,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

လူနာအမှတ်စဉ် ၂၄၉ ဖြင့်ထိတွေ့သူ မြစ်ကြီးနားတက္ကသိုလ်မှ စာစစ်ဆရာတွင် ပိုးမတွေ့

မြစ်ကြီးနားတက္ကသိုလ်

လူနာအမှတ်စဉ် ၂၄၉ နှင့်ထိတွေ့ခဲ့သူ မြစ်ကြီးနားတက္ကသိုလ်တွင် စာစစ်ရန်ရောက်ရှိနေသည့် ဗန်းမော်မြို့မှ ကျောင်းဆရာနှင့် ၎င်း၏ အခန်ဖော်ဆရာတို့ ၂ ဦးတွင် ပိုးမတွေ့ရတော့သဖြင့် တက္ကသိုလ်ဝင်းတွင် အသွားအလာကန့်သတ်ခံထားရသူအားလုံးကို ယနေ့ ဇွန်လ ၁၆ ရက်နေ့တွင် နေရပ်ပြန်လွတ်လိုက်ပြီဖြစ်ကြောင်း သိရသည်။

မိုးမောက်မှ ပိုးတွေ့လူနာအမှတ် ၂၄၉ နှင့်ထိတွေ့မှု ရှိခဲ့သည်ဟုဆိုကာ မြစ်ကြီးနားမြို့သို့ ဇွန်လ ၃ ရက်နေ့က စာစစ်ရန်ရောက်ရှိနေသည့် ဗန်းမော်မြို့မှ ကျောင်းဆရာနှင့် ၎င်း၏အခန်းဖော်ဆရာအား ဇွန်လ ၁၁ ရက်နေ့တွင် မြစ်ကြီးနားမြို့ ပြည်သူ့ဆေးရုံကြီး Quarantine နေရာတွင်ထားရှိပြီး ဆေးစစ်ခဲ့ပြီးနောက် ပိုးမတွေ့ရသည့်အတွက် ဆရာနှစ်ဦးနှင့် အတူနေခဲ့သည့် အဆောင်တူဆရာ ၅၆ ဦးကို ဇွန်လ ၁၆ ရက်နေ့ ၎င်းတို့ဒေသသို့ ပြန်လည်စေလွှတ်လိုက်ပြီဖြစ်ကြောင်း မြစ်ကြီးနားတက္ကသိုလ် ပါမေက္ခချုပ်ဒေါက်တာအောင်ဝင်း က ဆိုသည်။

“ဆရာတို့ဆီကို သက်ဆိုင်ရာပြည်နယ် ကျန်းမာရေးကနေအကြောင်းကြား ပေးလာပါတယ်။ အဲဆရာ ၂ယောက်စလုံးမှာ ရောဂါပိုးမရှိတဲ့တွက် ဆရာတို့ဆီမှာ ယာယီကန့် အသွားလာကန့်သတ်ထားတဲ့ဆရာတွေကိုလည်း ဖြေလျော့ပေးလိုက်ပြီ။ စာစစ်တဲ့လုပ်ငန်းကလည်း ပြီးပြီဆိုတော့ အားလုံးကိုပြန်လွှတ်လိုက်ပါပြီ။” ဟု ပြောသည်။

သို့သော် ဗန်းမော်မှကျောင်းဆရာနှင့် ၎င်း၏အခန်းဖော်ကျောင်းဆရာတို့ ၂ ဦးကိုမူ သတ်မှတ်ထားသည့် Quarantine နေရာတွင် ၂၁ရက်ပြည့်အောင် ထားရှိအုံးမည်ဖြစ်ကြောင်း ကချင်ပြည်နယ် Covid-19 ထိန်းချုပ်ရေးနှင့် အရေးပေါ်တုံ့ပြန်ရေး ကော်မတီမှ ဒုညွှန်ကြားရေးမှူး ဦးတင့်လှိုင်က ဆိုသည်။

လက်ရှိချိန်တွင် မိုးမောက်မြို့မှ ပိုးတွေ့လူနာအမှတ် ၂၄၉နှင့် ထိစပ်သူဦးရေ စုစုပေါင်း ၆၀၀ ခန့်ရှိနေပြီး နှာခေါင်းတို့ပတ်၊ အာခေါင်တို့ စစ်ဆေးရန် ၁၅၈ ဦးကို ပြင်ဆင်နေပြီဖြစ်ကြောင်း ထပ်မံ သိရသည်။

ကချင်ပြည်နယ်တွင် Covid-19 ပိုးတွေ့လူနာ ၂ဦးစစ်ဆေးတွေ့ရှိခဲ့ကာ မိုးညှင်းမှ ပထမပိုးတွေ့လူနာအမှတ် ၁၄၄ သည် ပိုးကင်းစင်သွားပြီဖြစ်သည့်အတွက် ၎င်းနေအိမ်သို့ ပြန်လည်ရောက်ရှိနေပြီဖြစ်ပြီး၊ ဒုတိယပိုးတွေ့လူနာအမှတ် ၂၄၉ သည် လက်ရှိ ဗန်းမော်မြို့ပြည်သူ့ဆေးရုံတွင် ဆေးကုသခံယူနေပြီဖြစ်သည်။

ပိုးတွေ့လူနာအမှတ် ၂၄၉ သည် တရုတ်-ကချင်နယ်စပ် လွယ်ဂျယ်ဂိတ်တွင် ပြည်တော်ပြန်များကို ကျန်းမာရေးစစ်ဆေးပေးနေသူဖြစ်သည်။

ဇွန်လ ၁၆ရက်နေ့ထိ ကချင်ပြည်နယ်တွင် ကန်ပိုင်တီနှင့် လွယ်ဂျယ် နယ်စပ်ဂိတ်မှ ပြန်လည်ဝင်ရောက်လာသူ စုစုပေါင်း ၁၁၃၇၂ ဦးရှိနေပြီး၊ ထိုင်းနိုင်ငံမှ ပြန်လည်ဝင်ရောက်လာသူများမှ ၈၄၀ ဦး ရှိပြီဖြစ်ကြောင်း ကချင်ပြည်နယ် Covid-19 ထိန်းချုပ်ရေးနှင့် အရေးပေါ်တုံ့ပြန်ရေးကော်မတီမှ သိရသည်။

 

Read Previous

တပ်ကုန်းလမ်းမကြီး ပြုပြင်နေမှု စက်တင်ဘာလမှ ပြီးစီးနိုင်မည်ဟုဆို

Read Next

သခင်စစ်ကုမ္ပဏီကိုတရားစွဲဆိုထားသည့်အမှု တရားလိုသက်သေ ရဲစခန်း၏ထွက်ဆိုမှုကို အားရကျေနပ်မှု မရှိဟုဆို