,

Breaking News :

မိုင်းနင်းသေဆုံးခဲ့သော သားအမိ ၂ စီးကို မသင်္ကာကြောင်း စစ်တပ်ဘက်က စွပ်စွဲခဲ့

စင်းခန်းကျေးတွင် တာဝန်ကျသည့် စစစ(စုံစမ်းစစ်ဆေးရေး) တစ်ဦး အသတ်ခံရ

မြစ်ကြီးနားမြို့အဝင် ဆီဘောက်ဆာယာဉ်တန်းပစ်ခတ်ခံရမှု ထိခိုက်မှုမရှိနိုင်ကြောင်း ဒေသခံများပြော

နောင်မွန် KBC ဘုရားကျောင်း KIA လက်နက်သိုလှောင်ရုံအဖြစ် USDP ပါတီဝင်များ စွပ်စွဲပြောဆို

ဖားကန့်တွင် လက်ဖက်ရည်ဆိုင် ပိုင်ရှင်အမျိုးသမီးကို ဖမ်းဆီးတရားစွဲ

နောင်ကွမ်ကျေးရွာအနီး အာဏာသိမ်းစစ်တပ်စခန်းဘက်တွင် KIA နှင့် ပစ်ခတ်မှုဖြစ်ပွားခဲ့

နမ္မတီးတွင် အကြမ်းဖက်စစ်တပ်၏ ရမ်းသမ်းပစ်ခတ်မှုကြောင့် ပြည်သူ ၁ ဦးသေ၊ ၃ ဦးထိခိုက်ဒဏ်ရာရ

ရွှေကူတွင် ပစ်ခံရသည့် စစ်တပ်ရိက္ခာသယ် သင်္ဘောတစ်စီး ဒုတိယမြစ်ကျဉ်းတွင် ထပ်မံ ပစ်ခတ်ခံရ

မံစီမြို့အနီးတဝိုက် အကြမ်းဖက်စစ်တပ်က လက်နက်ကြီးများဖြင့် ပစ်ခတ်နေ

အလော့ဘွမ်တောင်ခြေ ဒေါ့ဖုန်းယန်မြို့အနီးတွင် အာဏာသိမ်းစစ်တပ်နှင့် KIA တိုက်ပွဲဖြစ်ပွားခဲ့

ကချင်တစ်ကျော့ပြန်စစ်ပွဲ ၉ နှစ်ပြည့်နေ့ စစ်ရှောင်စခန်းများတွင် ကျောက်တိုင်စိုက်ထူမည်

စစ်ရှောင်ရေးလွတ်မြောက်ရေး မြစ်ကြီးနားတွင် ဆန္ဒဖော်ထုတ်နေစဉ်(မေလ ၃ ၊ ၂၀၁၈)

မြန်မာ့တပ်မတော်နှင့် ကချင်လွတ်လပ်ရေးတပ်မတော် KIA တို့၏ ကချင်ဒေသတစ်ကျော့ပြန် တိုက်ပွဲ ၉ နှစ်ပြည့် ဇွန်လ ၉ ရက်နေ့တွင် အထိမ်းအမှတ်ကျောက်တိုင်များကို စစ်ရှောင်စခန်းများတွင် စိုက်ထူသွားမည်ဟု သိရသည်။

‘ANHTE GALOI N MALAP NA GA AI’ (ကျွနိုပ်တို့ ဘယ်တော့မှ မေ့မည်မဟုတ်) ဆိုသည့်စာတမ်းထိုး ကျောက်တိုင်ကို မြစ်ကြီးနားမြို့တွင်း တပ်ကုန်း (COC) စခန်း၊ ဂျန်မိုင်ကောင် (RC) နှင့် လယ်ကုန်း (ဗက်လင်) စစ်ရှောင်စခန်း စသည့် ၃ နေရာတွင် စိုက်ထူမည်ဖြစ်သည်။

“တကယ်တမ်းတော့ ဦးဆုံးရောက်တဲ့ စခန်းနဲ့ နောက်ဆုံးရောက်တဲ့ စခန်းတွေမှာ အရင်စိုက်ထူဖို့ စီစဉ်ထားတာ။ ဒါပေမယ့် တစ်ချို့စခန်းတွေမှာက နေရာအခက်အခဲရှိနေတယ်။ အဲကြောင့် ဒီ ၃နေရာတွင်မှာ သာပြုလုပ်နိုင်သေးတာပေါ့။ အခုလိုလုပ်ဆောင်တာကလည်း ရှင်းရှင်းလေးဘဲ။ စစ်ရှောင်စခန်းပြုလုပ်ခဲ့တဲ့ နေရာတွေကို ဘယ်တော့မှ မမေ့ဖို့ အမြဲတမ်းအမှတ်ရနေဖို့ဖြစ်တယ်။ ကျန်တဲ့စခန်းတွေမှာလဲ နောက်နောင်ပြုလုပ်သွားဖို့ရှိတယ်” ဟု ကချင်လူငယ်ခေါင်းဆောင်တစ်ဦး မဆွတ်ဆိုင်းထွယ်က ပြောသည်။

နေရာအခက်အခဲကြောင့် စစ်ရှောင်စခန်းတချို့တွင် ယခုနှစ်ကျောက်တိုင် စိုက်ထူနိုင်ခြင်းမရှိခဲ့သော်လည်း လာမည့်နှစ်များတွင် ဆက်လက်စိုက်ထူသွားမည်ဟု သိရသည်။

ထို့အပြင် စစ်ရှောင်များ၏ ခံစားချက်များနှင့် စစ်ရှောင်များ၏အခြေအနေကို ဆွေးနွေးမည့်အစီစဉ်ကိုလည်း ကချင်လူငယ်များဦးဆောင်ကာ ဇွန်လ ၆ ရက်နေ့မှ ၈ ရက်နေ့အထိ အွန်လိုင်းမှတဆင့် ၃ ရက်သာ ထုတ်လွင့်သွားမည်ဟု ပြောသည်။

Covid-19 ကပ်ရောဂါကာလဖြစ်သောကြောင့် ယခင်နှစ်ကဲ့သို့ လူစုလူဝေးအစီအစဉ် ပြုလုပ်နိုင်ခြင်းမရှိသဖြင့် အစိုးရမှ ယခုလိုအွန်လိုင်းမှ တဆင့်သာ ပြုလုပ်ရခြင်းဖြစ်သည်ဟုလည်း မဆွတ်ဆိုင်းထွယ်က ထပ်မံ ပြောဆိုသည်။

“လူငယ်တွေက စစ်ရှောင် ၉နှစ်ပြည့် အခမ်းအနားကို ၃ရက်ပြုလုပ်ဖို့ စီစဉ်ထားတယ်။ အဲ့မှာက စစ်ရှောင်တွေနဲ့ပတ်သက်ပြီး စကားဝိုင်းဆွေးနွေးမှုတွေပြုလုပ်သွားမယ်။ အဓိကတော့ စစ်ရှောင်တွေက သူတို့ရဲ့ ၉ နှစ်တာဖြတ်သန်းခဲ့တဲ့ အတွေ့အကြုံတွေ ပြောပြမယ်။ ပြီးရင်သူတို့ရဲ့ အနာဂတ်နဲ့ မျှော်လင့်ချက်တွေကို ဆွေးနွေးမယ်” ဟု ပြောသည်။

အဆိုပါ ၃ ရက်စကားဝိုင်းတွင် စစ်ရှောင်များ၏ ၉ နှစ်တာကြုံတွေ့ခဲ့ရသည့် အခက်အခဲများ၊ အနာဂတ်မျှော်လင့်ချက်များနှင့် အစိုးရ၏ ပြန်လည်ထူထောင်ရေးနှင့်ပတ်သက်သော ဆောင်ရွက်မှုများကို စကားဝိုင်းအဖြစ် ဆွေးနွေးသွားမည်ဖြစ်သည်ဟု သိရသည်။

အဆိုပါဆွေးနွေးမှုတွင် ကချင်ပြည်နယ်လူမှုရေးဝန်ကြီး အပါအဝင် Kachin Humanitarian Concern Committee KHCC တာဝန်ရှိသူများနှင့် စစ်ရှောင်ပြည်သူမျာက အဓိက ပါဝင်ဆွေးနွေးသွားမည်ဖြစ်ကြောင်း သိရသည်။

ကချင်တစ်ကျော့ပြန်တိုက်ပွဲ ၉ နှစ်ပြည့်သည့် ဇွန်လ ၉ ရက်နေ့တွင် ကချင်အမျိုးသားအတိုင်ပင်ခံအဖွဲ့ WMR မှလည်း ဝတ်ပြုအစီစဉ်များကို အွန်လိုင်းမှတဆင့် ထုတ်လွင့်သွားမည်ဟု ပြောသည်။

Read Previous

အသက် ၁၀ နှစ်အောက်ကလေးငယ်များကို ယာဉ်ပေါ်တွင် အသက်ကယ်ခုံဖြင့်သာတင်ရန် ဥပဒေပြဌာန်း

Read Next

Covid-19 ကြောင့် မိုးချေးငွေများကို အတိုးနှုန်းလျှော့ချထား

Leave a Reply

Your email address will not be published. Required fields are marked *