,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

ဖားကန့် တွင် စစ်ကောင်စီ တပ်ဆင်ပေးနေသည့် Mytel Wifi တပ်ဆင်သူ နည်းပါး

ဖားကန့်တွင် စစ်ကောင်စီအဖွဲ့ တပ်ဆင်ပေးနေသည့် Mytel Wifi

ဖားကန့်တွင် စစ်ကောင်စီအဖွဲ့ တပ်ဆင်ပေးနေသည့် Mytel Wifi

ဖားကန့် မြို့နယ်တွင် စစ်ကောင်စီ တပ်ဆင်နေသည့် Mytel wifi ကို တပ်ဆင်သူ နည်းပါးကြောင်း ဖားကန့်ဒေသခံများထံမှ သိရသည်။

ဖားကန့်တွင် ဖုန်းအင်တာနက်လိုင်းများ ဖြတ်တောက်ခံထားရမှု တစ်နှစ်ကျော်အကြာတွင် စစ်ကောင်စီသည် စစ်တပ်ပိုင် Mytel Wifi တပ်ဆင်ပေးပြီး ဝင်ငွေရှာဖွေရန်နှင့် စောင့်ကြည့်ရန် ကြိုးစားနေသော်လည်း ဖားကန့်မြို့တွင် တပ်ဆင်သူ နည်းပါးကြောင်း ဖားကန့် ဒေသခံ အမျိူးသားတစ်ဦးက KNG ကို ပြောသည်။

“မလုံခြုံဘူးလေ စိတ်မချရဘူး။ အဲ့ဒါကြောင့် ကျွန်တော်တို့အနေနဲ့ကတော့မယူဘူး။ အသုံးလည်းမပြုဘူးလိုလို့ရှိရင်တော့ ဆိုင်မှာပဲ ပိုက်ဆံပေးသွားသုံးတာပဲရှိမယ်”ဟု ပြောသည်။

စစ်ကောင်စီသည် ဖားကန့်မြို့ပေါ်၊ လုံးခင်း၊ ဆိုင်းတောင် နှင့် အနီးဝန်းကျင်ကျေးရွာများအထိ Mytel Wifi တပ်ဆင်ရန် လွန်ခဲ့သည့် ၃လခန့် ကတည်းက လုပ်ဆောင်နေပြီး လက်ရှိဖားကန့်မြို့ပေါ်တွင် ဖိုင်ဘာကြိုးဆွဲခြင်း ပြီးစီးနေပြီဖြစ်သော်လည်း နေအိမ်သို့ ဆွဲယူထားသူ နည်းပါးနေကြောင်း ဒေသခံများထံမှ စုံစမ်းသိရှိရသည်။

”တော်လှန်ရေး စိတ်ဓာတ်ပြင်းထန်တဲ့လူတွေကတော့ အဲ့တာကိုကင်းအောင်နေကြပါတယ်။ အဓိကတော့ စိတ်မချရလို့ပဲဗျ ခုထိတော့ပြည်သူတွေက ဆွဲယူတာတွေသိပ်မရှိဘူး”ဟု ဖားကန့် မရှီကထောင်ရပ်ကွက်မှ အမျိုးသားတစ်ဦးက ပြောသည်။

လတ်တလော Mytel wifi တပ်ဆင်ထားသူများတွင် လုပ်ငန်းရှင်၊ ကျောက်ပွဲစားနှင့် စျေးရောင်းစျေးဝယ်လုပ်သူအများစု ပါဝင်နေကြောင်း ဖားကန့် အေးမြသာယာ ရပ်ကွက်နေ ကျောက်ပွဲစားတစ်ဦးက ပြောသည်။

”ကျွတော်တို့ကတော့ယူသုံးဖြစ်မယ်။ အခုတောင်ဖုန်းတစ်လုံးကိုတစ်ရက် တစ်သောင်းလောက်ပေးသုံးနေရတာ။ ကျောက်ပွဲစားတွေကျတော့လည်း လိုင်းရှိမှပိုအဆင်ပြေတာ မဖြစ်မနေတော့ ယူသုံးရမှာပဲ။ ပြီးတော့စီးပွားရေး လုပ်ငန်းရှင်တွေလည်း ယူဖို့စီစဥ်ရှိတယ်” ဟု ဆိုသည်။

အဆိုပါ Mytel Wifi စက်များတွင် ဖုန်းငါးလုံးအထိအသုံးပြုနိုင်မည့် 5 mbs သာပါရှိမည်ဖြစ်ပြီး တစ်လလျှင် ကျပ် ၂၈၀၀၀ နှုန်းဖြင့် စစ်ကောင်စီကို ပေးဆောင်ရမည်ဖြစ်သည်။

ဖားကန့်တစ်မြို့နယ်လုံးကို လွန်ခဲ့သည့် ၂၀၂၁ သြဂုတ်လကတည်းက ဖုန်းအင်တာနက်လိုင်းများ ဖြတ်တောက်ခဲ့ခြင်းဖြစ်ပြီး အင်တာနက်အသုံးပြုလိုသည့် ဒေသခံများမှာ IP Star တပ်ဆင်ထားသည့် အင်တာနက်ဆိုင်များတွင် တစ်နာရီကျပ် ၅၀၀၀ နှင့်ကျပ် ၁၀၀၀၀ ကြားပေး၍ သုံးနေရကြောင်းသိရသည်။

စစ်ကောင်စီ၏ ယင်း wifi အင်တာနက်လိုင်းများကို လာမည့် ၂၀၂၃ ခုနှစ် ဇန်နဝါရီ လတွင်စတင်အသုံးပြုနိုင်တော့မည်ဖြစ်ပြီး လက်ရှိမှာ ဖိုင်ဘာကြိုးဆွဲ၊ စက်တပ်ဆင်သည့်အဆင့်သာရှိသေးသည်။

Read Previous

ဖားကန့်ဒေသကို ရာနှုန်းပြည့် ထိန်းချုပ်နိုင်ရန် စစ်ကောင်စီ အစွမ်းကုန် ကြိုးပမ်းနေ

Read Next

မံထုံးကျေးရွာ ကို စစ်ကောင်စီက ဂျက်လေယာဉ်ဖြင့် ဗုံးကျဲခဲ့သည့်အတွက် ‌ဒေသခံအချို့ ထွက်ပြေးတိမ်းရှောင်နေရ