,

Breaking News :

ဝိုင်းမော် သပိတ်တွင် ဖမ်းဆီးခံရသော ဆရာမ အပါ ၂ ဦးကို တွေ့ခွင့်မပြု

ဖားကန့် သပိတ်စစ်ကြောင်း ပစ်ခတ်ဖြိုခွင်းခံရ

ဖားကန့်သပိတ်စစ်ကြောင်း ပထမဆုံးအကြိမ် ဖြိုခွင်းခံရ

ဗန်းမော်ရှိ ဌာနဆိုင်ရာဝန်ထမ်းအများစု CDM တွင်ပါဝင်လာ

ဝန်ကြီး ဦးဒရှီလဆိုင်းကို ပုဒ်မ ၅၀၅ (ခ) ဖြင့် တရားစွဲဆိုထားမှုကို ပထမအကြိမ် ရုံးထုတ်

လီဆူအနုပညာရှင်တစ်ဦးကို စစ်တပ်က ညအချိန် ဖမ်းဆီး

လူစုလူဝေး ခွင့်မပြုသော်လည်း ဝိုင်မော်တွင် စစ်အာဏာရှင်ကို ပြည်သူများက ကန့်ကွက်ဆန္ဒဖော်ထုတ်

စစ်ကောင်စီ၏ ကချင်ပြည်နယ် စေ့စပ်ညှိနှိုင်းရေးကော်မတီကို ပြည်သူများ မလိုလား

ဝိုင်းမော်တွင် ဖမ်းဆီးခံရသော ကျောင်းဆရာမနှင့် အရပ်သားတစ်ဦးကို မြစ်ကြီးနားအကျဉ်းထောင်သို့ ပို့

ဖားကန့် CDM တွင်ပါဝင်နေသူများ ဆက်သွယ်လာပါက ကူညီရန်အသင့်ရှိဟုဆို ကူညီရေးအဖွဲ့ပြော

အပစ်အခတ်ရပ်စဲရေးဖြစ်စဉ်တွင် လူထုပါဝင်ခွင့်ပြုရန် ကချင်အရပ်ဖက်အဖွဲ့အစည်းများတောင်းဆို

ကခ်င္စစ္ေရွာင္မ်ား ေနရပ္စြန္႔ခြာထြက္ေျပးခဲ့ေနစဥ္။

အစိုးရတပ်မတော်နဲ့ ကချင်လွတ်လပ်ရေးအဖွဲ့ KIO တို့ အပစ်ရပ်လက်မှတ်ထိုးရန် ပြင်ဆင်ရာတွင် လူထုပါဝင်ခွင့်ပြုသင့်ကြောင်း ကချင်ပြည်နယ်အရပ်ဘက်အဖွဲ့အစည်းများက ထုတ်ပြန်ချက်ဖြင့် တောင်းဆိုထားသည်ကို တွေ့ရပါသည်။

ကချင်အရပ်ဘက်အဖွဲ့အစည်းများ စုပေါင်းပြုလုပ်တဲ့ ငြိမ်းချမ်းရေးဖိုရမ်ကို နိုဝင်ဘာလ ၂၃ ရက်နေ့ မြစ်ကြီးနားမြို့ ကချင်နှစ်ခြင်းခရစ်ယာန်အဖွဲ့ချုပ် KBC ဝင်းတွင် ပြုလုပ်ခဲ့ပြီးနောက် ယခုလို ထုတ်ပြန်လိုက်တာဖြစ်ပါတယ်။

‘‘ငြိမ်းချမ်းရေးဆိုတဲ့လမ်းကြောင်းမှာ တက်လှမ်းနိုင်ဖို့ဆိုရင် အပစ်ခတ်ရပ်စဲရေးအဆင့်မှာဖြစ်ဖြစ် ဘယ်မှာပဲဖြစ်ဖြစ် ပြည်သူပါဝင်ရမယ်။ ပြည်သူတွေပါမှ ဒီပြည်သူတွေက သက်သေအနေနဲ့ဖြစ်သွားတဲ့အတွက် သဘောတူချုပ်ဆိုထားတဲ့အချက်တွေ ချိုးဖောက်ဖို့အတွက် ခက်ခဲသွားပြီ။ ဘာကြောင့်လဲဆိုတော့ ဒီနေ့ထိုးတယ်။ မနက်ဖြန်ပြန်ပြီး တိုက်ခိုက်နေကြမယ်ဆိုရင် စစ်ရှောင်တွေ တစ်ခါပြန်ပြီးတော့ စစ်ရှောင်ရပြန်တယ်။’’ ဟု ထွယ်ဂျန်ဒါဖွံ့ ဖြိုးရေးအဖွဲ့မှ ဆရာမဒေါ်နန်ပူ ပြောပါသည်။

စစ်ဘေးရှောင်တွေ နေရပ်ပြန်နိုင်ရေးနဲ့ ပတ်သက်တဲ့ တောင်းဆိုချက်အပြင် ငြိမ်းချမ်းရေးဖော်ဆောင်ရာမှာ ပြည်သူပါဝင်သင့်ကြောင်းနဲ့ သက်ဆိုင်တဲ့အချက် ၈ ချက်ကိုလည်း ထုတ်ပြန်ထားပါသည်။

‘‘ပြောချင်တာက လူ့ဂုဏ်သိက္ခာနဲ့အညီ မိမိနေရပ်ကို ကောင်းမွန်စွာ ပြန်ချင်တယ်။ စစ်ရှောင်နေရပ်ပြန်နိုင်ရေး ဆောင်ရွက်ပေးနေတဲ့ အဖွဲ့အစည်းတွေလည်း ဒီသဘောထားကို ကောင်းစွာ နားလည်ပေးရမယ်။ အကောင်အထည်ဖော်ပေးရမှာဖြစ်တယ်။’’ ဟု မလိယန်စစ်ရှောင်စခန်းမှ ဆရာဆိုင်းခေါင်ပြောပါသည်။

ကချင်ပြည် တစ်ကျော့ပြန်တိုက်ပွဲ ၈ နှစ်ကျော်လာချိန် ပြည်နယ်တွင်း စစ်ဘေးရှောင်ဦးရေ တစ်သိန်းကျော် ရှိနေဆဲဖြစ်ပါသည်။ အစိုးရတပ်မတော်နဲ့ မြောက်ပိုင်းမဟာမိတ်တို့အဖွဲ့ကြား Bilateral ထိုးမည့် သတင်းများ ထွက်ပေါ်လာချိန် ကချင်ပြည်နယ်အရပ်ဖက်အဖွဲ့အစည်းများမှ ယခုလို တောင်းဆိုလိုက်ခြင်း ဖြစ်သည်။

သို့သော်လည်း အစိုးရတပ်မတော် နှင့် ကချင်လွတ်လပ်ရေးတပ်မတော် KIA တို့ကြား နိုဝင်ဘာ ၂၉ ရက်နေ့ နမ်ဆန်ကျေးရွာ၊ နိုဝင်ဘာ ၃၀ ရက်နေ့ မံစီမြို့နယ်တို့တွင် ၂ ရက်ဆက်တိုက် တိုက်ပွဲများ ပြန်လည် ဖြစ်ပွားခဲ့ပါသည်။

Read Previous

အစိုးရတပ်မတော်နှင့် KIA လိုင်ဇာဌာနချုပ်အနီး တိုက်ပွဲဖြစ်

Read Next

ကခ်င္ျပည္နယ္မွ တရားမဝင္ တ႐ုတ္နိုင္ငံသားမ်ားကို စီစစ္ရန္ လုံျခဳံေရးအရ ခက္ခဲ

Leave a Reply

Your email address will not be published. Required fields are marked *