ဖမ်းဆီးခံရမှု
-
Feb- 2024 -23 Februaryသတင်း
ဗန်းမော်မြို့အဝင် ၅ မိုင်ဂိတ်မှာ အရပ်သား ၁၄ ယောက်ဖမ်းဆီးခံရ
ဗန်းမော်မြို့အဝင် စီဟဲရွာ ၅ မိုင်ဂိတ်မှာ အမျိုးသား ၁၄ ယောက်ကို စစ်တပ်ကဖမ်းဆီးခေါ်ဆောင်သွားတယ်လို့ ဗန်းမော်ဒေသခံတွေက ပြောပါတယ်။ ဖမ်းဆီးခံရတဲ့ အရပ်သား ၁၄ ယောက်ဟာ ပြီးခဲ့တဲ့ ဖေဖော်ဝါရီလ ၁၈ ရက်နေ့ စီခမ်းကြီးစခန်းသိမ်းတိုက်ပွဲတွင်း စစ်တပ်ရဲ့လေကြောင်းပစ်ခတ်တိုက်ခိုက်မှုတွေကြောင့် စီခမ်းကြီးရွာရဲ့တစ်ဖက်ကမ်းမှာရှိတဲ့ ပန်တိုင်းရွာရွှေကျင်တောကနေ ဗန်းမော်မြို့ဘက်ထွက်ပြေးတိမ်းရှောင်လာချိန် ဖမ်းဆီးခံလိုက်ရတာဖြစ်တယ်လို့ ဗန်းမော်မြို့ဒေသခံတစ်ယောက်က KNG ကိုပြောပါတယ်။ “ပန်တိုင်းရွာရွှေကျင်တောက ပြေးလာတဲ့ ၁၄ ယောက်အဖွဲ့မှာ သူတို့ဆိုင်ကယ်တွေကိုက မံသာနားကတစ်နေရာမှာ အပ်ထားလိမ်မယ် အဲ့ဒါနဲ့ ကားနဲ့တက်လိုက်လာတာ မြို့အဝင် စီဟဲ ၅မိုင် ဂိတ်မှာ ဆွဲချပြီးမှဖမ်းသွားလိုက်ရော” လို့ပြောပါတယ်။ ဖမ်းဆီခံရသူတွေဟာ အသက် ၁၆ ကနေ ၄၀ ဝန်းကျင်ရှိတဲ့ သူတွေဖြစ်ပြီးတော့ ပန်တိုင်းရွာ၊ ငအိုး၊ စီကော်၊ မအူပင်၊ ပြကျောင်းကျေးရွာ ဒေသခံတွေဖြစ်ကြတယ်လို့ သိရပါတယ်။ ဒီ ဖမ်းခံရသူတွေထဲက အမျိုးတော်စပ်တဲ့သူတွေဟာ နာမည်စာရင်းနဲ့တကွ သက်ဆိုင်တဲ့ဗျူဟာမှုးတွေဆီကို ဖမ်းဆီးထားတဲ့အရပ်သားတွေအားလုံး လွတ်ပေးဖို့ပြောဆိုထားပေမယ့် လက်ရှိချိန်ထိ အကြောင်းတစ်စုံတစ်ရာမကြားရှိရသေးဘူးလို့ ဆိုပါတယ်။ ဖေဖော်ဝါရီလ ၁၆ ရက်နေ့ မံစီမြို့နယ် စီခမ်းကြီးစခန်းကို ကချင်လွတ်လပ်ရေးတပ်မတော် KIA ၊ ကချင်ပြည်သူ့ကာကွယ်ရေးတပ် KPDF တပ်တွေက ပူးပေါင်းတိုက်ခိုက်ချိန်သိမ်းယူချိန် စီခမ်းရွာနီးပတ်ဝန်းကျင်မှာရှိတဲ့ ကျေးရွာနေပြည်သူတွေဟာဘေးလွတ်ရာ ဗန်းမော်မြို့ဘက်ကို အများပိုင်းထွက်ပြေးတိမ်းရှောင်လာကြတာဖြစ်ပါတယ်။ ထွက်ပြေးတိမ်းရှောင်လာကြတဲ့သူတွေကို စစ်တပ်ကလမ်းခုလတ်မှာဖမ်းဆီးလိုက်တာအပြင် မြိုအဝင် ၅ မိုင်ဂိတ်မှာဖမ်းဆီးခံရတာတွေရှိတာကြောင့် ဖမ်းဆီးခံရတဲ့သူ အယောက် ၅၀ ဝန်းကျင်ရှိနိုင်တယ်လို့ စစ်ရှောင်ဒေသခံတစ်ယောက်က ပြောပါတယ်။ ဒါပေမယ့် ဒီဖမ်းဆီးခံရတဲ့စာရင်းအသေးစိတ်ကိုတော့ KNG အနေနဲ့ သီးခြားအတည်ပြုနိုင်ခြင်းမရှိသေးပါဘူး။ ဒါ့အပြင် ဗန်းမော်မြို့အဝင် ၅ ဂိတ်မှာ ဖေဖော်ဝါရီလ ၁၀ ရက်နေ့ စစ်တပ်က စစ်မှုထမ်းဥပဒေထုတ်ပြန်လိုက်ပြီးနောက် စစ်တပ်ဘက်က ဖမ်းဆီးတာတွေဆက်တိုက်လုပ်နေပြီး ပြီးခဲ့တဲ့ ဖေဖော်ဝါရီလ ၁၇ ရက်နေ့မှာလည်း ရခိုင်ပြည်နယ်က မောင်သာဟိန်း အသက် ၂၇ နှစ်ကလည်း စီဟဲ၅ မိုင် ဂိတ်မှာ ဖမ်းခံခဲ့ရတယ်လို့ သိရပြီး လက်ရှိချိန်ထိ ဘာအကြောင်းမှ မကြားရသေးဘူး ဆိုပါတယ်။ “နေပြည်တော်ကလို့တော့ပြောတယ်၊ ရခိုင်တဲ့ သူက တရုတ်ပြည်ဘက်ကို အလုပ်သွားလုပ်မယ်ဆိုပြီးလာတော့ အခုနကပြောတဲ့ ဂိတ်မှာဘဲ သူ့ကို ဆွဲချသွားတယ်။ အဲ့တာ ဘယ်လိုမှ ဆက်သွယ်လို့မရ ရှာလို့မရ နဲ့ ကူပေးပါအုံး ဆိုပြီးမနေ့က သူနဲ့ဆိုင်တဲ့ သူတွေက ဖုန်းခေါ်လာပြီးတော့ ဓာတ်ပုံနဲ့တကွ ပို့လာတာ”လို့ပြောပါတယ်။ လက်ရှိ ဗန်းမော်ခရိုင် မံစီမြို့နယ်မှာရှိတဲ့ စစ်တပ်စခန်းတွေကို KIA၊KPDF ပူးပေါင်းတပ်တွေက ဒီနှစ် နှစ်ဆန်းပိုင်းကနေ ထိုးစစ်ဆင်တိုက်ခိုက်နေတာဖြစ်ပြီး တစ်လကျော်အတွင်း ရှမ်း– ကချင်အစပ်မှာရှိတဲ့ မဘိမ်းမြို့အပါအဝင် မံဝိန်းကြီးအထိုင်တပ်စခန်း မံစီမြို့နယ်ထဲက ဘလောင်ဒိန်ဆာတပ်စခန်း၊ကိုက်ထိပ်တပ်စခန်းအပါအဝင် နှစ်ပေါင်း ၅၀ ကျော်ရှိတဲ့ စီခမ်းကြီးစခန်းကိုလည်း တိုက်ခိုက်သိမ်းပိုက်ရရှိထားပြီဖြစ်ပါတယ်။ နှစ်ဖက်ထိတွေ့တိုက်ပွဲတွင်း အရပ်သားတွေထိခိုက်သေဆုံးတာအပြင် ကျေးရွာနေပြည်သူတွေဟာ ဘေးလွတ်ရာကို ထွက်ပြေးတိမ်းရှောင်လာချိန်ခုလိုထပ်ပြီး ဖမ်းဆီးခံနေရတာလည်းဖြစ်ပါတယ်။ By – Bu Bu
Read More » -
19 Februaryသတင်း
မြေရှားတူးဖော်မှုကြောင့် ဖမ်းဆီးခံထားရတဲ့ ပြည်သူ့တစ်ချို့ ခံဝန်ကတိနဲ့လွတ်မြောက်
ဖေဖော်ဝါရီလ ၁၄ ရက်နေ့ ဖရဲဒေသမှာ မြေရှားသတ္တုတူးဖော်မှုကို ဆန့်ကျင်ခဲ့ကြတဲ့ ဒေသခံပြည်သူတွေနဲ့ KIA ကြားပြဿနာဖြစ်ပွားရာမှာ ဖမ်းဆီးသွားတဲ့ အရပ်သား ၄၄ ဦးထဲက ၁၀ ယောက်ကျော်ကို ပြန်လွှတ်ပြီဖြစ်ပေမဲ့ တက်ကြွလှုပ်ရှားသူ ၃၀ ကျော်ကို ဆက်လက်ဖမ်းဆီးထားကြောင်း ဖရဲဒေသခံပြည်သူတွေပြောပါတယ်။
Read More » -
Jan- 2024 -23 Januaryသတင်း
အင်းတော်နယ်မှာ အရပ်သား ၆ ဦးအထိဖမ်းဆီးခံထားရ
စစ်ကိုင်းတိုင်းဒေသကြီး အင်းတော်မြို့နယ်ထဲမှာ စစ်ကောင်စီတပ်ကစစ်ကြောင်းထိုးတာတွေ ဆက်တိုက်လုပ်ဆောင်နေပြီး ဒီရက်ပိုင်းအတွင်းမှာပဲ ဖမ်းဆီးခံရသူ အရပ်သားပြည်သူ ၆ ဦးအထိရှိလာတယ်လို့ ဒေသခံတွေကပြောပါတယ်။ အင်းတော်မြို့နယ် တောင်ဘက်ပိုင်းက ကျေးရွာတွေဖြစ်တဲ့ မိုးယို၊ နားခါ၊ နန့်ကင်၊ နတ်မဟုတ်ကြီးနဲ့ ကျော်ရွာစတဲ့ကျေးရွာတွေဘက်ကို စစ်ကောင်စီတပ်က ဇန်နဝါရီလ…
Read More » -
16 Januaryသတင်း
စစ်တပ် ထောက်ခံ တယ်လီဂရမ် ချန်နယ်တွေရဲ့ လှုံဆောင်မှုကြောင့် ဖမ်းဆီးခံရသူ ၂၅၀ ဦးဝန်းကျင်ရှိ
စစ်တပ်အာဏာသိမ်းပြီးနောက် စစ်တပ်ထောက်ခံသူ တယ်လီဂရမ်ချန်နယ်တွေရဲ့ အမုန်းစကားနဲ့ လှုံဆော်မှုတွေကြောင့် ပြီးခဲ့တဲ့ ၃ လအတွင်း ဖမ်းဆီးခံရသူ လူဦးရေ ၂၅၀ ခန့်ရှိတယ်လို့ သိရပါတယ်။ ပြီးခဲ့တဲ့ အောက်တိုဘာလ ကနေ ဒီဇင်ဘာလအထိ Beautifier of Diversity…
Read More » -
10 Januaryသတင်း
ခခူးပုံနှိပ်တိုက်က ကချင်လူငယ် ၂ ယောက်ကို စစ်တပ်ကဖမ်းဆီးသွား
ဖားကန့်မြို့ မရှီကထောင်ရပ်ကွက်မှာရှိတဲ့ ခခူးပုံနှိပ်တိုက်ဆိုင်ထဲက ကချင်လူငယ် ၂ ယောက်ကို စစ်ကောင်စီတပ် စစ်အင်အားအလုံးအရင်းနဲ့ လာရောက်ဖမ်းဆီးခေါ်သွားတယ်လို့ ဖားကန့် ဒေသခံတွေဆီက သိရပါတယ်။ ဇန်နဝါရီလ ၉ ရက်နေ့ ညနေပိုင်း ၅ နာရီဝန်းကျင်လောက်မှာ ပုံနှိပ်တိုက်လုပ်ငန်း လုပ်ကိုင်နေတဲ့…
Read More » -
Dec- 2023 -25 Decemberသတင်း
ကိုးကန့်တပ်က ဖမ်းဆီးသွားတဲ့လူငယ်အများစု မိသားစုနဲ့အဆက်သွယ်မရသေး
ရှမ်းပြည်နယ်မြောက်ပိုင်း လောက်ကိုင်မြို့က နေရပ်ပြန်လာရင်း ကိုးကန့်တပ် MMDAA ဘက်က ဖမ်းဆီးသွားတဲ့ လူငယ်တစ်ချို့တစ်လကျော်ကြာလာပေမေယ့် မိသားစုဝင်တွေနဲ့ အဆက်အသွယ်မရသေးတဲ့အတွက် စိုးရိမ်နေကြတယ်လို့ ဖမ်းဆီးခံသွားရတဲ့သူတွေရဲ့ မိသားစုဝင်တွေက ပြောပါတယ်။ အဖမ်းခံရတဲ့ လူငယ်အများစုဟာ နိုဝင်ဘာ ၂၅ ရက်နေ့နောက်ပိုင်း ကိုးကန့်တပ်ဘက်က နေရပ်ပြန်ဖို့လမ်းတွေပြန်ဖွင့်ပေးလိုက်တဲ့နောက် နေရပ်ပြန်လာချိန် ချင်းရွှေဟော်ဂိတ်နားမှာ ဖမ်းဆီးခံသွားရတာဖြစ်ပြီး လက်ရှိချိန်ထိ တစ်လကျော်ကြာ လာပေမယ့်လို့ အများပိုင်းက မိသားစုနဲ့အဆက်သွယ်မရတဲ့အပြင် ပြန်ပြီးလွတ်မြောက် လာတာမရှိသေးဘူးလို့ လားရှိုးဒေသခံတစ်ဦးက ခုလိုပြောပါတယ်။ “အဖမ်းခံရတဲ့ သူကတော့…
Read More » -
Nov- 2023 -29 Novemberသတင်း
ကျေးဇူးတော်ချီးမွမ်းပွဲမှာ ဖမ်းဆီးခံရတဲ့ မရန်ကထောင် ဒေသခံ ၅ ယောက်ပြန်လည်လွတ်မြောက်
မိုးကောင်းမြို့နယ် လွယ်လီယာန်အုပ်စု မရန်ကထောင်ကျေးရွာမှာ စစ်ကောင်စီတပ်က ဖမ်းဆီးခေါ်ဆောင်သွားတဲ့ ရွာလူကြီး အမျိုးသား ၅ ယောက်ပြန်လည်လွတ်ပေးခဲ့တယ်လို့ ဒေသခံတွေဆီကနေ သိရပါတယ်။ လွတ်မြောက်လာတဲ့ အမျိုးသား ၅ ယောက်ကို ပြီးခဲ့တဲ့ နိုဝင်ဘာလ ၂၅ ရက်နေ့မှာ ကချင်လွတ်လပ်ရေးတပ်မတော် KIA နဲ့ PDF ပူးပေါင်းတပ်တွေနဲ့ ဆက်နွယ်မှုရှိတယ်လို့ စွပ်စွဲပြောဆိုပြီး…
Read More » -
6 Novemberသတင်း
ဖမ်းဆီးရမိထားတဲ့ စစ်တုံ့ပန်းကို ၁၇ ဦးကို လွတ်ငြိမ်းခွင့်ပေး
ရှမ်းမြောက် မန်တုံမြို့နယ် မိုင်းမော်(မန်ဟိုင်း) စစ်တပ်စခန်းသိမ်းပိုက်ချိန် KIA ဘက်က ဖမ်းဆီးရ မိထားတဲ့ စစ်ကောင်စီတပ်သား စစ်တုံ့ပန်း ၁၇ ဦးကို လူမှုကူညီရေးအဖွဲ့ကနေတစ်ဆင့် လွှဲပြောင်းပြီး လွတ်မြောက်ခွင့်ပေးလိုက် ပြီဖြစ်ကြောင်း ဒေသခံရှေ့တန်းသတင်းရင်း မြစ်များထံမှ သိရပါတယ်။ ဖမ်းဆီးရမိထားတဲ့ စစ်သုံ့ပန်းတွေကို နိုင်ငံတကာ စစ်သုံ့ပန်း စစ်ဥပဒေနဲ့အညီ ထိန်းသိမ်းထားတာဖြစ်ပြီး နိုဝင်ဘာလ ၅ ရက် မနေ့မှာတော့ နမ္မတူမြို့မှ မိတ်ဆွေကောင်းလူမှုကူညီရေးအသင်းတွေထံလွဲပြောင်းပေးပြီး လွတ်မြောက်ခွင့်ပေးလိုက်တာဖြစ်တယ်လို့ မိုင်းမော်ဒေသခံတစ်ဦးက ဆိုပါတယ်။ “မှန်ပါတယ်။ တိုက်ပွဲမှာ ဖမ်းဆီးရမိတဲ့သူတွေနဲ့ ထွက်ပြေးတဲ့သူတွေကို ပြန်ဖမ်းမိထားတာ အားလုံး ၁၇ ယောက်လို့ ပြောတာပဲ ကျနော်တို့ကိုယ်တိုင်တော့ သွားမကြည့်တော့ဘူး။ သူတို့ကို မနေ့က နမ္မတူဘက်ကို သွားပို့ပြီဆိုတာတော့ ဟုတ်တယ်။ အသေးစိတ်က မသိဘူး။ လူမှုကူညီရေးအသင်းက တာဝန်ရှိသူတွေထံ လွဲပြောင်းပေးလိုက်တာတော့ သိရတယ်။” လို့ မိုင်းမော်(မန်ဟိုင်း) ဒေသခံတစ်ဦးက ပြောပါတယ်။ ပြီးခဲ့တဲ့ အောက်တိုဘာလ ၃၀ ရက်နေ့က မိုင်းမော်(မန်ဟိုင်း) ရွာမှာ တပ်ချထားတဲ့ စစ်ကောင်စီစခန်းကို ကချင်လွတ်လပ်ရေးတပ်မတော် KIA တပ်မဟာ ၄ တပ်ရင်း ၈ တပ်ဖွဲ့ကသွားရောက်တိုက်ခိုက်သိမ်းပိုက်လိုက်တာဖြစ်ပြီး စစ်သုံ့ပန်း စုစု ပေါင်း ၁၇ ဦးကို KIA ဘက်ကဖမ်းဆီးရမိထား တာဖြစ်ပါတယ်။ “အသေးစိတ်တော့ မသိရသလို ပြောဖို့ခက်တယ်။ ဖမ်းဆီးရမိတဲ့ စစ်သုံ့ပန်းတွေပြန်လွတ်ပေးတယ်လောက်ပဲ သိရှိနားလည်ထားတယ်။ သူတို့အဆင့်အဆင့် ဘယ်လို လွတ်ပေးတာတွေတော့ မသိရဘူးပေါ့”လို့ ဆက်ပြောပါတယ်။ ဒါ့အပြင်မိုင်းမော်(မန်ဟိုင်း) တပ်စခန်းကို လက်ရှိ KIA သိမ်းပိုက်ရရှိထားတာဖြစ်ပြီး မန်ဟိုင်းတဝိုက်က ဒေသခံပြည်သူကတော့ တိုက်ပွဲအတွင်း တောတောင်တွေထဲထွက်ပြေးတိမ်းရှောင်ခဲ့ရပေမဲ့ လက်ရှိမှာတော့ အခြေအနေငြိမ်ပြီဖြစ်တာကြောင့် နေရပ်ပြန်လာနေတာ ၃ ရက်ခန့်ရှိလာပြီဖြစ်တယ်လို့ သိရပါတယ်။ “ရွာသားတွေအားလုံး ပြန်လာနေတာ ၃ ရက်လောက်တော့ရှိပြီ။ စစ်တပ်က လေယာဉ်နဲ့ လာပစ်မှာစိုးရိမ်တာကြောင့် တောထဲမှာ ၄ ရက်လောက် ထွက်ပြေးခဲ့ကြရတယ်။ အခုတော့ အားလုံးပြန်လာပြီး လုပ်ငန်းတွေ မအားအလပ် ရိတ်သိမ်းတာတွေ မြန်မြန်လုပ်ဆောင်နေကြတယ်။” ဟုမန်ဟိုင်းဒေသခံကပြောပါတယ်။ လက်ရှိ မန်ဟိုင်းတဝိုက်မှာတော့ တိုက်ပွဲအခြေအနေ ငြိမ်သက်နေတာဖြစ်ပေမဲ့ မန်တုံမြို့ နဲ့ နမ္မတူမြို့တွေမှာတော့ စစ်ရေးအခြေအနေတင်းမာနေတယ်လို့ ဆက်လက်သိရပါတယ်။ မိုင်းမော်(မန်ဟိုင်း) ကျေးရွာမှာ အိမ်ခြေ ၁၅၀ ဝန်းကျင်ရှိပြီး နမ္မတူမြို့ကနေ ဆိုင်ကယ်နဲ့ လမ်းကောင်းတဲ့ချိန် ၁ နာရီခွဲ သွားရတဲ့ မြေပုံအနေအထားအရ မန်တုံမြို့နဲ့ နမ္မတူမြို့ကြား အရှေ့မြောက်ဘက်ပိုင်းမှာ တည်ရှိပါတယ်။ By – ဂျာဘောက်ရာ
Read More » -
Oct- 2023 -16 Octoberသတင်း
ရွှေမင်းပြည်သူ့စစ်အဖွဲ့က ဖမ်းဆီးသွားတဲ့ လမြန်ရွာက ဒေသခံ ၃ ဒီကနေ့ထိ ဦးပြန်မလွတ်သေး
ဝိုင်းမော်မြို့နယ် လမြန်ရွာက ရွှေမင်းပြည်သူ့စစ်တပ်အဖွဲ့ ဖမ်းဆီးသွားတဲ့ ဒေသခံ ၃ ဦး ဒီကနေ့ထိ ပြန်ပြီးလွတ်မြောက်လာတာမရှိသေးဘူးလို့ သိရပါတယ်။ စစ်ကောင်စီတပ်လက်အောက်ခံ ရွှေမင်းပြည်သူ့စစ်တပ်ဟာ စက်တင်ဘာလ ၁၃ ရက်နေ့ ည ၁၁ နာရီလောက်မှာ လမြန်ခံရွာက ဒေသခံအမျိုးသမီး ၂ ယောက်နဲ့ အမျိုးသားတစ်ယောက်…
Read More » -
11 Octoberသတင်း
ဖားကန့်မှာ အခွန်ဦးစီးရုံးက အရာရှိအဆင့်ဝန်ထမ်းနှစ်ဦး ဖမ်းဆီးခံရ
ကချင်ပြည်နယ် ဖားကန့်မြို့မှာ မြို့နယ်အခွန် ဦးစီးဌာနရုံးက အရာရှိအဆင့်ဝန်ထမ်း အမျိုးသား ၂ ဦးဖမ်းဆီးခံလိုက်ရတယ်လို့ အခွန်ရုံးနဲ့နီးစပ်သူတွေဆီကနေ သိရပါတယ်။ စစ်ကောင်စီလက်အောက်ခံ ဖားကန့်မြို့နယ် အခွန်ဦးစီးဌာနရုံးက ဒုဦးစီးမှူးတစ်ဦးနဲ့ လက်ထောက်ဦးစီးတစ်ဦးတို့ကို မနေ့က အောက်တိုဘာ ၁၀ ရက်နေ့ညပိုင်းမှာ လူတစ်စုကဖမ်းဆီးသွားတယ်လို့ ဖားကန့်အခွန်ဦးစီးရုံးနဲ့နီးစပ်တဲ့အမျိုးသားတစ်ဦးက KNG ကိုအတည်ပြု ပြောကြားပါတယ်။…
Read More »
