မီးလောင်မှုဖြစ်ပွား
-
May- 2024 -24 Mayသတင်း
မြစ်ကြီးနား စီတာပူရပ်ကွက်မှာ လူနေအိမ် မီးလောင်မှုဖြစ်
ကချင်ပြည်နယ် မြစ်ကြီးနား မြို့ စီတာပူရပ်ကွက်မှာ နေအိမ်မီးလောင်မှုထပ်မံဖြစ်ပွားခဲ့တယ်လို့ စီတာပူရပ်ကွက်နေပြည်သူတွေ ဆီကနေ သိရပါတယ်။ မေလ ၂၄ ရက်နေ့ ဒီမနက် ၆နာရီခွဲဝန်းကျင်လောက်က စီတာပူနယ်မြေ (၃) ဖားကန့်သူ စားသောက်ဆိုင်လမ်းကြား ၊ စီတာပူမိုတယ်မျက်နှာချင်းဆိုင်မှာရှိတဲ့ အိမ်နှစ်လုံးမီးလောင်သွားတာဖြစ်တယ်လို့ မြင်တွေ့ခဲ့ရတယ်လို့ စီတာပူရပ်ကွက်နေ ပြည်သူတစ်ဦးက ခုလိုပြောပါတယ်။ “ကျွန်တော်တို့ရောက်တဲ့ အချိန်ကလောင်နေပြီး ၆ ခွဲ ၇ နာရီဝန်းကျင်လောက်တော့ ရှိပြီး နောက်တစ်အိမ်ကိုတောင် မီးကကူးနေပြီ ဟုတ်တယ်”လို့ ဆိုပါတယ်။ မီးလောင်တဲ့ အိမ်နှစ်လုံးထဲမှာ တစ်လုံးကတော့ ပျဉ်ထောင်အိမ် ဖြစ်ပြီး နောက်ထပ်တစ်လုံးကတော့ အုတ်တက်ထားတဲ့အိမ်ဖြစ်တယ်လို့ သူကဆက်ပြောပါတယ်။ “မီးသတ်ကားရောက်တဲ့ အချိန်က အိမ်တစ်လုံးတော့ ပြာကျသွားပြီး နောက်တစ်လုံးကတော့ အကုန်တော့မပါဘူး တစ်ဝက်ပါသွားတာ ဟုတ်တယ်”လို့ပြောပါတယ်။ မီးလောင်တဲ့အကြောင်းအရင်းနဲ့ပက်သက်ပြီး မီးဖိုချောင်က စလောင်တာဆိုပြီးပြောဆိုနေကြသလို သစ်ပင်အောက်က အမှိုက်မီးလောင်ရာကန ကူးစက်လောင်တာဖြစ်တယ်ဆိုပြီး သတင်းအမျိုးမျိုးထွက်ပေါ်နေပါတယ်။ အလားတူ စီတာပူရပ်ကွက် ၅မှာလည်း ပြီးခဲ့တဲ့ ဇန်နဝါရီလ ၁၅ရက်နေ့တုန်းကလည်း မီးလောင်ကျွမ်းမှုဖြစ်ပွားခဲ့တာ ဘဲ ဖြစ်ပါတယ်။ ၂၀၂၄ ခုနှစ်အတွင်း မြစ်ကြီးနား မြို့မှာ ပြီးခဲ့တဲ့ လေးအတွင်း မီးလောင်မှု သုံးကြိမ်တိတိ ဖြစ်ပွားခဲ့တာ ဘဲ ဖြစ်ပါတယ်။ မြန်မာတစ်နိုင်ငံလုံးမှာ ၂၀၂၃ ခုနှစ်၊ ဇန်နဝါရီ ၁ ရက်မှ နိုဝင်ဘာ ၂၁ ရက်အထိ မီးလောင်မှု အကြိမ်ပေါင်း ၁,၂၄၅ ကြိမ်ဖြစ်ပွားခဲ့ပြီး ဆုံးရှုံးမှုတန်ဖိုး ကျပ်သန်းပေါင်း ၁၆,၈၆၉ ကျော် ရှိခဲ့တယ်လို့ မြန်မာနိုင်ငံမီးသတ်တပ်ဖွဲ့ရဲ့ ဖော်ပြချက်အရ သိရပါတယ်။ By – Hope
Read More » -
Jan- 2024 -15 Januaryသတင်း
ဝါယာရှော့ကြောင့် ကုန်စုံဆိုင်ဖွင့်ထားတဲ့နေအိမ်တစ်လုံးမီးလောင်
မြစ်ကြီးနားမြို့ စီတာပူရပ်ကွက်မှာ ကုန်စုံဆိုင်ဖွင့်ထားတဲ့နေအိမ်တစ်လုံး မီးလောင်ပျက်စီးသွားတယ်လို့ စီတာပူဒေသခံတွေဆီကနေ သိရပါတယ်။ ဇန်နဝါရီလ ၁၅ ရက်နေ့ ဒီကနေ့မနက် ၅ နာရီဝန်းကျင်မှာ စီတာပူရပ်ကွက် နယ်မြေ ၃ မှာရှိတဲ့နေအိမ်တစ်လုံးဟာ အိမ်ရဲ့အောက်ထပ်မှာတွဲရပ်ဖွင့်ထားတဲ့ ကုန်စုံဆိုင်ကနေ ဝါယာရှော့ဖြစ်ရာကနေ မီးလောင်သွားတာဖြစ်တယ်လို့ ဒေသခံတစ်ဦးက ခုလိုပြောပါတယ်။ “အောက်ထပ်မှာရှိတဲ့ ကုန်စုံဆိုင်ကနေ ဝါယာရှော့ဖြစ်ပြီးလောင်တာလို့ပြောတယ် ပြီးတော့ ကုန်စုံဆိုင်ဆိုတော့ ပစ္စည်းတွေလည်း အများကြီးဆိုတော့ အဲကနေလောင်တာပေါ့”လို့ ဆိုပါတယ်။ မီးစလောင်တဲ့ချိန်ဟာ ၄ နာရီ ၄၈ မိနစ်ဝန်းကျင်ကနေ စလောင်တာဖြစ်ပေမယ့် မီးသတ်ကားကတော့ ၅နာရီ ၂၀ မိနစ်ရောက်လာပြီး မနက် ၆ နာရီလောက်မှာ အပြီးသတ်မီးငြိမ်းနိုင်ခဲ့တာကြောင့် ပတ်ဝန်းကျင်နေအိမ်တွေမှာ ကူးစက်လောင်ကျွမ်းတာတွေမရှိဘူးလို့ သိရပါတယ်။ ကုန်စုံဆိုင်တွဲရပ်ဖွင့်ထားတဲ့ နေအိမ်မီးလောင်သွားပေမယ့် မိသားစုဝင်တွေကတော့ အချိန်မှီထွက်ခွာနိုင်ခဲ့တဲ့အတွက် ထိခိုက်ဒဏ်ရာ ရရှိတဲ့ သူကတော့မရှိဘူးလို့ သူကခုလိုဆိုပါတယ်။ “လူတွေကတော့ အချိန်မှီရှောင်ခဲ့နိုင်လို့ ဘာမဖြစ်ဘူး အိမ်ကတော့ အကုန်ပါသွားတယ် တိုင်ဘဲကျန်တော့တယ်”လို့ သူကဆိုပါတယ်။ မြစ်ကြီးနား မြို့ ရပ်ဘူရပ်ကွက်မှာ ၂၀၂၃ ဒီဇင်ဘာလ ၂၀ရက်နေ့ကလည်း မီးလောင်ကျွမ်းမှုကြောင့် လူနေအိမ် ၄လုံးမီးလောင်ကျွမ်းခဲ့တာ ဖြစ်ပါတယ်။ By – Hope
Read More » -
Mar- 2023 -20 Marchစစ်ပြေးဒုက္ခသည်များ
မီးလောင်သွားသော ဂျေယန့်စစ်ရှောင်စခန်းမှ အိမ်ခြေ ၃၆ ခုအတွက် အကူညီလိုအပ်နေ
ကချင်လွတ်လပ်ရေးအဖွဲ့ KIO ဗဟိုဌာနချုပ်နယ်မြေ ဂျေယန့် (Jeyang) စစ်ရှောင်စခန်းမီးလောင်မှုတွင် ပါသွားသော နေအိမ်များအတွက် ပြည်လည်ထူထောင်ရေး ခက်ခဲမှုရှိနေသည်ဟု သိရသည်။ မတ်လ ၁၉ ရက်နေ့ မွန်းလွဲပိုင်းတွင် ဆယ်စုနှစ်တစ်ခုကျော်ကြာ သက်တမ်းရှိသော ဂျေယန့်စစ်ရှောင်စခန်း မီးလောင်မှုကြောင့် နေအိမ် ၃၆ လုံး မီးလောင်ပျက်စီးသွားကြောင်း စခန်းတာဝန်ရှိသူတစ်ဦးက…
Read More » -
Feb- 2023 -3 Februaryသတင်း
နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား
နာဂဒေသ လဟယ်မြို့နယ်၊ ဆော်လော်နောက်ကုန်းကျေးရွာရှိ အိမ်ခြေ ၇၀ ခန့် မီးလောင်ဆုံးရှုံးမှု ဖြစ်ပွားခဲ့ကြောင်း ဒေသနှင့် အဆက်အသွယ်ရှိသူများထံမှ သိရသည်။ ယမန်နေ့ ညနေပိုင်း ၅ နာရီအချိန်ခန့် ရွာထဲ ကလေးများသာကျန်ရှိနေပြီး လူကြီးများ အလုပ်သွားနေချိန်အတွင်း တစ်ရွာလုံးနီးပါး…
Read More » -
Jan- 2023 -25 Januaryသတင်း
မြစ်ကြီးနားတွင် လူနေအိမ် ၈ လုံး မီးလောင်မှုဖြစ်ပွား
ကချင်ပြည်နယ် မြစ်ကြီးနားမြို့ ရန်ကြီးအောင်ရပ်ကွက် မြို့ဦးဘုန်းကြီးကျောင်းရှေ့တွင် ယနေ့နံနက်ပိုင်း မီးလောင်မှုဖြစ်ပွားခဲ့သဖြင့် နေအိမ် ၈ လုံးတပြိုင်နက် မီးလောင်းပျက်စီးသွားကြောင်း မြစ်ကြီးနား မျိုးဆက်သစ်လူမှု ကယ်ဆယ်ရေးအသင်းမှ သိရသည်။ ဖြစ်စဉ်မှာ မြို့ဦးဘုန်းကြီးကျောင်းရှေ့ အိမ်ငှားနေထိုင်သည့် အိမ်ခန်းတစ်ခု၏ မီးဖိုဆောင်အတွင်းမှ စတင်လောင်ကျွမ်းခဲ့ခြင်းဖြစ်ပြီး…
Read More » -
Sep- 2022 -29 Septemberသတင်း
ဖားကန့်တွင် ဖယောင်တိုင်မီးမှတဆင့် ၂ထပ်တိုက် ၄လုံး မီးလောင်ပျက်စီး
ကချင်ပြည်နယ် ဖားကန့်မြို့နယ် ဆိပ်မူကျေးရွာအုပ်စု ဆိုင်းတောင်ကျေးရွာတွင် ဖယောင်းတိုင်မီးမှတဆင့် မီးလောင်မှုဖြစ်ပွားခဲ့ရာ လူနေအိမ် ၂ထပ်တိုက် ၄လုံးတဆက်တည်း မီးလောင်ပျက်စီးမှု ယနေ့နံနက်ပိုင်း ၁၀ နာရီဝန်းကျင်ခန့်တွင် ဖြစ်ပွားခဲ့ကြောင်းသိရသည်။ ဆိုင်းတောင် အမှတ် (၂)ရပ်ကွက် ကချင်စားသောက်ဆိုင်တစ်ခုဖြစ်သည့် ‘Num Ri…
Read More » -
May- 2022 -30 Mayသတင်း
မူဆယ်မြို့တွင် အလာင်းကစားအဆောင်တန်းလျားတစ်ခု မီးလောင်မှုဖြစ်ပွား
မူဆယ်မြို့၊ ကောင်းမှုတုံ ရပ်ကွက်၊ Top One အနီးရှိ လောင်းကစားဝန်ထမ်းများနေထိုင်သော ၄ ခန်းတွဲ အဆောင်တန်းလျား မေလ ၂၉ ရက်ည ၈ နာရီဝန်းကျင်တွင် မီးလောင်မှုဖြစ်ပွားကြောင်း ဒေသခံများထံမှ သိရသည်။ “ကျွန်မသူငယ်ချင်းတောင် ဘာမှမရလိုက်ဘူး။ နေ့ဆိုင်းဆင်းတဲ့ သူတွေအခန်းထဲ ခြင်ဆေးခွေ ထွန်းခဲ့တာလား၊ ရေနွေးတည်ခဲ့တာလား။ မီးလောင်လာမှ သူတို့…
Read More » -
Apr- 2022 -27 Aprilသတင်း
မန်ခိန်ရပ်ကွက်မှ နေအိမ် ၂လုံးနှင့် ဗက်လင်ဘုရားကျောင်းခန်းမဆောင် မီးလောင်မှုဖြစ်ပွား
ကချင်ပြည်နယ်၊ မြစ်ကြီးနားမြို့၊မန်ခိန်ရပ်ကွက် အုပ်စု(၁)ရှိ နေအိမ်နှစ်လုံးနှင့် ဗက်လင်ဘုရားကျောင်းခန်းမဆောင် မီးလောင်မှုဖြစ်ပွားကြောင်း ဒေသခံများမှ သိရသည်။ မြစ်ကြီးနားမြို့ မန်ခိန်ရပ်ကွက် အုပ်စု(၁)တွင် နှစ်ထပ်အိမ်နှင့်တစ်ထပ်အိမ် နေအိမ်နှစ်လုံးနှင့် ဗက်လင်ဘုရားကျောင်းခန်းမဆောင်တို့ ယနေ့နံနက် ၁၀နာရီဝန်းကျင်တွင် မီးလောင်မှုဖြစ်ပွားခဲ့သည်။ “ဖုန်းအားသွင်းထားပြီး ဝါယာလျှော့ဖြစ်တယ်လို့ပြောတယ် အလယ်က…
Read More »
