,

Breaking News :

စစ်ရေးတင်းမာမှုများကြောင့် ဖောင်းဆိုင်ဒေသခံများ စပါးရိတ်သိမ်းရန် အခက်အခဲဖြစ်နေ

တနိုင်း-ရှင်ဗွေယန် လမ်းမပေါ်  စစ်ကောင်စီတပ်ကို KIA မိုင်းခွဲ တိုက်ခိုက်

KIO သည် ဓမ္မဘက်ရပ်တည်ပြီး အဓမ္မဘက် ရပ်တည်သူများမှာ အာဏာရှင်ကို ထောက်ခံနေဟု KIO ဥက္ကဋ္ဌ ဆို

ပန်ဆိုင်း မှာ ကချင်အမျိုးသမီး ၁ ဦး လက်နက်ကြီးကျည်စ ထိမှန်ပြီး ဒဏ်ရာပြင်းထန်

ဝိုင်းမော်မြို့နယ်တွင် ကိုဗစ်ကာကွယ်ဆေး နိုဝင်ဘာလ အပြီးထိုးမည်

စစ်တပ်၏ ရိုက်နက်မှု ဒဏ်ရာကြောင့် ပူတာအို လူငယ်တစ်ဦး သေဆုံး

မြန်မာနိုင်ငံသားအချို့ကို တရုတ်ဘက်က ညအချိန် ရိုက်နက်ပြီး အတင်းပြန်ပို့ရန် စီစဉ်ခဲ့

အရာတော် ဘောင်းကျကျေးရွာအတွင်း အာဏာသိမ်းတပ် တပ်စွဲထားကာ ညမထွက်ရ အမိန့်ထုတ်ပြန်

တနိုင်း-ရှင်ဗွေယန်လမ်းမပေါ် KIA နှင့် စစ်ကောင်စီတပ် တိုက်ပွဲဖြစ်ပွား စစ်ကောင်စီဘက်မှ ထိခိုက်မှုများနိုင်

မုံးကိုးမှာ စစ်ကောင်စီနဲ့ ကိုးကန့် MNDAA တိုက်ပွဲ ဆက်လက် ဖြစ်ပွား

လုံးစွတ် စစ်ရှောင်စခန်းတွင် သောက်သုံးရေ အခက်အခဲဖြစ်နေ

ပူတာအို လုံးစွတ်စစ်ရှောင်စခန်း

ပူတာအိုမြို့ လုံးစွတ်ရပ်ကွက် စစ်ရှောင်ပြည်သူများသည် မိုးရာသီ သောက်သုံးရေ အခက်အခဲကြုံတွေ့နေရသောကြောင့် ကူညီထောက်ပံ့ပေးစေလိုသည်ဟု စခန်းတာဝန်ခံများမှ သိရသည်။

စစ်ရှောင်စခန်းတွင် အစိုးရက ချပေးသည့် ရေမရရှိသည့်အပြင် ဆောက်လုပ်ပေးထားသည့် ရေတွင်း ၂တွင်းသည်လည်း မိုးရာသီတွင် သုံးစွဲရန်အဆင်မပြေဖြစ်နေသည်ဟု ဆိုသည်။

“စခန်းမှာ ရေတွင်း ၂တွင်းရှိတယ်။ ၁ တွင်းက မိုးကျရင် ရေပြည်လျှံပြီးမသန့်တဲ့အတွက် သောက်သုံးလို့မရဘူး။ နောက် ၁တွင်းကတော့ သောက်လို့ရတယ်။ ဒါပေမယ့် ဘာဖြစ်သလဲဆိုတော့ အဝီစိတွင်းဖြစ်တယ်။ အဲ့ကြောင့် စက်နဲ့စုပ်ပြီး သုံးရတယ်။ ဘာအခက်အခဲ ဖြစ်လဲ ဆိုတော့ စစ်ရှောင်တွေမှာက ဝင်ငွေမရှိဘူး။ ရေစုပ်တဲ့အခါ ဆီဖိုးက မတတ်နိုင်ဘူး။ တစ်လမှာ တစ်သိန်းကျော် လောက်ကုန်တယ်။ ပိုဆိုးတာက ကိုဗစ်ရောဂါကြောင့် ကူညီရေးအဖွဲ့တွေက မလာတော့ ပိုဆိုးသွားတာပေါ့။ အရင်တုန်းကတော့ ကူညီရေးအဖွဲ့တွေဆီကနေ တတ်နိုင်သလောက် စုပြီးဖဲ့သုံးနေရတာပေါ့” ဟု စစ်ရှောင်တာဝန်ခံ ဦး ဖုန်ထိန်က ပြောသည်။

၎င်းစစ်ရှောင်စခန်းတွင် အိမ်ထောင်စု ၆၆ ခုနှင့် လူဦးရေ ၃၀၀ ကျော်တိမ်းရှောင်နေပြီး ကချင်နှစ်ခြင်းခရစ်ယာန်အဖွဲ့ချုပ်(KBC) မှ စခန်းအထွေအထွအသုံးစားရိတ်အဖြစ် တစ်လတွင် တစ်သိန်းသုံးသောင်းကျပ် ထောက်ပံ့မှုမှာ မီးစက်ဆီဖိုးပင် မကာမိကြောင်း သူကဆက်လက်ပြောဆိုသည်။

ထို့အပြင် Covid-19 ကူးစက်ရောဂါကြောင့် ကူညီထောက်ပံ့သည့်အဖွဲ့အစည်းများလည်း နည်းပါးနေသဖြင့် စစ်ရှောင်ပြည်သူများသည် စားဝတ်နေရေးခက်ခဲနေကြောင်း ပြောသည်။

“ကိုဗစ်-၁၉ မဖြစ်ခင်တုန်းကတော့ ခက်တယ်ဆိုရင်လည်း တတ်နိုင်သလောက်လုပ်ကိုင်စားသောက်ကြတယ်။ အခုနောက်ပိုင်းက တော်တော်လည်း ခက်ခဲနေကြတယ်။ ဘာကြောင့်လဲဆိုတော့ နေ့စားကိုယ်ထူကိုယ်ထ လုပ်ကိုင်လို့ မရတော့ဘူး။ WFP ကလည်းဆန်အတွက်ပဲ ထောက်ပံ့တယ်။ နောက်တစ်ချို့စစ်ရှောင်တွေဆို တအားခက်ခဲတာ ရှိတယ်။ သူတို့ကိုက တစ်လကို ၂၀၀၀ ပေးတယ်။ ကျန်တဲ့သူတွေက ၁၄၀၀၀ထောက်ပံ့ ပေးတာရတယ်။ ဒါကတော့ အစားအသောက်အတွက်ပေါ့။ သီးခြားလာရောက်ထောက်ပံ့တဲ့ အကူအညီတွေလည်း မရှိသလောက်ပါဘဲ” ဟု စစ်ရှောင်တစ်ဦးဖြစ်သည့် ဒေါ်နန်ရမ်က ပြောဆိုသည်။

ပူတာအိုခရိုင်တွင် တပ်မတာ်နှင့် ကချင်လွတ်လပ်ရေးတပ်မတော် KIA တို့ကြား ၂၀၁၂ နှင့် ၂၀၁၅ ခုနှစ်အတွင်းတိုက်ပွဲများကြောင့် အင်ခါးဂါး၊ အင်ဖီဂါ၊ ဖကန်းနှင့် နှင်းတန်ဂေါင်း စသည့် ကျေးရွာများမှ ဒေသခံများထွက်ပြေးလာပြီးနောက် လုံးစွတ်စစ်ရှောင်စခန်း ဖြစ်ပေါ်လာခဲ့သည်။

ယခုနောက်ဆုံးအချိန် အဆိုပါစစ်ရှောင်များသည် မိမိတို့ဒေသတွင် နေရပ်ပြန်ရန် အဆင်မပြေတော့သဖြင့် အခြားနေရာတွင် ပြန်လည်နေရာချထားပေးရန် တောင်းဆိုသည့်အညီ သက်ဆိုင်ရာကလည်း ဆောင်ရွက်နေပြီဟု သိရပါသည်။

Read Previous

၂၀၀၈ ဖွဲ့စည်းပုံ လက်မခံသည့်အတွက် ရွေးကောက်ပွဲကိုလည်းလက်မခံဟု KIO ပြော

Read Next

တရုတ်ထောက်ပံ့ငွေဖြင့် ကချင်စစ်ဘေးဒုက္ခသည်များ နေရပ်ပြန်ရေးအစီစဉ် စက်တင်ဘာလတွင်စတင်နိုင်ဖွယ်ရှိ

Leave a Reply

Your email address will not be published. Required fields are marked *