ဆန်ပြတ်လတ်သော ဆော့လော်မြို့နယ်သို့ ပြည်ထောင်စုအစိုးရမှ ဆန်တင်ပို့

Covid-19 ကူးစက်ရောဂါကြောင့် တရုတ်နယ်စပ် နယ်နမိတ်အတွင်း လမ်းကြောင်းပိတ်ဆို့လိုက်သောကြောင့် ဆန်ပြတ်လတ်သွားသော ကချင်ပြည်နယ် ဆော့လော်ဒေသခံများအတွက် ပြည်ထောင်စုအစိုးရမှ ပထမအကြိမ် ဆန်အိတ်ပေါင်း တစ်ထောင်ကျော် ထောက်ပံ့ထားကြောင်း သိရသည်။ အဆိုပါ ဆန်အိတ်ပေါင်း တစ်ထောင်ကျော်အား ကချင်ပြည်နယ်ဘေးအန္တာရယ်ဆိုင်ရာစီမံခန့်ခွဲမှု ဦးစီးဌာနမှ တာဝန်ယူကာ ဝယ်ယူပေးမည်ဖြစ်ကြောင်း ပြည်နယ်လွှတ်တော်ကိုယ်စားလှယ် ဒေါ်ခေါ်မားဝူ ပြောသည်။ “လောလောဆယ် မိုးတွင်းကာလအတွက်ကတာ့ သိပ်စိုးရိမ်စရာ မလိုတော့ဘူးလို့ထင်ပါတယ်။ ရောဂါဖြစ်လို့တရုတ်ဘက်က နယ်စပ်ဂိတ်တွေပိတ်လိုက်တဲ့ချိန်ကျတော့ ဆော့လော်ပြည်သူတွေအတွက် အစားသောက်ရမ်းကိုခက်ခဲသွားပါတယ်။ အစ်မကလည်း အရမ်းစိုးရိမ်စိတ်တွေ ဝင်ပြီးတော့…