ရမ်ပူရပ်ကွက်
-
Jun- 2024 -3 Juneသတင်း
ရမ်ပူရပ်ကွက်မှာ ရွှေဆိုင်တစ်ဆိုင် ဓားပြတိုက်ခံရ
ကချင်ပြည်နယ် မြစ်ကြီးနားမြို့ ရမ်ပူရပ်ကွက်မှာ ဒီကနေ့ မနက်ပိုင်း ၁၀ နာရီလောက်က ရွှေဆိုင်တစ်ဆိုင် ဓားပြတိုက်ခိုက်ခံခဲ့ရတယ်လို့ ဒေသခံတွေဆီကသိရပါတယ်။ ရမ်ပူရပ်ကွက် လမ်းသွယ်၂၁၊ ၂၃ မှာရှိတဲ့ ရွှေမင်းသမီးအမည်ရှိတဲ့ ရွှေဆိုင်ကို သေနတ်ကိုင်ထားတဲ့ လူငယ် ၃ ဦးက…
Read More » -
May- 2024 -30 Mayဆောင်းပါး
တရားဝင်ရောင်းဝယ်သုံးစွဲခွင့်ရနေတဲ့ ရမ်ပူရပ်ကွက် မူးယစ်ဈေးတန်း
ရမ်ပူရပ်ကွက်ဟာ မြစ်ကြီးနားမြို့စျေးကြီးနဲ့ ၁၅ မိနစ်ခန့်သာဝေးတဲ့ မြို့ပေါ်ရပ်ကွက်လို့ပြောလို့ရတဲ့ ရပ်ကွက်တစ်ခုဖြစ်ပေမယ့် မူးယစ်ဆေးဝါးရောင်းဝယ်တဲ့နေရာတွေထဲမှာ အဆိုးဆုံးနေရာဖြစ်ပြီး ရဲတပ်ဖွဲ့ဝင်တွေကလည်းမူးယစ်ဆေးဝါးရောင်းဝယ်နေသူတွေကိ သိသိရက်နဲ့ ဥပက္ခာပြုနေတဲ့ ရပ်ကွက်ဖြစ်ပါတယ်။
Read More » -
8 Mayသတင်း
ရမ်ပူရပ်ကွက်မှာ မူးယစ်ဆေးဝါးရောင်းဝယ်သုံးစွဲသူများ အကြမ်းဖက်တာတွေပါပြုလုပ်လာ
ကချင်ပြည်နယ် မြစ်ကြီးနားမြို့ ရမ်ပူရပ်ကွက်မှာ မူးယစ်ဆေးဝါး ရောင်းဝယ်သုံးစွဲသူတွေဟာ အကြမ်းဖက်မှုတွေကိုပါပြုလုပ်လာတယ်လို့ ရမ်ပူရပ်ကွက်နေပြည်သူတွေဆီကနေ သိရပါတယ်။ မူးယစ်ဆေးဝါး ရောင်းဝယ်သုံးစွဲသူတွေက မူးယစ်ဆေးဝါးကိုရပ်ကွက်အတွင်း လမ်းမ၊လမ်းကြားပါမကျန် ပေါ်ပေါ်တင်တင် ရောင်းဝယ်သုံးစွဲနေတာဘဲ ဖြစ်ပါတယ်။ ပြီးခဲ့တဲ့ ဖေဖော်ဝါရီလမှာ မူးယစ်ဆေးဝါး နှိမ်နှင်းရေးမှာ တက်တက်ကြွကြွ ပါဝင်နေတဲ့ ဦးပေါက်စခေါ် ရပ်ကွက်လူကြီးတစ်ဦးကို မျက်စိတစ်ဖက်ကွယ်သွားတဲ့အထိ မူးယစ်ဆေးသမားတွေက အကြမ်းဖက်ရိုက်နှက်ခဲ့တယ်လို့ ရမ်ဘူရပ်ကွက်နေ ပြည်သူအမျိုးသားတစ်ဦးက ခုလိုပြောပါတယ်။ “ဦးပေါက်စက မူးယစ်ဆေးဝါးရောင်းတဲ့ သူတွေကို မောင်းထုတ်တဲ့ ထဲမှာ တက်တက်ကြွကြွပါဝင်တော့ မကျေနပ်တော့ ဖိုးသမား ၄ယောက်က ကျောက်ခဲတွေနဲ့ ထုနှက်ရိုက်သွားတာ မျက်စိတောင်ကွယ်သွားတယ် ကုလို့တောင်မရတော့ ဘူ”လို့ဆိုပါတယ်။ အခုလို ရမ်ဘူရပ်ကွက်မှာ မူးယစ်ဆေးဝါးတွေကို ပေါ်ပေါ်တင်တင် ရောင်းဝယ်သုံးစွဲနေတာဟာဆိုရင် နှစ်နှစ်ဝန်းကျင်ရှိလာပြီ ဖြစ်တယ်လို့ လည်း ဒေသခံတွေကဆိုပါတယ်။ မူးယစ်ဆေးဝါးရောင်းဝယ်သုံးစွဲသူတွေဟာ ပေးဆပ်သူလူမှုကယ်ဆယ်ရေး လမ်းကြားတည့်တည့် မှာရှိတဲ့ ကုန်းတံတားနဲ့ ခင်မာသီရိလမ်းသွယ်၂၄ ကြား မှာ နေ့တိုင်း မနက်၅နာရီလောက်ကနေ ည ၁၂နာရီ ဝန်းကျင်လောက်ထိရှိနေတတ်တယ်လို့ သိရပါတယ်။ ဒါအပြင် ရပ်ကွက်နေပြည်သူတွေအပြင် ရပ်ကွက်ထဲဝင်လာသူတိုင်းကို မူးယစ်ဆေးဝါးဝယ်ယူဖို့ ဖျားယောင်းသွေးဆောင်မှုတွေကို ပေါ်ပေါ်တင်တင်လုပ်ဆောင်နေသလို တစ်ဖက်မှာလည်း လူမြင်ကွင်းရှေတွေမှာဘဲ မူယစ်ဆေးဝါးသုံးစွဲနေကြတယ်လို့ ရပ်ဘူရပ်ကွက်နေ အမျိုးသမီးတစ်ဦးက ခုလိုပြောပါတယ်။ “သူတို့က လူမြင်ကွင်းမှာဘဲ ဘောင်းဘီတွေချွတ်ပြီး ယောက်ကျားလေး အင်္ဂါတွေမှာ ထိုးသွင်းနေကြတာ မြင်ရတာ လုံးဝ အဆင်မပြေဘူး အမျိုးသား အချင်းချင်းတောင် မြင်ရတာ အဆင်မပြေဘူး”လို့ ဆိုပါတယ်။ မူးယစ်ဆေးဝါးရောင်းဝယ် သုံးစွဲတဲ့သူတွေကို ရပ်ကွက်တွင်း ခုလိုလုပ်ရပ်မျိုးတွေ မလုပ်ဖို့ ကောင်းကောင်းမွန်မွန်ပြောဆိုပေမယ့်လည်း နားမထောင်တဲ့ အပြင် ရပ်ကွကနေပြည်သူတွေကိုပါ ရန်ပြုလာတယ်လို့ သိရပါတယ်။ ဒီမူးယစ်ဆေးဝါးကိစ္စနဲ့ပတ်သက်ပြီး ရဲစခန်းကိုတိုင်တန်းခဲ့ပေမယ့် ထိထိရောက်ရောက်အရေးယူပေးတာမရှိဘူးလို့ ရပ်ကွက်နေပြည်သူတွေက ပြောပါတယ်။လက်ရှိမှာတော့ ရမ်ဘူရပ်ကွက်နေ ပြည်သူတွေကဘဲ မူးယစ်ဆေးဝါးရောင်းဝယ်သုံးစွဲသူတွေကို မောင်းထုတ်တာတွေကို လုပ်ဆောင်နေတယ်လို့ သိရပါတယ်။ စစ်ကောင်စီ အာဏာသိမ်းပြီးနောက်ပိုင်း ကချင်ပြည်နယ်အနှံ့မှာ လည်း လောင်းကစားရုံတွေ အပြင်၊ မူးယစ်ဆေးဝါးရောင်းဝယ်သုံးစွဲမှုတွေ များလာတာနဲ့ အတူ ခိုးဆိုးလုနှိုက်တွေ များပြားလာတာဘဲ ဖြစ်ပါတယ်။ By – Hope
Read More » -
Jan- 2024 -16 Januaryသတင်း
ဖုန်းအားသွင်းရင်း ဖုန်းသုံးနေရာကနေ အပူလွန်ကဲကာ ပေါက်ကွဲမှုဖြစ် ၃ ဦး ဒဏ်ရာရ
မြစ်ကြီးနားမြို့၊ ရမ်ပူရပ်ကွက်နေ အမျိုးသားတစ်ဦး ဖုန်းအားသွင်းရင်း အသုံးပြုရာကနေ ဖုန်းပေါက်ကွဲမှုဖြစ်ပွားခဲ့တယ်လို့ မျိုးဆက်သစ်လူမှုကယ်ဆယ်ရေးအသင်းက ပြောပါတယ်။ ဖြစ်စဉ်မှာ ဇန်နဝါရီလ ၁၅ ရက်နေ့ မနေ့ည ၈ နာရီဝန်းကျင်လောက်မှာ ဖုန်းအားသွင်းရင်း ဖုန်းသုံးနေရာကနေ အပူလွန်ကဲမှုကြောင့် ပေါက်ကွဲတာဖြစ်ပြီး ၃ ဦး မျက်နှာနဲ့ ခန္ဓာကိုယ်တစ်ခုလုံး အရေပြားတွေလှန်သွားတယ်လို့ မျိုးဆက်သစ်လူမူကယ်ဆယ်ရေးအသင်း တာဝန်ရှိသူက ဆိုပါတယ်။ “ကျွန်တော်တို့ရောက်တော့ လူနာက အောက်ရောက်နေပြီ၊ ပြောတာက ဖုန်းအားသွင်းရင်း ဖုန်းပေါက်ကွဲတယ်လို့ပြောတယ်”လို့ လူမှုကယ်ဆယ်ရေးအသင်းက ပြောပါတယ်။ ဖုန်းပေါက်ကွဲမှုကြောင့် ဖုန်းသုံးနေတဲ့အမျိုးသားက ဒဏ်ရာပြင်းထန်စွာရရှိထားပြီး သမီးနှစ်ယောက်ကတော့ မျက်နှာနဲ့ လက်တွေထိသွားပေမဲ့အခြေအနေတော့ မစိုးရိမ်ရဘူးလို့ ဆက်ပြောပါတယ်။ လက်ရှိ ဒဏ်ရာပြင်းထန်တဲ့ အမျိုးသားကတော့ ဆေးရုံကြီးမှာ ကုသမှုခံယူနေပြီး အခြေအနေကတော့ တစ်ကိုယ်လုံးထိခိုက်ထားတာကြောင့် စိုးရိမ်ရတယ်လို့ သိရပါတယ်။ ဒါ့အပြင် လျှပ်စစ်အသုံးပြုရာကနေ အခုလိုဖြစ်စဉ်တွေ၊ နေအိမ်မီးလောင်တာတို့အဖြစ်များလာတဲ့အတွက် ပြည်သူတွေအနေနဲ့ လျှပ်စစ်တွေကို အထူးဂရုစိုက် အသုံးပြုသင့်တယ်လို့ ဘူးဂါးလျှပ်စစ်က မန်နေဂျာ ဦးလအောင်က အခုလိုပြောပါတယ်။ “လျှပ်စစ်မီးတွေက အကျိုးပြုသလို ဆိုးကျိုးလည်းပြုတာဖြစ်တဲ့အတွက် အသုံးပြုမယ်ဆိုရင် အမြဲသတိနဲ့ကြည့်ကြပါ၊ အပြင်ထွက်မယ်ဆိုရင် မီးခလုတ်တွေလည်း ပိတ်ထားပါ၊ ပြီးတော့ လျှပ်စစ်ပစ္စည်းတွေသုံးမယ်ဆိုရင်လည်း အရေအသွေးပြည့်မီတဲ့ဟာ၊ တရားဝင်ဖြစ်တဲ့ဟာတွေကိုသုံးသင့်ပါတယ်၊ အခုဒီဖုန်းပေါက်ကွဲတာက ဖုန်းနဲ့လည်းဆိုင်တယ်” လို့ပြောပါတယ်။ မနေ့ ဇန်နဝါရီ ၁၅ ရက်နေ့ကလည်း မြစ်ကြီးနားမြို့ စီတာပူရပ်ကွက်မှာ ဝါယာရှော့ကြောင့် နေအိမ်တစ်လုံးမီးလောင်ပေါက်ကွဲမှုဖြစ်စဉ်လည်း ဖြစ်ခဲ့ပါတယ်။ By – BU BU
Read More »
