်း အက်တမ်(တယ်လီနော)ဖုန်းလိုင်းနဲ့ WIFI အင်တာနက်လိုင်းတစ်ချို့ ရနေတာဖြစ်ပါတယ်။ “ချီဖွေမှာက စစ်တပ်ထောက်တိုင်တွေများတယ်။ စီးပွားရေးလုပ်တဲ့သူတွေလည်း စစ်တပ်ခရိုနီတွေများတယ်။ ဒီဘက်က စီးပွားရေးလုပ်တဲ့သူအားလုံး စစ်တပ်နဲ့ပူးပေါင်းပြီးလုပ်ရတဲ့သူတွေချည်းဆိုတော့ သူတို့ ပြည်သူ့စစ်နဲ့ပူးပေါင်းတပ်ဖွဲ့ရှိတဲ့ဒေသကို ဖုန်းလိုင်းပေးထားတာလို့မှတ်ယူတယ်။ WIFI လိုင်း အင်တာနက်လည်းကောင်းကောင်းရတယ်။” ဒါ့အပြင် ဒီရက်ပိုင်း ချီဖွေမြို့မှာ စစ်ကောင်စီတပ်ဖွဲ့ဝင်တွေ ည ၁၀ နာရီနောက်ပိုင်း မြို့ထဲကို စစ်ကားတွေနဲ့ လှည့်ပြီး စျေးဝယ်တာတွေလုပ်နေတယ်လို့ ဆက်သိရပါတယ်။ ကချင်လွတ်လပ်ရေးတပ်မတော် KIA နဲ့ PDF တပ်ပေါင်းစုတွေဟာ ဝိုင်းမော်မြို့နယ် ဝူယန်အထက်ပိုင်း ဆဒုံး–ကန်ပိုင်တီ–ဆော့လော်တစ်ခုလုံးကို ထိန်းချူပ်ထားချိန် စစ်ကောင်စီတပ်လက်အောက်ခံ ပြည်သူ့စစ်တပ်ဖွဲ့တွေဟာ ချီဖွေ၊ပန်ဝါဒေသမှာ ဩဂုတ်လ ၃ ရက်နေ့စပြီး တပ်သားသစ်စုဆောင်းနေတာလည်းဖြစ်ပါတယ်။ By – ဂျာဘောက်ရာ
Read More » -
Jul- 2024 -11 Julyသတင်း
ချီဖွေစစ်ရှောင်စခန်း တစ်ဆောင် ဝါယာရှော့ခ်ဖြစ်ပြီး မီးလောင်ပျက်စီး
ချီဖွေမြို့ပေါ်မှာရှိတဲ့ ကချင်နှစ်ခြင်းခရစ်ယာန် KBC စစ်ရှောင်စခန်းထဲက အဆောင်တစ်ဆောင် ဝါယာရှော့ခ်ကြောင့် မီးလောင်သွားတယ်လို့ စစ်ရှောင်တွေဆီကနေ သိရပါတယ်။ ဇူလိုင်လ ၁၁ ရက်နေ့ ဒီမနက် ၃ နာရီဝန်းကျင် ဝါယာရှော့ခ်ကနေတစ်ဆင့် အဆောင်တစ်ခုလုံး မီးကူးစက်လောင်ကျွမ်းသွားတာဖြစ်တယ်လို့ စစ်ရှောင်အမျိုးသားတစ်ဦးက ခုလိုပြောပါတယ်။ “ဒီမနက် ၃ နာရီမှာ ဝါယာရှော့ခ်ကြောင့်စလောင်တာ ဘာမှမရလိုက်ဘူး”လို့ပြောပါတယ်။ ဝါယာရှော့ခ်ကြောင့် မီးလောင်သွားတဲ့အဆောင်ဟာ အိမ်ထောင်စု ၉ စု လူဦးရေ ၄၅ ဦးဝန်းကျင်နေထိုင်တဲ့ အဆောင်တန်းလျားဖြစ်ပြီး ဝါယာရှော့ခ်ဖြစ်ချိန်မှာ မနက်ပိုင်း အိပ်မောကျချိန်ဖြစ်တာကြောင့် ပစ္စည်းယူနိုင်တာမရှိဘူးလို့သိရပြီး လူထိခိုက်တာလည်းမရှိဘူးလို့ သိရပါတယ်။ ချီဖွေမြို့မှာ ပြီးခဲ့တဲ့ မေလ ၂၉ ရက်နေ့တစ်ကြိမ်၊ ဇွန်လ ၂၉ ရက်နေ့တစ်ကြိမ် မိုးသည်းထန်စွာရွာသွန်းခဲ့တာကြောင့် စစ်ရှောင်တွေ နှစ်ကြိမ်တိတိရေဘေးသင့်ခဲ့တာဖြစ်ပါတယ်။ ဒါ့အပြင် မနေ့ညမှာလည်း အဆောင်ထပ်ပြီး မီးလောင်သွားတာရှိတဲ့အတွက် အရေးပေါ်ကူညီထောက်ပံံ့မှုတွေ လိုအပ်နေတယ်လို့ သိရပါတယ်။ “ချီဖွေမှာ ရေ ၂ခါကြီးပြီ စစ်ရှောင်တွေက စစ်ဘေး၊ရေဘေး၊ခုမီးဘေးကျတဲ့သူတွေလည်းရှိတော့ အကူညီတွေတော့လိုအပ်နေပါတယ်”လို့ နောက်ထပ်စစ်ရှောင်အမျိုးသမီးတစ်ဦးက ဆက်ပြောပါတယ်။ ချီဖွေမြို့ဟာ မြစ်ကြီးနားကနေ အရှေ့မြောက်ဘက် ၈၈ မိုင်ခန့်အကွာမှာရှိပြီး မေခမြစ်ကမ်းပေါ်မှာရှိတဲ့အပြင် စစ်ရှောင်စခန်းဟာလည်း မြစ်ကမ်းနံဘေးမှာဆောက်လုပ်ထားတာဖြစ်ပါတယ်။ ဒါ့အပြင် ချီဖွေမြို့ဟာ ပန်ဝါမြို့နဲ့ မိုင် ၄၀ အကွာမှာရှိပြီး မြစ်ကြီးနား– ပန်ဝါသွားတဲ့လမ်းမကြီးပေါ်မှာရှိတဲ့မြို့ဖြစ်ကာ မြောက်ဖက်မှာ လောခေါင်၊ထော့်ဂေါ့၊ဆော့လော်မြို့ရှိပါတယ်။ ချီဖွေမြို့ပေါ်မှာဘဲ လော်ဝေါ်နှစ်ခြင်းအသင်းတော်ဝင်း LBC မှာ စစ်ရှောင်စခန်းတစ်ခုရှိသလို KBC စစ်ရှောင်စခန်းမှာလည်း စစ်ရှောင်စခန်းတစ်ခုရှိပြီး ခုမီးလောင်တဲ့အဆောင်ဟာ KBC စခန်းမှာရှိတဲ့အဆောင်ဖြစ်ပါတယ်။ ချီဖွေမြို့ KBC စစ်ရှောင်စခန်းမှာ စစ်ရှောင် အိမ်ထောင်စု ၁၀၀ စုနဲ့ လူဦးရေ ၈၇၀ ကျော်ရှိပြီး၂၀၁၂ခုနှစ် တပ်မတော်နဲ့ ကချင်လွတ်လပ်ရေးတပ်မတော် KIA တို့တိုက်ပွဲများကြောင့် ထွက်ပြေးတိမ်းရှောင်ခဲ့သူတွေ ဖြစ်ကြပါတယ်။ By – CJ
Read More » -
2 Julyသတင်း
ချီဖွေမှာ မြေပြိုမှုကြောင့် လမ်းပိတ်နေပြီး လျှပ်စစ်မီးပြတ်တောက်နေ
ကချင်ပြည်နယ် ချီဖွေမြို့မှာ မိုးသည်းထန်စွာရွာပြီး မြေပြိုတာတွေကြောင့် ကားလမ်းပိုင်းမှာ လမ်းပိတ်ဆို့နေတဲ့အပြင် မြို့တစ်ခုလုံးလည်း လျှပ်စစ်မီးပြတ်တောက်နေတယ်လို့ ဒေသခံတွေက ပြောပါတယ်။ ဇွန်လ ၃၀ ရက်နေ့မှ စတင်ပြီး မိုးအဆက်မပြတ်ရွာသွန်းခဲ့ပြီး မေခမြစ် ရေကြီး ရေလျှံတာ၊ ချီဖွေမြို့နဲ့ နန်းဦးကျေးရွာကြားမှာ…
Read More » -
May- 2024 -29 Mayသတင်း
မျောမောပါရွာမှာ မိုးသည်းထန်စွာရွာသွန်းပြီး တောင်ကျချောင်းရေလျှံလို့ ကလေးငယ်တစ်ဦး ရေထဲမျောပါသေဆုံးတဲ့အပြင် နေအိမ် ၁၀ လုံးပျက်စီး
ချီဖွေမြို့နယ် မျောမောပါတစ်လျှောက်မှာရှိတဲ့ကျေးရွာတွေမှာ မိုးသည်းထန်စွာရွာသွန်းပြီး တောင်ကျချောင်းရေကြီးရေလျှံမှုကြောင့် လူနေအိမ် ၁၀ အိမ်ကျော်ရေထဲမျောပါသွားပြီး ကလေးငယ် ၁ ဦး မျောပါသေဆုံးသွားတယ်လို့ ဒေသခံတွေကပြောပါတယ်။ မေလ ၂၉ ရက် ဒီနေ့မနက် အစောပိုင်း ၅ နာရီဝန်းကျင်ကစပြီး ချီဖွေမြို့တစ်လျှောက်ရှိကျေးရွာအများအပြားနဲ့ ချီဖွေမြို့ကနေ ၆ မိုင်အကွာမှာရှိတဲ့ မျှောမောကျေးရွာမှာ မိုးသည်းထန်စွာရွာနေတာဖြစ်ပြီး တောင်ကျချောင်းရေကြီးကြောင့် ရေထဲမျောပါသွားတဲ့ ကလေးငယ်ကိုလည်း ရှာဖွေနေဆဲဖြစ်တယ်လို့ သိရပါတယ်။ “အိမ်တွေ ၁၀ အိမ်ကျော်လောက်ပါသွားတယ်။ ကလေးယောက်ျားလေးတစ်ဦးပါသွားတယ်။ ဒီမနက်ထိတော့ အလောင်းမတွေ့သေးဘူးပြောတယ် မိုးလည်းအရမ်းကြီးနေတယ်။ လိုင်းကမရှိ အခုထိ စုံစမ်းချိတ်ဆက်နေတုန်းဖြစ်တယ်။ ဘုရားကျောင်းဝင်းထဲက ပစ္စည်းတွေ၊ စက်ပစ္စည်းတွေ အားလုံးပါသွားတယ်”လို့ ချီဖွေဒေသခံအမျိုးသမီးတစ်ဦးက ပြောပါတယ်။ သေဆုံးသွားတဲ့ ကလေးငယ်ဟာ ယောကျာ်းလေးဖြစ်ပြီး အသက် ၁၀ နှစ်ဝန်းကျင်ရှိတယ်လို့သိရပြီး အလောင်းကိုဆက်ရှာဖွေနေဆဲဖြစ်တယ်လို့ သိရပါတယ်။ မျောမောပါရွာဟာ ချီဖွေမြို့မြောက်ဘက် ၆ မိုင်အကွာရှိ မေခမြစ်ရဲ့ အနောက်ဘက်ကမ်းမှာရှိပြီး အခုလိုရေကြီးရေလျှံမှုဖြစ်တာဟာ ၁၀ နှစ်တစ်ကြိမ်ဖြစ်လေ့ရှိတယ်လို့လည်း ဒေသခံတွေကပြောပါတယ်။ ဒီမျောမောချောင်းဟာ နွေရာသီမှာရေတွေခမ်းခြောက်သွားကာ ရေစီးဆင်းမှုမရှိပေမဲ့ အခုမိုးတွင်းအဝင် မိုးသည်းထန်စွာရွာသွန်းမှုကြောင့် ရေကြီးပြီးလျှံကျလာတာဖြစ်တယ်လို့ ပြောပါတယ်။ “မိုးရေကြောင့်လေ။ ဒီချောင်းက နွေရာသီဆို ရေတောင်မရှိဘူး။ အရင်နှစ်က မြေတွေပြိုတဲ့အချိန်လည်း တစ်ခါရေကြီးပြီ ၁၀ နှစ်လောက်တစ်ကြိမ် ဒီလိုရေကြီးရေလျှံတယ်”လို့ ဒေသခံအမျိုးသမီးတစ်ဦးက ပြောပါတယ်။ လက်ရှိ ချီဖွေတစ်မြို့လုံး မိုးသည်းထန်စွာရွာသွန်းနေတာဖြစ်ပြီး မျှောမောကျေးရွာနားရှိ ဇန်နောင်ယန်ရွာမှာလည်း နေအိမ်တစ်ချို့ ထိခိုက်ပျက်စီးမှုရှိကြောင်း ဆက်လက်သိရပါတယ်။ ချီဖွေမြို့ဟာ မြစ်ကြီးနားမြို့ရဲ့ အရှေ့မြောက်ဘက် ၈၈ မိုင်ခန့်အကွာ မေခမြစ်အရှေ့ဖက်ကမ်းပေါ်မှာရှိပြီး အရှေ့တောင်ဖက် တရုတ်–မြန်မာနယ်စပ်မြို့ဖြစ်ကာ ပန်ဝါမြို့နဲ့ မိုင် ၄၀ မိုင်ခန့်အကွာမှာရှိတာဖြစ်ပါတယ်။ မြို့ရဲ့ မြောက်ဖက်မှာ လောက်ခေါင်၊ ထော့်ဂေါ့၊ ဆော့လော်မြို့ဘက်ကို မော်တော်ကားလမ်းနဲ့ ဆက်သွယ်ထားပြီး တောင်ဖက်မှာ မြစ်ကြီးနားမြို့နဲ့ မော်တော်ကားလမ်း ဆက်သွယ်ထားတာဖြစ်ပါတယ်။ ချီဖွေမြို့ တောင်ဖက် ၆ မိုင်ခန့်အကွာ နန်းဦးကျေးရွာအနီးမှာတော့ တရုတ်စီပီအိုင်ကုမ္ပဏီပိုင် ချီဖွေငယ်ရေအားလျှပ်စစ်စက်ရုံ (စက်တပ်ဆင်အင်အား –၉၉ မဂ္ဂါဝပ်)ရှိပြီး ချီဖွေမြို့မြောက်ဖက် မေခမြစ်ပေါ်မှာတော့ ချီဖွေရေအားလျှပ်စစ်စီမံကိန်း (၃၄၀၀မဂ္ဂါဝပ်)ရှိပါတယ်။ တောင်ပေါ်မြို့လေးဖြစ်တာကြောင့် မိုးသည်းထန်စွာရွာသွန်းပါက တောင်ကျချောင်းရေတွေ လျှံကျလာပြီး နေအိမ်ထိခိုက်ပျက်စီးတာတွေရှိနေတာတွေကြုံနေရတဲ့အပြင် ရွှေတူးဖော်မှု ဆိုးဆိုးရွားရွားလုပ်ဆောင်နေတဲ့ နေရာတစ်ခုဖြစ်တာကြောင့် နှစ်စဉ်နှစ်တိုင်း မိုးတွင်းမှာ ဒေသခံတွေရေကြီးရေလျှံမှု ဘေးဒဏ်ကြုံတွေ့နေမြဲဖြစ်ပါတယ်။ By – ဂျာဘောက်ရာ
Read More » -
Apr- 2024 -29 Aprilသတင်းဆောင်းပါး
ချီဖွေ-ဆော့လော်မြို့နယ်ဘက် စစ်ရေး တင်းမာလာ
စစ်ရေးလှုပ်ရှားမှု နည်းပါးခဲ့တဲ့ ကချင်ပြည်နယ် အရှေ့ဘက် တရုတ်နယ်စပ် ချီဖွေ၊ ဆော့လော်ဒေသဘက်မှာ စစ်ကောင်စီတပ်က အင်အားတိုးချဲ့လာပြီး တိုက်ပွဲတွေလည်း ဖြစ်ပွားခဲ့ပါတယ်။ ဧပြီလ ၁၁ ရက်နေ့ ဆော့လောမြို့အနီးရှိ စစ်ကောင်စီ လက်အောက်ခံ မျောမော ပြည်သူ့စစ်စခန်းကို ကချင်လွတ်လပ်ရေးတပ်မတော်…
Read More » -
20 Aprilသတင်း
ချီဖွေ၊ ပန်ဝါဘက်စစ်ကြောင်းထိုးလာတဲ့ ယာဉ်တန်းတိုက်ခိုက်ခံရပြီး တိုက်ပွဲ ၂ ကြိမ်ဖြစ်ပွား
ဝိုင်းမော်မြို့ကနေ ချီဖွေ၊ပန်ဝါဘက်ကို စစ်ကြောင်းထိုးလာတဲ့ စစ်ကောင်စီယာဉ်တန်းအဖွဲ့နဲ့ ကချင်လွတ်လပ်ရေးတပ်မတော် KIA တပ်တို့ကြား မနေ့က တစ်ရက်ထဲတိုက်ပွဲ ၂ ကြိမ်ဖြစ်ပွားခဲ့ပြီး ၂ ဖက်တပ် ထိခိုက်မှုရှိခဲ့တယ်လို့ သိရပါတယ်။ ဧပြီလ ၁၉ ရက်နေ့ မနက် ၁၀ နာရီဝန်းကျင် စစ်ကောင်စီတပ်နဲ့ပြည်သူ့အဖွဲ့အင်အား ၁၀၀…
Read More » -
Mar- 2024 -26 Marchသတင်း
မုဒိန်းမှုကျူးလွန်တဲ့သူကို ထိထိရောက်ရောက်အရေးပေးဖို့ မိသားစုများတောင်းဆို
ချီဖွေမြို့ ကချင်နှစ်ခြင်းခရစ်ယာန် KBC စစ်ရှောင်စခန်း ၂ မှာနေထိုင်တဲ့ အသက် ၄၈ နှစ်အရွယ် အမျိုးသမီးတစ်ဦးအား မုဒိန်းမှုကျူးလွန်ခဲ့တဲ့တရားခံကို ထိထိရောက်ရောက် အရေးယူပေးစေချင်တယ်လို့ နစ်နာသူမိသားစုဝင်တွေက ပြောပါတယ်။ ဖြစ်စဉ်မှာ ပြီးခဲ့တဲ့ မတ်လ ၂၄ ရက်နေ့ ညနေ ၄ နာရီလောက်မှာ ကျူးလွန်ခံရတဲ့အမျိုးသမီးဖြစ်သူဟာ ချီဖွေမြို့ ကန်ပိုင်ယန်ရပ်ကွက်မှာရှိတဲ့ ခြံထဲဟင်းရွက်တွေသွားခူးချိန် မုဒိန်းကျင့်ခံရတာဖြစ်တယ်လို့ သမီးဖြစ်သူက ပြောပါတယ်။ “အမေက အဲ့နေ့ညနေ ခြံထဲမှာ ဒန့်ဒလွန်ရွက် သွားခူးတာ ပြီးတော့ ခြံအောက်ဘက်မှာကန်ပိုင်ယန်ချောင်းဆိုပြီးရှိတယ် အဲ့ဒီချောင်းမှာ ဒရင်ကောက်အရွက်ပြန်ဆင်းခူးတဲ့အချိန် အဲ့ဒီယောကျ်ားကနောက်ကလိုက်လာပြီး သူကအဲ့လိုမျိုးလုပ်သွားတာ”လို့ပြောပါတယ်။ မုဒိန်းမှုကျူးလွန်ခဲ့တဲ့ အမျိုးသားဟာ အသက် ၃၀ ကျော်အရွယ် ကိုသူဆိုသူဖြစ်ပြီး ပဲခူးတိုင်းဘက်ကနေ ချီဖွေမြို့၊ ပြည်သူ့စစ်အဖွဲ့ခေါင်းဆောင်တွေ ဦးဆောင်လုပ်ကိုင်နေတဲ့ ကန်ပိုင်ယန်ရွှေမှော်မှာလာရောက်အလုပ်လုပ်နေသူဖြစ်တယ်လို့ သိရပါတယ်။ မုဒိန်မှုကျူးလွန်တဲ့အမျိုးသားကိုတော့ မနေ့က မတ်လ ၂၅ ရက်နေ့ မနက် ၇ နာရီလောက် ရပ်ရွာလူကြီးတွေနဲ့ သက်ဆိုင်သူတွေက ရွှေမှော်မှာသွားရောက်ဖမ်းဆီးကာ လက်ရှိချီဖွေမြို့နယ် ရဲစခန်းမှာထိန်းသိမ်းထားတယ်လို့သိရပြီး အမှုရင်ဆိုင်တာမရှိသေးဘူးလို့ ဆိုပါတယ်။ နစ်နာသူမိသားစုတွေဘက်ကတော့ မုဒိန်းမှုကျူးလွန်ခဲ့တဲ့သူကို သက်ဆိုင်ရာတွေဘက်က ထိထိရောက်ရောက်အရေးယူပေးဖို့ တောင်းဆိုချင်တယ်လို့ ကျူးလွန်ခံရသူရဲ့ သမီးဖြစ်သူက အခုလိုပြောပါတယ်။ “ဖြစ်နိုင်ရင်တော့ သူ့ကို ထိထိရောက်ရောက်အရေးယူခိုင်းစေချင်တာပေါ့၊ သတ်တောင်သတ် ချင်ပစ်ချင်တာ၊ အမေက မုဆိုးမအဖေဆုံးသွားတာ ၁၇ နှစ်လောက်ရှိပြီ အမေကနာမည်ဆိုးလည်း မရှိခဲ့ဖူးဘူး၊ အမေက သူမုဆိုးမဆိုပြီး ဂုဏ်သိက္ခာရှိရှိနေခဲ့တာ အခုက အရှက်လည်းကွဲ၊ စိတ်ဒဏ်ရာလည်းရတယ်၊ ပြီးတော့ အသက်အန္တရာယ်လည်း ကြုံရတယ်၊ အဲ့တာကြောင့် သူ့ကို ထိထိရောက်ရောက်အရေးယူချင်တာ”လို့ပြောပါတယ်။ လက်ရှိမှာတော့ ကျူးလွန်ခံရတဲ့ အမျိုးသမီးဖြစ်သူဟာ အစာစားလို့မရတဲ့အခြေအနေဖြစ်နေပြီး ခြေ၊ လက်၊ မျက်နှာတွေမှာ ထိခိုက်ဒဏ်ရာရရှိထားတဲ့အတွက် ဆေးကုသမှုခံယူနေတယ်လို့ ဆိုပါတယ်။ ဒါ့အပြင် လက်ရှိ ချီဖွေမြို့အဝင်တွေကို စစ်တပ်ထောက်ခံစာပါမှသာဝင်လို့ရတာဖြစ်ပြီး ကျူးလွန်တဲ့အမျိုးသားဖြစ်သူဟာဆိုရင်လည်း ပဲခူးတိုင်းဘက်က ရောက်လာတာ သုံးလေးရက်လောက်သာရှိသေးတဲ့အတွက် ရွှေမှော်သူဌေးနာမည်နဲ့ ဝင်လာတာဖြစ်နိုင်တယ်လို့ ဒေသခံတွေက ဆိုကြပါတယ်။ မြန်မာနိုင်ငံမှာ အာဏာသိမ်းပြီးနောက်ပိုင်း အမျိုးသမီးများအပေါ် မတရားဖမ်းဆီးခြင်း၊ မုဒိမ်းကျင့်ခြင်း၊ လိင်ပိုင်းဆိုင်ရာအကြမ်းဖက်မှုတွေနဲ့အတူ အိမ်တွင်းအကြမ်းဖက်တာတွေ ပိုမိုဆိုးရွားလာတဲ့အပြင် ပဋိပက္ခဒေသအတွင်းက အမျိုးသမီးများတွေဟာ စစ်ကောင်စီတပ်ရဲ့ အကြမ်းဖက်မှုတွေသာမက တိုင်းရင်းသား လက်နက်ကိုင် အဖွဲ့အစည်းတွေ၊ ဘာသာရေးခေါင်းဆောင်တွေနဲ့ သာမန်အရပ်သားတွေရဲ့ အကြမ်းဖက်မှုပုံစံအမျိုးမျိုး ကြုံနေရတယ်လို့ မြန်မာအမျိုးသမီးများအဖွဲ့ချုပ် ရဲ့ ၂၀၂၃ ခုနှစ် ဇွန်လမှာထုတ်ပြန်တဲ့ အစီရင်ခံစာ ထုတ်ပြန်ချက်မှာ ဖော်ပြထားပါတယ်။ By – Bu Bu
Read More » -
Feb- 2024 -28 Februaryသတင်း
မြစ်ကြီးနား-ချီဖွေလမ်းပိုင်း ဂိတ်တွေမှာ ဆန်နဲ့ စက်သုံးဆီ သယ်ယူဖို့ ပိုခက်ခဲလာ
မြစ်ကြီးနား–ချီဖွေ သွားလမ်းပိုင်း ဂိတ်တွေမှာ အစစ်အဆေးတွေများပြီး ဆန်နဲ့ စက်သုံးဆီတွေ သယ်ယူခွင့် ပိုမို ခက်ခဲလာတယ်လို့ ဒေသခံတွေ ကပြောပါတယ်။ ခုလို စစ်ဆေးရေး ပိုတင်းကြပ်လာတာ ဒီနှစ်လဆန်းပိုင်းကနေ ပိုပြီးဆိုးရွားလာတာဖြစ်တယ်လို့ ချီဖွေဒေသခံတစ်ယောက်က KNG ကိုပြောပါတယ်။ “ဆန်တွေက…
Read More »