Breaking News :

ပိုးတွေ့လူနာတည်းခိုခဲ့သော မြစ်ကြီးနား အေးချမ်းသာတည်းခိုခန်း နှင့်ဆက်စပ်ခဲ့သူ ၂၀ ဦးကို Quarantine ထားရှိ

ကျေးရွာနယ်နမိတ်ထိ ရွှေတူးဖော်လာမည်ကို ဆွမ်ပရာဘွမ်ဒေသခံများစိုးရိမ်

ကချင်ပြည်နယ်လိပ်စာဖြင့် ထပ်တိုးပိုးတွေ့လူနာ ၂ ဦးမှာ မန္တလေးနှင့် နေပြည်တော်တွင်အသွားအလာကန့်သတ်ခံထားရသူများဖြစ်

ဖားကန့်တွင် မဲဆွယ်စည်းရုံးမှုများ ရပ်နားထား

ပြည်နယ်တွင်းမှ ဖားကန့်သို့ဝင်လာသူများ ကွာရန်တင်းဝင်ရမည်

ပြည်တွင်းစစ်များ ရပ်တန့်ရန် ကချင်အမျိုးသားအတိုင်ပင်ခံအဖွဲ့တောင်းဆို

ငြိမ်းချမ်းရေးအတွက် ဘယ်လိုလွှတ်တော်ကိုယ်စားလှယ်များကို​ ရွေးချယ်ကြမလဲ

Covid-19 ကြောင့် ကျောက်မျက်ရတနာများ ထက်ဝက်ဈေးဖြင့် ရောင်းချနေရ

ဖားကန့်တွင် Covid-19 အတည်ပြုလူနာ ၄ ဦး ထပ်တိုး

ကချင်ပြည်နယ်အတွင်း ခရီးသွားလျှင် သိထားသင့်သည့်အကြောင်းအရာများ

Covid-19 ရောဂါကာကွယ်ရေးအတွက် KIO နှင့် ပြည်နယ်အစိုးရ ပထမအကြိမ်တွေ့ဆုံ

KIO နယ်မြေ မိုင်ဆတ်ပါတွင် KIO နှင့် ပြည်နယ်အစိုးရအဖွဲ့တွေ့ဆုံ

ကချင်ပြည်နယ်အစိုးရအဖွဲ့၊ ကချင်အမျိုးသားများအတိုင်ပင်ခံအဖွဲ့နှင့် KIO Covid-19 ကာကွယ်ရေးကော်မတီအဖွဲ့တို့၏ မေလ ၁၃ ရက်တွေ့ဆုံမှုတွင် ရောဂါကာကွယ်ရေးအကြောင်းအရာကိုသာဆွေးနွေးခဲ့ပြီး နိုင်ငံရေးအကြောင်းအရာများပါဝင်ခြင်းမရှိဟု KIO ဘက်က ပြောသည်။

KIO ဗဟိုဌာနချုပ် လိုင်ဇာမြို့အနီး မိုင်ဆပ်ပါ (Maisak Pa) တွင် Quarantine ထားရှိသူများအတွက် NRPC မှ ပေးပို့လိုက်သော ငွေကျပ် ၅၇ သိန်းနှင့်ပတ်သက်ပြီး အဆိုပါငွေများအတွက် KIOအဖွဲ့က အကူအညီတောင်းဆိုခြင်းမရှိခဲ့ကြောင်း ဗိုလ်မှူးကြီးနော်ဘူက ကချင်သတင်းဌာန KNG ကိုပြောသည်။

“ကျွန်တော်တို့ဘက်က တောင်းဆိုမှုမရှိပဲ သူတို့ဘက်ကနေမှ ဒီက Quarantine စောင့်ကြည့်လူအရေအတွက်မေးပြီး ကူညီပေးမှုဘဲဖြစ်တယ်။သူတို့က ဘာပဲဖြစ်ဖြစ်အစိုးရဆိုတော့ နေရာယူချင်လို့ဖြစ်မယ်။ သူတို့အထက်ကလည်း အဲ့ဒီလိုနည်းနှင့်လုပ်ဖို့ ပြောထားတာဖြစ်မယ်။ ကျွန်တော်တို့ဘက်က စာရေးတာတို့ စကားနဲ့ တောင်းဆိုမှုတွေဘာမှမရှိဘူး။” ဟု ဗိုလ်မှူးကြီးနော်ဘူ က ပြောသည်။

သို့သော်လည်း ကချင်ပြည်နယ်အစိုးရအဖွဲ့ ညွန်ကြားရေးမှူး ဦးဇော်ဇော် က အဆိုပါကူညီမှုများသည် ကချင်လွတ်လပ်ရေးအဖွဲ့ KIO ၏တောင်းဆိုမှုအရ အမျိုးသားပြန်လည်ရင်ကြားစေ့ရေးနှင့် ငြိမ်းချမ်းရေးဗဟိုဌာန NRPC ၏ ညွန်ကြားချက်အတိုင်း ကူညီခဲ့ခြင်း ဖြစ်သည်ဟု ပြောသည်။

“ဟိုဘက် KIA က NRPC ကိုတောင်းဆိုလို့ NRPC ကလည်းပြန်ပြီး ကျွန်တော်တို့ို ပြည်နယ်အစိုးရအဖွဲ့ပါဝင်ပြီး သွားရောက်ကူညီပေးပါဆိုလို့ သွားရောက်ကူညီပေးခဲ့တာဖြစ်တယ်။” ဟု ပြောဆိုခဲ့သည်။

ကချင်ပြည်နယ်အစိုးရအဖွဲ့မှ KIO Covid-19 ကာကွယ်ထိန်းချူပ်ရေး FQ ဝင်ရောက်နေသူ(၇၈)ဦးအတွက်၂၁ ရက်စာ စားသောက်စရိတ် ငွေကျပ် ၅၇ သိန်းနှင့် ရောဂါကာကွယ်ရေးပစ္စည်းများကို ကူညီပေးခဲ့သည်ဟု အဆိုပါတွေ့ဆုံပွဲတွင် ပါဝင်ခဲ့သူများထံမှ သိရသည်။

ကချင်အတိုင်ပင်ခံအဖွဲ့ WMR ပါဝင်သော Covid-19 Concern and Response Committee က KIO Covid-19 ကာကွယ်ရေးကော်မတီနှင့်တွေ့ဆုံလိုသဖြင့်ခွင့်ပြုပေးရန် ပြည်နယ်အစိုးရထံ ယခုလဆန်းပိုင်းတွင် စာတင်ခဲ့သည်ဟု WMR အဖွဲ့မှ ဆရာတန်ဂွန်းကပြောသည်။

ထို့နောက် မေလ ၁၃ ရက်နေ့တွင် Covid-19 Concern and Response Committee နှင့်အတူ ပြည်နယ်အစိုးရအဖွဲ့ လူမှုရေးဝန်ကြီး နှင့် မြို့နယ်ကျန်းမာရေးဝန်ထမ်းများသည် KIO နှင့် ပထမအကြိမ်တွေ့ဆုံခဲ့ခြင်း ဖြစ်သည်။

ထိုဆွေးနွေးပွဲတွင် တရုတ်မြန်မာနယ်စပ်တစ်လျှောက် Covid-19 ကာကွယ်ရေးအတွက် လူအဝင်အထွက် ထိန်းချူပ်ရေးအချက်များ ပါဝင်သည်။

ရှေ့ဆက်လုပ်ငန်းစဉ်များနှင့် ပတ်သက်ပြီး ဗိုလ်မှူးကြီးနော်ဘူက “အားလုံးက မတူဘဲ သပ်သပ်စီဖြစ်လိမ့်မယ်။ ကျွန်တော်တို့ (CCRC-K) အဖွဲ့တွေနှင့် ပူးပေါင်းလုပ်ဆောင်သွားမဲ့ အရာတွေလည်းရှိမယ်။ ကချင်ပြည်နယ်အစိုးရအဖွဲ့တွေနှင့် ဆက်လက်လုပ်ဆောင်သွားမဲ့ ကဏ္ဍတွေလည်းရှိမယ်။” ဟု ပြောသည်။

ထို့အပြင် ‘နိုင်ငံတော်၏ ပိုင်နက်နယ်မြေအတွင်း မှီတင်းနေထိုင်သူ မည်သူ့ကိုမျှ ချန်လှပ်မထားရေးမူဝါဒ (No one left Behind Policy) အရ covid-19 ကို ထိရောက်စွာကာကွယ်နှိမ်နှင်းရေးဆောင်ရွက်ရန် နိုင်ငံတော်အစိုးရကလည်း ငြိမ်းချမ်းရေးဆိုင်ရာ ကြေညာချက်များ ထုတ်ပြန်သင့်ကြောင်း’ KIO က ထုတ်ပြန်ချက်ဖြင့် ပြန်လည် တိုက်တွန်းထားသည်။

တိုင်းရင်းသားတော်လှန်ရေးအဖွဲ့များထိန်းချုပ်နယ်မြေတွင် ရောဂါကာကွယ်နိုင်ရေး အစိုးရက ဧပြီလ ၂၇ ရက်နေ့တွင် အဖွဲ့တစ်ဖွဲ့ကို ဖွဲ့စည်းခဲ့သည်။

 

0 Reviews

Write a Review

Read Previous

အွန်လိုင်းပညာရေးစနစ်အတွက် ကချင်ပြည်နယ်တွင် အင်တာနက်မရနိုင်သည့် မြို့နယ် ၇ ခုရှိ

Read Next

ကချင်ပြည်နယ် နယ်နမိတ်အတွင်းထိ တရုတ်ကားများဝင်ရောက်မှုကို တားဆီးခြင်းမပြုရန် ပြည်နယ်အစိုးရပြော

Leave a Reply

Your email address will not be published. Required fields are marked *