,

Breaking News :

မူဆယ်မြို့တွင် ၁ ရက်အတွင်း ပိုင်ရှင်မဲ့အလောင်း ၂ လောင်းတွေ့ရှိ

စစ်ကောင်စီ ဖမ်းဆီးသွားသည့် ဆားလင်းကြီး PDF ရဲဘော် ၂ဦး သတ်ဖြတ်ခံရ

ဖားကန့် ပြည်သူ့လွှတ်တော်ကိုယ်စားလှယ် ဦးအောင်ဟိန်းမင်း၏ နေအိမ် ချိတ်ပိတ်ခံရ

ကသာမြို့နယ် တွင် PDF ပူးပေါင်းတပ်ဖွဲ့များ ကျပ်သိန်း ၃၀၀၀ ကျော်တန်ဖိုးရှိ မူးယစ်ဆေးဝါးများကို မီးရှို့ဖျက်ဆီး

ရဝမ် လူငယ်အသင်း ဥက္ကဋ္ဌ ဦးဖုန်ရော့ဖီနန်ကို စစ်ကောင်စီ မှ ထောင်ဒဏ် ၁၀ နှစ် ချမှတ်

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

ကျောင်းဖွင့်တော့မည်ဖြစ်သဖြင့် စာသင်ကျောင်းရှိ Quarantine များကိုပြောင်းရွေ့ရန် စီစဉ်နေ

FQ ဝင်နေသူများ၊ ဓါတ်ပုံ – တင်ထွန်းသိန်း

ကချင်ပြည်နယ်အတွင်း Community F.Q နေရာအဖြစ် သတ်မှတ်ထားသည့် အခြေခံစာသင်ကျောင်းများကို ဇွန်လ ၁၅ရက် အပြီးတိုင်အပ်နိုင်ရန် စီစဉ်နေပြီဟု သိရသည်။

“ကျောင်းတွေ ပြန်ဖွင့်တော့မယ်ဆိုတော့ ခုလက်ရှိစာသင်ကျောင်းတွေမှာထားတဲ့ Qဝင်နေတဲ့သူတွေကို ဘာသာရေးအဆောက်အဦးတွေမှာထားဖို့ စီစဉ်နေတယ်။ ဒါပေမယ့် စာသင်ကျောင်းလောက်တော့ အဆင်မပြေနိုင်ဘူး။ အစစအရာရာပြန်လုပ်ရတာရှိတယ်။ တစ်ချို့နေရာတွေကျတော့ ရေ၊ မီးကအစ ပြန်လုပ်ရတာမျိုးရှိတယ်။ ဒါပေမယ့် ဘုရားကျောင်း၊ ဘုန်းကြီးကျောင်း ဘာသာရေးခေါင်းဆောင်တွေက လိုလိုလားလားလက်ခံပေးကြတဲ့တွက်ကျေးဇူးတင်တယ်။” ဟု လူဝင်မူကြီးကြပ်ရေးနှင့် လူ့စွမ်းအားရင်းမြစ်ဝန်ကြီး ဦးဇော်ဝင်းက ပြောသည်။

လက်ရှိတွင် FQ ထားရှိခဲ့သောစာသင်ကျောင်းများကို ဆေးဖျန်းခြင်း၊ သန့်ရှင်းရေးလုပ်ခြင်းများ လုပ်ဆောင်ပေးနေပြီး ထပ်မံပြောင်းရွှေ့မည့်တစ်ချို့နေရာများတွင်လည်း ရေ၊ မီးရရှိရန် ဆောင်ရွက်နေကြသည်။

ဇွန်လ ၁၆ရက်နေ့ နောက်ပိုင်း ပြန်လည်ဝင်ရောက်လာမည့် နိုင်ငံခြားပြန်များကို အသစ်ပြင်ဆင်ထားသော FQ နေရာများတွင်သာ ထားရှိတော့မည်ဖြစ်သည်။

ကချင်ပြည်နယ်တစ်ပြည်နယ်လုံးအတိုင်းအတာ F.Q သတ်မှတ်ထားသည့်နေရာများမှ မြစ်ကြီးနားခရိုင်(၈၂)၊ ဗန်းမော်ခရိုင်(၂၆၆)၊ မိုးညှင်းခရိုင်(၁၄၂)၊ ပူတာအိုခရိုင် (၄၅) ရှိပြီး နေရာစုစုပေါင်း ၅၃၅ နေရာရှိပြီး Q ဝင်နေသူအားလုံး ၉၀၀၀၀ ကျော်ရှိသည်ဟု လဝက ဌာနမှ သိရသည်။

Qဝင်နေသူအများစုသည် တရုတ်နယ်စပ်ဂိတ် ကန်ပိုင်တီနှင့် လွယ်ဂျယ်ဂိတ်မှဝင်လာသူများဖြစ်ကြပြီး လွန်ခဲ့သည့် ဧပြီလမှ မေလ ၂၆ရက်နေ့ထိ တရုတ်နိုင်ငံမှပြန်လည်ဝင်ရောက်လာသူ စုစုပေါင်း ၁၀၀၀၀ နီးပါးရှိပြီ ဖြစ်ကြောင်း သိရသည်။

ကချင်ပြည်နယ်မှအပ ကျန်တိုင်းဒေသကြီးများမှ ဝင်ရောက်လာသည့်မည်သူမဆို သတ်မှတ်ထားသည့် Qနေရာတွင် သီးခြားနေရမည်ဖြစ်ပြီး ညွှန်ကြားချက်တစ်စုံတစ်ရာမထုတ်သေးသရွှေ့အတည်ဖြစ်သည်ဟု သိရဥည်။

ကချင်ပြည်နယ်တွင် Covid-19 ရောဂါပိုးတွေ့ရှိသူတစ်ဦးရှိခဲ့သော်လည်း ကုသမှုခံယူခဲ့ပြီးနောက် သုံးကြိမ်တိုင်တိုင်ပြန်လည်စစ်ဆေးခဲ့ရာ ရောဂါပိုးထပ်တွေ့ခြင်းမရှိတော့သည့်တွက် ၎င်း၏နေအိမ်သို့ မေလ ၂၅ရက်နေ့တွင်ပြန်လည်ရောက်ရှိနေပြီဖြစ်သည်။

 

Read Previous

ချီဖွေ KBC စစ်ရှောင်စခန်းတွင် မြစ်ရေဝင်ရောက်လာ

Read Next

ကချင်စစ်ရှောင် အိမ်ထောင်စု ၅၀၀ ကို နေရပ်ပြန်ပို့မည့်အစီစဉ် နောက်ဆုတ်ခဲ့ရ

Leave a Reply

Your email address will not be published.