,

Breaking News :

စစ်ကောင်စီ ဖမ်းဆီးသွားသည့် ဆားလင်းကြီး PDF ရဲဘော် ၂ဦး သတ်ဖြတ်ခံရ

ဖားကန့် ပြည်သူ့လွှတ်တော်ကိုယ်စားလှယ် ဦးအောင်ဟိန်းမင်း၏ နေအိမ် ချိတ်ပိတ်ခံရ

ကသာမြို့နယ် တွင် PDF ပူးပေါင်းတပ်ဖွဲ့များ ကျပ်သိန်း ၃၀၀၀ ကျော်တန်ဖိုးရှိ မူးယစ်ဆေးဝါးများကို မီးရှို့ဖျက်ဆီး

ရဝမ် လူငယ်အသင်း ဥက္ကဋ္ဌ ဦးဖုန်ရော့ဖီနန်ကို စစ်ကောင်စီ မှ ထောင်ဒဏ် ၁၀ နှစ် ချမှတ်

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

ဖားကန့်မြို့တွင်း နေရာအချို့တွင် ယခုရက်ပိုင်း Mytel အင်တာနက်လိုင်း ပြန်ရနေ

နမ္မတီး ညောင်တော စစ်ရှောင်စခန်းမှ ကျောင်းသားများအတွက်ကြိုပို့ယာဉ် စီစဉ်ပေးရန်တောင်းဆို

ညောင်တော်စစ်ရှောင်စခန်း

မိုးကောင်းမြို့နယ် နမ္မတီးမြို့စွန်တွင်ပြောင်းရွေ့ထားသော ညောင်တောစစ်ရှောင်စခန်းမှ ကျောင်းသူ၊သားများသည် လက်ရှိတက်ရောက်နေသည့် စာသင်ကျောင်းနှင့် အလွန်ဝေးကွာနေသဖြင့် ကျောင်းသွား ကျောင်းပြန် သွားလာရေးပြဿနာကြုံတွေ့နေရကြောင်း စစ်ရှောင်စခန်းတာဝန်ခံမှ သိရသည်။

ညောင်တောကျေးရွာတွင် အလယ်တန်းအဆင့်ကျောင်းသာရှိသောကြောင့် အထက်တန်းတက်ရောက်မည့် ကျောင်းသူ/ သားများက ရွာနှင့် ၃မိုင်ခန့်ဝေးသည့် နမ္မတီး-လမ်းခွ အထက်တန်းကျောင်းတွင် တက်ရောက်နေရသည်။

“အခုကကျောင်း ဖွင့်နေပြီ။ ၈တန်းကနေ ၁၀တန်းအထိ မြို့ကျောင်းကို သွားတက်ရမှာဖြစ်တယ်။ ဒါပေမယ့် ကျောင်းသားတွေအတွက် သွားရေးလာရေးက အရးကြီးတဲ့ အခက်အခဲလို့ပြောရမယ်ပေါ့။ ကျနော်တို့က ဘယ်သူ့ကို အကူအညီတောင်းရမှန်းလည်းမသိ။ ဒီမှာက စခန်း ၂ခုရှိတယ်။ မိသားစုတိုင်းမှာက ဆိုင်ကယ်မရှိဘူး။ ခြေကျင်နဲ့သွားဖို့ဆိုလည်း အဆင်မပြေဘူး။ စခန်းမှာလည်း သုံးဘီးဆိုင်ကယ်ဆိုလည်းမရှိဘူး” ဟု စခန်းတာဝန်ခံ ဆရာဇော်ခန်း (Zau Hkun) ကပြောသည်။

ကျောင်းသုံးစရိတ်များ၊ စခန်းတွင်း စားဝတ်နေရေး အခက်အခဲများ၊ လျှပ်စစ်မီး၊ ရေချိုးခန်း နှင့် အိမ်သာအရေအတွက် မလုံလောက်မှုစသည့် အခက်အခဲများလည်း နောက်ဆက်တွဲရှိနေသည်ဟု သူက ဆက်ပြောသည်။

လက်ရှိစစ်ရှောင်စခန်းတွင် အခြေခံပညာကျောင်းတက်နေသည့် ကျောင်းသူ/သား စုစုပေါင်း ၁၄၀ ကျော် ရှိနေပြီး ထိုအထဲ အယောက် ၄၀ မှာ အထက်တန်းအဆင့်ဖြစ်သောကြောင့် ဇူလိုင် ၂၁ ရက်နေ့က စပြီး ကျောင်းတက်နေရပြီဖြစ်သည်။

ညောင်တောစစ်ရှောင်စခန်းသည် ယခင်က နမ္မတီး-လမ်းခွ ကတ်သစ်လစ်ဘုရားကျောင်းဝင်းနှင့် မြို့ဦးရပ်ကွက်တွင်ခိုလှုံနေသော စစ်ရှောင်စခန်း ၂ ခုဖြစ်ပြီး Covid-19 ကပ်ရောဂါနှင့် နေရာအကျပ်အတည်းကြောင့် ပြီးခဲ့သည့် ဧပြီလဆန်းတွင် ညောင်တောကျေးရွာသို့ ပြောင်းရွေ့ခဲ့ခြင်းဖြစ်သည်ဟု ဆိုသည်။

၂၀၁၈ ဧပြီလအတွင်း ကချင်လွပ်လပ်ရေးတပ်မတော် KIA ၏ တပ်ရင်း ၁၁ တည်နေရာ ကဆုန့်ဒေသတွင် တိုက်ပွဲများပြင်းထန်စွာ ဖြစ်ပွားလာသောကြောင့် အဆိုပါနယ်မြေရှိဒေသခံများသည် နမ္မတီး-လမ်းခွ ဘာသာရေးကျောင်းများတွင် စတင်ထွက်ပြေးခိုလှုံခဲ့ခြင်း ဖြစ်သည်။

Read Previous

၂၁ ရာစု ပင်လုံညီလာခံသို့ အစိုးရက ဖိတ်ကြားလျှင် FPNCC အစီစဉ်ဖြင့် ပါဝင်သွားမည်ဟု KIO ပြော

Read Next

ကချင်ပြည်နယ် Covid-19 စေတနာ့ဝန်ထမ်းအဖွဲ့များ၏နောက်ဆုံးအခြေအနေ

Leave a Reply

Your email address will not be published.