မူးယစ်ဆေးဝါး
- Jul- 2026 -15 Julyသတင်း
မူးယစ်ဆေးရောင်းတဲ့ အိမ်တန်းလျားတွေကိုဖယ်ရှားပေးဖို့ တောင်းဆို
ကချင်ပြည်နယ်၊ မြစ်ကြီးနားမြို့၊ ရမ်ပူရပ်ကွက်ထဲက မူးယစ်ဆေးဝါးရောင်းတဲ့ အိမ်တန်းလျားတွေကို ဖယ်ရှားပေးဖို့ ရပ်ကွက်နေပြည်သူတွေ တောင်းဆိုနေပါတယ်။ လက်ရှိ ရမ်ပူရပ်ကွက် နယ်မြေ (၂၁ )အလယ် အိမ်တန်းလျားနှစ်ခုမှာ မူးယစ်ဆေးဝါး အဓိကရောင်းနေကြတယ်လို့ သိရပါတယ်။ “အဓိကတော့ အုပ်ချုပ်ရေးမှူးတွေ ရဲတွေက သိသိကြီးနဲ့ လွတ်ထားကြတာလေ။ ခုဟာက ရက်တစ်ရာစီမံကိန်းပြီးနောက် အရင်လိုပြန် ရောင်းဝယ်နေကြတာ တစ်နေကုန် လမ်းဆုံ၊လမ်းခွတွေမှာ လူမြင်ကွင်းတွေမှာ ပုံမှန်ရောင်းဝယ်နေကြပြန်ပြီ”ရမ်ပူရပ်ကွက်နေပြည်သူတစ်ဦး ပြောပါတယ်။ အာဏာသိမ်းစစ်ခေါင်းဆောင် မင်းအောင်လှိုင်ဟာ ပြီးခဲတဲ့ ဧပြီလ ၂၀ ရက်နေ့ကနေ ရက်ပေါင်း ၁၀၀ စီမံကိန်းကို ကြေညာခဲ့ပြီး မြစ်ကြီးနားမြို့တွင်း အုပ်ချုပ်ရေးတာဝန်ရှိသူတွေနဲ့ ရဲတပ်ဖွဲ့ဝင်တွေဟာ မူးယစ်ဆေးဝါးရောင်းဝယ်သုံးစွဲသူတွေကိုဖမ်းဆီးတာတွေလုပ်ခဲ့ပမေယ့် ထိထိရောက်ရောက် လုပ်ဆောင်နိုင်ခြင်းမရှိခဲ့ဘူးလို့ မြစ်ကြီးနားမြို့ပြ ည်သူတွေ ထောက်ပြနေကြပါတယ်။ ဒါကြောင့် လတ်တလော ရမ်ပူရပ်ကွက်မှာ မူးယစ်ဆေးဝါးလက်လီလက်ကား ရောင်းသူအားလုံးပေါင်းရင် အယောက် ၃၀ ဝန်းကျင်ထိရှိလာနေတယ်လို့လည်း သိရပါတယ်။ မူးယစ်ဆေးဝါးရောင်းဝယ်မှုတွေကြောင့် ရပ်ကွက်နေပြည်သူတွေ ပိုမိုထိခိုက်ပျက်စီးလာပြီး မူးယစ်ဆေးဝါးသုံးစွဲမှုကြောင့် သေဆုံးမှုတွေလည်း ရှိနေတယ်လို့ ရပ်ကွက်နေ အမျိုးသမီးတစ်ဦးက လူမှုကွန်ရက်မှာ ရေးသားထားပါတယ်။ ဒါ့အပြင် မူးယစ်ဆေးဝါးရောင်းဝယ်တဲ့သူတွေဟာ အသက် ၁၂ အရွယ်ကနေ ၁၇ နှစ်အရွယ်ထိ အသက်မပြည့်သေးတဲ့သူတွေလည်းပါဝင်နေတယ်လို့ ရပ်ကွက်နေပြည်သူတွေပြောပါတယ်။ “ခုနောက်ပိုင်းက အသက်မပြည့်တဲ့ကလေးတွေကို အသုံးချပြီး ရောင်းခိုင်းနေကြတာဟုတ်တယ်။ အခြေနေတော့တော်တော်ဆိုးနေပြီ” လို့ နောက်ထပ်ရပ်ကွက်နေပြည်သူတစ်ဦး ထပ်ပြောပါတယ်။ ရမ်ပူရပ်ကွက်တာဝန်ကျ ဒုရဲအုပ်နဲ့…
Read More » - 15 Julyသတင်း
မူးယစ်ဆေးရောင်းတဲ့ အိမ်တန်းလျားတွေကိုဖယ်ရှားပေးဖို့ တောင်းဆို
ကချင်ပြည်နယ်၊ မြစ်ကြီးနားမြို့၊ ရမ်ပူရပ်ကွက်ထဲက မူးယစ်ဆေးဝါးရောင်းတဲ့ အိမ်တန်းလျားတွေကို ဖယ်ရှားပေးဖို့ ရပ်ကွက်နေပြည်သူတွေ တောင်းဆိုနေပါတယ်။
Read More » - 14 Julyသတင်း
မြစ်ကြီးနားမှာ အသက်မပြည့်တဲ့ ကလေးငယ်များ မူးယစ်ဆေးရောင်းချနေဟုဆို
ကချင်ပြည်နယ် မြစ်ကြီးနားမြို့မှာ အသက်မပြည့်သေးတဲ့ကလေးငယ်တွေ မူးယစ်ဆေးဝါးရောင်းနေကြတယ်လို့ မျက်မြင်တွေ့ရှိသူတွေက ပြောပါတယ်။ လက်ရှိ ရမ်ပူရပ်ကွက် နယ်မြေ ၂၁ မှာ မောင်နှမနှစ်ဦးဖြစ်တဲ့ အသက် ၁၂အရွယ် ယောကျာ်းလေးတစ်ဦးနဲ့ ၁၆ ဝန်းကျင်အရွယ် မိန်းကလေးဖြစ်ကြပြီးတော့ နောက်ထပ် ၁၆…
Read More » - 8 Julyသတင်း
ထွက်ပြေးသွားတဲ့ မူးယစ်ဒိုင်ပြန်ရောက်လာပြီး ပုံမှန်တိုင်းရောင်းဝယ်နေ
ကချင်ပြည်နယ် မိုးကောင်းမြို့က ထွက်ပြေးနေတဲ့ မူးယစ်ဒိုင်နေအိမ်ကို ပြန်လည်ရောက်ရှိလာပြီး မူးယစ်ဆေးဝါးရောင်းဝယ် သုံးစွဲမှုတွေလည်း အရင်လို ပြန်လည် စည်ကားနေတယ်လို့ မြို့ခံပြည်သူတွေဆီကနေ သိရပါတယ်။
Read More » - Jun- 2026 -25 Juneသတင်း
ရေနဲ့အတူ မျှောပါလာတဲ့ ဆေးထိုးအပ်တွေကြောင့် ကူးစက်ရောဂါဖြစ်မှာကို ပြည်သူတွေစိုးရိမ်နေ
ကချင်ပြည်နယ် မိုးကောင်းမြို့မှာ ရေကြီးရေလျှံမှုဖြစ်ပြီးနောက် ရေထဲမှာ ဆေးထိုးအပ်တွေ မျှောပါလာတာကြောင့် ကူးစက်ရောဂါတွေ ဖြစ်လာမှာကို စိုးရိမ်နေရတယ်လို့ မိုးကောင်းမြို့ခံတွေက ပြောပါတယ်။
Read More » - 22 Juneသတင်း
ရေကြီးနေချိန် မူးယစ်ဆေးဝါး ရောင်းဝယ်သုံးစွဲမှုပိုဆိုးလာ
မိုးကောင်းမြို့မှာ ရေကြီးရေလျှံဖြစ်နေတာကို အခွင့်ကောင်းယူပြီး မူးယစ်ဆေးဝါး ရောင်းဝယ်သုံးစွဲမှု ပေါ်ပေါ်ထင်ထင်လုပ်နေကြတယ်လို့ ရပ်ကွက်နေပြည်သူတွေဆီက သိရပါတယ်။ လက်ရှိမှာ ရောင်းဝယ်သုံးစွဲမှု အဆိုးဆုံးနေရာက ရွာသစ်ရပ်ကွက်၊ အဘောက်ဆိုင်အနီး ကွန်ကရစ်လမ်းပေါ် ဖြစ်တယ်လို့ ဒေသခံတစ်ဦး KNG ကို ပြောပါတယ်။ “သူတို့ အရင်က သုံးစွဲနေတဲ့ နေရာတွေက ရေနစ်နေတယ်။ နောက်ပြီး ရဲတွေနဲ့ ဌာနဆိုင်ရာတွေကလည်း ကယ်ဆယ်ရေးလုပ်ငန်းတွေမှာ အာရုံစိုက်နေရတဲ့အချိန်ကို အခွင့်ကောင်းယူပြီး လမ်းမပေါ်အထိ ကိုယ်တိုင်လာရောက် ရောင်းချနေကြတာပါ” လို့ သူက ဆိုပါတယ်။ မူးယစ်ဆေးဝါး ရောင်းဝယ်သုံးစွဲမှုတွေကို အများဆုံးတွေ့ရတဲ့အချိန်ကတော့ မနက်ပိုင်းနဲ့ ညနေပိုင်းတွေ ဖြစ်ပြီး လူ ၂၀ ကနေ ၃၀ ဝန်းကျင်အထိ အုပ်စုလိုက်စုပြီး ရောင်းဝယ်သုံးစွဲနေကြတယ်လို့ သိရပါတယ်။ မြို့ခံတွေပြောတာက မူးယစ်ဆေးရောင်းဝယ်သုံးစွဲနေသူတွေဟာ ရေက ခါးလောက်အထိတက်လာတဲ့ အခြေအနေမှာတောင် မရပ်တန့်သေးဘဲ ရောင်းဝယ်နေကြဆဲဖြစ်တယ်လို့ ဒေသခံတွေက ပြောပါတယ်။ မိုးကောင်းမှာ မူးယစ်ဒိုင်တွေကို ရှောင်ပြေးခိုင်းထားတယ်ဆိုတဲ့ သတင်းတွေ ထွက်ပေါ်လာပြီးနောက် ပြည်နယ်အဆင့် တာဝန်ရှိသူတွေက မေလ ၂၆ ရက်နေ့မှာ မြို့နယ်ရဲတပ်ဖွဲ့မှူး၊ မြို့မစခန်းမှူး၊ နယ်ထိန်းခေါင်းဆောင်တွေအပြင် အခြားရဲတပ်ဖွဲ့ဝင်တွေကိုပါ လာရောက်စစ်ဆေးခဲ့ကြပါတယ်။ အဲဒီနောက် မေလ ၂၉ ရက်နေ့မှာတော့ ရဲဒုတပ်ကြပ် သောင်းဟိန်းစိုးနဲ့ ရဲတပ်သား မျိုးဝင်းထူးတို့ အပါအဝင် ရဲတပ်ဖွဲ့ဝင် ၃၀ နီးပါးအတွက် ပြောင်းရွှေ့မိန့် ထုတ်ပြန်ခဲ့တယ်လို့ သိရပါတယ်။ နောက်ဆက်တွဲအနေနဲ့ အဲဒီကာလ အတောအတွင်း မိုးကောင်းရပ်ကွက်တွင်း မူးယစ်ဆေးဝါးရောင်းဝယ်သုံးစွဲမှု အခြေအနေတွေ လျှော့ကျသွားခဲ့တာလည်း ဖြစ်ပါတယ်။ “ဟိုတစ်လောက နည်းနည်းငြိမ်သွားပြီဟုတ်တယ်။ ခုကျတော့ ရေတက်နေချိန် ဘယ်သူကမှသူတို့ကိုအရေးမလုပ်ုနိင်တော့ အခွင့်ရေးကိုရနေကြတာ” လို့နောက်ထပ်ဒေသခံအမျိုးသမီးတစ်ဦးပြောပါတယ်။ မူးယစ်ဆေးရောင်းဝယ်သူတွေဟာ ခုလို ရေကြီးလာတဲ့ အချိန်မှာတော့ လူတွေရွှေ့ပြောင်းဖို့ အလုပ်ရှုပ်နေတာကို အခွင့်ကောင်းယူပြီး မူးယစ်ဆေးဝါးတွေကို လွတ်လပ်စွာ ပြန်လည် ရောင်းဝယ်သုံးစွဲနေကြတာ ဖြစ်တယ်လို့ ရပ်ကွက်နေ ပြည်သူတွေက ဆိုပါတယ်။ By – Hope
Read More » - May- 2026 -23 Mayမူးယစ်ဆေးဝါး
ရမ်ပူရပ်ကွက်မှာ မူးယစ်ဆေးဝါး ရောင်းဝယ်သုံးစွဲသူ အများအပြားကို ရိုက်နှက်ဖမ်းဆီး
ကချင်ပြည်နယ် မြစ်ကြီးနားမြို့ ရမ်ပူရပ်ကွက်မှာ မူးယစ်ဆေးဝါး ရောင်းဝယ်သုံးစွဲသူ အများအပြားကို ရိုက်နှက်ဖမ်းဆီးခဲ့တယ်လို့ ရပ်ကွက်နေ ပြည်သူတွေဆီက သိရပါတယ်။
Read More » - 19 Mayသတင်း
မူးယစ်ဒိုင်ကြီးတွေကိုပါ ဖမ်းပေးဖို့ရပ်ကွက်နေပြည်သူတွေတောင်းဆို
ကချင်ပြည်နယ် မြစ်ကြီးနားမြို့ ရမ်ပူရပ်ကွက်မှာ မူးယစ်ဆေးဝါး ရောင်းဝယ်သုံးစွဲသူတွေကို ဖမ်းဆီးခဲ့ပေမယ့် ဒိုင်တွေကဆက်ရောင်းချနေဆဲ ဖြစ်တယ်လို့ ရပ်ကွက်နေပြည်သူတွေက ပြောပါတယ်။
Read More » - 15 Mayသတင်း
ရက် ၁၀၀ မူးယစ်ဆေးဝါးတိုက်ဖြတ်ရေး ကြေညာသော်လည်း ပုံမှန်အတိုင်း ဆက်လက်ရောင်းဝယ်နေ
မြစ်ကြီးနားမြို့ ရမ်ပူရပ်ကွက်မှာ စစ်အစိုးရက ရက် ၁၀၀ မူယစ်ဆေးဝါးတိုက်ဖြတ်ရေး ကြေညာသော်လည်း ပုံမှန်အတိုင်း မူးယစ်ဆေးဝါးပြန်လည် ရောင်းဝယ်နေကြတယ်လို့ ရပ်ကွက်နေ ပြည်သူတွေက ပြောဆိုနေကြပါတယ်။ မေလ ၉ ရက်နေ့က မီးတပ်အဖွဲ့က လူအင်အား ၁၀ ကျော်…
Read More » - Apr- 2026 -30 Aprilသတင်း
မက်သာဒုန်းရောင်းချသူတွေကို စည်းကမ်းကြပ်မတ်ပေးဖို့တောင်းဆို
မြစ်ကြီးနားမြို့မူးယစ်ဆေးဝါးတိုက်ဖျက်ရေးဆေးရုံရှေ့မှာ မက်သာဒုန်းသောက်သုံးသူတွေက တစ်ဆင့်ပြန်ရောင်းတာတွေလုပ်နေတဲ့အတွက် စည်းကမ်းကြပ်မတ်ပေးဖို့ မက်သာဒုန်းသောက်သူတစ်ချို့တောင်းဆိုနေပါတယ်။ “မူးယစ်ဆေးဝါးသုံးစွဲသူအပေါ် မူတည်ပြီး မက်သာဒုန်းကို ၃၀၀ အားကနေပြီး စတိုက်ပေးတာဟုတ်တယ်။ အဲ့ဒါကို အကုန် မသောက်ဘဲ ဘယ်လို ခိုးသယ်လည်းတော့ မသိဘူး။ အပြင်မှာ ပြန်ရောင်းကြတယ်”လို့ မက်သာဒုန်းသောက်သူတစ်ဦး KNG ကိုပြောပါတယ်။ မက်သာဒုန်းဆေးရည်သောက်သူတစ်ချို့ဟာ ရောင်းလို့ရတဲ့ ငွေနဲ့ ဘိန်းဖြူ၊ရာမအစရှိတဲ့ မူးယစ်ဆေးပြန်ဝယ်ပြီး သုံးစွဲနေကြတယ်လို့ သူကဆက်ပြောပါတယ်။ မြစ်ကြီးနား မူးယစ်ဆေးဝါးတိုက်ဖျက်ရေးဆေးရုံကနေ မူးယစ်ဆေးစွဲနေသူတွေကို ဆေးစွဲလမ်းမှုမှ လျှော့ချရန် (သို့မဟုတ်) ဖြတ်ဖို့အတွက် မက်သာဒုံးဆေးရည်ကို ဆရာဝန်တွေရဲ့ ညွှန်ကြားချက်အတိုင်း နေ့စဉ် မနက် ၉နာရီကနေ ၁၂ နာရီအထိ မြစ်ကြီးနားမြို့ ဂေါက်ကွင်းမျက်နှာချင်းဆိုင်မှာရှိတဲ့မူးယစ်ဆေးဝါးတိုက်ဖျက်ရေးဆေးရုံမှာ တိုက်ပေးနေတာဖြစ်ပါတယ်။ KNG ကနေစုံစမ်းရရှိထားချက်အရ မက်သာဒုန်းသောက်သူတွေဟာ သတ်မှတ်ထားတဲ့ ဆေးရုံဝန်းအတွင်းအပြီးသတ် သောက်သုံးစေခိုင်းတာတွေရှိပေမယ့် မက်သာဒုန်းဆေးရည်အကုန်မသောက်ပဲ အပြင်ဘက် ခိုးဝှက်သယ်ယူပြီး တစ်သောင်းမှ သုံးသောင်းအထိ ဈေးအမျိုးမျိုးပြန်ရောင်းချလျက်ရှိနေတယ်လို့လည်းသိရပါတယ်။ “ကျနော်တို့ရွာဘက်ကဆိုရင်တော့ ကျန်းမာရေးစောင့်ရှောက်မှုခေါင်းစဉ်အောက်မှာရပ်ကျေးအဖွဲ့ကပါဝင်ပြီး လုပ်နေတာတွေရှိတယ် အဲဒါကြောင့် ကျနော်တို့အားရင်တော့ အမည်စာရင်းနဲ့တကွသွားထုတ်ပေးတာမျိုးတော့ရှိတယ်။ဒါပေမယ့် တစ်ခါတစ်လေတော့ သူတို့ကိုယ်တိုင်ထုတ်ခိုင်းတာတွေရှိတယ်။ ဘယ်လိုဖြစ်လို့ခုလိုလုပ်လာကြတာလဲမသိဘူး ဒီလိုဖြစ်စဉ်မျိုးက ခုနောက်ပိုင်းပိုကြားလာရတယ်”လို့ မိုင်းနားကျေးရွာအုပ်စုထဲက အမျိုးသားတစ်ဦးပြောပါတယ်။ ဒီကိစ္စနဲ့ပတ်သက်ပြီး မြစ်ကြီးနားမြို့ရဲ့မူးယစ်ဆေးဝါးတိုက်ဖျက်ရေးဆေးရုံကို ဖုန်းနဲ့ဆက်သွယ်ပေမယ့် ဖုန်းလိုင်းအခက်ခဲကြောင့် ဆက်သွယ်လို့မရသေးတာလည်းဖြစ်ပါတယ်။ မြန်မာနိုင်ငံတစ်ဝန်း ပြီးခဲ့တဲ့ ၂၀၀၆ ခုနှစ်ကစပြီး မက်သာဒုန်းစတင်တိုက်ကျွေးခဲ့ရာ ၂၀၁၈ ခုနှစ်မှာတော့ မက်သာဒုန်းစင်တာ ၅၀ ကျော်အထိတိုးချဲ့လာနိုင်ခဲ့တယ်လို့ ယခင်အစိုးရလက်ထက်ကျန်းမာရေးဝန်ကြီးဌာနကထုတ်ပြန်ထားတာလည်းဖြစ်ပါတယ်။ By – Zami
Read More »
