,

Breaking News :

ဖားကန့် သပိတ်စစ်ကြောင်းဖြိုခွဲရန်သွားသည့် ရဲနှင့်စစ်သားများ မိုင်းခွဲ တိုက်ခိုက်ခံရပြီး သေဆုံးမှုရှိ

အာဏာသိမ်းစစ်တပ် ဂျက်တိုက်လေယာဉ်များ တရုတ်နိုင်ငံဘက်ခြမ်းမှ KIA ကို ပစ်ခတ်နေ

မိုးမောက်မြို့နယ် တိုက်ပွဲတွင် အာဏာသိမ်းစစ်တပ်ဘက်က ထိခိုက်သေဆုံးမှုများပြား

အလောဘွမ် (Alaw Bum) ကို ဂျက်တိုက်လေယာဉ်ဖြင့် အကြိမ်ကြိမ်သွားရောက်ပစ်ခတ်နေ

ဒေါ့ဖုန်းယန် အလောဘွမ် တပ်စခန်းသို့ အာဏာသိမ်းစစ်တပ်က လက်နက်ကြီးဖြင့် ဆက်တိုက်ပစ်ခတ်နေ

ဖားကန့် အလွတ်တန်း သတင်းထောက်တစ်ဦးကို ပုဒ်မ ၅၀၅-က ဖြင့် တရားစွဲ

ပူတာအို စစ်အာဏာသိမ်းမှုဆန့်ကျင်သူ လူငယ်များကို ဝရမ်းထုတ်ထားသဖြင့် တိမ်းရှောင်နေရ

မိုင်းခွဲတိုက်ခိုက်ခံရသော အာဏာသိမ်းစစ်တပ်က ပြည်သူများကို ပြန်လည်ပစ်ခတ်

KIO ဌာနချုပ် နယ်မြေသို့ အာဏာသိမ်းစစ်တပ်က လက်နက်ကြီး ပစ်ခတ်

ကချင်ပြည်နယ် CDM လှုပ်ရှားမှုတွင် ပညာရေးဝန်ထမ်းအများစုပါဝင်ဟု KPICT ထုတ်ပြန်

ကချင်ပြည်နယ် ဆန္ဒဖော်ထုတ် ပြည်သူ၂ ဦးကို စစ်တပ်က ပစ်သတ်

စစ်အာဏာရှင် ဆန့်ကျင်ရေး မြစ်ကြီးနား လူထုလှုပ်ရှားမှုကို မြန်မာစစ်တပ်က ပစ်ခတ်ခဲ့ရာ အသက် ၂၂ နှစ်အရွယ် မောင်ဇင်မင်းထက် နှင့် အသက် ၆၀ ကျော်အရွယ် ဦးချိုတား တို့ ၂ ဦးသည် ကျည်ထိမှန်ပြီး မတ်လ ၈ ရက်နေ့ ကွယ်လွန်ခဲ့သည်။

ဦးကိုကိုလေး(ခ) ချိုတား ကို မတ်လ ၈ ရက်နေ့ညနေပိုင်းက သဂြိုလ် (ဒဖာနာ) ခဲ့သည်။ မောင် ဇင်မင်းထက်ကိုမူ မတ်လ ၉ ရက်နေ့ ရှမ်းမျိုးနွယ်စုများဓမ္မာရုံမှ မြစ်ကြီးနားမြို့တွင်းသူ၏ ရုပ်ကလပ်ကို သယ်ဆောင်ကာ လူထောင်ပေါင်းများစွာက လိုက်လံ ပို့ဆောင်ခဲ့ကြသည်။
စစ်အာဏာရှင်ကိုဆန့်ကျင်သော မြစ်ကြီးနားလူထုသပိတ်စတင်ရန် ယနေ့ နံနက်ကတည်းက လူစုရန်ကြိုးစားခဲ့သော်လည်း ရဲတပ်ဖွဲ့က လေးဂွဖြင့် လိုက်လံ ပစ်ခတ်သည့်အတွက် လူစုရန် ခက်ခဲခဲ့သည်။ သို့သော် အောင်နန်းနှင့် အထက-၂ လမ်းနှင့် ကတ်သလစ်ဘုရားကျောင်းတစ်လျှောက်တွင် လူအနည်းငယ်စုလာချိန် ရဲနှင့် စစ်တပ်က ဖြိုခွင်းခဲ့သည်။
ရဲနှင့် စစ်တပ်၏ ဖြိုခွင်းခြင်းကို ခံရသော်လည်း လူငယ်များသည် တဖန်အင်အားစုကာ ဆန္ဒဖော်ထုတ်ရာတွင် နေ့လယ်ခင်းအချိန် စစ်တပ်ဘက် သေနတ်ပစ်သောကြောင့် ဦးကိုကိုလေး(ခ)ချိုတား ခေါင်းပွင့် ၊ မောင်ဇင်မင်းထက် ဦးခေါင်းကျည်ထိ သဖြင့် ထိုနေရာတွင် သေဆုံးသွားသည်။
ထို့အပြင် အမျိုးသမီးတစ်ဦးသည် ဘယ်ဘက်လက်မောင်းကျိုးသည်အထိသေနတ်မှန်ခဲ့ပြီး၊ လူငယ် တစ်ဦး ဝမ်းဗိုက် သေနတ်မှန် စသည့် ပြင်းထန်ဒဏ်ရာများရှိကာခဲ့သော်လည်း ခွဲစိတ်ကုသမှုကြောင့် အသက်အန္တရယ်မှ လွတ်မြောက်ခဲ့ကြောင်း သိရသည်။
စစ်သတ်၏ပစ်ခတ်မှုကြောင့် ဆန္ဒဖော်ထုတ်သော ပြည်သူလူထုများစွာ ထိခိုက်ဒဏ်ရာရရှိခဲ့ပြီး၊ လူငယ် အများအပြားလည်း ဖမ်းဆီးခံ ခဲ့ရသည်။
ကချင်ပြည်နယ်တွင် စစ်အာဏာရှင်ကို ဆန့်ကျင်သော ပြည်သူလူထုများက လမ်းလျှောက်သပိတ်၊ ဆိုင်ကယ်သပိတ် နှင့် ဗီနှိုင်းပိုစတာကပ်ခြင်း စသည့် လှုပ်ရှားမှုများ ပုံမှန်လုပ်ဆောင်နေကြသည်။ မြစ်ကြီးနားမြို့တွင်သာမက ဝိုင်းမော်၊ ဖားကန့်၊ ဗန်းမော် ၊ မိုးညှင်းနှင့် ရွှေကူစသည့်မြို့နယ်များရှိ သပိတ်စစ်ကြောင်းများကိုလည်း စစ်တပ်နှင့် ရဲတပ်ဖွဲ့က ပစ်ခတ်ဖြိုခွင်းမှုများ ပြုလုပ်နေသည်။
Read Previous

CDM ပြုလုပ်သည့် တက္ကသိုလ်ဝန်ထမ်း ဆရာ/မများ ကျောင်းဝန်းအတွင်းမှ ထွက်ပြေးတိမ်းရှောင်နေ

Read Next

ဗန်းမော်မှ ဖမ်းဆီးခံရသူတစ်ဦးကို တရားစွဲဆိုထားမှု နောက်တပတ်ရုံးထုတ်မည်

Leave a Reply

Your email address will not be published. Required fields are marked *