ဖမ်းဆီးသတ်ဖြတ်ခံနေရတဲ့သတင်း
-
Sep- 2024 -17 September
ဖားကန့်မှာ တစ်ပတ်အတွင်း ပစ်သတ်ခံရသူ ၃၀ ဦးထက်မနည်းရှိလာပြီး နေအိမ် ၄၀၀ ခန့်မီးရှို့ဖျက်ဆီးခံရ
တိုက်ပွဲဖြစ်နေတဲ့ ဖားကန့်မြို့ ဆိုင်းတောင်ကျေးရွာမှာ အရပ်သား ၃၀ ဝန်းကျင်သတ်ဖြတ်ခံထားရတယ်လို့ ဖားကန့်ဒေသခံတွေပြောပါတယ်။ ပစ်သတ်ခံထားရတဲ့ ရုပ်အလောင်းတွေဟာ စစ်တပ်က Lucky Man Hotel ဟိုတယ်ကနေ စနှိုက်ဘာနဲ့ပစ်သတ်တာ၊ နှစ်ဖက်စစ်တပ်အပြန်အလှန်ပစ်ခတ်တဲ့ လက်နက်ကြီးထိမှန်ပြီး သေဆုံးတာ၊ လေကြောင်းတိုက်ခိုက်မှုကြောင့်ထိခိုက်သေဆုံးတာတွေဖြစ်တယ်လို့ ဖားကန့်မှာ ကူညီဆောင်ရွက်ပေးနေတဲ့ ပြည်သူတစ်ဦးက KNG ကိုပြောပါတယ်။ “မျက်မြင်သက်သေအရ ပြောရမယ်ဆိုရင် စစ်တပ်က လက်နက်ကြီးနဲ့ ပစ်သတ်လိုက်တာ၊ လေယာဉ်နဲ့ ဗုံးကြဲလို့ သေဆုံးသွားတာ၊ စစ်ကောင်စီတပ်သားတွေ Lucky Man Hotel ကနေ စနှိုက်ဘာနဲ့ ချိန်ပစ်တာတွေ၊ လမ်းပေါ်သွားလာတဲ့သူတွေကို လှမ်းပစ်တာအားလုံး ဒီရက်ပိုင်းအတွင်းမှာပဲ သေဆုံးတာ ၃၀ လောက်ရှိပြီဗျာ။ အခုချိန်အထိ တစ်ချို့ရုပ်လောင်းတွေကို ကောက်ယူလို့မရသေးဘူး။ လမ်းပေါ်တွေမှာ အများကြီးပုပ်ပွနေတာ ဘယ်လိုမှ ကောက်လို့မရသေးဘူး”လို့ပြောပါတယ်။ သေဆုံးနေတဲ့ရုပ်အလောင်းတွေဟာ လမ်းပေါ်မှာပုပ်ပွနေပြီး ကောက်လို့မရတဲ့အပြင် နေအိမ်တွေလည်း ဆက်တိုက်မီးရှို့ခံနေရတယ်လို့ သူကဆက်ပြောပါတယ်။ စက်တင်ဘာလ ၁၇ ရက်နေ့ထိ ဆိုင်းတောင်ကျေးရွာထဲမှာ ရုပ်အလောင်း ၃၀ ထက်မနည်းသေဆုံးနေပြိီး သေဆုံးတဲ့ထဲမှာ အရပ်သားအများဆုံးပါဝင်ပြီး တော်လှန်ရေးတပ်ဖွဲ့ဝင်တွေ အနည်းအကျဉ်းပါဝင်တယ်လို့ သိရပါတယ်။ ဒါ့အပြင် စစ်ကောင်စီတပ်နဲ့ ရှမ်းနီ SNA တပ်ပူးပေါင်းပြီးတော့ လူနေအိမ်များအပြားကိုလည်း မီးရှို့ဖျက်ဆီးနေတယ်လို့လည်း သိရပြီး Lucky Man Hotel ရှိတဲ့ ရပ်ကွက် ၄ မှာ နေအိမ် ၄၀၀ ဝန်းကျင်အများဆုံးမီးရှို့ခံရတယ်လို့ သူကဆက်ပြောတယ်။ စက်တင်ဘာ ၇ ရက်နေ့ တိုက်ပွဲစတင်လာတဲ့နောက် ၆ ရက်အကြာ စက်တင်ဘာလ ၁၂ ရက်နေ့ ဆိုင်းတောင်ရဲစခန်းကို KIA ပူးပေါင်းတပ်တွေတိုက်ခိုက်သိမ်းပိုက်လိုက်ပြီးနောက် တိုက်ပွဲဟာပိုပြီးပြင်းထန်လာသလို စစ်တပ်က လေကြောင်းတိုက်ခိုက်မှုလည်း ဆက်တိုက်လုပ်နေပါတယ်။ “နေအိမ်တွေ မီးလောင်တာ ခန့်မှန်းတာ လေးရာကျော်၊ ငါးရာလောက်ရှိတယ်။ အဓိကတော့ ရပ်ကွက်(၄)နဲ့ ဖားပြင်လမ်းဘက်ကို ဆိုးဆိုးရွားရွာ မီးရှို့ခံထားရတာ။ ဒီဖြစ်စဉ်မှာက သေချာစုံစမ်းကြည့်ရသလောက်က စစ်ကောင်စီတပ်သားတွေရဲ့ ခိုင်းစေမှုနဲ့ ရှမ်းနီ SNA တပ်သားတွေလည်းပါတယ်လို့ သိရပါတယ်”လို့ပြောပါတယ်။ စက်တင်ဘာလ ၁၇ ရက် ဒီကနေ့ ညနေပိုင်း ၅ နာရီဝန်းကျင်လောက်မျာလည်း ဆိုင်းတောင် ယူမာကျေးရွာဘက်မှာ လူနေအိမ်တွေ ထပ်မံမီးလောင်ပျက်စီးနေတယ်လို့ သူကဆက်ပြောပါတယ်။ ဆိုင်းတောင်ကျေးရွာထဲက နေအိမ်မီးရှို့ဖျက်ဆီးခံရတာကြောင့် အိမ်ခြေ ၄၀၀ ကျော်လောက် မီးလောင်ပျက်စီးသွားပြီး အများဆုံး ဖားပြင်ကျေးရွာဘက်က အဆိုးရွာဆုံးဖြစ်တယ်လို့ သိရပါတယ်။ Lucky Man Hotel ထဲမှာရှိနေတဲ့ စစ်ကောင်စီတပ်သားတွေ ထွက်လာလို့မရအောင် KIA ပူးပေါင်းတပ်တွေ လမ်းကြောင်း ပိတ်ဆို့ တိုက်ခိုက်နေတာကြောင့် တစ်ဖက်မှာ စစ်တပ်က နေအိမ် မီးရှို့ဖျက်ဆီးနေတာဖြစ်တယ်လို့လည်း ဖားကန့်ဒေသခံတွေပြောပြပါတယ်။ ဖားကန့် ဆိုင်းတောင်ကျေးရွာထဲမှာ အရပ်သားသေဆုံးမှုနဲ့ နေအိမ်မီးရှို့ခံရမှု အလွန်များနေပေမယ့်လည်း စစ်ကောင်စီတပ်နဲ့ KIA ပူးပေါင်းတပ်တွေက စစ်ရေးတင်းမာနေပြီး ပစ်ခတ်မှုတွေ ဆက်တိုက်လုပ်ဆောင်နေသေးတာလည်းဖြစ်ပါတယ်။…
Read More » -
Apr- 2024 -12 April
ကားမိုင်းမှာ အမျိုးသားတစ်ဦးကို ပြည်သူ့စစ်အဖွဲ့ ပစ်သတ်ထား
ဖားကန့်မြို့နယ် ကားမိုင်းမြို့ လမောင်ကထောင်(Lamawng Kahtawng)ရွာအဝင်မှာ စစ်တပ်လက်အောက်ခံပြည်သူ့စစ်အဖွဲ့က ကချင်အမျိုးသားတစ်ဦးကို ဧပြီလ ၁၁ ရက်နေ့ ည ၇ နာရီလောက်မှာပစ်သတ်ခံရတယ်လို့ ဒေသခံတွေက ပြောပါတယ်။ ပစ်သတ်ခံရတဲ့ အသက် ၄၃ နှစ်ရွယ် ဦးဂျန်မော်တူးအောင်ဆိုသူဟာ လယ်ခင်းကိုသွားတဲ့ လမ်းခုလပ်မှာ ပြည်သူ့စစ်အဖွဲ့တွေက ဖမ်းဆီးပြီးပစ်သတ်ပေးလိုက်တာဖြစ်တယ်လို့ မိသားစုနဲ့ နီးတဲ့ ကားမိုင်းဒေသခံအမျိုးသားတစ်ဦးက KNG ကိုပြောပါတယ်။ “မနေ့ည ၇ နာရီလောက်မှာ အိမ်ကနေ လယ်ခင်းကိုထွက်သွားတာ လမ်းမှာဖမ်းဆီးသွားတာထင်တယ်။ ပြည်သူ့စစ်ဂိတ်နားမှာ ပစ်သတ်ထားတယ်။ ပစ်သတ်ထားတာတောင် ထိုင်ထားခိုင်းပြီးပစ်သတ်ထားတာ။ သေနတ်ဒဏ်ရာ ၅ နေရာတွေ့တယ်”လို့ပြောပါတယ်။ ဦးဂျန်မော်တူးအောင်ရဲ့ကိုယ်ပေါ် သေနတ်ဒဏ်ရာ ၅ နေရာလောက်တွေ့ရတဲ့အပြင် ခြေထောက်တစ်ဖက်နဲ့ လည်ပင်းနေရာတွေမှာသေနတ်ကျည်ပွင့်ထွက်သွားတဲ့ဒဏ်ရာတွေနဲ့သေဆုံးနေပြီး ရုပ်အလောင်းကို မိသားစုတွေကဒီနေ့မှာသွားရောက်ကောက်ယူခဲ့တယ်လို့ ဆိုပါတယ်။ ပစ်သတ်ခံရတဲ့ ဖြစ်စဉ်နဲ့ ပတ်သက်ပြီးတော့ ကားမိုင်းဒေသခံအမျိုးသားက အခုလို ဆက်ပြောပါတယ်။ “ကားမိုင်းမှာက ည ၆ နာရီနောက်ဆိုသွားလာခွင့်ပိတ်ထားတာတော့ဟုတ်တယ်။ ဒါပေမယ့် သူက ဂိတ်နေရာဘက်ကနေ သွားတာမဟုတ်ဘူး။ တခြားလမ်းကနေ သူရဲ့ အခင်းကိုသွားတာ။ ကြည့်ရသလောက်က ဖမ်းဆီးသွားတာက ရွာအနီးမှာ ဖမ်းဆီးသွားပြီး ပြည်သူ့စစ်ဂိတ်အနီးမှာ ပစ်သတ်ထားတာဟုတ်တယ်။ ဖမ်းသွားတာက ရွာကလူတွေလည်း တွေ့လိုက်တယ်လို့ပြောတယ်”လို့ပြောပါတယ်။ ဦးဂျန်မော်တူးအောင်ဟာ လမောင်ကထောင်ကျေးရွာအဝင်ကားမိုင်းပြည်သူ့စစ်ဂိတ်နားမှာ ပစ်သတ်ခံထားရတာဖြစ်ပြီး ဒေသခံပြည်သူတွေရဲ့ ပြောဆိုချက်အရ ညအချိန်သွားလာတာကြောင့် KIA နဲ့ ဆက်နွယ်ပတ်သက်မှုရှိတယ်လို့ယူဆပြီး ပစ်သတ်ခံရတာဖြစ်နိုင်တယ်လို့ သိရပါတယ်။ ကားမိုင်းမြို့မှာ ည ၆ နာနရီနောက်ပိုင်း မြို့တွင်း မြို့ပြင် ဒေသခံပြည်သူတွေကို သွားလာခွင့်ကန့်သတ်ထားတယ်လို့ လည်း သိရပါတယ်။ ကားမိုင်းမြို့ဟာ မြစ်ကြီးနား၊ မိုးကောင်းမြို့နယ်ဘက်ကနေ ဖားကန့်ကိုတက်သွားတဲ့လမ်းမပေါ်မှာရှိတဲ့ မြို့တစ်ခုဖြစ်ပြီးတော့ ဒီရက်ပိုင်းအတွင်း မြို့တွင်းတိုက်ပွဲဖြစ်လာမှာကိုစိုးရိမ်တဲ့အတွက် စစ်ကောင်စီတပ်နဲ့ ပြည်သူ့စစ်အဖွဲ့တွေက လုံခြုံရေးတင်းကြပ်ထားတာလည်းဖြစ်ပါတယ်။ ကားမိုင်းမြို့ပေါ်မှာ ပြီးခဲ့တဲ့ နှစ်ဆန်းပိုင်းလောက်ကနေ မြို့သိမ်းတိုက်ပွဲဆင်နွှဲတော့မယ်လို့ သတင်းတွေထွက်ပေါ်နေတဲ့ နောက်ပိုင်း ဒေသခံပြည်သူတွေကားမိုင်းမြို့တွင်းထဲကနေ ယာယီတိမ်းရှောင်နေကြတာတွေလည်း ရှိနေပါတယ်။ ဒါ့အပြင် ဧပြီလ ၁၁ ရက်နေ့မှာလည်း ကားမိုင်းမြို့ကနေ ဖားကန့်ကို တက်သွားတဲ့ လမ်းကြောင်းပေါ်နန့်ယားစစ်ကောင်စီတပ်စခန်းကို KIA ပူးပေါင်းတပ်တွေက တိုက်ခိုက်သိမ်းပိုက်လိုက်တာဖြစ်ပါတယ်။ ဒါကြောင့် လက်ရှိမှာ မြစ်ကြီးနားဘက်ကနေ ဖားကန့်ကို တက်လာတဲ့လမ်းကြောင်းပေါ်မှာ ကားမိုင်းဗျူဟာကုန်း တစ်ခုသာ ကျန်ရှိနေတော့တာကြောင့် ကားမိုင်းမှာ တိုက်ပွဲဖြစ်ပွားလာမှာကို ဒေသခံတွေကပြောဆိုနေကြပါတယ်။ By – နော်ထွယ့်(ဟူးကောင့်)
Read More » -
5 April
မိုးမိတ်မှာ သတ်ဖြတ်ပြီးစွန့်ပစ်ထားတဲ့ ရုပ်အလောင်း ၂ လောင်းတွေ့
ရှမ်းမြောက်နဲ့ ကချင်အစပ် မိုးမိတ်မြို့နယ်မှာ မနေ့က မတ်လ ၄ ရက်နေ့ မနက်ပိုင်းက သတ်ဖြတ်ပြီး စွန့်ပစ် ထားတဲ့ အမျိုးသား၂ယောက်ရုပ်အလောင်းတွေ့ရှိခဲ့တယ်လို့ ဒေသခံတွေဆီကသိရပါတယ်။ အဲ့ဒီအမျိုးသားနှစ်ယောက်ရုပ်အလောင်းကိုတွေ့ရှိချိန်မှာ နှိပ်စက်ဒဏ်ရာတွေနဲ့သေဆုံးနေတာဖြစ်ပြီး မိုးမိတ်မြို့အနောက်ဘက်ခြမ်း နမ့်မိတ်ချောင်းစပ်မှာတွေ့ရှိခဲ့တာလို့ ဒေသခံတစ်ယောက်ကပြောပါတယ်။ “အမျိုးသားနှစ်ယောက်ဗျ တစ်ယောက်ကဝတယ်…
Read More » -
3 April
နာဂလက်နက်ကိုင် ENDA ဗိုလ်မှူးတစ်ဦး သတ်ဖြတ်ခံရ
စစ်ကိုင်းတိုင်းဒေသကြီး နာဂကိုယ်အုပ်ချုပ်ခွင့်ရဒေသထဲက နာဂလက်နက်ကိုင်အဖွဲ့တစ်ခုဖြစ်တဲ့ Eastern Naga Defense Army (ENDA )အဖွဲ့ထဲက ဗိုလ်မှူးတစ်ဦးခရီးသွားရင်းလုပ်ကြံသတ်ဖြတ်ခံလိုက်ရတယ်လို့ ENDA နဲ့နီးစပ်သူတွေဆီကနေ သိရပါတယ်။ ဧပြီ ၂ ရက် မနေ့ မွန်းလွဲပိုင်းမှာ လဟယ်နဲ့ခန္တီးကြား လဟယ်မြို့နယ်ထဲက…
Read More » -
Mar- 2024 -4 March
တန့်ဆည်မှာ အပိုင်းပိုင်းခုတ်ဖြတ် အသတ်ခံထားရတဲ့ ရုပ်အလောင်း ၁၁ လောင်းတွေ့
စစ်ကိုင်းတိုင်း တန့်ဆည်မြို့နယ်မှာ ရပ်ကျေးပြည်သူ့ကာကွယ်ရေးအဖွဲ့ဝင်နဲ့ ရပ်ကျေး ပြည်သူ့အုပ် ချုပ်ရေးအဖွဲ့ဝင်တွေအပါအဝင် အရပ်သား ၁၁ ယောက် အပိုင်းပိုင်းခုတ်ဖြတ်သတ်ဖြတ်ခံထားရတဲ့ ရုပ်အလောင်း ၁၁ လောင်းတွေ့ရှိခဲ့တယ်လို့ ဒေသခံတွေဆီကသိရပါတယ်။ သတ်ဖြတ်ခံရသူတွေဟာ အမျိုးသား ၁၁ ယောက်ဖြစ်ပြီး KNG က ရရှိထားတဲ့ မှတ်တမ်းဓာတ်ပုံတွေအရ သတ်ဖြတ်ခံရသူတွေကို ခြေထောက်၊ လက်နဲ့ ခေါင်းတွေကို အပိုင်းပိုင်းဖြတ်ထားတာ တွေ့ရသလို ဗိုက်ကိုဖောက်အူကိုထုတ်၊ တချို့အလောင်းတွေဆိုရင် အသည်းပါထုတ်ထားတာ တွေ့ရပါတယ်။ အဲ့ဒီသတ်ဖြတ်မှုကိုတော့ ဖေဖော်ဝါရီလ ၁၉ ရက်နေ့ကစ စစ်ကောင်စီလက်အောက်ခံ ခမရ ၇၀၈၊ ခလရ ၁၁ စစ်ကြောင်းနဲ့ ဘုန်းကြီးဝါသဝလက်အောက်ခံ ပျူစောထီးတပ်ဖွဲ့ အင်အား၂၀၀ ကျော်က ရွာစဥ်စစ်ကြောင်းပတ်ထိုးပြီး ကျူးလွန်ခဲ့တာလို့ဒေသခံတွေကပြောပါတယ်။ “၁၁ဦးထဲကမှ ခနောရွာသစ်ကျေးရွာက ရပ်ကျေးပကဖတာဝန် ခံနဲ့ ရပ်ကျေးပအဖတာဝန်ခံ ၂ဦး လုံးကို သတ်ဖြတ်သွားတယ် ကျန်တာတွေက လက်လုပ်လက်စားရိုးရိုးသားသား အရပ်သား ပြည်သူတွေပါဗျာ ရွာတွေထဲနဲ့ ရွာအနီးတဝှိုက်တောစပ်ထဲမှာပဲ သတ်ဖြတ်ခဲ့ကြတယ်”လို့ People’s Defense Comrade တာဝန်ခံ ကိုထူးခန့်ကပြောပါတယ်။ သတ်ဖြတ်ခံရတဲ့ ၁၁ဦးထဲမှာ အချုပ်သား ၂ ယောက်လည်းပါဝင်တယ်လို့ သိရပြီး စစ်ကောင်စီတပ် ရဲ့ ဝါဒဖြန့်တယ်လီဂရမ်ချန်နယ်လ်တွေမှာတော့ PDF ၁၁ ယောက်ကို ဘီလူးကွန်မန်ဒိုစစ်ကြောင်းက သုတ်သင်ရှင်းလင်းလိုက်ပြီလို့ ရေးသားဖော်ပြထားပါတယ်။ သတ်ဖြတ်ခံရသူတွေဟာ ငနုချောင်းအုပ်စု ရပ်ကျေးပြည်သူ့အုပ်ချုပ်ရေးအဖွဲ့ ခေါင်းဆောင် ခံတော ရွာက အသက် ၅၀ အရွယ် ကိုဝင်းနိုင်၊ ခံတော်ရွာသစ်က ပြည်သူ့ကာကွယ်ရေးအဖွဲ့ ရပ်ကျေးတာဝန် ခံ အသက် ၅၂ နှစ်အရွယ် ဦးရှမ်း၊ ကံထူးမရဲစခန်းက အကျဥ်းသား ၂ ယောက် ရွာသစ်ကုန်း၊ အင်ပင်အိုင်၊ ဇီးပေါက်၊ပန်းတိမ်ကုန်း၊ဆူးပါကုန်းနဲ့ ဝါးရငယ် ရွာ က အရပ်သားတွေဖြစ်တယ်လို့ သိရပါတယ်။ ဒီသတ်ဖြတ်မှုကို ကျူးလွန်ခဲ့တဲ့ ဘီလူးစစ်ကြောင်းဟာ အရပ်သားတွေကိုသတ်ဖြတ်ပြီး ပြည်သူတွေ ကို အကြောက်တရားသွင်းတဲ့သဘောဖြစ်တယ်လို့ ကိုထူးခန့်က အခုလိုပြောပါတယ်။ “ပြောချင်တာကတော့ ဘီလူးကွန်မန်ဒိုစစ်ကြောင်းဆိုတော့ အဟုတ်မှတ်တာပေါ့ဗျာ တကယ်တမ်း က ဒီစစ်ကြောင်းက အခုလိုပြည်သူတွေကို အငိုက်ဝင်ဖမ်း PDFခေါင်းစဥ်တပ်ပီး အပိုင်းပိုင်း သတ် ပြ မိန်းကလေးတွေကိုမုဒိမ်းကျင့် မီးရှို့သတ်ဖြတ်ပြနေလို့ ဘီလူးစစ်ကြောင်းဆိုပီး နာမည်ဆိုး နဲ့ ကျော်ကြားတာပါပြည်သူတွေကို အကြောက်တရားသွင်းတဲ့သဘောမျိုးပဲ”လို့ပြောပါတယ်။ ဒါ့အပြင် အဲ့ဒီစစ်ကြောင်းဟာ အရပ်သားတွေကိုသတ်ဖြတ်ခဲ့ရုံမက ကံထူးမ၊ သပြေရင်း၊ ကော်တက်၊ ဖိုနှုတ်၊ ရွာသစ်ကုန်း၊ ခနောရွာသစ် စတဲ့ကျေးရွာတွေကိုပါ မီးရှို့ဖျက်ဆီးခဲ့ကြတယ်လို့ သိရပါတယ်။ လက်ရှိမှာတော့ အဲ့ဒီစစ်ကြောင်းဟာ တန့်ဆည်မြို့နယ် တောင်ဘက်ခြမ်းကို စစ်ကြောင်းထပ်ထိုး နေပြီး အရပ်သား ၅ ထောင်ကျော်ထပ်မံတိမ်းရှောင်နေရတယ်လို့ ဒေသခံတွေကပြောပါတယ်။ “ခွေးဘီလူးစစ်ကြောင်းနဲ့ အနီးဝန်းကျင်ကကျေးရွာတွေလည်း မိဘပြည်သူများ ဖမ်းဆီးသတ်ဖြတ် မခံရအောင် မပေါ့ဆကြဖို့ ဘေးလွတ်ရာကြိုတင်တိမ်းရှောင်ကြဖို့ သတိပေးထားပါတယ်ဗျ လက်ရှိ မနေ့ကပဲ စစ်ခွေးကြောင်းတွေက အနောက်ဘက်ခြမ်းရွာတွေဘက်ကနေ တန့်ဆည်မြို့တွင်းပြန်ဝင် တယ်” လို့ People’s Defense Comrade တာဝန်ခံ ကိုထူးခန့်ကပြောပါတယ်။ စစ်ကောင်စီတပ်ဖွဲ့ဝင်တွေနဲ့ ကာကွယ်ရေးတပ်ဖွဲ့ဝင်တွေဟာ ပြီးခဲ့တဲ့ ဖေဖော်ဝါရီလ ၁၉ ရက်နေ့က နေ မတ်လ ၃ ရက်မနေ့ကအထိ တိုက်ပွဲတွေမကြာခဏဖြစ်ပွားခဲ့သလို အဲ့ဒီတိုက်ပွဲတွေအတွင်းမှာ လည်း စစ်ကောင်စီတပ်ဘက်က အထိနာခဲ့ပြီး ကာကွယ်ရေးတပ်ဘက်ကတော့ ၃ ယောက်ကျဆုံး ခဲ့တယ်လို့ သိရပါတယ်။ By – အမိုး
Read More » -
Feb- 2024 -8 February
ရေဦးမှာ အရပ်သား ၂ ယောက်ကို စစ်ကောင်စီတပ်က လည်လှီးသတ်ဖြတ်
စစ်ကိုင်းတိုင်း ရေဦးမြို့နယ်က ကုက္ကိုစုရွာကို ဖေဖော်ဝါရီလ ၇ ရက်နေ့ညပိုင်းမှာပဲ စစ်ကောင်စီတပ်က ဝင်ရောက်စီးနင်းပြီးတော့ အရပ်သား ၂ ယောက်ကို လည်လှီးသတ်ဖြတ်ခဲ့တယ်လို့ ဒေသခံတွေဆီကသိရပါတယ်။ စစ်အင်အား ၁၀၀ ဝန်းကျင်ရှိတဲ့ စစ်ကောင်စီတပ်ဖွဲ့ဝင်တွေဟာ ခင်ဦးမြို့နယ်အနောက် ဘက်ခြမ်းကနေ ရေဦးနယ်တောင်ဘက်ခြမ်းက…
Read More » -
2 February
ကျောက်ပွဲစား လူငယ် ၂ ယောက် ဓါးပြတိုက်ခံရ
ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စု၊ ငြိမ်းချမ်းသာယာကျေးရွာမှာ ကျောက်ပွဲစားလုပ်တဲ့ ရခိုင်လူငယ်နှစ်ဦးဓါးပြတိုက်ခံရမှုဖြစ်ပွားခဲ့တယ်လို့ ဒေသခံတွေဆီကနေ သိရပါတယ်။ ဖြစ်စဉ်မှာ ဇန်နဝါရီ ၃၁ ရက်နေ့ ည ၁၀ နာရီ လောက်မှာ ရခိုင်လူငယ် ၂ ဦးဟာ လုံးခင်းညကျောက်ဝိုင်းကနေ …
Read More » -
Oct- 2023 -18 October
မုံရွာမှာ ပျူစောထီးတပ်ဖွဲ့က အရပ်သားတစ်ယောက်ကို သေနတ်နဲ့ပစ်သတ်
စစ်ကိုင်းတိုင်း မုံရွာမြို့နယ် မုံရွေးကြေးမုံရွာမှာ မနေ့က နေ့လည်ပိုင်း ၁၂ နာရီလောက်က အရပ်သားတစ်ယောက်ကို ပျူစောထီးတပ်ဖွဲ့တွေက နားထင်ကိုသေနတ် နဲ့ ပစ်သတ်သွားခဲ့တယ်လို့ ဒေသခံတွေဆီကသိရပါတယ်။ တောပုပျူရွာ နဲ့ မြေနဲစွမ်းရည်ထက် ဂိတ်စခန်းက ပျူစောထီးတပ်ဖွဲ့တွေဟာ အင်အား ၃၀ကျော်လောက်နဲ့…
Read More » -
17 October
ယင်းမာပင်မှာ အသက်မပြည့်သေးသူ ၃ ယောက်အပါအဝင် အရပ်သား ၆ ယောက်သတ်ဖြတ်ခံရ
စစ်ကိုင်းတိုင်း ယင်းမာပင်မြို့နယ် သဲကုန်းရွာကို အောက်တိုဘာလ ၁၆ ရက်နေ့ မနေ့က စစ်ကောင်စီတပ်တွေဝင်ရောက်စီးနင်းပြီး ပြန်ထွက်သွားတဲ့အချိန် အသက်မပြည့်သေးသူ ၃ ယောက်အပါအဝင် အရပ်သား ၆ ယောက်သတ်ဖြတ်ခဲ့တယ်လို့ ဒေသခံတွေဆီကနေ သိရပါတယ်။ သတ်ဖြတ်ခံခဲ့ရသူတွေဟာ အသက် ၁၇ နှစ်အရွယ်ကျောင်းသားတွေဖြစ်တဲ့ မောင်သန့်ဇင်ဦး၊ မောင်ခန့်နေနိုင်၊ မောင်သန်းထိုက်အောင်…
Read More » -
Sep- 2023 -27 September
နမ်ဖတ်ကာ တပ်စခန်းအနီးမှာ စစ်ကောင်စီတပ်က မိုင်းထောင်ထားလို့ ပြည်သူများ သွားလာရေးမှာ အခက်တွေ့
ရှမ်းမြောက် ကွတ်ခိုင်မြို့နယ်၊ နမ့်ဖတ်ကာကျေးရွာအထိုင်ချ စစ်ကောင်စီတပ်က စခန်းဘေးပတ်ဝန်းကျင် ဒေသခံတွေ သွားလာလှုပ်ရှားတဲ့နေရာတွေမှာ မိုင်းထောင်ထားတဲ့အတွက် လုပ်ကိုင်စားသောက်ရေးနဲ့ သွားလာလှုပ်ရှားရေးမှာ အခက်တွေ့နေတယ်လို့ သိရပါတယ်။ နမ့်ဖတ်ကာ ခလရ ၁၂၃ တပ်စခန်းဟာ ရွာသားတွေနဲ့ကပ်ရပ်စခန်းကြီးတစ်ခုဖြစ်ပြီး တပ်စခန်းပတ်ဝန်းကျင် မိုင်းထောင်ထားတဲ့အတွက် ရွာသားတွေ လယ်ယာ၊ ခြံ အခင်း သို့ သွားလာရေးမှာ အသက်အန္တရာယ်စိုးရိမ်ရပြီး…
Read More »
