နန်းမား ကြံ့ခိုင်ရေးပါတီဝင်ဟောင်း သတ်ခံရသည့် မသင်္ကာမှုဖြင့် အမျိုးသားနှစ်ဦး ဖမ်းဆီး ခံထားရ

ကချင်ပြည်နယ် မိုးညှင်းမြို့နယ် နန်းမားကျေးရွာတွင် ကြံ့ခိုင်ရေးပါတီဝင်ဟောင်းလည်းဖြစ် လက်ရှိပျူစောထီးခေါင်းဆောင်လည်း ဖြစ်သူ ဦးတင်ညွန့်သတ်ခံရပြီးနောက် မသင်္ကာမှုဖြင့် ဒေသခံ အမျိုးသားနှစ်ဦးဖမ်းဆီးခံရကြောင်း သိရသည်။ လက်ရှိ ပျူစောထီးခေါင်းဆောင်ဖြစ်သူ ဦးတင်ညွန့်သည် ဇန်နဝါရီလ ၂၄ ရက်နေ့ နံနက် ၇ နာရီအချိန်က နမ္မားမြို့ သံလမ်းဘေးရှိ 'ကိုဆန်းဝင်း' လက်ဖက်ရည်ဆိုင်တွင် လက်ဖက်ရည်ထိုင်သောက်နေစဥ် အမည်မသိလူနှစ်ဦးက သေနတ်ဖြင့်ပစ်သတ်သွားပြီးနောက် စစ်ကောင်စီရဲနှင့် စစ်သားများက မြို့တွင်းနေရာအနှံ့ စစ်ဆေးခဲ့ရာ ပြည်သူနှစ်ဦး ဖမ်းခံလိုက်ရကြောင်း နမ္မားမြို့ မှ အမျိူးသားတစ်ဦးက KNG ကိုပြောသည်။ ''ဦးတင်ညွန့်သတ်ခံရတဲ့နောက် စစ်သားတွေရဲတွေ မြို့ထဲနေရာစုံလိုက်စစ်တော့တာပဲ ဆိုင်တွေကောစစ်တယ် အမျိုးသားနှစ်ယောက်ဖမ်းသွားတယ်။ တစ်ယောက်က