မြစ်ကြီးနား

မြစ်ကြီးနား-မန္တလေးကားခ ခြောက်သိန်းထိရှိလာ

စက်သုံးဆီစျေးမြင့်တက်လာတဲ့အတွက် မြစ်ကြီးနား–မန္တလေးကားခ ကျပ် ၆၀၀၀၀၀ (ခြောက်သိန်း) အထိစျေးမြင့်တက်သွားကြောင်း မြစ်ကြီးနားကားဂိတ်မှူးတွေပြောပါတယ်။ ကချင်ပြည်နယ်ထဲကိုပြေးဆွဲနေတဲ့ လေကြောင်းလိုင်းတွေအားလုံး ပြီးခဲ့တဲ့ ဖေဖော်ဝါရီ ၂၁ ရက်ကစပြီးရပ်နားထားသလို လတ်တလောမှာလည်း စက်သုံးဆီဈေးအဆမတန်မြင့်တက်လာတာကြောင့် ကားခတွေ  ပုံမှန်ထက် တစ်ဆကျော်စျေးမြင့်တက်သွားတယ်လို့ မြစ်ကြီးနားမြို့မှ ဂိတ်မှူး(ကားဂိတ်)တစ်ဦးက KNG ကိုပြောပါတယ်။ “ဈေးနှုန်းက အံစာတုံး(အိမ္စီးကား အကြီး)ကတော့တစ်ယောက်ကို နှစ်သိန်းခွဲပါနောက်ပြီးတော့ လူလေးယောက်ပဲထိုင်လို့ရတဲ့ အိမ္စီးကား (AD Van)ကတော့တစ်ယောက်ကို ငါးသိန်းပါ ဒါပေမယ့်မန္တလေးကနေ မြစ်ကြီးနားအတက်ဆိုရင်တော့ခြောက်သိန်းပါဗျ။ ဈေးကတော့ပုံမှန်ထက်ကိုတစ်ဆတက်တယ်ပြောရမယ် ဆီဈေးကြောင့်ပါ”လို့ အသက် ၄၀ ကျော်အရွယ် အထက်ဖော်ပြပါအမျိုးသားကပြောပါတယ်။ လေကြောင်းလိုင်းတွေမရပ်နားမှီနဲ့စက်သုံးဆီစျေးမတက်ခင် မြစ်ကြီးနား – မန္တလေးလမ်းပိုင်း အံစာတုံးကားမှာ  ခရီးသည်တစ်ဦး ကျပ် ၁၅၀၀၀၀ (တစ်သိန်းခွဲ)၊ AD Van ကားမှာ ခရီးသည်တစ်ဦးလျှင် ကျပ် ၂၀၀၀၀၀ (နှစ်သိန်း) နဲ့ နှစ်သိန်းခွဲကြားသာရှိတယ်လို့ သိရပါတယ်။ ဒါပေမယ့် လက်ရှိမှာတော့ အံစာတုံးနဲ့ဆိုရင် ခရီးသည်တစ်ဦး ကျပ် ၂၅၀၀၀၀ (နှစ်သိန်းခွဲ )AD Van နဲ့ဆိုရင် ခရီးသည်တစ်ဦး ကျပ် ၆၀၀၀၀၀ (ခြောက်သိန်း)အထိစျေးမြင့်တက်သွားကြောင်းသိရပါတယ်။ ခုလို အံစာတုံးကားနဲ့ AD Van ကားခ တစ်ဆကျော်ကွာဟနေတာနဲ့ပတ်သက်ပြီး ကားသမားတစ်ဦးက အခုလိုပြောပါတယ်။ “အံစာတုံးကေတာ့ လူလည်းများတယ် ပြီးတော့ AD Van လောက်မမြန်ဘူးစီးရတဲ့အရသာလည်းကွာတယ် မန္တလေးရောက်ရင်လည်းအိမ်အရောက်မပို့ပေးဘူး။ AD Van ကတော့ လူလေးလေးယောက်ပဲစီးလို့ရမယ် မြန်လည်းမြန်တယ် နောက်ပြီးမန္တလေးရောက်ရင်လည်း အိမ်အရောက်လိုက်ပို့ပါတယ် တခြားကားတွေက ဂိတ်မှာချပေးပြီးအဲ့ကနေတဆင့်အိမ်အထိ Taxi ငှား အိုးဝေပဲငှားလည်း ငါးသောင်း ခြောက်သောင်းကပေးရတယ်လေး”လို့ သူကပြောပါတယ်။ ဒါ့အပြင် လက်ရှိ မြစ်ကြီးနား မန္တလေးကြားထဲက စစ်ကိုင်းတိုင်း ကန့်ဘလူ၊ကောလင်းစတဲ့နယ်တွေမှာ စစ်ကောင်စီတပ်နဲ့ ကာကွယ်ရေးတပ်တွေကြားတိုက်ပွဲတွေကြောင့် တစ်ခါတစ်လေ သုံးညအထိညအိပ်ခရီးသွားနေရကြောင်းသိရပါတယ်။ “လက်ရှိလမ်းကြောခြေနေက အာမခံလို့မရဘူးနော် လမ်းကြောကောင်းရင် တစ်ညအိပ်နဲ့ပဲရောက်ပါတယ် လမ်းကြောမကောင်းရင်တော့ သုံးညလောက်လမ်းမှာအိပ်ရတယ် ဒါကတော့ပုံမှန်ခြေနေပါအခုတလောမှမဟုတ်ဘူး ပုံမှန်ပဲ”လို့ မန္တလေး ကားဂိတ်တာဝန်ရှိအမျိုးသမီးတစ်ဦး KNG ကိုပြောပါတယ်။ အခုလို စက်သုံးဆီဈေးမြင့်တက်လာတဲ့နောက် ခရီးသည်တွေရဲ့ကားခအပြင် နောက်ထပ်တန်ဆာခတွေလည်း တစ်ဆမြင့်တက်သွားကြောင်း မြစ်ကြီးနားမြိုခံမှ ကုန်စုံဆိုင်ပိုင်ရှင်တစ်ဦးက KNG ကိုပြောပါတယ်။ “တန်ဆာခတက်တယ်ကြာပြီဈေးတွေစတက်ကတည်းကပဲ အရင် ငါးသောင်းပဲကျတဲ့ ဂျက်ဖာတစ်ခုကအခုကတစ်သိန်းပေးရတယ် အလေးချိန်လည်းအတူတူပဲ ဂျက်ဖာကလည်းအတူတူပဲ တန်ဆာခကတော့မတရားကိုတက်တယ်”လို့ သူကပြောပါတယ်။…

Read More »

မြစ်ကြီးနား လေကြောင်းလိုင်းလေယာဉ်လက်မှတ်ရောင်းချခြင်းမရှိသေး

ကချင်ပြည်နယ် မြစ်ကြီးနားမြို့လေကြောင်းလိုင်းတွေ ပြန်လည်ပြေးဆွဲမယ်လို့ ထုတ်ပြန်ထားသော်လည်း လေယာဉ်လက်မှတ်တွေရောင်းချခြင်းမရှိသေးဘူးလို့ လေယာဉ်လက်မှတ်အရောင်းဌာနနဲ့လေကြောင်းလိုင်းမှာတာဝန်ထမ်းဆောင်နေသူဆီကနေ သိရပါတယ်။ လေကြောင်းလိုင်းပြန်လည်ပြေးဆွဲမယ့်ကိစ္စနဲ့ပတ်သက်ပြီး မတ်လ ၂၄ ရက် မနေ့က နေပြည်တော်မှာကျင်းပတဲ့ စက်သုံးဆီများ ဖူလုံစွာရရှိရေး နှင့် သုံးစွဲမှုများစနစ်တကျဖြစ်စေရေး အစည်းအဝေးမှာ အာဏာသိမ်းစစ်ခေါင်းဆောင် ပြောဆိုသွားပြီးတဲ့နောက် ညပိုင်းမှာတော့ စစ်တပ်ပိုင်ရုပ်သံကပါ ထပ်မံကြေညာထားပါတယ်။ ဒါကြောင့် လေကြောင်းလိုင်းမှာ အလုပ်လုပ်ကိုင်နေသူတွေကို မေးမြန်းကြည့်ရာမှာတော့ လေယာဉ်လက်မှတ်တွေတရားဝင်ရောင်းချခြင်းမရှိသေးသလို လေကြောင်းလိုင်းပြေးဆွဲမယ့် အချိန်ဇယားလည်း သေချာ မသိရှိရသေးဘူးလို့ သိရပါတယ်။ ဒါပေမယ့်လည်း ဒီကိစ္စနဲ့ ပက်သက်ပြီး သေချာ ရှင်းရှင်းလင်းလင်း သိရှိနိုင်ဖို့အတွက် မြန်မာအမျိုးသားလေကြောင်းလိုင်း– Myanmar National Airlines (MNA) ကို ဖုန်းဖြင့် ဆက်သွယ် မေးမြန်းကြည့်တဲ့အခါမှာတော့ ခုလို ပြောပါတယ်။ “လေကြောင်းလိုင်း ဆွဲဖြစ်မယ် မဆွဲဖြစ်ဘူးဆိုတာ ပြန်ပြောပေးပါ့မယ် မနက်ပြန်ဆက်ခဲ့ပေးပါ။ ဘယ်ရက်မှာရှိနိုင်မယ် မရှိနိုင်ဘူးဆိုတာကို ခုက (schedule) လုပ်ငန်းစဉ်ဇယား သေချာလေးမဖြစ်သေးလို့ပါ”လို့ ဆိုပါတယ်။ မြစ်ကြီးနားမြို့မှာ (ဖေဖော်ဝါရီ ၂၀ရက် ) ည ၈ခွဲအချိန်   မြန်မာအမျိုးသားလေကြောင်းလိုင်း(MNA)မှ ATR-72-600 အမျိုးအစား ခရီးသည်တင်လေယာဉ်တစ်စင်း မြစ်ကြီးနားလေဆိပ်ကနေ မန္တလေးမြို့သို့ ထွက်ခွာဖို့အတွက် ပြင်ဆင်နေချိန် ဒရုန်းနဲ့ ပစ်ခတ်ခံရပြီးနောက်  ဖေဖော်ဝါရီ ၂၁ရက်နေ့ကစပြီး လေကြောင်းလှိုင်း အားလုံးကို ပိတ်ပင်လိုက်တာ ဖြစ်ပါတယ်။ အဲဒီနောက် ပြီးခဲ့တဲ့ မတ်လ ၆ရက်နေ့တုန်းက လေကြောင်း ပြန်လည် ဖွင့်လှစ်မယ့် အခြေအနေနဲ့ ပက်သက်ပြီး လေကြောင်းလိုင်းက ဝန်ထမ်းတွေကို မေးမြန်းကြည့်ရာ ၅လပိုင်းလောက်မှ ပြန်လည် ဖွင့်လှစ်မှာ ဖြစ်တယ်လို့  ဖြေကြားခဲ့တာလည်း ဖြစ်ပါတယ်။ မတ်လ ၂၄ ရက်နေ့ စစ်တပ်ရဲ့ရုပ်သံကြေညာချက်အရ ပထမဦးစားပေးအနေနဲ့ မြစ်ကြီးနား၊ ပူတာအို၊ ခန္တီး၊ ကလေး၊ စစ်တွေ၊ ဟုမ္မလင်း၊ တာချီလိတ်၊ ၊ ကျောက်ဖြူ၊ မာန်အောင်၊ မြိတ်၊ ကော့သောင်း စတဲ့မြို့နယ်တွေမှာ မတ်လ ၂၅ ရက်နေ့ကစပြီး ပုံမှန်အတိုင်းပြန်လည်ပြေးဆွဲမယ်လို့ကြေညာထားပါတယ်။ မြစ်ကြီးနား၊ ပူတာအိုလေဆိပ်ကို ပြီးခဲ့တဲ့ ဖေဖော်ဝါရီလ ၂၀ ရက်နေ့ ည ၈ နာရီဝန်းကျင်အချိန် တိုက်ခိုက်ခံရလို့ မြစ်ကြီးနားကနေ ထွက်ခွာမယ့် MNA လေယာဉ်တစ်စီး အမြီးပိုင်းမှာ ဗုံးထိမှန်ခဲ့ကြောင်းစစ်တပ်ကပြောဆိုလာပြီးနောက် ဖေဖော်ဝါရီလ ၂၁ ရက်နေ့ကစပြီး လေကြောင်းလိုင်းအားလုံးရပ်နားထားတာလည်းဖြစ်ပါတယ်။ By – Hope

Read More »

မြစ်ကြီးနားမြို့မှာ သံတိုသံစရောင်းဝယ်ရေးဆိုင်မီးလောင်

“မီးလောင်တဲ့အိမ်မှာ လူမရှိဘူး သော့ခတ်ထားတယ် အိမ်ရှင်တွေက ခရီးထွက်သွားတာတဲ့ အိမ်စောင့်တွေက အလှူသွားနေတဲ့အချိန် လောင်တာ”လို့  မျက်မြင်တွေ့သူတစ်ဦးက ဆိုပါတယ်။

Read More »

ပူတာအို-မြစ်ကြီးနားကားခ ကျပ်သုံးသိန်းအထိမြင့်တက်

ကချင်ပြည်နယ်အတွင်း လေကြောင်းလိုင်းအားလုံးရပ်နားသွားတဲ့နောက် ပူတာအို– မြစ်ကြီးနားကားခ ကျပ်သုံးသိန်းအထိမြင့်တက်သွားကြောင်း ကားသမား‌တွေဆီကနေ သိရပါတယ်။ ပြီးခဲ့တဲ့ ဖေဖော်ဝါရီ ၂၁ ရက်နေ့ကစပြီး မြစ်ကြီးနား လေကြောင်းလိုင်းအားလုံးရပ်နားလိုက်ပြီးနောက် မြစ်ကြီးနား–ပူတာအိုကြား ခရီးသည်တစ်ဦးကို ကားခကျပ်သုံးသိန်းအထိမြင့်တက်သွားကြောင်း ကားသမားတစ်ဦးက KNG ကိုပြောပါတယ်။ “ကားခက…

Read More »

မြစ်ကြီးနားမှာ ပိုင်ရှင်မဲ့ရုပ်အလောင်းတစ်ခုတွေ့

ကချင်ပြည်နယ် မြစ်ကြီးနားမြို့၊ ရမ်ပူရပ်ကွက်မှာ အာဟာရပြတ်ပြီးသေဆုံးနေတဲ့ ပိုင်ရှင်မဲ့ရုပ်အလောင်းတစ်ခုကိုတွေ့ရှိခဲ့ရတယ်လို့ မျက်မြင်တွေ့ရှိသူတွေဆီကနေ သိရပါတယ်။ သေဆုံးသူရဲ့ ရုပ်အလောင်းကို မတ်လ ၂၂ ရက် မနေ့ည မနက် ၈နာရီ ၄၅မိနစ်အချိန် ရမ်ပူရပ်ကွက် နယ်မြေ ၂၁ က…

Read More »

ဆေးထိုးအပ်တွေကို စည်းကမ်းမဲ့စွန့်ပစ်မှုကြောင့် ရမ်ပူရပ်ကွက်နေ ပြည်သူတွေအခက်တွေ့နေ

ကချင်ပြည်နယ် မြစ်ကြီးနားမြို့ ရမ်ပူရပ်ကွက်မှာဆေးထိုးအပ်တွေ စည်းကမ်းမဲ့စွန့်ပစ်ထားကြတဲ့အတွက် ရပ်ကွက်နေပြည်သူတွေ အဆင်မပြေမှုတွေကြုံတွေ့နေရတယ်လို့ သိရပါတယ်။ အဓိကအားဖြင့်တော့ မူးယစ်ဆေးဝါးသုံးစွဲတဲ့သူတွေဟာ လူသွားလူလာနေရာတွေ၊ ကလေးတွေ ဆော့ကစားတဲ့ ကွင်းပြင်လို နေရာမျိုးတွေမှာ မူးယစ်ဆေးဝါးတွေသုံးစွဲနေကြပြီး သုံးပြီးသား ဆေးထိုးအပ်တွေကိုတော့ အဲဒီနေရာတွေမှာဘဲ စွန့်ပစ်ထားကြတယ်လို့ ဆိုပါတယ်။ “အပ်တွေဆို…

Read More »

မြစ်ကြီးနားမှာ အိမ်မွေးခွေးတွေ မကြာခဏပျောက်ဆုံးနေ

မြစ်ကြီးနားမြို့မှာ အိမ်မှာမွေးထားတဲ့ခွေးတွေ မကြာခနပျောက်ဆုံးနေတယ်လို့ ရပ်ကွက်နေပြည်သူတွေဆီကနေ သိရပါတယ်။ ပြီးခဲ့တဲ့ ဖေဖော်ရီလမှာ လယ်ကုန်းရပ်ကွက် နယ်မြေ ( ၃ ) မှာရှိတဲ့ ခွေးတွေဆက်တိုက်ပျောက်ဆုံးနေပြီး ခွေးပျောက်တဲ့အိမ် ၅အိမ်ထိရှိလာပြီလို့သိရပါတယ်။ “ကျွန်မတို့အိမ်က နိုက်နော(ခွေး)လည်း ပျောက်သွားပြီ ဘယ်သူဘာလုပ်လိုက်လဲမသိဘူး။ နိုက်နောရှိမှ အရမ်းဟောင်တာ သူသား(ခွေး)က ကြောက်ပြီး ဘာမှသိပ်မဟောာင်ဘူး ခန္ဓာကိုယ်ဘဲ ကြီးတာ”လို့ ခွေးပိုင်ရှင် အမျိုးသမီးတစ်ဦး ခုလိုပြောပါတယ်။ အလားတူ လယ်ကုန်းရပ်ကွက်မှာသာမက တပ်ကုန်း၊ အင်ဂျန်ဒုံရပ်ကွက်၊ စီတာပူ၊ ကြက်ပေါင်ခြံရပ်ကွက်တွေမှာလည်း အိမ်မွေးခွေးတွေ ဆက်တိုက်ပျောက်တာတွေဖြစ်နေတယ်လို့ ခွေးပိုင်ရှင်တွေပြောပါတယ်။ လက်ရှိချိန်ထိတော့ ပျောက်နေတဲ့ခွေးတွေဟာ သာမန် ရိုးရိုးအိမ်မွေးခွေးတွေသာမက မျိုးရိုးကောင်းတဲ့ ခွေးတွေလည်းပျောက်ဆုံးနေတာ ဖြစ်တယ်လို့ ဆိုပါတယ်။ ခွေးပိုင်ရှင်တွေဟာ မိမိအိမ်မှာမွေးထားတဲ့ခွေးတွေက တခြားခွေးတွေနဲ့အတူ ရွာလည်ဆော့ကစားနေတယ်လို့ ထင်ခဲ့ပေမယ့် အချိန်အတန်ကြာ အိမ်ပြန်မရောက်လာတဲ့အတွက် လိုက်ရှာကြည့်မှသာ  လုံးဝအစအနမတွေ့ဘဲ ပျောက်ဆုံးနေတာကို သိခဲ့ရတယ်လို့ ပြောပါတယ်။ ခုလိုအိမ်မွေးခွေးတွေဆက်တိုက်ပျောက်လာတဲ့ ကိစ္စနဲ့ပတ်သက်ပြီး သက်ဆိုင်ရာတာဝန်ရှိလူကြီးတွေကိုတိုင်ကြားချင်သော်လည်း အရေးယူပေးမှာမဟုတ်တဲ့အတွက် ခက်ခဲတွေ့နေတယ်လို့ နောက်ထပ်ခွေးပိုင်ရှင်အမျိုးသမီးတစ်ဦး ပြောပါတယ်။ “လူအသတ်ခံရတဲ့ ကိစ္စတွေတောင် မကိုင်တွယ်နိုင်မှတော့ ခွေးကိစ္စက ဘယ်သူမှ ကိုင်တွယ်ပေးနိုင်မှာ မဟုတ်ဘူးဆိုပြီး ခွေးပိုင်ရှင်တွေကဘဲ ခံစားနေရတာပေါ့”လို့ပြောပါတယ်။ လယ်ကုန်းရပ်ကွက်မှာ ပြီးခဲ့တဲ့ ဖေဖော်ဝါရီလထဲမှာဘဲ လုယက်ခံရတာတွေ ၊ ဆိုင်ကယ်ခိုးတာတွေ ၊ မီးကြိုးအခိုးခံရတာတွေကို ကြုံတွေ့ခဲ့ရ မြစ်ကြီးနားမြို့မှာ ခုနောက်ပိုင်း ခိုးမှုတွေများလာတဲ့အတွက် ပြည်သူတွေဟာ အိမ်တိုင်းလိုလိုမှာ ခွေးတွေမွေးထားကြတာဖြစ်ပါတယ်။ ခွေးပျောက်ဆုံးတာနဲ့ ပက်သက်ပြီး  လူမူကွန်ယက်စာမျက်နှာတစ်ချို့မှာတော့ မသမာသူတွေက သတ်စားတာဖြစ်သလို၊ ဖမ်းပြီးပြန်ရောင်းတာတွေဖြစ်နိုင်တယ်လို့ သုံးသပ်နေကြပါတယ် မြစ်ကြီးနားမြို့မှာ လက်ရှိ ခိုးဆိုးလုယက်မှုတွေနေ့စဉ်ဖြစ်ပေါ်နေတဲ့အတွက် အိမ်မွေးခွေးတွေကလည်း အရေးပါလာပေမယ့် ခုလိုရုတ်တရက်ပျောက်ဆုံးတာတွေ ခပ်စိပ်စိပ်ဖြစ်ပေါ်လာတဲ့တွက် ခွေးမွေးထားတဲ့ ခွေးပိုင်ရှင်တွေစိုးရိမ်နေကြပါတယ်။ “အိမ်ဖောက်ထွင်းခံရတဲ့ နေအိမ်တွေကများသောအားဖြင့် ခွေးမရှိတဲ့အိမ်တွေ ဖြစ်နေတယ်။ ခွေးရှိတဲ့အိမ်တွေက သူစိမ်းလာရင် ဟောင်တယ်လေတော်ယုံတန်ယုံ သူခိုးတွေလည်း မလာရဲကြဘူး အဲဒါကြောင့်ဖမ်းများ ဖမ်းပေးလိုက်ကြလား”လို့ နောက်ထပ် မြစ်ကြီးနားမြို့မှာနေထိုင်တဲ့အမျိုးသမီးတစ်ဦးပြောပါတယ်။ ဒါကြောင့် ခွေးပိုင်ရှင်တွေကနေပြီးတော့ ခွေးပျောက်ဆုံးနေတာနဲ့ ပက်သက်ပြီး တာဝန်ရှိသူတွေ ကူညီဖော်ထုတ်ပေးဖို့ လိုလားနေတာဘဲ ဖြစ်ပါတယ်။ By – Hope

Read More »

မြစ်ကြီးနားမြို့မှာ တစ်ရက်ကို နာရီဝက်ခန့်သာ မီးရရှိတယ်လို့ဆို

ကချင်ပြည်နယ် မြစ်ကြီးနားမြို့မှာ တစ်ရက်ကို နာရီဝက်ခန့်သာ လျှပ်စစ်မီးရ‌နေတဲ့အတွက် အဖက်ဖက်အဆင်မပြေဖြစ်နေတယ်လို့ မြစ်ကြီးနားမြို့မှာနေထိုင်တဲ့ ပြည်သူတွေက ပြောပါတယ်။ ဘူးဂါးလျှပ်စစ်ရုံးကနေ ရပ်ကွက်အလိုက်မီး‌ပေးမယ့်စာရင်းထုတ်ပြန်ထားပေမယ့် အချိန်ဇယားအတိုင်း မီးပေးခြင်းမရှိပဲ တစ်ရက်လုံးမှ နာရီဝက်ခန့်သာ ရရှိနေတာ နှစ်ပတ်ခန့်ရှိလာပြီလို့ သိရပါတယ်။ ခုလို လျှပ်စစ်မီးပေးတဲ့အချိန်…

Read More »

မြစ်ကြီးနားလေဆိပ်ရပ်နားလိုက်တဲ့‌နောက် ကားလမ်းပိုင်းခရီးသွားပိုများလာ

ကချင်ပြည်နယ် မြစ်ကြီးနားမြို့ရဲ့ လေဆိပ်ခရီးစဥ်အားလုံး ရပ်ဆိုင်းထားတဲ့နောက် မြစ်ကြီးနား–မန္တလေး ကားလမ်းခရီးအသုံးပြုခရီးသွားလာသူတွေများလာတယ်လို့ ကားသမားတွေ နဲ့ ခရီးသွားတွေဆီကသိရပါတယ်။ မြစ်ကြီးနား–မန္တလေး ကားလမ်းပိုင်းအတွင်း နှစ်ဖက်တပ်တွေရဲ့မကြာခဏဖြစ်ပွားနေတဲ့တိုက်ပွဲတွေကြောင့် လုံခြုံမှုတွေမရှိပေမဲ့ လည်း ခရီးသွားတွေအဖို့ မလုံခြုံတဲ့ဒီကားလမ်းပိုင်းကိုသာအသုံးပြုလာကြတာလို့ ကားသမားတွေကပြောပါတယ်။ ကားသမားတစ်ဦးက“အခုကသွားကြတဲ့ခရီးသည်နည်းနည်းများလာတယ်။လေယာဥ်ပိတ်ထားတယ်ဆိုတော့လေ။ အရင်လိုကြီးတော့အဆင်မပြေဘူး။ ဒီအချိန်ဒီကာလမှာ…

Read More »

အာမခံကြေး သိန်း ၅၀၀ ကြောင့်လူမှုကူညီရေးအသင်းတွေ လိုင်စင်သက်တမ်းတိုးဖို့ ခက်ခဲနေ

နိုင်ငံတဝန်းရှိ လူမူကူညီရေး အသင်းအားလုံး လိုင်စင်သက်တမ်းတိုးဖို့ အာမခံကြေး မတည်ငွေ သိန်း ၅၀၀ ရှိရမည်ဆိုတဲ့အတွက် ကချင်ပြည်နယ်ထဲက လူမူကူညီရေးအသင်းတစ်ချို့ သက်တမ်းတိုးဖို့အခက်ကြုံနေတယ်လို့ လူမူကယ်ဆယ်ရေးအသင်းဝင်သူတွေဆီကနေ သိရပါတယ်။ “သက်တမ်းတိုးဖို့ ငါးရာမရှိဘူး မရှိတော့ ဒီတိုင်းဘဲ ထားထားလိုက်တယ် အဲတာဘဲ”လို့ မြစ်ကြီးနားမြို့ထဲက လူမူကူညီရေးအသင်းဝင်တစ်ဦးပြောပါတယ်”လို့ လူမူကူညီရေးအသင်းဝင်တစ်ဦးပြောပါတယ်။ အသင်းအဖွဲ့ မှတ်ပုံတင်ခြင်းဆိုင်ရာ ဥပဒေပါ ပုဒ်မ ၃၃ အရ မှတ်ပုံတင်လက်မှတ်မရှိဘဲ အသင်းအဖွဲ့ ဖွဲ့စည်းပြီး လုပ်ငန်းဆောင်ရွက်ပါက ထောင် ( ၃) နှစ်အထိချမှတ်နိုင်သလို ငွေဒဏ်အဖြစ် ကျပ် ၁၀ သိန်းထက်မပိုတဲ့ ငွေဒဏ်ကို ချမှတ်နိုင်တယ်လို့ သိရပါတယ်။ ဒါအပြင် အသင်းအဖွဲ့ ဥပဒေ ပုဒ်မ ၃၄ နဲ့ ပုဒ်မ ၃၅ ပါ ပြဋ္ဌာန်းချက်အရ မှတ်ပုံတင်လက်မှတ် သက်တမ်းကျော်လွန်ခြင်း ၊မှတ်ပုံတင်လက်မှတ် ပယ်ဖျက်ပြီးနောက် အသင်းအဖွဲ့ကို ဆက်လက်ရပ်တည်ခြင်း မပြုရဆိုတဲ့ အချက်အပြင် မှတ်ပုံတင်လက်မှတ်မရှိတဲ့ အသင်းအဖွဲ့မှာ အသင်းဝင်အဖြစ် ပါဝင်ခြင်း ၊ ဆောင်ရွက်ခြင်း ၊အားပေးကူညီခြင်း ဒါမှမဟုတ် အယောင်ဆောင်ခြင်း မပြုရဆိုတဲ့ အချက်တွေကိုလည်း ပြဋ္ဌာန်းထားပါတယ်။ အဆိုပါ ပုဒ်မ နှစ်ခုပါ ပြဋ္ဌာန်းချက်တွေကို ဖောက်ဖျက်ကျူးလွန်ပါကလည်း ငါးသိန်းထက်မပိုတဲ့ ငွေဒဏ်ချမှတ်နိုင်သလို ထောင်ဒဏ် နှစ်နှစ်အထိလည်း ချမှတ်ရနိုင်တယ်လို့သိရပါတယ်။ ဒါပေမယ့် လက်ရှိအခြေအနေအရ  လူမှုကူညီမှုအသင်း လိုင်စင်သက်တမ်းတိုးမယ်ဆိုပါက ပြည်နယ်နဲ့တိုင်းအဆင့်ဆိုရင် ကျပ်သိန်း ၅၀၀၊ ပြည်ထောင်စုအဆင့် ကျပ်သိန်း ၁,၀၀၀၊ နိုင်ငံတကာ အဆင့် INGOဆိုရင် ကျပ်သိန်း ၃,၀၀၀ ဘဏ်ထဲမှာ အမြဲထားရှိထားရမှာဖြစ်ပြီး ထုတ်ယူသုံးစွဲခွင့် မရှိဘူးလို့လည်း သိရပါတယ်။ တစ်ဖက်မှာလည်း လိုင်စင်သက်တမ်းလည်း မတိုးနိုင်တော့တဲ့ လူမှုကူညီရေး အသင်းတွေအတွက်ကတော့  မြစ်ကြီးနားမြို့နယ်ကလွဲပြီး တခြားမြို့နယ်ဘက် သွားလာလို့ ရတော့မှာ မဟုတ်ဘူးလို့လည်း သိရပါတယ်။ “ဥပမာ ကျွန်တော်တို့အသင်းက မှတ်ပုံမတင်ထားဘူးဆိုရင် စစ်ကိုင်းသွားတာမျိုးတို့ မန္တလေးသွားတာမျိုးတို့ အဆင်မပြေဘူးကွာ အချိန်မရွေးဖမ်းလို့ရတယ်”လို့ ဆိုပါတယ်။ လူမှုကူညီရေးအသင်းတွေဟာ စီးပွားရှာတဲ့ အဖွဲ့အစည်းမဟုတ်တဲ့အပြင် အကျိုးအမြတ်မယူဘဲ အခက်အခဲ ဒုက္ခရောက်နေတဲ့သူတွေကိုလည်း အခမဲ့သာ ကူညီပေးနေတဲ့ အဖွဲ့အစည်းတွေဘဲ ဖြစ်ပါတယ်။ ဒါအပြင် ပြည်သူလူထုက လှူပေးတဲ့ အလှူငွေတွေနဲ့ဘဲ အသက်ဆက်နေကြတာ ဖြစ်တဲ့အတွက် ခုလို သိန်းရာနဲ့ချီပေးဆောင်ဖို့အတွက် အရမ်းကို ခက်ခဲနေကြတာလည်း ဖြစ်ပါတယ်။ ဒီကိစ္စနဲ့ပက်သတ်ပြီး ကချင်နိုင်ငံရေးလေ့လာသူတစ်ဦးက “တမင်သက်သက်အကြပ်ရိုက်အောင်လုပ်နေတာ အမှန်ဆိုရင် ပရဟိ၊ဒီလူမူကယ်ဆယ်ရေးအသင်းတွေက စီးပွားရေးအသင်းအဖွဲ့တွေမဟုတ်ဘူးလေ။ ဒါကိုသူတို့နားမလည်တာမဟုတ်ဘူး သိပြီးသားပဲ။ဒါပေမယ့် ခုလိုဘာလို့ကန့်သတ်မှုတွေပိုများလာသလဲဆိုရင်အဓိကတော့ ရှင်းရှင်းလေးပဲ တော်လှန်ရေးဘက်ကို ကူညီတာတွေလုပ်မှာစိုးလို့ဟုတ်တယ်” လို့ပြောပါတယ် အာဏသိမ်းစစ်တပ်ဟာ ပြီးခဲ့တဲ့ ၂၀၂၂ခုနှစ်၊ အောက်တိုဘာလ ၂၈ ရက်နေ့မှာ ဥပဒေအသစ်တစ်ခု လက်မှတ်ရေးထိုး ပြဋ္ဌာန်းခဲ့ပါတယ်။ စစ်ကောင်စီပြဌာန်းလိုက်တဲ့ အဲဒီဥပဒေဟာ “၂၀၁၄ခုနှစ် အသင်းအဖွဲ့မှတ်ပုံတင်ခြင်းဆိုင်ရာ ဥပဒေ” ယခင်ဥပဒေကို ဖျက်သိမ်းကာ ဥပဒေသစ်အဖြစ်အစားထိုးလိုက်ခြင်းပါတယ်။ ၂၀၁၄ခုနှစ် အသင်းအဖွဲ့မှတ်ပုံတင်ခြင်းဆိုင်ရာ ဥပဒေမှာ  “အသင်းအဖွဲ့အနေဖြင့် မိမိတို့ သဘောဆန္ဒအလျှောက် မှတ်ပုံတင်လိုပါက တင်နိုင်ပြီး မှတ်ပုံတင်ထားခြင်းမရှိသော်လည်း နိုင်ငံရေးနှင့် လူမှုရေး လှုပ်ရှားမှုများကို လုပ်ဆောင်နိုင်တယ်”ဆိုပြီး အတိအလင်းဖော်ပြထားပါတယ်။ ဒါပေမယ့် စစ်ကောင်စီအဲဒီဥပဒေကိုဖျက်သိမ်းပြီး အသစ်ပြဋ္ဌာန်းလိုက်တဲ့ ဥပဒေမှာတော့ နိုင်ငံ‌ရေးဆိုင်ရာလှုပ်ရှားမှုများတွက် သီးခြားတည်ဆဲဥပဒေအနေဖြင့် လိုက်နာဆောင်ရွက်ရမည်ဖြစ်ပြီး လူမှုရေးအသင်းအဖွဲ့အနေဖြင့်လည်း နိုင်ငံရေး၊ ဘာသာရေးများနှင့် ဆက်စပ်ပတ်သက်မှု မရှိ‌စေရန် ပြဋ္ဌာန်းထားလိုက်ခြင်းဖြစ်ပါတယ။် ဒီဥပဒေသမှာ လူ (၅)ဦး၊ (၅)ဦးထက်ကျော်လွန်ပြီး လူမှုရေးအဖွဲ့အစည်း၊ အရပ်ဘက်အဖွဲ့အစည်းတစ်ခုခု ဖွဲ့စည်းမည်ဆိုပါက မဖြစ်မနေ မှတ်ပုံတင်ရမှာဖြစ်ပြီး သတ်မှတ်ထားကာ မှတ်ပုံတင်ခြင်းမရှိပါက ဒဏ်ငွေ ကျပ် (၁၀)သိန်းဖြစ်စေ၊ ထောင်ဒဏ်(၃)နှစ်ဖြစ်စေ ချမှတ်နိုင်တယ်လို့ ပြဌာန်းထားပါတယ်။ ဒါ့အပြင် မှတ်ပုံတင်သက်တမ်းကျော်လွန်ပါက ငွေဒဏ် ကျပ်(၅)သိန်းဖြစ်စေ၊ ထောင်ဒဏ် (၂)နှစ်ဖြစ်စေ ချမှတ်နိုင်ကြောင်းလည်း ပါရှိသလို အကြမ်းဖက်အဖွဲ့အစည်း၊ မတရားအသင်းနှင့် လက်နက်ကိုင်ဆန့်ကျင်နေသောအသင်းများနှင့် တိုက်ရိုက်ဖြစ်စေ၊ သွယ်ဝိုက်၍ဖြစ်စေ ဆက်သွယ်ခြင်း မပြုလုပ်ရန်၊ အချုပ်အခြာအာဏာ တည်တံ့ခိုင်မြဲရေး၊ တရားဥပဒေစိုးမိုးရေး၊ လုံခြုံရေးနှင့် တိုင်းရင်းသားစည်းလုံးညီညွတ်ရေး စသည်တို့ကို ထိခိုက်စေနိုင်သော လှုပ်ရှားမှုတွေမှာ တိုက်ရိုက်ဖြစ်စေ၊ သွယ်ဝိုက်ဖြစ်စေ ပါဝင်လှုပ်ရှားခြင်းတို့ကို ထောင်ဒဏ် (၅)နှစ်ဖြစ်စေ၊ ငွေဒဏ် ကျပ်သိန်း(၅၀)ဖြစ်စေ သို့မဟုတ် ဒဏ်(၂)ရပ်လုံးအပြင် ပိုင်ဆိုင်မှုများကို ပြည်သူပိုင်အဖြစ် သိမ်းယူအရေးယူနိုင်တယ်လို့ဆိုထားပါတယ်။ စစ်ကေင်စီဟာ“၂၀၁၄ခုနှစ် အသင်းအဖွဲ့များမှတ်ပုံတင်ခြင်းဆိုင်ရာ ဥပဒေ” ကိုအစားထိုးလိုက်တာဖြစ်ပေမယ့် ချုပ်ချယ်ကန့်သတ်မှု ပိုမိုထည့်သွင်းလာပြီး ထောင်ဒဏ်၊ ငွေဒဏ်များကို ချမှတ်နိုင်တဲ့အတွက် အသင်းအဖွဲ့များအနေဖြင့် လွတ်လပ်စွာရပ်တည်ရေး၊ လှုပ်ရှားဆောင်ရွက်မှုတွေမှာ အကန့်အသတ်ပိုမိုများပြားလာတာလည်းဖြစ်ပါတယ်။ By –…

Read More »