,

Breaking News :

ပင်လည်ဘူးမြို့နယ် ကျေးရွာပေါင်း ၁၀ ရွာခန့် ထွက်ပြေးတိမ်းရှောင်နေရ

စစ်ကောင်စီ လက်နက်ကြီးကြောင့် အသက် ၉ နှစ်အရွယ်ကလေးနှင့် မိခင် ထိခိုက်ဒဏ်ရာ ပြင်းထန်

လားရှိုး သိန္နီ လမ်းမပေါ်တိုက်ပွဲမှာ စစ်ကောင်စီဘက် ၃ ဦးသေဆုံး

စစ်ကောင်စီ ရိက္ခာသယ်ကား အစီ ၄၀ ကျော် မိုးကောင်းမှ တနိုင်းသို့ တက်သွား

မိုးမောက်မြို့  မိုင်းပေါက်ကွဲမူတွင် စစ်ကောင်စီမှ ၃ ဦး ဒဏ်ရာပြင်းထန်စွာရရှိ

အာဏာသိမ်း စစ်ခေါင်းဆောင် ပူတာအို ပြန်လာမည်ဟု သတင်းထွက်ပေါ်နေ

ကျေးရွာနဲ့ ဘုရားကျောင်းမကျန် စစ်ကောင်စီတပ် နေရာယူ

ပင်လည်ဘူးမြို့၊ ကောလင်းမြို့၊ ဝန်းသို မြို့နယ် (၃) ‌ခု အင်တာနက်လိုင်းများနှင့် ဖုန်းလိုင်းများ ထပ်မံဖြတ်တောက်ခံရ

စစ်ကောင်စီ မိုင်းကြောင့် မုံးကိုး ဖောင်းဆိုင်ဒေသခံတစ်ဦး နင်းမိ သေဆုံး

တနိုင်းသွားလမ်း လီဒိုလမ်းမပေါ် တွင် အာဏာသိမ်းနှင့် KIA တိုက်ပွဲ ပြင်းထန်နေ

အစိုးရ Covid-19 ကာကွယ်တားဆီးရေးကော်မတီသို့ KIO က စာရရှိကြောင်းသာ အကြောင်းပြန်၊ လုပ်ငန်းပိုင်းဆိုင်ရာမပါသေးဟုဆို

လိုင်ဇာမြို့အဝင်( ဓါတ်ပုံ-Kachin Net)

တိုင်းရင်းသားတော်လှန်ရေးအဖွဲ့များ၏ နယ်မြေတွင် Covid-19 ကာကွယ်တားဆီးရေးညှိနှိုင်းပူးပေါင်းရေးကော်မတီနှင့်ပတ်သက်ပြီး အစိုးရ၏အကြောင်းကြားစာကို ကချင်လွတ်လပ်ရေးအဖွဲ့ KIO က စာရရှိကြောင်းသာ အကြောင်းပြန်ခဲ့ပြီး လုပ်ငန်းပူးပေါင်းရေးဆိုင်ရာ အကြောင်းအရာများ မပါရှိသေးကြောင်း KIO အဖွဲ့က ပြောသည်။

ရုံးပိုင်းဆိုင်ရာအရ စာရရှိကြောင်းသာ အကြောင်းပြန်ခဲ့ခြင်းဖြစ်သည်ဟု KIO ၏ ကျန်းမာရေးတာဝန်ခံ နှင့် Covid-19 ကာကွယ်တားဆီးရေးကော်မတီ အတွင်းရေးမှူး ဗိုလ်မှူးကြီး ဟိန်းဝမ် က ယခုလို ပြောသည်။

“အားလုံးကိုအကြောင်းကြားတဲ့စာဖြစ်တဲ့အတွက် စာရရှိကြောင်း အကြောင်းကြားလိုက်တာဖြစ်တယ်။ လုပ်ငန်းပိုင်းဆိုင်ရာအသေးစိတ်အခြေအနေတော့ မပါဘူး။ ကျနောတို့ဘက်လည်း ကိုယ်တိုင် ဗဟိုဌာနချုပ် ညွန်ကြားချက်အတိုင်း ရောဂါတိုက်ဖျက်ရေးလုပ်နေတယ်။” ဟု ပြောသည်။

နိုင်ငံတော်၏ ပိုင်နက် နယ်မြေအတွင်း မှီတင်းနေထိုင်သူ မည်သူ့ကိုမျှ ချန်လှပ်မထားရေး မူဝါဒ (No one left behind Policy) ဖြင့် တိုင်းရင်းသားလက်နက်ကိုင်အဖွဲ့အစည်းများနှင့် ညှိနှိုင်းပူးပေါင်းရေးကော်မတီတစ်ခုကို အစိုးရမှ ဧပြီ ၂၇ တွင်ဖွဲ့စည်းကာ ဧပြီ ၂၈ ရက်နေ့တွင် တိုင်းရင်းသားတော်လှန်ရေးအဖွဲ့များထံ အကြောင်းကြားခဲ့သည်။

NCA လက်မှတ်ရေးထိုးထားသော တိုင်းရင်းသားတော်လှန်ရေးအဖွဲ့များနှင့် အစိုးရ၏ Covid-19 ကာကွယ်ထိန်းချုပ်ရေးအဖွဲ့တို့ကြား မေလ ၅ ရက်တွင် ရန်ကုန်မြို့အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန NRPC တွင် အလွတ်သဘောတွေ့ဆုံခဲ့သည်ဟု သိရသည်။

သို့သော်လည်း NCA လက်မှတ်ရေးထိုးထားခြင်းမရှိသော တိုင်းရင်းသားတော်လှန်ရေးအဖွဲ့များမှလည်း အစိုးရထံ ထွေထွေထူးထူးအကြောင်းပြန်ထားခြင်းမရှိသေးကြောင်း ကချင်ငြိမ်းချမ်းရေးအကျိုးဆောင်အဖွဲ့ PCG မှ ဦးလမိုင် ဂွမ်ဂျာက ပြောသည်။

“တော်လှန်ရေးအဖွဲ့တွေဘက်ကတော့ ထွေထွေထူးထူး အကြောင်းမပြန်သေးဘူး။ ပြီးတော့ ဒါကလည်း ဆွေးနွေးဖို့ ဆိုပြီး ဖိတ်ခေါ်တာမဟုတ်ဘူးလေ။ ဖြစ်လာရင် ဘယ်လိုညှိနှိုင်းဖြေရှင်းမလဲဆိုတဲ့ဟာနဲ့ ကြိုတင်ကာကွယ်တဲ့အနေနဲ့ ပညာပေးပိုစတာတွေ ပို့ပေးတာပဲ ရှိတယ်။” ဟု သူက ပြောသည်။

ကချင်လွတ်လပ်ရေးအဖွဲ့ KIO သည် ၎င်း၏ ထိန်းချုပ်နယ်မြေအတွင်း စစ်ရှောင်စခန်းများကို အဝင်အထွက်ကန့်သတ်ခြင်း၊ ထိန်းချုပ်နယ်မြေအတွင်းသို့ အသစ်ဝင်လာသူများကို Quarantine စခန်းဖွင့်ကာထားရှိခြင်း စသည့် ကာကွယ်တားဆီးရေး လုပ်ငန်းများကို ပြုလုပ်နေကြောင်း ၎င်း၏ထုတ်ပြန်ချက်များအရ သိရသည်။

“ကျနောတို့က ရောဂါကာကွယ်ရေး ဆေးရုံဆောက်တယ်။ Quarantine စခန်းလုပ်တယ်။ စစ်ဆေးရေးဂိတ်လုပ်တယ်။ ကုသဖို့ ICU ပြင်ဆင်တယ် စသဖြင့် အစအဆုံးပြုလုပ်နေပါတယ်။” ဟု ဗိုလ်မှူးကြီး ဟိန်းဝမ်က ပြောသည်။

ထို့အပြင် လွန်ခဲ့သည့် ဧပြီလဆန်းက ဌာနချုပ်နယ်မြေအတွင်း စောင့်ကြည့်လူနာတစ်ဦးထွက်ပေါ်လာချိန် ၎င်း၏ဆေးစစ်ချက်ကို တရုတ်နိုင်ငံသို့ပို့ကာ အဖြေရယူခဲ့သည်ဟု သိရသည်။

အစိုးရ၏ ထုတ်ပြန်ချက်တွင် “တိုင်းရင်းသားတော်လှန်ရေးအဖွဲ့များ၏ ထိန်းချုပ်နယ်မြေတွင် Covid-19 ဆိုင်ရာ အရေးပေါ်ဆောင်ရွက်ရန် ပေါ်ပေါက်လာပါက အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန၏ လမ်းညွန်ချက်နှင့်အညီ ပူးပေါင်းဆောင်ရွက်ရန်” ဟူသည့် အကြောင်းပါရှိသောကြောင့် တိုင်းရင်းသားတော်လှန်ရေးအဖွဲ့များထိန်းချုပ်ရာဒေသ ၎င်းတို့၏ လုပ်ငန်းစဉ်များအပေါ် အစိုးရမှ တစ်ဖက်သတ် လွမ်းမိုးမည်ကို စိုးရိမ်မှုများရှိနေကြသည်။

အစိုးရဖွဲ့စည်းလိုက်သော အဆိုပါအဖွဲ့တွင် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန NRPC ဒုဥက္ကဌ ဖြစ်သူ ဒေါက်တာတင်မျိုးဝင်းက ဦးဆောင်သည်ဟု သိရသည်။

 

 

Read Previous

ကချင်ပြည်နယ်မှ လူနာအမှတ်စဉ် ၁၄၄ ဆေးရုံဆင်းခွင့်ရ

Read Next

မူဆယ္ Asia World Company တိုးဂိတ္မွာ မိုင္း ေပါက္ကြဲမႈ ျဖစ္ပြား

Leave a Reply

Your email address will not be published. Required fields are marked *