Breaking News :

ရှဒူးဇွပ်(Ja Htu Zup)ကျေးရွာ ရေဘေးဒဏ်ထပ်မံကြုံတွေ့နေရ

ရှမ်းမြောက် Howa Bum တောင်ပေါ် မြန်မာ စစ်တပ် နှင့် KIA တိုက်ပွဲ ဖြစ်ပွား

Covid-19 ကာလ ကိုယ်စားလှယ်လောင်းများ ကန့်သတ်ချက်ဖြင့် မဲဆွယ်နေရ

ပိုးတွေ့လူနာတည်းခိုခဲ့သော မြစ်ကြီးနား အေးချမ်းသာတည်းခိုခန်း နှင့်ဆက်စပ်ခဲ့သူ ၂၀ ဦးကို Quarantine ထားရှိ

ကျေးရွာနယ်နမိတ်ထိ ရွှေတူးဖော်လာမည်ကို ဆွမ်ပရာဘွမ်ဒေသခံများစိုးရိမ်

ကချင်ပြည်နယ်လိပ်စာဖြင့် ထပ်တိုးပိုးတွေ့လူနာ ၂ ဦးမှာ မန္တလေးနှင့် နေပြည်တော်တွင်အသွားအလာကန့်သတ်ခံထားရသူများဖြစ်

ဖားကန့်တွင် မဲဆွယ်စည်းရုံးမှုများ ရပ်နားထား

ပြည်နယ်တွင်းမှ ဖားကန့်သို့ဝင်လာသူများ ကွာရန်တင်းဝင်ရမည်

ပြည်တွင်းစစ်များ ရပ်တန့်ရန် ကချင်အမျိုးသားအတိုင်ပင်ခံအဖွဲ့တောင်းဆို

ငြိမ်းချမ်းရေးအတွက် ဘယ်လိုလွှတ်တော်ကိုယ်စားလှယ်များကို​ ရွေးချယ်ကြမလဲ

ကချင်စစ်ရှောင်စခန်းမှာ အိမ်သာများလုံလောက်မှုမရှိ

ဂျန်မိုင်ကောင်စစ်ရှောင်စခန်းရှိ အိမ်သာများ

မြစ်ကြီးနားမြို့ ဂျန်မိုင်ကောင်စစ်ရှောင်စခန်းမှာ အိမ်သာလုံလောက်မှုမရှိတဲ့အတွက် အိမ်သာနှင့်ပတ်သက်သည့် ကျန်းမာရေး အခက်အခဲပြသာနာများ ကြုံတွေ့နေရကြောင်းသိရပါသည်။

လူဦးရေနှင့်မမျှသည့်အပြင် ယာယီဆောက်လုပ်ထားပေးသည့် အိမ်သာဖြစ်သောကြောင့် လျှင်မြန်စွာ ပြည့်လျှံသည့် အခက်အခဲများရင်ဆိုင်ကြုံတွေ့နေ ရကြောင်း စစ်ရှောင်တာဝန်ခံ ဦးထွယ်အောင်က ယခုလိုပြောဆိုထားပါသည်။

“အိမ်သာအလုံးအရေနဲ့ ကြည့်မယ်ဆိုရင်တော့ များသလိုထင်ရတယ်။ ဒါပေမယ့် စစ်ရှောင်ခါစတုန်းက ယာယီဆောက်ပေးတာ ဘဲဖြစ်တယ်။ အဲ့ဆောက်လုပ်ထားပေးတဲ့ အိမ်သာတွေကလည်း အရမ်းတိမ်တယ်။ ဂွင် ၂လုံး၊ ၃လုံးစာလောက်ဘဲရှိတယ်။ အိမ်သာကျင်းတိမ်တော့ မကြာခဏ ပြည့်လျံတဲ့ ပြသာနာကြုံတွေ့နေရတယ်။ တစ်ချို့အိမ်သာတွေကျတော့ ရေကြော်နဲ့ မိတဲ့အခါကျတော့ မိုးနဲနဲရွာတာနဲ့ပြည့်သွားပြီ။” ဟုပြောပါသည်။

အဆိုပါစစ်ရှောင်စခန်းမှာ အိမ်ထောင်စု ၂၀၀ကျော်နဲ့ လူဦးရေ တစ်ထောင်ကျော်ခန့်ရှိနေပြီး အိမ်သာကတော့ စုစုပေါင်း ၄၀ ခန့်သာ ရှိကြောင်း သိရပါသည်။ ထို့ကြောင့် အိမ်သာခွဲတမ်းအရ အိမ်ထောင်စု ၁၀စုမှာ အိမ်သာ ၂လုံးနှုန်းဖြင့်သာ အသုံပြုနေရသည်ဟု စစ်ရှောင်ပြည်သူများ ပြောဆိုချက်မှ သိရသည်။

ထို့အပြင် ဆောက်လုပ်ထားသည့် အိမ်သာများမှာ တစ်ခုနဲ့ တစ်ခုကြား ၃ပေသားခြားသဖြင့် စစ်ရှောင်ပြည်သူတွေမှာ ဝမ်းပျက်၊ ဝမ်းလျော နှင့် သွေးလွန်ကွေးဖြစ်ပွားနေပြီး လူသေဆုံးမှုတွေအထိရှှိခဲ့ကြောင်း ပြောဆိုထား သည်။

“အိမ်သာက နီးနီးကပ်ကပ်ဘဲ ဆောက်ထားပေးတဲ့အတွက် ကျန်းမာရေအတွက်လည်း တော်တော်စိုးရိမ်ရတယ်။ တစ်ယောက်က ဝမ်းပျက်ဝမ်းလျောဖြစ်ပြီ ဆိုရင် နောက်တစ်ယောက်ကို ကူးစက်ဖို့က အရမ်းမြန်တယ်။ လူဦးရေများတဲ့အတွက် ဖြစ်ဖို့အတွက်လည်း အရမ်းလွယ်တယ်။”ဟု ဦးဂလောင်းတူးကပြောဆိုသည်။

ထို့ပြဿနာများကိုဖြေရှင်ရန် ဖြစ်နိုင်လျှင် ၂ အိမ်ထောင်ကို အိမ်သာ ၁လုံးနှုန်းဖြင့် ဆောက်လုပ်ပေးရန်လိုအပ်နေသည်ဟု စစ်ရှောင်အမျိုးတစ်ဦး ဒေါ်လုရာက ပြောဆိုထားပါသည်။

ကျန်းမာရေးအတွက်သာမက နေထိုင်မှုအဆင်ပြေလည်စေရန် လုံခြုံ ခိုင်ခံသော အိမ်သာများ ထပ်မံဆောက်လုပ်ပေးရန် လိုအပ်နေဆဲဖြစ်သည်ဟု ဆက်လက်ပြောဆိုခဲ့သည်။

0 Reviews

Write a Review

Read Previous

ကချင်စစ်ရှောင်အမျိုးသမီးများ၏ လက်မှုထုတ်ကုန် ပြသရောင်းချ

Read Next

ရွှေ့ပြောင်းအလုပ်လုပ်နေသူများ မဲထည့်နိုင်ရန်ရက် ၉၀ သတ်မှတ်မှု KSPP ကန့်ကွက်

Leave a Reply

Your email address will not be published. Required fields are marked *