,

Breaking News :

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

ကချင်တွင် လပိုင်းအတွင်း စစ်ရှောင်အသစ်ထပ်တိုးလာကြောင်းနှင့် ကူညီထောက်ပံ့မှုလိုအပ်နေကြောင်း အရပ်ဘက်အဖွဲ့အစည်းများထုတ်ပြန်

လိုင်ဇာမြို့အနီး ခယာဘွမ့်တွင် ရိက္ခာပို့နိုင်ရန် ဒေါ့ဖုန်းယန် မှ ကားလမ်းတစ်လျှောက် စစ်အင်အားတိုးချဲ့ချထား

ဘွမ်ရာယန်စစ်ရှောင်စခန်းတွင် သောက်ရေ အဓိကအခက်အခဲဖြစ်နေ

ရှဒူးဇွပ်စစ်ရှောင်များ ရေဘေးမှလွတ်မြောက်ရေး နေရာအသစ်တွင် ပြောင်းရွေ့ရန်ခက်ခဲနေ

လိုင်ဇာမြို့အနီး အာဏာသိမ်းစစ်တပ်၏ ယာဉ်တန်းကို KIA ကြားဖြတ် တိုက်ခိုက်

အာဏာသိမ်းစစ်တပ်က ကားဖြင့်တိုက်သဖြင့် ပူတာအိုဒေသခံတစ်ဦး ခြေတစ်ဖက်ကျိုး

ဒေါ့ဖုန်းယန်မြို့အနီးတွင် အကြမ်းဖက်စစ်တပ်ကို KIA က ကြားဖြတ်တိုက်ခိုက်

KIAနဲ့ ဆက်သွယ်သည်ဟုဆိုကာ ချီဖွေစစ်ရှောင်စခန်းမှ အမျိုးသမီးတစ်ဦး စစ်ကောင်စီက ဖမ်းဆီးထား

ဒုသမ္မတပါဝင်တက်ရောက်မည့် ‘ကချင်ပြည်နယ် စီးပွားရေးနှီးနှောဖလှယ်ပွဲ’ ကို လာမည့်အပတ် ပြုလုပ်မည်

နှီးနှောဖလှယ်ပွဲအကြောင်း မနောကွင်းရှေ့ ထောင်ထား

ကချင်ပြည်နယ်၏ စီးပွားရေးလုပ်ငန်း ကဏ္ဍအသီးသီး ဦးမော့လာနိုင်ရန် ပထမအကြိမ် ‘ကချင်ပြည်နယ် စီးပွားရေး နှီးနှောဖလှယ်ပွဲ ’ ကို မြစ်ကြီးနားမြို့ မနောကွင်းတွင် လာမည့်အပတ်တွင် ပြုလုပ်ရန် စီစဉ်နေသည်ဟု သိရပါသည်။

ကချင်တိုင်းရင်းသား စီးပွားရေးလုပ်ငန်းရှင်များအသင်း ( Kachin Amyusha Sut Hpaga Hpung) က ကြီးမှူးပြီး နိုဝင်ဘာလ ၁၅-၁၆ အတွင်း စီးပွားရေးလုပ်ငန်းနဲ့ပတ်သက်သည့် နည်းပညာဆိုင်ရာ ဗဟုတများကို အဓိက ဖလှယ်သွားမည်ဖြစ်ကြောင်း သိရပါသည်။

ကချင်တိုင်းရင်းသားလုပ်ငန်းရှင် အများအပြားပေါ်ပေါက်လာစေရန်၊ ဒေသအတွင်း စီးပွားရေးလုပ်ငန်း အမြောက်အများပေါ်ပေါက်လာစေရန် နှင့် ပြည်တွင်း ပြည်ပရှိ စီးပွားရေးလုပ်ငန်းရှင်းများနှင့် ချိတ်ဆက်မှု အားကောင်းလာရန် ရည်ရွယ်ခြင်းဖြစ်သည်ဟု ကချင်တိုင်းရင်းသား လုပ်ငန်းရှင်များအသင်း ဥက္ကဌ ဦးခက်ထိန်နန် မှ ပြောဆိုသည်။

“ကျနော်တို့အသင်းအနေနဲ့ ရည်ရွယ်ချက်တွေအများကြီးရှိပါတယ်။ ကိုယ့်ပြည်နယ် ကိုယ့်နိုင်ငံ ဖွံ့ဖြိုး သာယာဖို့။ နောက်ဆုံးအနေနဲ့က ကိုယ့်ဒေသတွေမှာ စီးပွားရေးတွေ ဖွံ့ဖြိုးလာမှ လူမှုဘဝပြည့်စုံလာရင် ပြည်နယ်အေးချမ်းလာမယ်။ ငြိမ်းချမ်းရေးကိုလည်း အထောက်အကူပြုစေမယ်။ ဒါကြောင့်ဆောင်ရွက်နေတာပါ”ဟု ပြောသည်။

အဆိုပါ စီးပွားရေး နှီးနှောဖလှယ်ပွဲတွင် နိုင်ငံတော်အဆင့် ဒုတိယ သမ္မတ တစ်ဦး နှင့် ပြည်ထောင်တိုင်းရင်းသားရေးရာ ဝန်ကြီးများ၊ စီးပွားရေးကူးသန်းရောင်းဝယ်ရေး ဝန်ကြီးများနှင့် အခြားသော တိုင်းရင်းသားလုပ်ငန်းရှင်များအသင်းမှ ကိုယ်စားလှယ်များတက်ရောက်မည်ဖြစ်သည်ဟု သိရပါသည်။

ထို့အပြင် ရောင်းဝယ်ရေး၊ စိုက်ပျိုးရေး၊ မွေးမြူရေး၊ သဘာဝသယံဇာတ တူးဖော်ရေး စသည့်အကြောင်းအရာများကိုလည်း ဆွေးနွေးသွားမည်ဖြစ်ကြောင်း သိရပါသည်။

ကချင်ပြည်နယ်အခြေစိုက် စွန့်ဦး တီထွင် လုပ်ငန်းရှင်များ၊ အသေးစားနှင့်အလတ်စား စီးပွားရေးလုပ်ငန်းရှင်များ၊ ဒေသအတွင်းရှိ ကုမ္ပဏီများမှ စုစုပေါင်း လူဦးရေ ၇၀၀ ကျော်တက်ရောက်မည်ဟု မျှော်မှန်းထားကြောင်း သိရပါသည်။

လက်ရှိ NLD အစိုးရလက်ထက်တွင် မြန်မာနိုင်ငံတိုင်းရင်းသားစီးပွားရေးလုပ်ငန်းရှင်များအသင်း ကို ၂၀၁၈ မတ်လ ၂၀ရက်နေ့တွင် ဖွဲ့စည်းတည်ထောင်ခဲ့ပြီး ကချင်တိုင်းရင်းသားစီးပွားရေး လုပ်ငန်းရှင်များအသင်းကို ယခုနှစ် ဇွန်လ ၆ရက်နေ့တွင် တရားဝင်ဖွဲ့စည်းခဲ့ကြကြောင်း သိရသည်။

Read Previous

မြစ်ဆုံစီမံကိန်း ထာဝရ တားဝရမ်းလျှောက်ထားမှု မြစ်ကြီးနားခရိုင်တရားရုံးပယ်ချ

Read Next

ျမန္မာအစိုးရ ႏွင့္ ေျမာက္ပိုင္း (၄)ဖြဲ႔ ေတြ႔ဆုံမည့္ ေနရာကိစၥ ေဆြးေႏြး ေနဆဲ

Leave a Reply

Your email address will not be published. Required fields are marked *