,

Breaking News :

စစ်ရေးတင်းမာမှုများကြောင့် ဖောင်းဆိုင်ဒေသခံများ စပါးရိတ်သိမ်းရန် အခက်အခဲဖြစ်နေ

တနိုင်း-ရှင်ဗွေယန် လမ်းမပေါ်  စစ်ကောင်စီတပ်ကို KIA မိုင်းခွဲ တိုက်ခိုက်

KIO သည် ဓမ္မဘက်ရပ်တည်ပြီး အဓမ္မဘက် ရပ်တည်သူများမှာ အာဏာရှင်ကို ထောက်ခံနေဟု KIO ဥက္ကဋ္ဌ ဆို

ပန်ဆိုင်း မှာ ကချင်အမျိုးသမီး ၁ ဦး လက်နက်ကြီးကျည်စ ထိမှန်ပြီး ဒဏ်ရာပြင်းထန်

ဝိုင်းမော်မြို့နယ်တွင် ကိုဗစ်ကာကွယ်ဆေး နိုဝင်ဘာလ အပြီးထိုးမည်

စစ်တပ်၏ ရိုက်နက်မှု ဒဏ်ရာကြောင့် ပူတာအို လူငယ်တစ်ဦး သေဆုံး

မြန်မာနိုင်ငံသားအချို့ကို တရုတ်ဘက်က ညအချိန် ရိုက်နက်ပြီး အတင်းပြန်ပို့ရန် စီစဉ်ခဲ့

အရာတော် ဘောင်းကျကျေးရွာအတွင်း အာဏာသိမ်းတပ် တပ်စွဲထားကာ ညမထွက်ရ အမိန့်ထုတ်ပြန်

တနိုင်း-ရှင်ဗွေယန်လမ်းမပေါ် KIA နှင့် စစ်ကောင်စီတပ် တိုက်ပွဲဖြစ်ပွား စစ်ကောင်စီဘက်မှ ထိခိုက်မှုများနိုင်

မုံးကိုးမှာ စစ်ကောင်စီနဲ့ ကိုးကန့် MNDAA တိုက်ပွဲ ဆက်လက် ဖြစ်ပွား

လီဒိုလမ်းတွင် အစိုးရမှလယ်ယာမြေဖော်ထုတ်ပေးရာတွင် ကျေးရွာ ၂ ခုကြား အငြင်းပွားဖွယ်ရှိနေ

ဟူးကောင်းချိုင့်ဝှမ်းဒေသ ယုဇနကုမ္ပဏီ၏ စိုက်ခင်းတစ်ခု

ကချင်ပြည်နယ် လီဒိုလမ်းမပေါ် ဝါရာဇွပ်ကျေးရွာအုပ်စု စံပြကျေးရွာအတွက် လယ်ယာမြေဖော်ထုတ်ပေးသည့်အစီစဉ်ကို နှောင်းမီ ကျေးရွာတွင် ဖော်ဆောင်နေသောကြောင့် ကျေးရွာ ၂ခုကြား အငြင်းပွားဖွယ်ဖြစ်လာဖွယ်ရှိသည်ဟု သိရသည်။

စံပြကျေးရွာ တောင်သူ ၂၅ဦးက မြေဧက ၂၅၀ ကို လယ်ယာမြေဖော်ထုတ်ပေးရန်၂၀၁၉ခုနှစ်တွင် တင်ပြ တောင်းဆိုခဲ့ကြကြောင်း စံပြကျေးရွာမှ တောင်သူတစ်ဦး ပြောသည်။

သို့သော်လည်း နှောင်းမီတွင်ဖော်ဆောင်နေသော လယ်ယာမြေဖော်ထုတ်ရေးအစီစဉ်ကို ဒေသခံတချို့က ကန့်ကွက်နေသည်။

“အစိုးရက ညွန်ကြားလာတဲ့ စာထဲမှာက နှောင်းမီဆိုပြီး ပါလာတယ်။ ကျနော်တို့ဘက်မှာ နှောင်းမီ စံပြ ကျေးရွာဆိုတာ မရှိဘူး။ ဒါပေမယ့် ကျနော်တို့က နှောင်းမီတောင်သူတွေအတွက် ခွဲဝေပေးဖို့ လယ်ယာမြေဖော်ထုတ် ပေးတယ်လို့ ဘဲထင်တာပေါ့။ ပြီးရင် ဒေသခံတောင်သူတွေကိုလည်း မြေဧက ခွဲပေးဖို့ အမည်စာရင်း ကောက်ယူတာ တွေလည်းရှိတယ်။ ဒါပေမယ့် အခုက စံပြကျေးရွာ တောင်သူ တွေကို ချပေးဖို့ ပြောဆိုလာတယ်။ ပြောချင်တာက နှောင်းမီကျေးရွာ မှာ လုပ်ခိုင်းပြီး စံပြကျေးရွာ တောင်သူတွေကို ပြန်ခွဲပေးမယ်ဆိုတာက လုံးဝမရားဘူး” ဟု နှောင်းမီဒေသခံ ဦးဆိုင်းအောင်က ပြောသည်။

ထို့အပြင် လက်ရှိ ဖော်ထုတ်ထားသည့် လယ်ယာမြေများမှာ မြေလွတ် မြေလတ် မြေရိုင်းမဟုတ်ဘဲ ဒေသခံတောင်သူများကိုယ်တိုင် ယုဇနကုမ္ပဏီမှ ပြန်လည်ရယူထားသော မြေနေရာဖြစ်သဖြင့် ခွဲဝေ မပေးနိုင်ကြောင်း သူကဆက်လက်ပြောဆိုသည်။

စံပြကျေးရွာ တောင်သူများကို နှောင်းမှီကျေးရွာတွင် မြေဧက ၂၀၀ခွဲဝေပေးရန် လယ်ယာမြေနှင့်ဆည်မြောင်းဝန်ကြီး၊ လီဆူရေးရာဝန်ကြီးနှင့် ပြည်နယ်မြေစားရင်း ဦးစီးမှူးတို့ ၃ဦး၏ လက်မှတ်ပါရှိသည့် ညွန်ကြားစာကို လွန်ခဲ့သော မတ်လတွင် နှောင်းမှီအုပ်ချုပ်ရေးမှူး ထံပေးပို့ခဲ့ကြောင်း သိရသည်။

စံပြကျေးရွာတောင်သူများသည်လည်း စားဝတ်နေရေး အလွန်ခက်ခဲသဖြင့် တနိုင်တပိုင် လုပ်ငန်းလုပ်ကိုင်နိုင်ရန် တင်ပြခဲ့ခြင်းဖြစ်သောကြောင့် ခွဲဝေပေးသည့် မည်သည့်နေရာတွင်ဆို ရယူဖို့ရှိကြောင်း စံပြကျေးရွာမှ ဦးနော်ဖားလော်က ပြောသည်။

“ကျနော်တို့က အောက်ခြေမှာ စားဝတ်နေရေးအတွက် လုပ်စားဖို့ မြေယာတွေမရှိဘူး။ အဲ့ကြောင့် အစိုးရကို တနိုင်တပိုင်လုပ်စားရဖို့ မြေယာတွေဖော်ထုတ်ပေးဖို့တောင်းဆိုတာပေါ့။ အထက်ကသာ ဖော်ဆောင်ပေးတာဖြစ်တဲ့အတွက် ဘယ်လိုနေရာဘဲ ဖြစ်ဖြစ် အခက်အခဲမရှိပါဘူး။ အစိုးရရဲ့ ဆောင်ရွက်မှုကို လက်ခံဖို့ပါဘဲ”ဟု ပြောဆိုသည်။

အဆိုပါကိစ္စနဲ့ပတ်သက်ပြီး ပြည်နယ်အစိုးရသည် မေလ ၁၆ရက်နေ့ နှောင်းမီကျေးရွာသို့ ရောက်ကွင်းဆင်း စစ်ဆေးသွားမည်ဖြစ်ကြောင်း သိရသည်။

 

Read Previous

ကချင်ပြည်နယ် နယ်နမိတ်အတွင်းထိ တရုတ်ကားများဝင်ရောက်မှုကို တားဆီးခြင်းမပြုရန် ပြည်နယ်အစိုးရပြော

Read Next

အခြေခံလူတန်းစားများကို ဒုတိယအကြိမ်ပြန်လည်ထောက်ပံ့မည်

Leave a Reply

Your email address will not be published. Required fields are marked *