စက်သုံးဆီ

ပူတာအို- မြစ်ကြီးနားလမ်းပိုင်းအခွန်အကောက်များလို့ ပူတာအိုမှာ ဆီစျေးမကျနိုင်သေး

ကချင်ပြည်နယ် ပူတာအိုဒေသထဲကို စက်သုံးဆီကားပုံမှန်ဝင်နေပေမယ့် ဆီစျေးတွေမကျပဲ ဆက်မြင့်တက်နေတယ်လို့ ကားသမားတွေဆီကနေ သိရပါတယ်။ မြန်မာ–တရုတ်နယ်စပ် ကန်ပိုက်တည်ဂိတ်ကနေဝင်လာတဲ့ စက်သုံးဆီတွေဟာ ပူတာအိုဒေသထဲ အလုံအလောက်ဝင်နေပေမယ့် ပူတာအို – မြစ်ကြီးနားကားလမ်းပိုင်း အကောက်အခွန်များနေတာကြောင့် ဆီစျေးမကျပဲ ဆက်မြင့်တက်နေတယ်လို့ ပူတာအိုမြို့လေယာဥ်ကွင်းရပ်ကွက်နေအမျိုးသားတစ်ဦးက KNG ကိုပြောပါတယ်။ “လောလောဆယ်ဝင်နေတဲ့ဆီတွေက တရုတ်ဆီတွေပဲဟုတ်တယ် ကန်ပိုက်တည်မှာ ယူစျေးကတစ်ပေပါမှ ၁၂သိန်းလောက်ပဲရှိတယ်။ မြစ်ကြီးနားမှာလည်း ဒီဆီပဲ မြစ်ကြီးနားမှာကတစ်လီတာမှ ၆၀၀၀ ပဲရှိတယ်။ ဒီမှာက တစ်လီတာကို ၁၃၀၀၀ တဲ့ လမ်းမှာအကောက်အခွန်အရမ်းများလို့စျေးတက်နေတာ”လို့ အသက် ၄၀ ကျော်အရွယ်အထက်ပါအမျိူးသားကပြောပါတယ်။ လတ်တလော မြစ်ကြီးနား–ပူတာအိုကားလမ်းပိုင်းမှာ စစ်ကောင်စီတပ်ရဲ့အကောက်အခွန်ဂိတ် ၆ ခုထက်မနည်းရှိပြီး ဆွမ်ပရာဘွမ်မြို့နယ်ထဲမှာ တော်လှန်ရေးအင်အားစုတွေဘက်က ဂိတ် ၂ ခုရှိတယ်လို့ ကားသမားတွေကဆိုပါတယ်။ “မြို့ကြီးနားမြို့အထွက်မှာလေး နှစ်နေရာပေးရတယ် ပြီးတော့ ပူတာအိုဘက်ရောက်ရင်လည်း မူလာရှီးဒီဂိတ်တို့ လုံရှာယန်ရွာထဲကဂိတ်တွေမှာပေးရတယ်။ တခြားနေရာတွေလည်းရှိသေးတယ်ပေးရတာ”လို့မြစ်ကြီးနား ပူတာအိုလမ်းပိုင်းမှာမောင်းနေတဲ့ယာဥ်မောင်းတစ်ဦးကပြောပါတယ်။ စစ်ရေးအခြေနေကြောင့် မြစ်ကြီးနား–မန္တလေးကုန်သွယ်ရေးလမ်းမကြီး အကန့်သတ်နဲ့သာသွားလာခွင့်ရနေတဲ့အတွက် တရုတ်နယ်စပ် ကန်ပိုက်တည်လမ်းကြောင်းကနေ စက်သုံးဆီတွေဝင်ရောက်နေတာဖြစ်ပါတယ်။ လက်ရှိ မြစ်ကြီးနားမှာ 92 တစ်လီတာ ကျပ် ၆၀၀၀ ၊ 95တစ်လီတာ ကျပ် ၆၅၀၀ ရှိပေမယ့် ပူတာအိုမြို့ မြို့တွင်းဆီပန့်ဆိုင်တွေမှာ 92 တစ်လီတာ ကျပ် ၁၂၀၀၀ 95 တစ်လီတာ ကျပ် ၁၃၀၀၀ အထိစျေးတက်နေတာလို့သိရပါတယ်။ “ဂိတ်ကြေးပေးရတဲ့နေရာတွေက တစ်ဂိတ်တစ်ဂိတ်ကို လေးသောင်း၊ငါးသောင်းအထိပေးရတယ်။ တစ်ချို့ဂိတ်တွေက ဒီဇယ်၊ဓာတ်ဆီတွေပေးရတာရှိတယ် ဆီတစ်ပေပါကို ပူတာအိုအရောက် ငါးသိန်းခြောက်းသိန်းလောက်ကုန်တယ် အဲ့ကြောင့်မကျတာလေးဆီစျေးကပူတာအိုမှာ”လို့ မြစ်ကြီးနား–ပူတာအိုကြားဆီကားမောင်းနေတဲ့ ယာဥ်မောင်းတစ်ဦးကပြောပါတယ်။ ကားလမ်းပိုင်းအကောက်အခွန်များနေတာကြောင့် ပူတာအိုဒေသမှာ စက်သုံးဆီနဲ့အလားတူအခြားကုန်စျေးနှုန်းတွေလည်းမြင့်တက်နေတယ်လို့သိရပါတယ်။ ဇွန်လကုန်ပိုင်းက မိုးရွာသွန်းမှုကြောင့် ကားလမ်းမြေပြိုပြီး တစ်လကျော်ကြာ ပိတ်သွားတဲ့ပူတာအို– မြစ်ကြီးနားကားလမ်းပိုင်း ပြန်ဖွင့်လာတာ နှစ်ပတ်ဝန်းကျင်ရှိသေးတာဖြစ်ပါတယ်။ ပူတာအိုမြို့ဟာ မြန်မာနိုင်ငံရဲ့ မြောက်ဘက်အစွန်းမှာရှိပြီး မြစ်ကြီးနားနဲ့ (၂၁၈)မိုင် အကွာမှာရှိပါတယ်။ By – Zaw Zaw

Read More »

ပူတာအိုဘက်ကို စားသောက်ကုန်နဲ့ စက်သုံးဆီ သယ်ယူဖို့ ခက်ခဲနေဆဲ

ပူတာအိုမြို့နယ်ဘက်ကို ကုန်ကားတစ်ချို့ သွားလာခွင့်ရနေပြီဖြစ်ပေမယ့် မြစ်ကြီးနား – ဆွမ်ပရာဘွမ့်ကြားမှာ လမ်းပိုင်းပျက်စီးနေသေးတဲ့အတွက် စက်သုံးဆီနဲ့ ကုန်ပစ္စည်းအများပိုင်း သယ်ယူဖို့ခက်ခဲနေသေးတယ်လို့ သိရပါတယ်။ နှစ်လကျော်အကြာ ပိတ်ထားတဲ့ မြစ်ကြီးနား – ပူတာအိုကားလမ်းပိုင်းမှာ ဩဂုတ်လ ၂၈ ရက် နောက်ပိုင်း ကုန်ကားအသေးသွားလာခွင့်ရနေပြီး  မြစ်ကြီးနားကနေ တက်သွားတဲ့ ကုန်ကားအကြီးတွေ ဆွမ်ပရာဘွမ့်မြို့နယ် ဆူယန်းကျေးရွာအထိသာ ရောက်ရှိနိုင်သေးတယ်လို့ ပူတာအိုဒေသခံတွေ ပြောပါတယ်။ ဒါကြောင့်  ပူတာအိုဘက်ကနေ ကားသေးတွေနဲ့ ဆူယန်းရွာကနေ တစ်ဆင့် ကုန်ပစ္စည်းတွေကို မြို့ထဲပြန်သယ်ယူနေရတယ်လို့ ပူတာအိုဒေသခံ တစ်ဦးက KNG ကိုပြောပါတယ်။ “ကားအသေးတွေတော့ ပြန်တက်နေပြီ ဒါပေမယ့် ကားအကြီးတွေ တက်လို့မရသေးဘူး။ စက်သုံးဆီတွေဆိုရင်တော့ ပူတာအိုဘက်ကနေ ဆင်သွားတဲ့ ကားနဲ့ ကားကြီးတွေက လမ်းပျက်နေတဲ့ နေရာအထိ သွားပြီးတော့ ပိုက်တွေနဲ့ ပြန်စုပ်ပြီး ပူတာအိုဘက်ကို ပြန်သယ်ယူသွားရတယ်။ ကားကြီးတွေ ဆူယန်ဆိုတဲ့ ရွာအထိပဲရောက်နိုင်သေးတယ်”လို့ပြောပါတယ်။ ဆူယန်ရွာမှာ ပိတ်မိနေတဲ့ကုန်ကားကြီးတွေက ပူတာအိုမြို့နယ်ဘက်ကို ဝင်ရောက်နိုင်ဖို့ရန်အတွက် လမ်းပြုပြင်နေဆဲဖြစ်တယ်လို့ သိရပါတယ်။ ခုလို မြစ်ကြီးနား– ပူတာအိုလမ်းပိုင်း ကုန်ကားကြီးတွေ ပုံမှန်တိုင်းသွားလာလို့မရသေးတဲ့အတွက် လက်ရှိ ပူတာအိုမြို့ထဲ ကုန်စျေးနှုန်း ကျဆင်းသွားခြင်းမရှိဘဲ ပုံမှန်စျေးနှုန်းတက်နေတဲ့အခြေအနေ ရင်ဆိုင်နေရတယ်လို့ ပူတာအိုဒေသခံ အမျိုးသားက ဆက်ဆိုပါတယ်။ “စက်သုံးဆီတော့ အနည်းငယ် မသိမသာလေးကျလာတယ်။ ဒါပေမယ့် ကုန်းပစ္စည်းတွေက လုံးဝမကျဘူး။ အခုက လမ်းမှာ တစ်ဆင့်ခံပြန်သယ်ယူရသေးတော့ တင်ခက စျေးများနေတာ အဲဒါကြောင့် ကုန်စျေးနှုန်းက နေ့တိုင်းတိုင်းလိုလိုတက်နေတာ”လို့ပြောပါတယ်။ မြစ်ကြီးနား – ပူတာအိုကားလမ်းပျက်စီးမှုကြောင့် လမ်းပိတ်မိနေတဲ့ နှစ်လအတွင်း ပူတာအိုမြို့မှာ စက်သုံးဆီ ဓါတ်ဆီတစ်ဂါလံ တစ်သိန်း နှစ်သောင်းဝန်းကျင်အထိရှိခဲ့ပြီး တစ်ခြားကုန်စျေးနှုန်းတွေလည်း စျေးအဆမတန်မြင့်တက်ခဲ့တယ်လို့သိရပါတယ်။ အဲဒီနောက် ဩဂုတ်လ ၂၈ ရက် လမ်းပြန်ဖွင့်သွားတဲ့နောက်ပိုင်း တစ်ပတ်အတွင်းမှာ စက်သုံးဆီ တစ်ဂါလံ လက်ရှိပေါက်စျေး ၆၀၀၀၀ ကျော်အထိ လျှော့ကျသွားပြီးတော့ ကြက်ဥတစ်လုံးကို ၁၆၀၀ အထိရှိနေသေးတယ်လို့ သိရပါတယ်။ အခုလို ပူတာအိုဒေသမှာ ကုန်စျေးနှုန်းတက်နေတာဟာ တဆင့်ခံဝယ်ယူတဲ့ မြစ်ကြီးနားမြို့မှာတင် ကုန်ပစ္စည်းတွေ ပြတ်လပ်နေပြီး ရရှိနေသေးတဲ့ ကုန်ပစ္စည်းတွေလည်း စျေးနှုန်း နေ့စဉ် တစ်ထောင်ကျော် အထက် စျေးနှုန်းမြင့်တက်နေတဲ့အတွက် ပူတာအိုဒေသလို လမ်းပန်းဆက်သွယ်ရေးခက်တဲ့ နေရာဒေသတွေမှာ ကုန်းစျေးနှုန်းထိုးတက်သွားတာဖြစ်ပါတယ်။ ဒါကြောင့် ပူတာအိုဒေသဟာ စစ်တပ်အာဏာသိမ်းပြီးနောက် လမ်းပန်းဆက်သွယ်ရေးအခက်အခဲတွေကြောင့် တခြားဒေသတွေထက် ကုန်စျေးနှုန်းမြင့်တက်တဲ့ ဒဏ်ကို ရင်ဆိုင်ကြုံတွေ့နေကြတာဖြစ်ပါတယ်။ By – နော်ထွယ့်(ဟူးကောင့်)

Read More »

ပူတာအိုမှာ စက်သုံးဆီဝယ်ယူဖို့ ခက်ခဲနေတဲ့အတွက် ဆီဆိုင်ကိုကျောက်ခဲနဲ့ပစ်ပေါက်ပြီး အငြင်းပွားမှုတွေဖြစ်နေ

ပူတာအိုမြို့နယ်မှာ စက်သုံးဆီ ဝယ်ယူဖို့ ခက်ခဲနေပြီး စက်သုံးဆီရောင်းချပေးနေတဲ့ ဆီဆိုင်ပိုင်ရှင်တွေနဲ့ ပြည်သူတွေကြား အငြင်းပွားတာတွေရှိနေတယ်လို့ ဒေသခံတွေဆီကနေ သိရပါတယ်။ ပြီးခဲ့တဲ့ ဇွန်လ လဆန်းပိုင်း စစ်တပ်နဲ့ KIA တပ်ရဲ့ညှိနှိုင်းမှုနဲ့အတူ ပူတာအိုဘက်ကို စက်သုံးဆီလုံလုံလောက်လောက်တင်သွင်းထားပေမယ့် ဆီဆိုင်ကြီးတွေဟာ ပြည်သူတွေကို လိုသလောက်ရောင်းချပေးတာမရှိဘဲ လုပ်ငန်းရှင်တွေကိုသာ မှောင်ခိုစျေးနဲ့ရောင်းချပေးနေတယ်လို့ ပူတာအိုဒေသခံတွေကပြောပါတယ်။ တစ်ပတ်မှာ တစ်ကြိမ်လောက်သာမရှိတဲ့ ရောင်းချပေးတဲ့စနစ်ကြောင့် ဆီဆိုင်မှာ လာရောက်တန််််််််််းစီကြတဲ့ ပြည်သူတစ်ချို့ ဆီမရရှိတဲ့အတွက် ဆီဆိုင်ကို ကျောက်ခဲတွေနဲ့ ပစ်ပေါက်တဲ့အထိ ဆီဝယ်ယူရခက်ခဲနေတယ်လို့ ပူတာအိုဒေသခံတစ်ဦးက ခုလိုပြောပါတယ်။ “ဆီရောင်းချပေးတာကို အချိန်တစ်ခုကန့်သတ်ပေးတာလည်းမရှိဘူး။ ဆီလိုအပ်လို့ လာတိုးကြတဲ့ ပြည်သူတွေက ရာချီရှိတယ်။ တိုးလို့မရဘူးဆိုရင် အချင်းချင်းရန်ဖြစ်ကြ။ တစ်ချို့သူတွေဆိုရင် အဝေးကြီးကနေ ကိုယ့်မှာရှိထားတဲ့ ဆီကုန်ခံပြီးလာတိုးကြတာ ဆီဆိုင်ကနေ ကုန်ပြီလို့ပြောပြန်ပြောတော့ ကျောက်ခဲတွေနဲ့ပစ်ကြ ခိုက်ကြဖြစ်နေကြတယ်”လို့ ပူတာအိုဒေသခံတစ်ဦးက KNG ကိုပြောပါတယ်။ ကချင်ပြည်နယ်ထဲမှာ ရေကြီးရေလျှံမှုမတိုင်မှီ ဇွန်လထဲမှာ စစ်တပ်နဲ့ KIA ရဲ့ ညှိနှိုင်းမှုကြောင့် ဆီပေပါ ၃ ထောင်ခန့် ပူတာအိုမြို့ဘက်ကို တင်သွင်းထားပြီလို့သိရပါတယ်။ လက်ရှိမှာ စက်သုံးဆီရောင်းဝယ်တဲ့ ဆီဆိုင်ကြီးတွေက ဆီပြတ်သွားပြီဆိုတဲ့အကြောင်းပြချက်နဲ့  ပြည်သူတွေ လိုသလောက်ရောင်းချပေးတာမျိုးမရှိဘဲ အကန့်အသတ်နဲ့သာ ခက်ခက်ခဲခဲ ဝယ်ယူနေကြရတယ်လို့ သိရပါတယ်။ ဆီကုန်သည်တွေက လုပ်ငန်းရှင်တွေကိုသာ စျေးနှုန်းတွေမြင့်တင်ပြီး မှောင်ခိုစနစ်နဲ့ ရောင်းချပေးနေတာကြောင့် လက်ရှိပူတာအိုမြို့နယ်ထဲမှာ ဓါတ်ဆီတစ်ပေပါကို မြန်မာငွေ သိန်း ၆၀ အထိ မြင့်တက်နေပြီး ဒီဇယ်တစ်ပေပါ သိန်း ၃၀ အထိရှိတယ်လို့သိရပါတယ်။ ဒါ့အပြင် လက်ရှိ ပူတာအိုမြို့မှာ ပြည်သူတွေ စက်သုံးဆီဝယ်ယူဖို့ ခက်ခဲနေတဲ့အထဲမှာ လက်ကား ပုလင်းချိန်နဲ့ ရောင်းချခွင့်မပေးဘဲ ဖမ်းဆီးတာတွေရှိနေတာကြောင့်လည်း စက်သုံးဆီရရှိဖို့ ခက်ခဲနေတာလည်းဖြစ်တယ်လို့ ဒေသခံတွေကပြောပါတယ်။ ပြီးခဲ့တဲ့ ဇူလိုင် ၂၁ ရက်နေ့မတိုင်ခင် ဖုန်းလိုင်းတွေရရှိနေတဲ့အတွက် ပြည်သူတွေအချင်းချင်းဖုန်းကနေ တစ်ဆင့်ဆက်သွယ်ပြီး အဆင်ပြေနေကြပေမယ့် အင်တာနက်လိုင်းဖြတ်တောက်ခံလိုက်ရတဲ့နောက်မှာတော့ ဆိုင်ကယ်နဲ့သွားရတဲ့ခြေနေတွေကြောင့် စက်သုံးဆီအခက်ခဲကပိုပြီးဆိုးလာတာဖြစ်တယ်လို့လည်း ပူတာအိုဒေသခံအမျိုးသားတစ်ဦးက ဆက်ပြောပါတယ်။ …

Read More »

ဗန်းမော် – မန္တလေး ကားလမ်းပိုင်း ပိတ်လိုက်တဲ့နောက် ဗန်မော်ပြည်သူတွေ အဖက်ဖက် ကြပ်တည်းနေ

ဗန်းမော်– မန္တလေး ကားလမ်းမကြီးပိတ်လိုက်တဲ့နောက် ဗန်းမော်မြို့နယ်မှာ ကုန်ဈေးနှုန်းနဲ့ စက်သုံးဆီဈေး သိသိသာသာမြင့်တက်လာတဲ့အတွက် ပြည်သူတွေစားဝတ်နေရေး၊ သွားရေးလာရေး ပိုခက်ခဲလာနေတယ်လို့ သိရပါတယ်။ ပြီးခဲ့တဲ့ မေလ ၁၀ ရက်နောက်ပိုင်းစပြီး ကချင်လွတ်လပ်ရေးတပ်တော် KIA၊ ကချင်ပြည်သူ့ ကာကွယ်ရေးတပ် KPDF  ပူးပေါင်းတပ်နဲ့ စစ်ကောင်စီတို့အကြား ဗန်းမော်မြို့အနီးတစ်ဝိုက် နေရာအနှံ့တိုက်ပွဲပြင်းထန်လာတဲ့အတွက် နှစ်ဖက်လက်နက်ကိုင်တပ်တွေ ဗန်းမော်– မန္တလေး ကားလမ်းပိုင်း ဖြတ်သန်းသွားလာခွင့်ကို ပိတ်လိုက်တာ ခုဆိုရင် ၂ လကျော်ကြာလာပြီဖြစ်ပါတယ်။  အဲ့ဒီနောက်ပိုင်းမှာတော့ ဗန်းမော်ဘက်ကို စင်းခမ်း၊ ကသာ၊ ရွေကူဘက်ကနေ ရေလမ်းကြောင်းစက်လှေနဲ့တစ်ဆင့် အခြေခံစားသောက်ကုန်တွေ သယ်ယူနေကြပေမဲ့ စက်လှေစရိတ်၊ ကုန်တင်ကုန်ချ စရိတ်ကြီးတဲ့အတွက် ကုန်ဈေးနှုန်းတွေမြင့်တက်လာတာဖြစ်တယ်လို့ ဗန်းမော်မြို့ ဒေသခံအမျိုးသားတစ်ယောက်က KNG ကိုပြောပါတယ်။ “မော်တော်ခတွေလည်း အရမ်းဈေးကြီးလာတယ်လေ ပြီးတော့ ဟိုဘက်ကမ်းကနေ ဗန်းမော်ရေဆိပ်မှာ ရောက်ပြီဆိုရင် အဲ့မှာ ရောက်လာကြပြီ ကုန်တင်ကုန်ချတွေလည်းတောင်းတာများလာတယ်။ ဟိုတလော ရေကြီးတဲ့ချိန်ဆိုရင် အရမ်းသိသာတယ်၊ ပစ္စည်းပျောက်တာတွေလည်း အရမ်းရှိခဲ့တယ်၊ ကုန်ဈေးနှုန်းတွေဆိုရင်လည်း ဗန်းမော်မှာ တစ်ခါမှ မကြားဖူးတဲ့ ဈေးတွေဖြစ်နေပြီ” လို့ဆိုပါတယ်။ ဒါ့အပြင် ဗန်းမော်မှာ ဓာတ်ဆီကားမဝင်တော့တဲ့အတွက် ဆီပန့်ဆိုင်ကြီးတွေ ပိတ်ထားပြီး လမ်းဘေးပုလင်းချိန်ရောင်းသူတွေ ဓာတ်ဆီဈေးတွေ မြင့်တက်နေတာကြောင့် ဗန်းမော်စခန်းမှူးကနေ ပြီးခဲ့တဲ့ ဇူလိုင်လ ၁၄/၁၅ ရက်မှာတော့ လမ်းဘေးဆီဆိုင်တွေကို ဓာတ်ဆီတစ်ဘူး ၄၀၀၀ ကျပ်သာရောင်းချကြဖို့  ခံဝန်ကတိထိုးခိုင်းတာမျိုးရှိခဲ့ပေမဲ့ လက်ရှိမှာတော့ ဓာတ်ဆီတစ်ဘူးကို ၉၀၀၀ ကျပ်ရောက်နေပြီလို့ ဆိုပါတယ်။ အခုလို ကုန်ဈေးနှုန်းမြင့်တက်နေတာဟာ အခြေခံလူတန်းစားတွေအတွက် ပိုမိုခက်ခဲစေတယ်လို့ ဒေသခံအမျိုးသမီးတစ်ယောက်က ပြောပါတယ်။ “လူတွေလည်း ကျစရာဆိုလို့ စိတ်ဓာတ်ဘဲရှိတော့တယ်၊ ကုန်ဈေးတွေကတော့ ကျမှာမဟုတ်တော့ဘူး အတက်ဘဲရှိတာအဆင်းက မရှိဘူး။ ရေကြီးတဲ့ချိန်ဆို ပိုတောင်ဆိုးသေးတယ် ရေသာကျသွားတယ် ကုန်ဈေးက မကျဘူး၊ လက်လုပ်လက်စားတွေဆို တစ်နေ့ကိုမှ ၁သောင်းလောက်ရတာ၊ ဆီထည့်တာနဲ့ ကုန်ပြီလေ”လို့ပြောပါတယ်။ လက်ရှိ ဗန်းမော်မှာ ဓာတ်ဆီတွေကို ဘူးသေး၊ ဘူးလတ်၊ ဘူးကြီး ခွဲထားပြီး အများဆုံး ၉၀၀၀ ကျပ်ထိရှိတဲ့အပြင် ရိုးရိုးဆန် တစ်အိတ် ၁သိန်း ၂ သောင်းကျပ်၊ ဆီ တစ်ပိဿာ ၁သောင်း ၇ထောင်၊ ခရမ်းချဉ်သီး တစ်ပိဿာ ၈ထောင်ကျပ် ရှိတဲ့အပြင် တစ်ခြားကုန်တွေလည်း နဂိုဈေးထက် ၁၀၀၀ လောက်ဈေးမြင့်တက်လာတယ်လို့ ဆိုပါတယ်။ ဒါ့အပြင် ဗန်းမော်မြို့တွင်း ဂိတ်အဝင်အထွက်တွေမှာဆိုရင် ဂိတ်ကြေးတောင်းခံမှုများတဲ့အပြင် စစ်ဆေးမေးမြန်မှုတွေလည်းများတဲ့အတွက် ဒေသခံတွေအနေနဲ့ သွားရေးလာရေး အခက်အခဲရှိနေတယ်လို့ အမျိုးသားတစ်ယောက်က KNG ကိုဆက်ပြောပါတယ်။ “ဂိတ်တွေမှာဆိုရင် ဘာပစ္စည်းဘဲသယ်သယ် ပိုက်ဆံတောင်းတယ်၊ သူတို့ရဲ့ လက်သုံးစကားက မင်းတို့ ဒါတွေကို ဘယ်ယူသွားမှာလဲ PDf တွေကို ထောက်ပံ့မလို့မဟုတ်လားတဲ့၊ အိမ်စားဖို့အတွက် သယ်တာလို့ပြောရင်လည်း ဂိတ်ကြေးက ၂ သိန်း ၃ သိန်းတောင်းတာရှိတယ်၊ ဆဲဆိုပြီးတောင်းတာလည်းရှိတယ်၊ သူတို့ကိုက ဝင်ရင်လည်းပေးရ ထွက်ရင်လည်းပေးရတယ်”လို့ပြောပါတယ်။ ပြီးခဲ့တဲ့ ဇူလိုင် ၂ ရက်နေ့လောက်ကနေစပြီး ဗန်းမော်မှာ ရေကြီးရေလျှံဖြစ်ခဲ့တဲ့အတွက် မြေနိမ့်ပိုင်းက ဒေသခံတစ်ထောင်နီးပါး တိမ်းရှောင်ခဲ့ကြရတဲ့အပြင် ခုလိုရေကြီးမှုကြောင့်လည်း ကုန်ဈေးနှုန်းတွေ ပိုမြင့်တက်လာတာဖြစ်တယ်လို့ သိရပါတယ်။ ဗန်းမော်မြို့ဒေသခံတွေအနေနဲ့ အခုလို ရေဘေးဒဏ်၊ ကုန်ဈေးနှုန်းဒဏ်တွေကို ရင်ဆိုင်နေရတဲ့အပြင် တစ်ဖက်မှာလည်း စစ်ရေးအခြေအနေကို စိုးရိမ်နေရပြီး လက်နက်သံ၊ သေနတ်တွေလည်း မကြာခဏကြားနေရတယ်လို့ ဆိုပါတယ်။ ဒါ့အပြင် ဗန်းမော်မှာ မနက်၆ ညနေ ၆ နာရီ မာရှယ်လော ထုတ်ထားတဲ့အတွက် ဒေသခံပြည်သူတွေအနေနဲ့ သွားရေးလာရေ သတိထားနေရတဲ့အပြင် တစ်ခါတလေ ဖမ်းဆီးစစ်ဆေးပြီး ရိုက်နှက်တာမျိုး၊ ဖမ်းသွားသူတွေကို ပိုက်ဆံနဲ့ လာရွေးခိုင်းတာမျိုးလည်း ပြုလုပ်နေတယ်လို့ ဒေသခံတွေရဲ့ ပြောပြချက်အရ သိရပါတယ်။ By – BU BU

Read More »

ပူတာအိုမှာ ဆီကားတွေရောက်ပေမယ့် ဝယ်ယူဖို့ခက်ခဲနေဆဲ

ကချင်ပြည်နယ် ပူတာအိုမြို့မှာ ဓါတ်ဆီကားတွေ ဝင်ရောက်လာပေမယ့် ဒေသခံတွေ ဆီဝယ်ယူဖို့ ခက်ခဲနေတယ်လို့သိရပါတယ်။ မြစ်ကြီးနား – ပူတာအို ကားလမ်း မြေပြိုမှု ဆိုးဆိုးဝါးဝါးမဖြစ်ခင် ဇွန်လ ၂၈ ရက်နေ့တက်လာတဲ့ ဆီကားတွေ ဇူလိုင် ၈ ရက်နေ့…

Read More »

ကချင်ပြည်နယ်ထဲကို ဆီးကားတွေ ဝင်ခွင့်မပြုတဲ့အတွက် နန့်ဆီးအောင်အထိ ကယ်ရီနဲ့သယ်ယူပြီး ပြန်လည်ရောင်းချနေရ

ကချင် – စစ်ကိုင်းအစပ် နန့်စီးအောင် စစ်တပ်ဂိတ်မှာ ပိတ်ဆို့ထားတဲ့ စက်သုံးဆီကားတွေကို ကချင်ပြည်နယ်ဘက်ကို တင်သွင်းခွင့်မပြုသေးတာကြောင့် ဆီကုန်သည်တစ်ချို့က ဆိုင်ကယ်ကယ်ရီသမားတွေနဲ့ တဆင့်ခံသယ်ယူပြီး ပြန်လည်ရောင်းချပေးနေရတယ်လို့ သိရပါတယ်။ ပြီးခဲ့တဲ့ ဇွန်လ ၂၁ ရက်နေ့ နောက်ပိုင်း မန္တလေးဘက်ကနေ တက်လာတဲ့ ဆီးဘောက်ဆာကားတွေကို ကချင်ပြည်နယ်ထဲကို တင်သွင်းခွင့်မပြုဘဲ ပိတ်ဆို့ထားတာ ရက်ပေါင်း၂၀ လောက် ကြာမြင့်လာပြီဖြစ်ပါတယ်။ နန့်ဆီးအောင်ဂိတ်မှာ ပိတ်ဆို့ခံထားရတဲ့ ဆီကားတွေက ဝင်ရောက်နိုင်းခြင်းမရှိတာကြောင့် မိုးညှင်း၊ မိုးကောင်း စတဲ့ မြို့နယ်တစ်ကြောက ဆီရောင်းဝယ်တဲ့ လုပ်ငန်းရှင်တွေက ကယ်ရီသမားတွေနဲ့ ပြန်လည်သယ်ယူပြီး ရောင်းချပေးနေတယ်လို့ နန်ဆီးအောင်ဂိတ်နဲ့ နီးစပ်တဲ့ ပြည်သူတစ်ဦးက KNG ကိုပြောပါတယ်။ “အခုက အောက်ပိုင်းဘက်ကနေ တက်လာတဲ့ ဆီကားတွေကို ကချင်ပြည်နယ်ဘက်ကို လုံးဝ ဝင်ခွင့်မပေးတော့ဘူး။ အဲဒါကြောင့် ကယ်ရီသမားတွေက နန်ဆီးအောင်ဂိတ်အထိလာပြီး လာသယ်ယူနေကြတာ တစ်ပတ်လောက်ရှိလာပြီ။ အဲဒီကယ်ရီသမားတွေကပဲ မိုးညှင်း၊ မိုးကောင်း တစ်ကြောက ဆီဆိုင်တွေဆီပြန်ပို့ပေးတာ။ တစ်ပုံသယ်ပေးရင် ဘယ်လောက်ဆိုပြီး သယ်ခိုင်းနေကြတယ်။ အဲဒါကြောင့် ဒီသလော ဆီသယ်တဲ့ ကယ်ရီသမားတွေ တစ်ရက်ကို အစီး ၅၀၊ ၆၀ တက်နေတယ်”လို့ပြောပါတယ်။ အခုရက်ပိုင်းအတွင်း မိုးညှင်း၊ မိုးကောင်း မြို့နယ်တွေဘက်ကနေ နန့်ဆီးအောင် ဂိတ်အထိ ဆီလာရောက်သယ်ယူတဲ့ ဆိုင်ကယ် ကယ်ရီသမားတစ်ရက်ကို အစီး ၆၀ လောက်အထိ ပုံမှန်တက်နေတယ်လို့ ဆိုပါတယ်။ ကယ်ရီသမားတစ်ချို့က ဆီဆိုင်တွေအတွက် လာရောက်သယ်ယူခိုင်းတာမျိုးမဟုတ်ဘဲ နန့်ဆီးအောင်ဂိတ်အထိ စက်သုံးဆီတွေကို လာရောက်ဝယ်ယူပြီး မိုးညှင်းမြို့နယ် လမ်းတစ်ကြောရှိ ပြည်သူတွေကို ပြန်လည် ရောင်းချပေးနေတာတွေလည်းရှိနေတယ်လို့ ပြောပါတယ်။ နန့်ဆီးအောင်ဂိတ်အထိ စက်သုံးဆီလာရောက်သယ်ယူကြတဲ့ ဆိုင်ကယ် ကယ်ရီသမားတွေကို တစ်ဖက်မှာ စစ်တပ်က လမ်းတစ်ကြောရှိတဲ့ စစ်တပ်ဂိတ်နေရာတွေမှာ ဆိုင်ကယ် တစ်စီး ကျပ် တစ်သောင်း၊ နှစ်သောင်း ပေးမှသာ သွားလာခွင့်ရရှိနေတယ်လို့လည်း သူက ဆက်ဆိုပါတယ်။ “ဆိုင်ကယ်တစ်စီးမှာ ဆီတစ်ပေပါလောက်တော့ တင်နိုင်တယ်။ ဆီလာတဲ့ ကယ်ရီသမားတွေဆီကနေ နန်ဆီးအောင် စစ်တပ်ဂိတ်က ဆိုင်ကယ် တစ်စီးဖြတ်ရင် ငွေ တစ်သောင်း၊ နှစ်သောင်းပြန်ယူတယ်။ ပြီးရင် မော်ဟန်ဂိတ်မှာလည်း အတူတူပဲ။ စစ်တပ်က ဆီကားတွေကို မဝင်ခိုင်းပေမယ့် ဆီသယ်တဲ့ ကယ်ရီသမားတွေဆီကနေ ငွေတော့ ပြန်ကောက်တာပေါ့”လို့ပြောပါတယ်။ ဆီကုန်သည်တွေက ကယ်ရီသမားတွေနဲ့ တဆင့်ခံ သယ်ယူပြီး ရောင်းချလာရတဲ့ အခြေအနေမှာ နန့်ဆီးအောင်ဂိတ်မှာ ပိတ်ဆို့ခံထားရတဲ့ ဆီကားတွေက အချိန်အကြာ မစောင့်ဆိုင်းလာနိုင်တာကြောင့် အခုလိုလုပ်ဆောင်တာဖြစ်တယ်လို့လည်း သိရပါတယ်။…

Read More »

ပူတာအိုမှာ ဆီကားတွေဝင်ရောက်နေပြီဖြစ်ပေမယ့် လက်ကားစျေးနဲ့သာရောင်းပေးနေတာကြောင့် ဆီစျေးမကျနိုင်

ကချင်ပြည်နယ် ပူတာအိုမြို့နယ်ထဲကို စက်သုံးဆီကားအများအပြားဝင်ရောက်ထားပြီဖြစ်ပေမယ့် ဆီပန့်အရောင်းဆိုင်ကြီးတွေဟာ စက်သုံးဆီတွေကို ဆီပန့်ဆိုင်မှာမရောင်းချပေးပဲ အပြင် လက်ကားစျေးနဲ့သာထုတ်ရောင်းနေတာကြောင့် ဆီစျေးဆက်လက်မြင့်တက်နေတယ်လို့ ဒေသခံတွေဆီကနေ သိရပါတယ်။ လနဲ့ချီစက်သုံးဆီကားအဝင်ရပ်တန့်ခဲ့တဲ့ ပူတာအိုမြို့မှာ ဇွန်လ ၂၇ ရက်နေ့က ပထမဆုံးအကြိမ် ဆီပန့်ဆိုင်ကြီးတွေရဲ့ဆီကားအများအပြားဝင်ရောက်လာခဲ့ပြီဖြစ်ပါတယ်။ သို့သော် ဇွန်လ ၂၈ ရက်နေ့တစ်ရက်တည်းသာ ဆီပန့်ဆိုင်တွေမှာရောင်းချပေးခဲ့ပြီး နောက်ပိုင်းအပြင်မှာ လက်ကားစျေးနဲ့သာထုတ်ရောင်းနေတယ်လို့ ပူတာအိုမြို့ခံအမျိုးသားတစ်ဦးကKNGကို ပြောပါတယ်။ “တစ်ရက်ပဲရောင်းပြီး ပိတ်သွားတာဟုတ်တယ် ဒီနေ့ဆီရောက်တယ်ဆိုရင်နောက်နေ့လိုတစ်ရက်ပဲ ရောင်းပေးပြီးပိတ်သွားတာ ဆီကုန်သွားတယ်ဆိုပြီး တစ်ရက်ပဲရောင်းပေးတာဘယ်ကုန်မလဲသူတို့ကဆီတွေက်ိုပေပါလိုက်အပြင်မှာထုတ်ရောင်းပေးနေတာ ဇေယျာမင်းနဲ့ တိုင်းကျော်မှာ ခုထိရတယ်ပေပါလိုက်ယူမယ်ဆိုရင်”လို့ အသက် ၅၀ ကျော်အရွယ်အထက်ပါအမျိုးသားက ပြောပါတယ်။ ဇွန်လ ၂၇ရက်နေ့မှာ ဇေယျာမင်းဆီပန့်ဆိုင်၊ တိုင်းကျော်၊BTK ဆီပန့်ဆိုင် ရွှေပိုးဝါဆီပန့်ဆိုင်နဲ့အခြားဆီပန်ဆိုင်ကြီးတွေရဲ့ ဆီကားအများအပြားရောက်လာခဲ့ပြီး ဇွန်လ ၂၈ ရက်နေ့က ဓာတ်ဆီ တစ်ပုလင်းကျပ် ၈၀၀၀၊ တစ်ဂါလံ ကျပ် ၂၈၀၀၀ ဝန်းကျင်နဲ့ဆီပန့်ဆိုင်တွေမှာရောင်းပေးခဲ့ပြီး နောက်ပိုင်းအပြင်မှာလက်သားစျေးနဲ့သာထုတ်ရောင်းနေတာကြောင့် ဆီးစျေးတက်နေတာဖြစ်တယ်လို့ ပူတာအိုမြို့ခံ အခြားအမျိုးသားတစ်ဦးက ပြောပါတယ်။ “BTK ဆိုင်ကတော့ နှစ်ရက်သုံးရက်အထိ မနက်ပိုင်းရောင်းပေးသေးတယ် အကန့်အသတ်နဲ့ပဲ ဇေယျာမင်း တိုင်းကျော်တို့ကတော့တစ်ရက်ပဲ ရောင်းပြီးပိတ်သွားတာပဲ. အခုသူတို့က အပြင်မှာ တစ်ပေပါ သိန်း ၃၀ ၊သိန်း ၄၀ နဲ့ထုတ်ရောင်းနေလို့အခုလမ်းဘေးဆိုင်တွေမှာစျေးတက်နေတာ တစ်ပုလင်းကို ၂၅၀၀၀ အထိရှိတယ် အပြင်မှာတော့ဆီကပေါတယ် နေရာတိုင်းရှိတယ် စျေးကြီးတာတစ်ခုပဲ”လို့ သူကပြောပါတယ်။ လက်ရှိ ဇေယျာမင်း၊တိုင်းကျော်စတဲ့ ဆီပန့်ဆိုင်ကြီးတွေဆိီကနေ စီးပွားရေးလုပ်ကိုင်သူတစ်ချို့ကလက်ကားယူပြီး အပြင်မှာပုလင်းချိန်နဲ့ဓာတ်ဆီတစ်ပုလင်းကျပ် ၁၇၀၀၀ ကနေ ကျပ် ၂၅၀၀၀ ၊ တစ်ဂါလံ ကျပ် ၅၀၀၀၀ ကနေ ကျပ် ၇၀၀၀၀ အထိစျေးတင်ရောင်းနေတယ်လို့ ဒေသခံတွေက ဆိုပါတယ်။ ပူတာအိုမြို့ပေါ်က အဓိက ဆီပန့်ဆိုင်ကြီးတွေ ဖြစ်တဲ့ ဇေယျာမင်း၊တိုင်းကျော်စတဲ့ဆီပန့်ဆိုင် ကြီးတွေ မှာ ဇွန်လ ၂၇ ရက်နေ့က တစ်ဆိုင်ကို ဆီပေပါအနည်းဆုံး အလုံး ၃၀၀ ထက်မနည်း ရောက်လာပေမယ့် တစ်ရက်သာထုတ်ရောင်းပေးပြီး လက်ရှိလို့ဆီကုန်နေတယ်လို့ဆိုကာ ဆိုင်ပိတ်ထားတယ်လို့ဒေသခံတွေကဆိုပါတယ်။ ခုလိုစက်သုံးဆီတွေကို လက်ကားနဲ့သာရောင်းချပေးနေတဲ့အတွက် ဆီစျေးမကျနိုင်တာကြောင့် လက်လုပ်လက်စားပြည်သူတွေနဲ့သာမန်ပြည်သူတွေ ဝယ်ယူနိုင်ဖို့ခက်ခဲနေတယ်လို့လည်း သိရပါတယ်။ ဇွန်လ ၂၇ရက်နေ့ နောက်ပိုင်းမှာလည်း ပူတာအိုမြို့ဘက်ကို ဆီကားတွေထပ်မံတက်သွားပေမယ့် မိုးသည်းထန်စွာရွာသွန်းပြီး ဆွမ်ပရာဘွမ်မြို့နယ်ထဲမှာ ကားလမ်းမြေပြိုမှုကြောင့်ဆီကားတွေနဲ့ ကုန်းကားအများအပြားပိတ်မိနေဆဲဖြစ်ပါတယ်။ လက်ရှ်ိကချင်ပြည်နယ်ထဲ ဝင်မယ့်စက်သုံးဆီကားအများအပြားဟာ နန့်စီးအောင်ဂိတ်မှာပိတ်မိနေသလို လွယ်ဂျယ်ဂိတ်ကနေလည်း ဆီကားတွေ ဖြတ်ခွင့်မရတာကြောင့် ကချင်တစ်ပြည်နယ်လုံးအတိုင်းအတာနဲ့ စက်သုံးဆီပြတ်လပ်တာအပြင် ဆီစျေးနှုန်းမြင့်တက်တာတွေ ပိုဆိုးရွားလာတာဘဲဖြစ်ပါတယ်။ By – Zaw Zaw

Read More »

မြစ်ကြီးနားမှာ စက်သုံးဆီဆိုင်ကြီးတွေပိတ်ထားပြီးနောက် ပုလင်းချိန်တွေ စျေးအဆမတန်တင်ရောင်းနေ

ရေဘေးအန္တရာယ်ကြုံတွေ့နေရတဲ့ မြစ်ကြီးနားမြို့ပေါ်မှာ စက်သုံးဆီဆိုင်ကြီးတွေပိတ်သွားပြီး လမ်းဘေး ပုလင်းချိန်နဲ့ ရောင်းချသူတွေ စျေးအဆမတန်ရောင်းချပေးနေတာကြောင့် ပြည်သူတွေစက်သုံးဆီရရှိဖို့ခက်ခဲနေတယ်လို့ သိရပါတယ်။ မြစ်ကြီးနား ပြည်သူတွေဟာ လက်ရှိမှာ ပြန်လည်ထူထောင်ရေးလုပ်ဖို့ စက်သုံးဆီတွေအရေးပေါ်လိုအပ်နေတာဖြစ်ပေမယ့် မြစ်ကြီးနားမြို့ပေါ်မှာ ရောင်းချပေးနေတဲ့ ဆီဆိုင်ကြီးတွေအားလုံးနီးပါးပိတ်ထားတယ်လို့သိရပြီး လမ်းဘေးပုလင်းချိန်နဲ့သာရရှိနေတယ်လို့ မြစ်ကြီးနားပြည်သူတွေကပြောပါတယ်။ “ကျနော်တို့ သိရသလောက် ဆိုင်ကြီးတွေမှာ ဓါတ်ဆီက လုံးဝမရောင်းပေးတော့ဘူး။ အခုက လမ်းဘေးဆိုင်တွေမှာ ဘယ်လိုရလာလဲတော့မသိဘူး။ တစ်လီတာပြည့်မပြည့် ရှိတဲ့ တစ်ပုလင်းကို မနေ့ကအထိတော့ တစ်သောင်းလောက်နဲ့ ရသေးတာ။ ဒီကနေ့ ဆိုင်ရင် တစ်သောင်းခွဲ ၊ နှစ်သောင်းလောက်ရှိနေပြီ။ အဲလိုဆိုတော့ ကျနော်တို့ ပြည်သူတွေက တော်ခက်ခဲနေတဲ့ အချိန်ဖြစ်နေပါတယ်။ သွားဖို့လာဖို့တောင်အရမ်းခက်ခဲသွားပြီ။ အခုဆိုရင် မီးလည်းမလားဘူး။ ရေလည်းကျလာပြီဆိုတော့ ပြည်သူတွေက ဘာပဲဖြစ်ဖြစ် စက်သုံးဆီက အရမ်းကို လိုအပ်နေတဲ့ အချိန်အပေါ့လေ”လို့ပြောပါတယ်။ မြစ်ကြီးနားမြို့မှာ ဇွန်လ ၃၀ ရက်နေ့ကစပြီး ဧရာဝတီမြစ်ရေဟာတစ်မြို့လုံးနီးပါးဝင်ရောက်ခဲ့ပေမယ့် ဇူလိုင် ၂ ရက်နေ့စပြီး တစ်ချို့ရပ်ကွက်တွေမှာ ရေတွေပြန်ကျသွားပြီဖြစ်ပါတယ်။  ခုလိုရေတွေပြန်ကျသွားတဲ့နောက် ပြည်သူတွေဟာသယ်ယူပို့ဆောင်ရေးအတွက်နဲ့  လူနေရပ်ကွက်တွေမှာ ကျန်ရှိနေသေးတဲ့ ရွံ့နွံတွေကို စက်နဲ့စုပ်ထုတ်တာ၊ ရေတွင်းထဲမှာကျန်ရှိနေတဲ့ ရေပုပ်တွေကို စုပ်ထုတ်ဖို့တာတွေလုပ်ဖို့လိုအပ်နေပေမယ့် စက်သုံးဆီတွေပြတ်နေတဲ့အခက်အခဲဖြစ်နေတယ်လို့ ပြောပါတယ်။ လက်ရှိ စက်သုံးဆီတွေရရှိနေသေးတဲ့ နေရာတွေမှာလည်း တစ်လီတာကို ၂ သောင်းဝန်းကျင်နဲ့ တစ်ဂါလံကို ၈ သောင်းခန့်အထိ စျေးတင်ရောင်းချနေတာကြောင့် ပြည်သူအပိုင်းဝယ်ယူဖို့ခက်ခဲနေတာလည်းဖြစ်ပါတယ်။ မြစ်ကြီးနားမြို့မှာ စက်သုံးဆီတွေပြတ်လပ်နေတာနဲ့ ပတ်သက်ပြီး ရေကြီးရေလျှံဖြစ်တဲ့နောက်ပိုင်း ဆီဆိုင်ကြီးတွေစက်သုံးဆီရောင်းချပေးတာကို ရပ်တန့်လိုက်ပြီး လမ်းဘေးဆိုင်ရောင်းချတဲ့ သူတွေကို စျေးနှုန်းမြင့်တင် ရောင်းချပေးတာကြောင့် အခုလို ဆီစျေးတွေအဆမတန်ထိုးတက်နေတာဖြစ်တယ်လို့ နောက်ထပ် မြစ်ကြီးနား ပြည်သူတစ်ဦးက ဆက်ပြောပါတယ်။ “ရေတွေပြန်ကျလာတဲ့အခါမှာ ပြည်သူတွေက ပြန်လည်ထူထောင်ရေးအတွက် စက်သုံးဆီတွေ အရမ်းလိုအပ်နေတဲ့ အချိန်လို့ပြောလို့ရမယ်။ ဒါပေမယ့် စက်သုံးဆီရောင်းတဲ့ ဆိုင်တွေက အကုန်မရောင်ပေးဘူး။ အဲဒါကြောင့် စျေးနှုန်းလည်းအရမ်းမြင့်သွားတယ်။ တစ်ချို့ဆိုင်မှာက ဒီဇင်တွေက ရသေးတယ်။ ဓါတ်ဆီဆိုရင် ရောင်းကို မရောင်းပေးတော့ဘူး။ တစ်ချို့ဆီဆိုင်တွေက ရေမြုပ်သွားတယ်လို့ ဆိုတာနားလည်တယ်။ တစ်ချို့ဆိုင်တွေက ရှိနေရဲ့သားနဲ့ မရောင်းပေးဘူး။ တစ်ဆင့်ခံစျေးနဲ့ ပြန်ရောင်းတဲ့ သူတွေကိုပဲ ရောင်းပေးနေတယ်။ အဲလိုဆိုရင်တော့ တစ်ပေပါကို သိန်း ၂၀ လောက်ပေါက်သွားတယ်”လို့ပြောပါတယ်။ အခုလို စက်သုံးဆီတွေ ပြတ်လပ်သွားတာကြောင့် ပြည်သူတွေအရေးတကြီးလိုအပ်နေတဲ့ သောက်သုံးရေရရှိဖို့ရေတွင်းနေရာတွေကို အမြန်ရှင်းလင်းဖို့လိုအပ်သလို ရေဝင်ထားတဲ့ နေအိမ်၊ ဂိုဒေါင်တွေကိုလည်း ရှင်းလင်းရေးမလုပ်ဆောင်နိုင်တဲ့ အခြေအနေကြုံတွေ့နေရတယ်လို့ သူက ဆက်ပြောပါတယ်။ ဒါ့အပြင် ရေပြည့်နေသေးတဲ့ရပ်ကွက်တစ်ချို့မှာ အရပ်သားတွေလည်းပိတ်မိတ်နေဆဲဖြစ်ပြီး လူမူကူညီရေးအဖွဲ့တွေအနေနဲ့ သွားရောက်ကယ်ထုတ်ချင်ပေမယ့် စက်သုံးဆီမရရှိတဲ့အတွက် မကယ်နိုင်ဘဲ အစားအသောက်သာသွားရောက်ဝေပေးနေတာတွေရှိတယ်လို့ သိရပါတယ်။ “ခုရေကျသွားလည်း တစ်ချို့နေရာမှာက ရေကျန်နေသေးတယ် သွားကယ်ဖို့ကလည်းလှေရရင် ဆီကမရဘူး အဲဒါကြောင့် ကျနော်တို့က အစားသောက်ဘဲလိုက်ဝယ်နေတော့တယ် ရေကလည်းကျနေပြီဆိုတော့လေ”လို့ ကယ်ဆယ်ရေးလုပ်နေတဲ့ လူမူကူညီရေးအဖွဲ့တစ်ဖွဲ့က တာဝန်ရှိသူတစ်ဦး ခုလိုပြောပါတယ်။ လက်ရှိ မြစ်ကြီးနားမြို့ ရေဝပ်နေသေးတဲ့ရပ်ကွက်တွေဟာ ဧရာဝတီမြစ်နဲ့အနီးမှာရှိတဲ့ ရပ်ကွက်တွေဖြစ်တဲ့ စီတာပူ၊ မန်ခိန်၊ မြို့သစ်ကြီး၊ ကြက်ပေါင်ခြံ စတဲ့မြေနိမ့်ပိုင်းနေရာတွေမှာ ရေပြည့်နေဆဲဖြစ်ပြီး ပြည်သူအများပိုင်းက ရေဘေးဒဏ်ကို ကြုံတွေ့နေရဆဲဖြစ်ပါတယ်။ ဇွန်လ ၂၉ ရက်ကနေ စတင်ပြီး ကချင်ပြည်နယ်တစ်ခုလုံးအတိုင်းအတာနဲ့ မိုးသည်းထန်စွာ ရွာသွန်းမှုကြောင့် မြို့နယ်အသီးသီးမှာ ရေကြီးရေလျှံဖြစ်ပေါ်နေပြီး မြစ်ကြီးနားမှာက ပြည်သူသောင်းနဲ့ချီ ရေဘေးအန္တရာယ်ကို ကြုံတွေနေရတာဖြစ်ပါတယ်။ မြစ်ကြီးနားမြို့ရဲ့ စိုးရိမ်ရေအမှတ်ဟာ ၁၂၀၀ စင်တီမီတာသာရှိပေမယ့် ပြီးခဲ့တဲ့ ၂၀၀၄ ခုနှစ် မြစ်ရေအမှတ်ဟာ ၁၄၀၈ စင်တီမီတာရှိခဲ့ပြီး ဒီနှစ် ၂၀၂၄ ခုနှစ်မှာ စိုးရိမ်ရေအမှတ် ၁၄၀၄ စင်တီမီတာအထိရောက်ရှိခဲ့တာဖြစ်ပါတယ်။ By…

Read More »

ပူတာအိုမှာ စက်သုံးဆီတွေကို သတ်မှတ်ထားတဲ့ စျေးနှုန်းထက်ပိုပြီး လုပ်ငန်းရှင်တွေက ဝယ်ယူနေ

ကချင်ပြည်နယ် ပူတာအိုမြို့နယ်ကိုရောက်လာတဲ့  စက်သုံးဆီတွေကို တစ်ပေပါ ၁၈ သိန်းဝန်းကျင်နဲ့ရောင်းချဖို့ သက်ဆိုင်ရာအဖွဲ့အစည်းတွေကသတ်မှတ်ထားပေမယ့် လုပ်ငန်းရှင်တစ်ချို့က သတ်မှတ်စျေးထက်ပိုပေးပြီး ဝယ်ယူနေတာကြောင့် စျေးထပ်ပြီးတက်လာမှာကို ဒေသခံတွေက စိုးရိမ်နေကြပါတယ်။ ပူတာအိုမြို့ထဲ ဇွန်လ ၁၉ ရက်နေ့ ပထမဆုံးအကြိမ်ရောက်ရှိလာတဲ့ စက်သုံးဆီ ပေပါအလုံး ၃၀၀ ကို တစ်ပေပါ ၁၈ သိန်းအထိသာရောင်းချဖို့ သက်ဆိုင်တဲ့အဖွဲ့စည်းတွေက သတ်မှတ်ထားပေမယ့် လက်ရှိမြေပြင်မှာ တစ်ပေပါ  သိန်း ၂၀ ကနေ ၂၅ သိန်း ပတ်ဝန်းကျင်အထိပေးဝယ်နေရသလို တစ်ချို့လုပ်ငန်းရှင်တွေက ၃၅ သိန်းအထိပေးပြီး ဝယ်ယူတာတွေရှိနေတယ်လို့ သိရပါတယ်။ “အမှန်တကယ် ပြည်သူလူထုတွေဆီရောက်လာတာက စက်သုံးဆီ သုံးပုံမှာ တစ်ပုံပဲ။ ကျန်တဲ့ဆီတွေက သက်ဆိုင်ရာဆီကနေတစ်ဆင့် လုပ်ငန်းရှင်တွေဆီပဲရောက်သွားတယ်။ ကျန်တဲ့ တစ်ချို့တောင်သူတွေက တစ်ဧကကို ဆီ ၃ ပုလင်းလောက်ပဲရသွားတယ်။ ဒီ ၃ ပုလင်းနဲ့ လယ်တစ်ဧက ထွန်ဖို့မဖြစ်နိုင်ဘူးလေ။ နာမည်ခံတာက ဒေသခံလူထုတွေခက်ခဲ ခေါင်းစဥ်နဲ့ ခွင့်ပြုချက်ကိုယူပြီး တကယ်ရောက်လာတော့ သူတို့ ကိုယ်ကျိုးစီးပွားအတွက်ပဲ အသုံးပြုသွားတယ်”လို့ပြောပါတယ်။ ပူတာအိုမှာနေထိုင်တဲ့ပြည်သူတွေရဲ့…

Read More »

မိုးကောင်းမှာ စက်သုံးဆီပြတ်လပ်လာလို့ဆီအကန့်အသတ်နဲ့သာရောင်းချနေ

ကချင်ပြည်နယ် မိုးကောင်းမြို့နယ်မှာ စက်သုံးဆီတွေပြတ်လပ်လာလို့ဆိုကာ ဆိုင်တစ်ချို့ပိတ်ထားပြီး ဖွင့်တဲ့ဆီဆိုင်တွေကလည်း အကန့်အသတ်နဲ့သာရောင်းချနေတယ်လို့ ဒေသခံ တွေဆီကသိရပါတယ်။ ဇွန်လ ၁၆ ရက်နေ့ မနေ့ကစပြီးတော့ စက်သုံးဆီဆိုင်တွေအတော်များများပိတ်သွားတာဖြစ်ပြီး ဖွင့်တဲ့ ဆီဆိုင်တွေကလည်း ပါဆယ်မရောင်းချတော့ပဲအကန့်အသတ်တွေနဲ့သာဝယ်ယူနေရတယ်လို့ မိုးကောင်းမြို့ က ဒေသခံတစ်ယောက်ကပြောပါတယ်။ “မိုးကောင်းတစ်မြို့လုံးမှာ ဆိုင်က…

Read More »