မူးယစ်ဆေးဝါး
-
Apr- 2026 -30 Aprilသတင်း
ရမ်ပူမှာ မူးယစ်ဆေးဝါးရောင်းဝယ်မှုကြောင့် ရပ်ကွက်နေပြည်သူတွေ နှောက်အယှက်ဖြစ်နေ
ကချင်ပြည်နယ်၊ မြစ်ကြီးနားမြို့၊ရမ်ပူရပ်ကွက်မှာ မိုးလင်းပေါက်မူးယစ်ဆေးဝါးရောင်းဝယ်သူတွေကြောင့် ရပ်ကွက်နေသူတွေ နေ့စဉ်လူမှုဘဝနေထိုင်မှုမှာ အဆင်မပြေမှုကြုံနေရတယ်လို့ ဒေသခံတွေက ပြောပါတယ်။ ပုံမှန်ဆိုရင် နေ့ဘက်မှာသာရောင်းဝယ်ကြတာများပေမယ့်၊ပြီးခဲ့တဲ့ ဧပြီလ ၁၈ ရက်နေ့ မီးပျက်ပြီးနောက်ပိုင်း ညဘက်ကနေ မိုးလင်းအထိဆက်တိုက်ရောင်းဝယ်နေကြတယ်လို့ သိရပါတယ်။ ဒါကြောင့် မူးယစ်ဆေးဝါးရောင်းဝယ်လာဝယ်သူတွေရဲ့ ကားသံ၊ ဆိုင်ကယ်သံတွေကြောင့် တစ်ရပ်ကွက်လုံး ဆူညံနေပြီး အိပ်မရတဲ့အထိဖြစ်နေတယ်လို့ ဆိုပါတယ်။ ရပ်ကွက်နေသူတစ်ဦးကတော့“အိမ်ရှေ့ကနေ တစ်ညလုံး ဖြတ်သွားနေတာပဲ။ ဆူညံသံတွေနဲ့ မီးလည်းပျက်၊ ပူလည်းပူတော့ အိပ်လို့မရဘူး”လို့ ပြောပါတယ်။ မူးယစ်ဆေးရောင်းသူတွေဟာ အရင်လို လမ်းကြားတွေမှာသာမဟုတ်တော့ဘဲ လမ်းမကြီးဘေးတစ်လျှောက် အိမ်တိုင်ရာရောက်ရောင်းနေကြတယ်လို့ သိရပြီး အဆိုးဆုံးက နယ်မြေ ၂၂ နဲ့ ၂၃ အပိုင်းဖြစ်တယ်လို့ ဒေသခံတွေကပြောပါတယ်။ ထို့အပြင် ရောင်းဝယ်နေသူတွေထဲမှာ ရပ်ကွက်ထဲကသက်ဆိုင်ရာအာဏာပိုင်တချို့၊ ရဲတပ်ဖွဲ့တွေဘက်က ဆက်ကြေးယူပြီး ရောင်းဝယ်ခွင့်ပေးထားတဲ့အတွက် တိုင်ကြားဖို့ခက်ခဲနေတယ်လို့ သိရပါတယ်။ ဒီအခြေအနေတွေကြောင့် ရပ်ကွက်ထဲမှာ လုံခြုံရေးလည်းမရှိတော့သလို၊ ခိုးဆိုးလုယက်မှုတွေ မကြာခဏ ဖြစ်နေပြီး မူးယစ်ဆေးသုံးစွဲမှုကြောင့် သေဆုံးသူတွေကလည်း တစ်လကို ပျမ်းမျှ တစ်ဦးလောက် ရှိနေတယ်လို့ သိရပါတယ်။ ရမ်ပူရပ်ကွက်ဟာ ယခင်က ငြိမ်းချမ်းတဲ့နေရာတစ်ခုဖြစ်ပြီး လုံလုံခြုံခြုံ သွားလာလို့ရတဲ့ နေရာတစ်ခုဖြစ်တယ်လို့ ဒေသခံတွေက ပြောပါတယ်။ ဒါပေမယ့် ၂၀၂၁ ခုနှစ် ဖေဖော်ဝါရီ ၁ ရက်နေ့နောက်ပိုင်းမှာ တိုင်းပြည်အခြေအနေမတည်မငြိမ် ဖြစ်လာပြီး ရွှေ့ပြောင်းနေထိုင်သူတွေများလာတာနဲ့အမျှ မူးယစ်ဆေးဝါးပြဿနာလည်း ပိုမိုဆိုးရွားလာတယ်လို့ ဆိုပါတယ်။ ရမ်ပူရပ်ကွက်မှာ နယ်မြေ ၂၄ ပိုင်းရှိပြီး အပိုင်းတစ်ခုစီမှာ အိမ်ခြေ ၄၀၀ ကျော်ရှိပြီး အိမ်ငှားတန်းလျားတွေများတဲ့နေရာတစ်ခုလည်း ဖြစ်တယ်လို့ သိရပါတယ်။ မူးယစ်ဆေးဝါးရောင်းဝယ်မှု စတင်ပျံ့နှံ့လာတာကတော့ အပိုင်း ၂၁ ကနေ ဖြစ်ပြီး၊ အဲ့ဒီအပိုင်းမှာ သုံးပုံတစ်ပုံလောက်က ရောင်းဝယ်နေကြတယ်လို့ ဆိုပါတယ်။ By – Hope
Read More » -
Mar- 2026 -18 Marchသတင်း
ဆေးထိုးအပ်တွေကို စည်းကမ်းမဲ့စွန့်ပစ်မှုကြောင့် ရမ်ပူရပ်ကွက်နေ ပြည်သူတွေအခက်တွေ့နေ
ကချင်ပြည်နယ် မြစ်ကြီးနားမြို့ ရမ်ပူရပ်ကွက်မှာဆေးထိုးအပ်တွေ စည်းကမ်းမဲ့စွန့်ပစ်ထားကြတဲ့အတွက် ရပ်ကွက်နေပြည်သူတွေ အဆင်မပြေမှုတွေကြုံတွေ့နေရတယ်လို့ သိရပါတယ်။ အဓိကအားဖြင့်တော့ မူးယစ်ဆေးဝါးသုံးစွဲတဲ့သူတွေဟာ လူသွားလူလာနေရာတွေ၊ ကလေးတွေ ဆော့ကစားတဲ့ ကွင်းပြင်လို နေရာမျိုးတွေမှာ မူးယစ်ဆေးဝါးတွေသုံးစွဲနေကြပြီး သုံးပြီးသား ဆေးထိုးအပ်တွေကိုတော့ အဲဒီနေရာတွေမှာဘဲ စွန့်ပစ်ထားကြတယ်လို့ ဆိုပါတယ်။ “အပ်တွေဆို…
Read More » -
Feb- 2026 -3 Februaryမူးယစ်ဆေးဝါး
မြစ်ကြီးးနားမြို့မှာ မူးယစ်ဆေးလာဝယ်တဲ့စစ်သားတစ်ဦး ရိုက်နှက်ခံရ
ကချင်ပြည်နယ် မြစ်ကြီးနားမြို့ ရမ်ပူရပ်ကွက်မှာ မူးယစ်ဆေးဝါးလာဝယ်တဲ့ စစ်သားတစ်ဦး ရိုက်နှက်ခံခဲ့ရတယ်လို့ မျက်မြင်တွေ့ရှိသူတွေ ဆီကနေ သိရပါတယ်။ ဖြစ်စဉ်မှာ ဇန်နဝါရီ ၁ ရက် ညနေ တစ်နာရီဝန်းကျင်အချိန် ရမ်ပူရပ်ကွက် အပိုင်း၂၁ မှာ အရပ်ဝတ်နဲ့ မူးယစ်ဆေးဝါးလာဝယ်တဲ့ စစ်သားတစ်ဦးကို…
Read More » -
Jan- 2026 -21 Januaryသတင်း
ဝိုင်းမော်မှာ ၃ ပတ်အတွင်း မူးယစ်ဆေးရှော့စ်ကြောင့် အမျိုးသား ၄ ဦးသေဆုံး
ကချင်ပြည်နယ် ဝိုင်းမော်မြို့မှာ ၃ ပတ်အတွင်း မူးယစ်ဆေးသုံးစွဲပြီးရှော့ဖြစ်လို့ သေဆုံးသူအမျိုးသား ၄ ဦးထိရှိခဲ့တယ်လို့ ဝိုင်းမော်မြို့အခြေစိုက်မွန်မြတ်စေတနာ လူမှုကယ်ဆယ်ရေးအသင်းကနေ သိရပါတယ်။ ဒီသေဆုံးမှု အားလုံးဟာ ဒီနှစ် ၂၀၂၆ ဇန်နဝါရီအတွင်းမှာဘဲ ဖြစ်ခဲ့တာလို့ သိရပြီး သေဆုံးသူ အမျိုးသားအားလုံး…
Read More » -
Dec- 2025 -2 Decemberသတင်း
မြစ်ကြီးနားမှာ နယ်ထိန်းရဲတွေက မူးယစ်ဆေးရောင်းသူများကို ဒဏ်ရိုက်ပြီး ပြန်လွတ်နေ
ကချင်ပြည်နယ် မြစ်ကြီးနားမြို့တွင်း မူးယစ်ဆေးဝါးရောင်းချသူတွေကို ဖမ်းဆီးစစ်ဆေးတာတွေလုပ်နေပေမယ့် ဒဏ်ငွေရိုက်ရုံမျှသာလုပ်ပြီး ပြန်လွှတ်ပေးနေတယ်လို့ တပ်နဲ့နီးစပ်သူများထံမှသိရပါတယ်။ မြစ်ကြီးနားမြို့တွင်း နယ်ထိန်းရဲခေါင်းဆောင်တွေဖြစ်တဲ့ ဖြိုးကိုကို၊ ကိုနေဖြိုး ၊ ရဲဒုတပ်ကြပ် မောင်မောင်ကြီး၊ ရဲဒုတပ်ကြပ် ဇော်ဝင်းမိုး၊ တပ်သား ကျော်ထွေးအောင်တို့ဟာ ရမ်ပူ၊ယုဇန၊ခေမာသီရိရပ်ကွက်ရှိ မူးယစ်ဆေးဝါးရောင်းချတဲ့နေအိမ်တွေမှာ ဝင်ရောက်စစ်ဆေးတာတွေလုပ်နေပေမယ့် ပြစ်မှုကျူးလွန်သူတွေကိုဖမ်းဆိးခြင်းမပြုပဲ ပြန်လွတ်ပေးနေတာလို့ တပ်နဲ့နီးစပ်တဲ့အမျိုးသမီးတစ်ဦး KNG ကိုပြောပါတယ်။ “နယ်ထိန်းခေါင်းဆောင် ကိုနေဖြိုးအပါအဝင် ယုနဇ ရပ်ကွက်ထဲက မူးယစ်ရောင်းတဲ့သူစီက သိန်း (၅၀၀) တောင်းသွားတယ် ဟိုနေ့က ။ အရင်လက ရမ်ပူရပ်ကွက်မှာလည်း အတူတူပဲ သိန်း ၂၈၀ ပေးပြီးပြန်လွှတ်ပေးတာ။ အရပ်စကားနဲ့ပြောမယ်ဆိုရင် ဖားရိုက်နေကြတာပေါ့လေ”လို့ ပြောပါတယ်။ အမှတ်(၂) နယ်ထိန်းခေါင်းဆောင် ဖြိုးကိိုကိုအပါအဝင် အထက်မှာဖော်ပြထားတဲ့ ရဲတပ်ဖွဲ့ဝင် ၃ ဦးဟာ ပြီးခဲ့တဲ့ နိုဝင်ဘာလမှာလည်း ရမ်ပူရပ်ကွက် မူးယစ်ဆေးရောင်းတဲ့နေအိမ်တစ်အိမ်ဝင်စစ်ပြီး ငွေသိန်း ၂၈၀၊အိမ်စီးကား၊ ဘိန်းဖြူနဲ့တစ်ခြားမူးယစ်ဆေးဝါးတွေကိုဖမ်းဆီးသွားတယ်လို့ သိရပါတယ်။ ဖမ်းဆီးသိမ်းသွားတဲ့အိမ်စီးကားကို ရပ်ကွက်ထဲမှာစီးနေတဲ့အတွက် ကားပိုင်ရှင်ဘက်မှတိုင်ကြားဖို့ပြင်ဆင်လာချိန် ကားကိုလည်းထပ်ရောင်းလိုက်ပြီဖြစ်တယ်လို့ သိရပါတယ်။ အလားတူ နိုဝင်ဘာလ ၂၀ ရက်နေ့မှာလည်း ခေမာသီရိရပ်ကွက် မူးယစ်ဆေးရောင်းတဲ့နေအိမ်တစ်အိမ်ကို ရဲကား ၃ စီးနဲ့ရောက်လာပြီး ငွေကျပ် သိန်းတစ်ရာဒဏ်ရိုက်သွားတယ်လို့ဆိုပါတယ်။ ဒါ့အပြင် နယ်ထိန်းခေါင်းစဉ်အဖွဲ့တွေဟာ မြစ်ကြီးနားမြို့ထဲ နှစ်လုံး၊ သုံးလုံးရောင်းသူတွေ ၊ မူးယစ်ဆေးဝါးရောင်းသူတွေကို နယ်မြေခံရဲတပ်ရင်း၊ တပ်ရင်း (၃၀) ၊ မူးယစ်တားစီးရေး ရဲတပ်ဖွဲ့တွေပေါင်းပြီး ချဲဒိုင်အသေး၊အကြီးပေါ်မှုတည်ကာ ငွေကြေးတောင်းခံတာတွေလုပ်နေတယ်လို့ သိရပါတယ်။ “မဖမ်းဘူး လုံးဝ မဖမ်းဘူး ကျနော်တို့ဖြစ်စေချင်တာမြစ်ကြီးနားမြို့ထဲက မူးယစ်ဆေးရောင်းတဲ့သူတွေဆိုထိထိရောက်ရောက်ဖမ်းဆီးပေးရမှာလေ ခုသူတို့လုပ်ပုံက ငွေလေးယူလိုက်ပြန်ရောင်းခိုင်းလိုက်နဲ့စီးပွားရှာခိုင်းနေတာ”လို့ ရမ်ပူရပ်ကွက်နေ ဒေသခံအမျိုးသားတစ်ဦးပြောပါတယ်။ မြစ်ကြီးနားမြို့ဒေသခံတွေလိုလားတာက မူးယစ်ဆေးဝါးရောင်းဝယ်သုံးစွဲသူတွေကို ထိထိရောက်ရောက် ဖမ်းဆီးအရေးယူပေးဖို့တောင်းဆိုနေကြတာဖြစ်ပါတယ်။ စစ်တပ်အာဏာသိမ်းပြီးနောက် ကချင်ပြည်နယ်ရဲ့မြို့တော်မြစ်ကြီးနားမြို့မှာ မူးယစ်ဆေးရောင်းဝယ်သုံးစွဲမှု တစ်နေ့ထက်တစ်နေ့ပိုပြီး ဆိုးရွာလာနေသလို မြို့ပေါ်ရပ်ကွက်တွေမှာ လောင်းကစားဝိုင်းအသေး၊အကြီး စုစုပေါင်း ၅၀ ဝိုင်းခန့်ရှိတယ်လို့ တပ်နဲ့နီးစပ်သူကဆက်ပြောပါတယ်။ “လောင်းကစားဝိုင်းက ၅၀ လောက်ရှိတယ်။ အဲဒါကသူတို့ရဲ့ပုံမှန်ဝင်ငွေရတဲ့နေရာတွေလေ အားလုံးပေါင်းပြီးလုပ်စားနေကြတာ”လို့ ပြောပါတယ်။ ခုလိုမူးယစ်ဆေး၊လောင်းကစားဝိုင်းများလာတာနဲ့အတူ ခိုးမှု၊ဓါးပြမှု၊လုယက်မှုတွေကလည်း နေ့စဉ်နဲ့ဖြစ်နေပါတယ်။ ဒါ့အပြင် ရဲ့တပ်ဖွဲ့ဝင်တွေဟာ ည ၈ နာရီဝန်းကျင် လမ်းဆုံ၊လမ်းခွတွေမှာစောင့်နေပြီး လမ်းသွားလမ်းလာလူငယ်တွေကို အကြောင်းမဲ့ခြိမ်းခြောက်ကာ ငွေတောင်းတာတွေလုပ်နေတယ်လို့လည်း သိရပါတယ်။ By – CJ
Read More » -
Nov- 2025 -26 Novemberမူးယစ်ဆေးဝါး
မိုးကောင်းမြို့က မူးယစ်ဆေးဝါးရောင်းဝယ်သုံးစွဲတွေကို ဖမ်းဆီးအရေးယူပေးကြဖို့ ဒေသခံတွေပြော
ကချင်ပြည်နယ် မိုးကောင်းမြို့မှာ မူးယစ်ဆေးဝါးရောင်းဝယ်သူတွေကို ထိရောက်စွာ ဖမ်းဆီးအရေးယူပေးဖို့ ဒေသခံတွေ ထပ်မံတောင်းဆိုကြပါတယ်။ လက်ရှိ မိုးကောင်းမြို့ရဲ့မူးယစ်ဆေး တိုက်ဖျက်ရေးကို ရဲမှူးရဲထွန်းအောင်က တာဝန်ယူကာ နိုဝင်ဘာ ၂၀ ရက်နေ့ ရွာသစ်ရပ်ကွက်နဲ့ ဈေးကုန်းရပ်ကွက်ကြား မူးယစ်ဆေးဝါးရောင်းဝယ်သုံးစွဲသူ ၂၀ ဦးကို အချုပ်ကားနဲ့ ရောက်လာပြီး ဖမ်းဆီးသွားခဲ့တယ်လို့ သိရပါတယ်။ ဒါပေမယ့် နိုဝင်ဘာလ ၂၁ ရက် နောက်တစ်နေ့မှာဘဲ ရွာသစ်ရပ်ကွက်နဲ့ ဈေးကုန်းရပ်ကွက်ကြားမှာ ပုံမှန်အတိုင်းမူးယစ်ဆေးဝါးရောင်းဝယ်သုံးစွဲနေတုန်းပဲလို့ အမည်မဖော်လို့တဲ့ဒေသခံအမျိုးသားတစ်ဦး ခုလိုပြောပါတယ်။ “မူးယစ်ကလည်း မနေ့ကဖမ်း ဒီနေ့ပြန်ရောင်းပြီး ခင်းပြီးရောင်းနေတယ် သုံးစွဲသူ ၃၀လောက်ရှိနေတယ်။ ပုံမှန်တိုင်းပဲပြန်ဖြစ်နေတာ”လို့ ဆိုပါတယ်။ မူးယစ်ဆေးဝါးရောင်းဝယ်သုံးစွဲသူတွေ များလာတာနဲ့အတူ မိုးကောင်းမြို့မှာ ယခင်နှစ်တွေထက်ခိုးဆိုးလုယက်တာတွေလည်း ပိုများလာနေတယ်လို့ သိရပါတယ်။ မိုးကောင်းမြို့ထဲ ဒီနိုဝင်ဘာလ သုံးပတ်အတွင်းမှာ ဆိုင်ကယ် ၄ စီးထိ ပျောက်ဆုံးခဲ့ပြီး တာဝန်ရှိသူတွေကို တိုင်ကြားထားပေမယ့် ဖမ်းဆီးရမိတာမရှိသေးဘူးလို့ သိရပါတယ်။ “ဖိုးသမားတွေခိုးတာ ပြီးခဲ့တဲ့ ၆ လပိုင်းလောက်ကတော့ ဖိုးသမားတစ်ဦး အိုးတန်းထဲက ဖုန်းတစ်လုံးခိုးယူခဲ့တာကို အိမ်ရှင်တွေ ဖမ်းမိပြီး ဆုံးမပြီး ပြန်လွှတ်ပေးခဲ့တယ်”လို့ နောက်ထပ်ဒေသခံအမျိုးသားတစ်ဦး ဆိုပါတယ်။ ဆိုင်ကယ်ခိုးယူတဲ့တရားခံတွေကိုဖမ်းဆီးနိုင်ခြင်းမရှိသေးပေမယ့် ဒေသခံတစ်ချို့သုံးသပ်တာကတော့ ဆိုင်ကယ်ခိုးယူသူတွေဟာ မူးယစ်ဆေးသမားတွေသာဖြစ်နိုင်တယ်လို့ ပြောဆိုကြပါတယ်။ အာဏာသိမ်းပြီးနောက်ပိုင်း မိုးကောင်းမြို့မှာ တစ်လကို ခိုးမှုဆယ်ကြိမ်ထက်မနည်း ရှိနေပြီး အိမ်ရှေ့တပ်ထားတဲ့ မီးသီးအပြင် ရေမော်တာ၊ ဆိုင်ကယ်၊ ဖုန်း စတဲ့ပစ္စည်းတွေကို အိမ်ထဲထိ ဝင်ရောက် ခိုးယူကြတယ်လို့ သိရပါတယ်။ မိုးကောင်းဒေသခံတွေ ပြောကြားချက်အရတော့ ဒီလို ခိုးမှုပိုမို ဆိုးရွားလာတာဟာ မူးယစ်ဆေးဝါး ရောင်းဝယ်သုံးစွဲသူတွေ များပြားလာတာကြောင့် ဖြစ်တယ်လို့ ပြောဆိုနေကြပါတယ်။ မူးယစ်ဆေးဝါး ရောင်းဝယ်သုံးစွဲမှု အဆိုးဆုံးဖြစ်တဲ့ ရွာသစ်ရပ်ကွက်ဟာ အထက ၂ ကျောင်းဘေး၊ တရုတ်ဂူကြီး ၂လုံးအကျော် ဧရာရုပ်ရှင်ရုံ ဘေးမှာရှိနေပြီး လမ်းကြီးမှာ ဆေးထိုးအပ်တန်းကြီး ပေါ်တင်သုံးစွဲနေသူတွေလည်းရှိတယ်လို့ သိရပါတယ်။ ဒါကြောင့် ကလေးတွေ၊ ကျောင်းသား/သူတွေအတွက် အမြင်မတော်တာတွေ၊ သွားလာရခက်ခဲတာတွေ ဖြစ်နေတဲ့အတွက် သက်ဆိုင်သူတွေအနေနဲ့ အရေးယူဖမ်းဆီးပေးဖို့ ဒေသခံတွေ တောင်းဆိုနေတာလည်းဖြစ်ပါတယ်။ ပြီးခဲ့တဲ့ နိုဝင်ဘာလ မိုးကောင်းမြို့ ရွာသစ်ရပ်ကွက်နဲ့ ဈေးကုန်းရပ်ကွက်ကြား မူးယစ်ဆေးဝါးရောင်းဝယ်သုံးစွဲသူ ၂၀ ဦးကို အချုပ်ကားဖမ်းခေါ်သွားတဲ့တစ်ရက်အတွင်းမှာ အလားတူ မိုးကောင်းမြို့ ကျွန်းတောရပ်ကွက်က မညိုမီထွန်းရဲ့ နေအိမ်ကနေ ကျပ်သိန်း ၆ထောင်ကျော် တန်ဖိုးရှိတဲ့ မူးယစ်ဆေးဝါးတွေကို ဖမ်းဆီးရမိခဲ့တယ်လို့ မူးယစ်ဆေးဝါးတာဆီးနှိမ်နင်းရေး ရဲတပ်ဖွဲ့(CCDAC Myanmar) ကလည်း သူတို့ရဲ့ဖော့စဘုတ်ပေ့ကနေ ထုတ်ပြန်ခဲ့ပါတယ်။ By – Hope
Read More » -
21 Novemberမူးယစ်ဆေးဝါး
မှော်ဆီစာရှိ မူးယစ်ဆေးသမား ရာချီနေထိုင်တဲ့ အဆောက်အဦးကို Pat Jasan အဖွဲ့ သွားရောက်ရှင်းလင်းဖျက်ဆီး
ဖားကန့်ဒေသ မှော်ဆီစာကျေးရွာအနီး သာယာကုန်းနဲ့ ကုဋေမှော်ရွာနှစ်ခု ဆက်သွယ်ထားတဲ့ ကားလမ်းမကြီးနဘေးရှိ မူးယစ်ဆေးဝါးသုံးစွဲသူတွေ ရာနဲ့ချီ အုပ်စုဖွဲ့ နေထိုင်တဲ့ အဆောက်အဦးတဲနေရာတွေကို ဖားကန့် ကချင်လူထု မူးယစ်ဆေးဝါးတိုက်ဖျက်ရေး Pat Jasan အဖွဲ့က သွားရောက်ရှင်းလင်း ဖျက်ဆီးခဲ့တယ်လို့ သိရပါတယ်။…
Read More » -
13 Novemberမူးယစ်ဆေးဝါး
မိုးကောင်းမြို့ မူးယစ်ဆေးဝါးရောင်းဝယ်သုံးစွဲသူတွေထဲမှာ အထက်တန်းကျောင်းသားများလည်းပါဝင်လာ
ကချင်ပြည်နယ် မိုးကောင်းမြို့မှာ မူးယစ်ဆေးဝါးရောင်းဝယ်သုံးစွဲမှု အရင်နှစ်တွေထက် ပိုများလာတဲ့အပြင် အထက်တန်းကျောင်းသားတွေကိုလည်း တွေ့လာရတယ်လို့ ဒေသခံတွေဆီကနေ သိရပါတယ်။ လက်ရှိ မိုးကောင်းမြို့ထဲ မူးယစ်ဆေးဝါးရောင်းဝယ်သုံးစွဲမှုအဆိုးဆုံးရပ်ကွက်က ရွာသစ်ရပ်ကွက်မှာဖြစ်တယ်လို့သိရပြီး ရာမတစ်လုံးကို ကျပ် ၂၅၀၀ ကျပ်၊ ဘိန်းဖြူ တစ်ထောင်ကျပ်ကနေ စဝယ်ယူနိုင်ကြောင်း…
Read More » -
Oct- 2025 -29 Octoberသတင်း
မြစ်ကြီးနားမှာ မူးယစ်ဆေးဝါးသုံးစွဲပြီး သေဆုံးနေတဲ့ ပိုင်ရှင်မဲ့အလောင်းတွေ့
ကချင်ပြည်နယ် မြစ်ကြီးနားမြို့ ရမ်ပူရပ်ကွက်မှာ မူးယစ်ဆေးဝါးသုံးစွဲပြီး သေဆုံးနေတဲ့ အမျိုးသားတစ်ဦးရဲ့ရုပ်အလောင်း တွေ့ရှိခဲ့ရတယ်လို့ မျိုးဆက်သစ် လူမှုကယ်ဆယ်ရေး အသင်းကနေ သိရပါတယ်။ ရမ်ပူရပ်ကွက် နယ်မြေ(၂၀)မှာ ဆေးစွဲနေတယ်လို့ယူဆရတဲ့ အမျိုးသားတစ်ဦး သေဆုံးနေတဲ့အတွက် ရပ်ကွက်နေ ပြည်သူတွေကနေပြီးတော့ အောက်တိုဘာလ ၂၈…
Read More » -
Sep- 2025 -25 Septemberဆောင်းပါး
မြစ်ကြီးနားမြို့ရဲ့ မူးယစ်ဆေးဝါးဈေးတန်းအကြောင်း တစ်စေ့တစောင်း
“ရောင်းတဲ့သူတွေမှာ ဖြေဆေးရှိပြီးသား ရှော့ဖြစ်ပြီဆိုတာနဲ့ သူတို့ဆီကပါတဲ့ဆေးထိုးပေးလိုက်တာ” ဒါကတော့ ဘိန်းဖြူထိုးလို့ ရှော့ဖြစ်ရင်တောင် ဖြေဆေးကို အထူးဝန်ဆောင်မှုအနေနဲ့ထိုးပေး နေတဲ့ ကချင်ပြည်နယ် မြစ်ကြီးနားမြို့ ရမ်ပူရပ်ကွက်နဲ့ခေမာသီရိရပ်ကွက်က အခြေနေကို ရပ်ကွက်နေ ပြည်သူတစ်ဦး ပြောတာပါ။ အာဏာသိမ်းပြီး ၄ နှစ်နဲ့မှ…
Read More »