စစ်ရှောင်စခန်း
-
Jul- 2024 -12 Julyသတင်း
ဗန်းမော် ရောဘတ်စစ်ရှောင်စခန်းမှာ စစ်ရှောင်အသစ်တွေကို နေရာပေးလိုက်တဲ့အတွက် မူလရှိနေတဲ့ စစ်ရှောင်တွေကြား နေရာပြဿနာဖြစ်နေ
ဗန်းမော်မြို့ ရောဘတ်စစ်ရှောင်စခန်းမှာ စစ်ရှောင်ပြည်သူတွေမရှိတဲ့ချိန် အသစ်ပြောင်းရွှေ့လာတဲ့ နောက်ထပ်စစ်ဘေးရှောင်တွေကိုနေရာပေးလိုက်တာကြောင့် နဂိုမူလရှိတဲ့ စစ်ရှောင်ပြည်သူတွေဟာ နေရာစရာအခက်အခဲကြုံတွေ့နေရပြီး စစ်ရှောင်ပြည်သူတွေကြား နေရာပြဿနာဖြစ်နေကြတယ်လို့ သိရပါတယ်။ ဗန်းမော်မှာ ပြီးခဲ့တဲ့ မတ်လ ၁၀ ရက်နေ့လောက်ကစပြီး ရောဘတ်စစ်ရှောင်စခန်းထဲ စစ်တပ်က မကြာခဏဝင်ရောက်စစ်ဆေးတာတွေအပြင် မြို့အနီးတစ်ဝိုက် စစ်တပ်နဲ့ KIA ပူးပေါင်းတပ်ကြားနှစ်ဖက်စစ်ရေးတင်းမာလာတဲ့အခြေနေတွေကြောင့် မူလရှိနေတဲ့ စစ်ရှောင်တွေဟာ မိုင်းခေါင် ၊ မုန်းဒိန်ပါကျေးရွာတွေနဲ့ တောင်ယာ၊အခင်းတွေထဲ ယာယီတိမ်းရှောင်ခိုလှုံသွားကြတာဖြစ်ပါတယ်။ အဲဒီနောက် တစ်လကျော်အကြာ ဇူလိုင် ၂ ရက်နေ့ကစပြီး ဗန်းမော်ခရိုင် ကချင်နှစ်ခြင်းခရစ်ယာန် စစ်ရှောင်ကူညီကယ်ဆယ်ရေးအဖွဲ့ တာဝန်ရှိသူတွေဟာ ရောဘတ်စစ်ရှောင်စခန်းအတွင်း သော့တွေရိုက်ဖျက်ပြီး စစ်ရှောင်အသစ်တွေကို နေရာပေးလိုက်တဲ့အတွက် နေရာပြဿနာဖြစ်နေကြတယ်လို့ သိရပါတယ်။ “စစ်တပ်ဝင်လို့လေ ကျမတို့စစ်ရှောင်စခန်းထဲ စစ်တပ်ဝင်တဲ့အချိန် စစ်ရှောင်ထဲက အမျိုးသမီးတွေ၊ ကလေးတွေ အားလုံး ကြောက်လန့်ပြီး နောက်မနက်မှာပဲ ဘယ်သူမဆို ကိုယ်စိတ်လုံခြုံမယ်လို့ထင်တဲ့ နေရာတွေဆီ ခဏသွားလိုက်ကြတယ်။ ဒီက တာဝန်ရှိတဲ့ဆရာတွေလည်း မသွားကြနဲ့ ၊ မပြေးမရှောင်ကြနဲ့လို့ ဘယ်သူကမှ မတားကြဘူးလေ။ အခန်းတွေကို သော့ခတ်ထားတာ အခုသော့တွေကိုရိုက်ဖွင့်လိုက်ပြီး အထဲကပစ္စည်းတွေ လုံးထုတ်လိုက်ပြီး ဝင်နေလိုက်တာဖြစ်တယ်”လို့ ဗန်းမော်ရောဘတ်စစ်ရှောင်စခန်းမှာ အရင်ကတည်းက နေနေတဲ့ စစ်ဘေးရှောင်အမျိုးသမီးတစ်ဦးက ပြောပါတယ်။ ရောဘတ်စစ်ရှောင်စခန်းမှာ အသစ်ထပ်ရောက်လာတဲ့ စစ်ရှောင်ပြည်သူတွေဟာ မိုးမောက်၊ မံစီဘက်က စစ်တပ် နဲ့ KIA ပူးပေါင်းတပ်တို့အကြားတိုက်ပွဲကြောင့် ဗန်းမော်ဘက်ကိုထွက်ပြေးတိမ်းရှောင်လာသူတွေဖြစ်ပြီးတော့ ၃ လခန့် အကြာမှာ နေစရာအခက်အခဲဖြစ်နေတာကြောင့် ရောဘတ်စစ်ရှောင်စခန်းအတွင်း လူမရှိနေတဲ့အခန်းတွေမှာ နေရာပေးလိုက်တာဖြစ်တယ်လို့ သိရပါတယ်။…
Read More » -
11 Julyသတင်း
ချီဖွေစစ်ရှောင်စခန်း တစ်ဆောင် ဝါယာရှော့ခ်ဖြစ်ပြီး မီးလောင်ပျက်စီး
ချီဖွေမြို့ပေါ်မှာရှိတဲ့ ကချင်နှစ်ခြင်းခရစ်ယာန် KBC စစ်ရှောင်စခန်းထဲက အဆောင်တစ်ဆောင် ဝါယာရှော့ခ်ကြောင့် မီးလောင်သွားတယ်လို့ စစ်ရှောင်တွေဆီကနေ သိရပါတယ်။ ဇူလိုင်လ ၁၁ ရက်နေ့ ဒီမနက် ၃ နာရီဝန်းကျင် ဝါယာရှော့ခ်ကနေတစ်ဆင့် အဆောင်တစ်ခုလုံး မီးကူးစက်လောင်ကျွမ်းသွားတာဖြစ်တယ်လို့ စစ်ရှောင်အမျိုးသားတစ်ဦးက ခုလိုပြောပါတယ်။ “ဒီမနက် ၃ နာရီမှာ ဝါယာရှော့ခ်ကြောင့်စလောင်တာ ဘာမှမရလိုက်ဘူး”လို့ပြောပါတယ်။ ဝါယာရှော့ခ်ကြောင့် မီးလောင်သွားတဲ့အဆောင်ဟာ အိမ်ထောင်စု ၉ စု လူဦးရေ ၄၅ ဦးဝန်းကျင်နေထိုင်တဲ့ အဆောင်တန်းလျားဖြစ်ပြီး ဝါယာရှော့ခ်ဖြစ်ချိန်မှာ မနက်ပိုင်း အိပ်မောကျချိန်ဖြစ်တာကြောင့် ပစ္စည်းယူနိုင်တာမရှိဘူးလို့သိရပြီး လူထိခိုက်တာလည်းမရှိဘူးလို့ သိရပါတယ်။ ချီဖွေမြို့မှာ ပြီးခဲ့တဲ့ မေလ ၂၉ ရက်နေ့တစ်ကြိမ်၊ ဇွန်လ ၂၉ ရက်နေ့တစ်ကြိမ် မိုးသည်းထန်စွာရွာသွန်းခဲ့တာကြောင့် စစ်ရှောင်တွေ နှစ်ကြိမ်တိတိရေဘေးသင့်ခဲ့တာဖြစ်ပါတယ်။ ဒါ့အပြင် မနေ့ညမှာလည်း အဆောင်ထပ်ပြီး မီးလောင်သွားတာရှိတဲ့အတွက် အရေးပေါ်ကူညီထောက်ပံံ့မှုတွေ လိုအပ်နေတယ်လို့ သိရပါတယ်။ “ချီဖွေမှာ ရေ ၂ခါကြီးပြီ စစ်ရှောင်တွေက စစ်ဘေး၊ရေဘေး၊ခုမီးဘေးကျတဲ့သူတွေလည်းရှိတော့ အကူညီတွေတော့လိုအပ်နေပါတယ်”လို့ နောက်ထပ်စစ်ရှောင်အမျိုးသမီးတစ်ဦးက ဆက်ပြောပါတယ်။ ချီဖွေမြို့ဟာ မြစ်ကြီးနားကနေ အရှေ့မြောက်ဘက် ၈၈ မိုင်ခန့်အကွာမှာရှိပြီး မေခမြစ်ကမ်းပေါ်မှာရှိတဲ့အပြင် စစ်ရှောင်စခန်းဟာလည်း မြစ်ကမ်းနံဘေးမှာဆောက်လုပ်ထားတာဖြစ်ပါတယ်။ ဒါ့အပြင် ချီဖွေမြို့ဟာ ပန်ဝါမြို့နဲ့ မိုင် ၄၀ အကွာမှာရှိပြီး မြစ်ကြီးနား– ပန်ဝါသွားတဲ့လမ်းမကြီးပေါ်မှာရှိတဲ့မြို့ဖြစ်ကာ မြောက်ဖက်မှာ လောခေါင်၊ထော့်ဂေါ့၊ဆော့လော်မြို့ရှိပါတယ်။ ချီဖွေမြို့ပေါ်မှာဘဲ လော်ဝေါ်နှစ်ခြင်းအသင်းတော်ဝင်း LBC မှာ စစ်ရှောင်စခန်းတစ်ခုရှိသလို KBC စစ်ရှောင်စခန်းမှာလည်း စစ်ရှောင်စခန်းတစ်ခုရှိပြီး ခုမီးလောင်တဲ့အဆောင်ဟာ KBC စခန်းမှာရှိတဲ့အဆောင်ဖြစ်ပါတယ်။ ချီဖွေမြို့ KBC စစ်ရှောင်စခန်းမှာ စစ်ရှောင် အိမ်ထောင်စု ၁၀၀ စုနဲ့ လူဦးရေ ၈၇၀ ကျော်ရှိပြီး၂၀၁၂ခုနှစ် တပ်မတော်နဲ့ ကချင်လွတ်လပ်ရေးတပ်မတော် KIA တို့တိုက်ပွဲများကြောင့် ထွက်ပြေးတိမ်းရှောင်ခဲ့သူတွေ ဖြစ်ကြပါတယ်။ By – CJ
Read More » -
Jan- 2024 -17 Januaryသတင်း
ရွှေညောင်ပင် စစ်ရှောင်တွေအတွက် ယာယီစခန်းဆောက်လုပ်နေပြီလို့ဆို
ဝိုင်းမော်မြို့နယ် ရွှေညောင်ပင် စစ်ရှောင်တွေအတွက် ယာယီခိုလှုံဖို့စခန်းဆောက်လုပ်ပေးနေပြီလို့ ဆမာနယ်မြေစစ်ရှောင်ကော်မတီကနေ သိရပါတယ်။ ရွှေညောင်ပင် စစ်ရှောင်ပြည်သူတွေဟာ ပြီးခဲ့တဲ့ ဒီဇင်ဘာလ ၁၈ ရက်နေ့ ကျေးရွာအတွင်း တိုက်ပွဲဖြစ်လာမဲ့အခြေအနေတွေကြောင့် ရွှေညောင်ပင်ကနေ အောင်မြေ ၁ ကချင်နှစ်ခြင်းဘုရားကျောင်းမှာ ထွက်ပြေးတိမ်းရှောင်ခဲ့တာဖြစ်ပါတယ်။ ဒါပေမယ့်…
Read More » -
Dec- 2023 -18 Decemberသတင်း
ပျက်စီးသွားတဲ့ တနိုင်းစစ်ရှောင်စခန်း နေအိမ်တွေ ပြုပြင်ဖို့ အကူညီလိုအပ်နေ
ကချင်ပြည်နယ် တနိုင်းမြို့၊ စိန်ဂျိုးဇက် စစ်ရှောင်စခန်းမှာ အိမ်တန်းလျားခေါင်မိုးလဲရန်အတွက် ကူညီထောက်ပံ့မှု လိုအပ်နေတယ်လို့ သိရပါတယ်။ ပြီးခဲ့တဲ့ ဒီဇင်ဘာလ ၁၃ ရက်ည၊ တနိုင်းမြို့မှာ မိုးသက်လေပြင်းကျရောက်ပြီး အချိန် ၁ နာရီခန့်ကြာ မိုးသီးအဆက်မပျက်ကျတဲ့အတွက် စစ်ရှောင်စခန်းထဲက အိမ်ခေါင်မိုးတွေ ပျက်စီးသွားတယ်လို့ စစ်ရှောင်တစ်ဦးက KNG ကို ပြောပါတယ်။ “အိမ်အကုန်နီးပါးဘဲ၊ အကုန်ပေါက်ကုန်တာ၊ ခေါင်မိုးတွေလည်း…
Read More » -
Nov- 2023 -28 Novemberသတင်း
အမျိုးသမီးများအပေါ် အကြမ်းဖက်မှုပပျောက်ရေးအထိမ်းအမှတ် နယ်စပ်ဒေသတစ်လျှောက်က စစ်ရှောင်စခန်းမှာကျင်းပ
နိုဝင်ဘာ ၂၅ ရက်နေ့မှာ ကျရောက်တဲ့ အပြည်ပြည်ဆိုင်ရာအမျိုးသမီးများအပေါ် အကြမ်းဖက်မှုပပျောက်ရေးနေ့ အထိမ်းအမှတ် ၁၆ ရက်တာလှုပ်ရှားမှုကို လိုင်ဇာမြို့ ဝယ်ကြိုင် စစ်ရှောင်စခန်းနဲ့ မိုင်ဂျာယန်ပါကထောင် စစ်ရှောင်းခန်းမှာ ကျင်းပပြုလုပ်ခဲ့တယ်လို့ သိရပါတယ်။ ဒီလှုပ်ရှားမှုကို ကချင်ပြည်နယ်အခြေစိုက် လူ့အခွင့်အရေးအဖွဲ့တစ်ခုဖြစ်တဲ့ Kachin Star Gender Group ကနေဦးဆောင်ပြီး နိုဝင်ဘာလ ၂၅ ရက်နေ့ လိုင်ဇာမြို့ ဝယ်ကြိုင် စစ်ရှောင်စခန်းနဲ့ နိုဝင်ဘာလ ၂၇ ရက်နေ့မှာတော့ မိုင်ဂျာယန် ပါကထောင်စစ်ရှောင်စခန်းမှာ လူဉီးရေ စုစုပေါင်း ၃၀၀ ဝန်းကျင်ပါဝင်ခဲ့ပြီး အမျိုးသမီး ၂၇၀ နဲ့အမျိုးသားကတော့ ၃၀ ဝန်းကျင်နဲ့ကျင်းခဲ့တယ်လို့ ဆိုပါတယ်။ ကမ်ပိန်းလုပ်ခြင်းအားဖြင့် ဒေသအတွင်းဖြစ်ပျက်နေတဲ့ အမျိုးသမီးတွေအပေါ် အကြမ်းဖက်တာတွေကို ပိုမိုသိမြင်လာပြီး အမျိုးသမီးနဲ့ကလေး တွေအပေါ်အကြမ်းဖက်မှုပပျောက်ရေးမှာ အတူပူးပေါင်းလာ နိုင်မှာဖြစ်တယ်လို့ Kachin Star Gender Group ကတာဝန်ရှိသူတစ်ဦးက KNG ကိုပြောပါတယ်။ “ကျွန်တော်တို့ ဒီ ၁၆ ရက်သာကိုဘာကြောင့်လုပ်တဲ့ဆိုတာ သူတို့ပိုသိလာမယ်၊ပြီးတော့ ကျွန်တော်တို့ နေရာဒေသတွေမှာ အမျိုးသမီးတွေ ဘယ်လိုမျိုး အကြမ်းဖက်တာတွေ ခံနေရသလဲဆိုတာကို သိမြင်လာပြီး ကာကွယ်တဲ့အခါအတူပါဝင်လာနိုင်မယ်၊ ကိုယ်သိခဲ့တဲ့ အရာတွေကိုလည်း တစ်ခြားသူတွေကို ပြန်ပြောပြ ဝေမျှလာနိုင်မှာဖြစ်တယ်”လို့ပြောပါတယ်။ ဒီနှစ် ၁၆ ရက်တာလှုပ်ရှားမှုကမ်ပိန်းမှာ အမျိုးသမီးများအကြမ်းဖက်မှုပပျောက်ရေးနေ့ ဖြစ်ပေါ်လာပုံကို ဦးဆောင်ကျင်းပသူတွေက ရှင်းပြခဲ့တဲ့အပြင် အမျိုးသမီးတွေအနေနဲ့ တန်းတူအခွင့်အရေးရရှိနိုင် ရေးနဲ့အတူ အကြမ်းဖက်မှုတွေပပျောက်နိုင်ဖို့ ရည်ရွယ်ချက်နဲ့ ကမ်ပိန်းတွေ ပြုလုပ်ခဲ့တယ်လို့ သူကဆက်ပြောပါတယ်။ “ဒီနှစ်ရဲ့ သတင်းစကားအတိုင်း အမျိုးသမီးနဲ့ မိန်းကလေးတွေအပေါ် အကြမ်းဖက်မှုတွေကို ကာကွယ်နိုင်ဖို့ရန်အတွက် ကျွန်ုပ်တို့တွေ ရင်းနှီးမြုပ်နှံလျက် အကုန်လိုက်လုပ်တဲ့ အခြေအနေထိရောက်အောင် သတင်းစကားရဲ့ အဓိပ္ပာယ်ကိုရှင်းပြတာတွေ လုပ်သွားမှာပါ”လို့ပြောပါတယ်။ ဒါ့အပြင် ကိုဗစ်ရောဂါဖြစ်ပြီး တစ်ပြိုင်နက် စစ်အာဏာသိမ်းပြီးတဲ့နောက်ပိုင်း အထူးသဖြင့် အမျိုးသမီးတွေမှာ အလုပ်အကိုင်ရှားလာတာတွေ၊ ပညာရေးတွေအပြင် တရားဉပဒေစိုးမိုးတာတွေ မရှိတော့တဲ့အတွက် လုံခြုံရေးတွေမှာထိခိုက်တာတွေရှိနေတာလည်း ဖြစ်ပါတယ်။ နိုဝင်ဘာလ ၂၅ ရက်နေ့ဟာ နိုင်ငံတကာအမျိုးသမီးများအပေါ် အကြမ်းဖက်မှု ပပျောက်ရေးနေ့ ဖြစ်တဲ့အပြင် ကျား–မ အခြေပြု အကြမ်းဖက်မှုဆန့်ကျင်ရေး (၁၆)ရက်တာလှုပ်ရှားမှုကမ်ပိန်း စတင်တဲ့နေ့လည်း ဖြစ်ပါတယ်။ ဒါ့အပြင် မြန်မာနိုင်ငံမှာ အာဏာသိမ်းပြီးနောက်ပိုင်း အမျိုးသမီးများအပေါ် မတရားဖမ်းဆီးခြင်း၊ မုဒိမ်းကျင့်ခြင်း၊ လိင်ပိုင်းဆိုင်ရာအကြမ်းဖက်မှုတွေနဲ့တူ အိမ်တွင်းအကြမ်းဖက်ခြင်းများဟာ ပဋိပက္ခများကြောင့် ပိုမိုဆိုးရွားလာတာဖြစ်ပြီး စစ်တပ်အာဏာသိမ်းပြီးချိန်ကတည်းက အမျိုးသမီး ၆၅၇ ဦး အသက်ဆုံးရှုံးခဲ့ရပြီး အမျိုးသမီး ၃,၆၇၃ ဦးကျော်ဟာ မတရားဖမ်းဆီးထိန်း သိမ်းခံထားရတယ်လို့ UK MYANMAR က ထုတ်ပြန်ထားပါတယ်။ By – Bu…
Read More » -
Dec- 2022 -7 Decemberသတင်း
မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ
ဖားကန့်မြို့နယ် မှော်စီဆာကျေးရွာရှိ စစ်ရှောင်စခန်းနှင့် လူနေအိမ်အချို့ကို စစ်ကောင်စီက အင်အား အများအပြားဖြင့် ဝင်ရောက်စစ်ဆေးခဲ့ပြီးနောက် အရပ်သား ၂ ဦးကိုလည်း ဖမ်းဆီးထားသည်ဟု သိရသည်။ အင်အား ၅၀ ကျော်ပါသည့် စစ်ကောင်စီ ခြေလျှင် စစ်ကြောင်းသည် ဒီဇင်ဘာလ ၇ ရက်နေ့ မွန်းလွှဲ…
Read More » -
Jun- 2022 -2 Juneသတင်း
မိုးရာသီ ရေမသန့်ရှင်းမှုကြောင့် စစ်ရှောင်တချို့ ဝမ်းရောဂါ ခံစားနေရ
လိုင်ဇာမြို့နှင့် အနီးတစ်ဝိုက် စစ်ရှောင်စခန်းများတွင် သောက်သုံးရေ မသန့်ရှင်းမှုကြောင့် စစ်ရှောင်ပြည်သူများ ဝမ်းပျက်ဝမ်းလျော ဖြစ်နေကြကြောင်း သိရသည်။ မိုးတွင်းကာလ မိုးရေကြီးချိန်များတွင် စစ်ရှောင်စခန်းများအတွင်း မသန့်ရှင်းသည့် ရေများကို သောက်သုံးနေရသည့်အတွက် ကလေးငယ်များနှင့် သက်ကြီးရွယ်အိုများ ဝမ်းပျက်ဝမ်းလျော ဖြစ်နေသည်ဟု ဖွန်လွမ်ယန်စစ်ရှောင်စခန်းမှ…
Read More » -
May- 2022 -2 Mayသတင်း
ရှဒူးဇွပ် စစ်ရှောင်များ နေရာအသစ်တွင် ရွေ့ပြောင်းရန် စတင်လုပ်ဆောင်နေ
တနိုင်း လီဒိုလမ်းမပေါ် ရှဒူးဇွပ် KBC စစ်ရှောင်စခန်းပြည်သူများသည် လက်ရှိစခန်းတွင် နေထိုင်ရန်ခက်ခဲလာသောကြောင့် နေရာအသစ်တွင် ပြောင်းရွေ့နေထိုင်ရန်အတွက် ဆောက်လုပ်ရေး လုပ်ငန်းများ စတင်နေပြီဟု သိရသည်။ ဧပြီလ ၂၉ ရက်နေ့မှစတင်ပြီး ပြန်လည်ရွေ့ပြောင်းနေထိုင်မည့် မြေနေရာတွင် ပန္နက်ရိုက် ဆုတောင်းပွဲပြုလုပ်ကာ…
Read More » -
Jan- 2022 -6 Januaryသတင်း
မြစ်ကြီးနား ဇီးအွန် စစ်ရှောင်စခန်းတွင် စားနပ်ရိက္ခာအရေးပေါ်ထောက်ပံ့ရန် လိုအပ်နေ
အိမ်ထောင်စု တစ်ရာကျော် မှီတင်းနေထိုင်သော ကချင်ပြည်နယ်၊ မြစ်ကြီးနားမြို့၊ လယ်ကုန်းရပ်ကွက်ရှိ ဇီးအွန် (ဇီးလွန်) စစ်ရှောင်စခန်းတွင် အစားအသောက်အတွက် အကူအညီလိုအပ်နေကြောင်း စခန်းတာဝန်ခံများမှ သိရသည်။ ”ကျွန်တော်တို့ဆီမှာ အခုလောလောဆယ်တော့ အစားအသောက်ပဲခက်ခဲနေတယ်။ အစားအသောက်ကအရင်ကဆိုရင် လူကယ်ပြန်ကလာပေးတယ် ဆန်တွေဘာတွေလာပေးတယ်။ အခုတစ်လ…
Read More » -
Jan- 2021 -15 JanuaryCovid-19 Reporting
Covid-19 ကြောင့် Lock Down ချခံရသော စစ်ရှောင်စခန်းတွင် စားနပ်ရိက္ခာအရေးပေါ်လိုအပ်
ကချင်ပြည်နယ်တွင် Covid-19 ကြောင့်ပထမဆုံး Lockdown ချခံထားရသော ပလန စိန့်ဂျိုးဇက်စစ်ရှောင်စခန်းတွင် စားနပ်ရိက္ခာအရေးပေါ်ထောက်ပံ့မူများ လိုအပ်နေကြောင်း သိရသည်။ ဇန်နဝါရီလ ၁၀ ရက်နေ့ ပိုးတွေ့လူနာတစ်ဦးတွေ့ရှိပြီးနောက် စိန်ဂျိုးဇက်စစ်ရှောင်စခန်းအား အကန့်အသတ်နယ်မြေ (Lockdown) ချမှတ်လိုက်သည့်အတွက် စစ်ရှောင်များအစားအသောက် အခက်ခဲများရင်ဆိုင်နေကြရကြောင်း…
Read More »
