Breaking News :

ပိုးတွေ့လူနာတည်းခိုခဲ့သော မြစ်ကြီးနား အေးချမ်းသာတည်းခိုခန်း နှင့်ဆက်စပ်ခဲ့သူ ၂၀ ဦးကို Quarantine ထားရှိ

ကျေးရွာနယ်နမိတ်ထိ ရွှေတူးဖော်လာမည်ကို ဆွမ်ပရာဘွမ်ဒေသခံများစိုးရိမ်

ကချင်ပြည်နယ်လိပ်စာဖြင့် ထပ်တိုးပိုးတွေ့လူနာ ၂ ဦးမှာ မန္တလေးနှင့် နေပြည်တော်တွင်အသွားအလာကန့်သတ်ခံထားရသူများဖြစ်

ဖားကန့်တွင် မဲဆွယ်စည်းရုံးမှုများ ရပ်နားထား

ပြည်နယ်တွင်းမှ ဖားကန့်သို့ဝင်လာသူများ ကွာရန်တင်းဝင်ရမည်

ပြည်တွင်းစစ်များ ရပ်တန့်ရန် ကချင်အမျိုးသားအတိုင်ပင်ခံအဖွဲ့တောင်းဆို

ငြိမ်းချမ်းရေးအတွက် ဘယ်လိုလွှတ်တော်ကိုယ်စားလှယ်များကို​ ရွေးချယ်ကြမလဲ

Covid-19 ကြောင့် ကျောက်မျက်ရတနာများ ထက်ဝက်ဈေးဖြင့် ရောင်းချနေရ

ဖားကန့်တွင် Covid-19 အတည်ပြုလူနာ ၄ ဦး ထပ်တိုး

ကချင်ပြည်နယ်အတွင်း ခရီးသွားလျှင် သိထားသင့်သည့်အကြောင်းအရာများ

တိုက်ပွဲရပ်တန့်ပြီး စစ်ရှောင်များနေရပ်ပြန်နိုင်ရေးလုပ်ဆောင်ပေးရန် ကချင်အဖွဲ့များတောင်းဆို

KIA တပ္ရင္း (၃၆) တပ္ဖြဲ႕၊ မုံးဂိုေဒသ၊ ရွမ္းျပည္ေျမာက္ပိုင္း

ကချင်စစ်ရှောင်များ နေရပ်ပြန်နိုင်ရေးအတွက် နှစ်ဖက်လက်နက်ကိုင်များသဘောတူညီမှု တစ်စုံတစ်ခု ရရှိမှသာလျှင် နေရပ်ပြန်ရေးသည် စိတ်ချရမည်ဖြစ်သည်ဟု ယနေ့ ကချင်တိုက်ပွဲ ၉ နှစ်ပြည့်နေ့တွင် ကချင်အမျိုးသားအတိုင်ပင်ခံအဖွဲ့က တိုက်တွန်းတောင်းဆိုလိုက်သည်။

တိုက်ပွဲ ၉ နှစ်ပြည့်အစီစဉ်နှင့်ပတ်သက်ပြီး ကချင်အမျိုးသားအတိုင်ပင်ခံအဖွဲ့ WMR က ယနေ့ မနက် သတင်းစာရှင်းလင်းပွဲပြုလုပ်စဉ် WMR အကြံပေး သိက္ခာတော်ရဆရာ Rev.Dr. Hkalam Samson က ပြောဆိုခဲ့ခြင်းဖြစ်သည်။

‘‘တစ်ခုခုသဘောတူညီမှုရှိမှသာလျှင် နေရပ်ပြန်ရေးဟာစိတ်ချရမှာဖြစ်တယ်။ ဒါကြောင့် Bilateral က စိတ်ချမှု တစ်ခုအနေနှင့် လိုအပ်တာဖြစ်တဲ့အတွက် တိုက်တွန်းထားခြင်းဖြစ်တယ်။’’ ဟုပြောသည်။

WMR အဖွဲ့၏ ထုတ်ပြန်ချက်တွင် စစ်ရှောင်များ ဂုဏ်သိက္ခာရှိရှိ လုံခြုံစွာနေရပ်ပြန်ရေး၊ နေရပ်မည့်ဒေသများတွင် သက်ဆိုင်ရာမှ မြေမြုပ်မိုင်းရှင်းလင်းပေးရန်နှင့် စစ်တပ်စခန်းများကို ဆုတ်ခွာပေးရေး၊ နေရပ်ပြန်ရေး ဆန္ဒမရှိသော စစ်ရှောင်များအတွက် မြေလွတ်မြေရိုင်းများကို နေထိုင်ခွင့်ရရှိရေးအတွက် စီစဉ်ပေးရန်၊ လက်နက်ကိုင်ပဠိပက္ခ အဆုံးသတ်ရေးအတွက် နိုင်ငံတော်အတိုင်ပင်ခံနှင့် ကာကွယ်ရေး ဦးစီးချုပ်တို့ထံ တောင်းဆိုချက် စသည်တို့ ပါဝင်သည်ကို တွေ့ရသည်။

ထို့အပြင် ကချင်အရပ်ဖက်အဖွဲ့အစည်းပေါင်းစုံပါဝင်သော ပူးပေါင်းလုပ်ငန်းစဉ်အဖွဲ့ Joint Strategy Team ကလည်း ကချင်နှင့်ရှမ်းမြောက်ဒေသ တစ်ကျော့ပြန်တိုက်ပွဲ ၉ နှစ်ပြည့်နေ့တွင် အချက် ၄ ချက်ဖြင့်တောင်းဆိုချက် ထုတ်ပြန်ထားသည်ကို တွေ့ရသည်။

၎င်းတို့မှာ တစ်နိုင်ငံလုံးတွင် စစ်ပွဲများ ချက်ချင်းရပ်တန့်ပေးရန်၊ IDP များ၏ လူ့အခွင့်အရေးများကို ကာကွယ်စောင့်ရှောက်ပေးရန်၊ လူသားချင်းစာနာထောက်ထားမှု အကူညီများရရှိအောင် ဆောင်ရွက်ပေးရန်နှင့် လူသားချင်းစာနာထောက်ထားမှုလုပ်ငန်းများလုပ်ဆောင်နေသော ဒေသခံအဖွဲ့အစည်းလူပုဂ္ဂိုလ်များကို လေးစားရန် စသည့်အချက်တို့ဖြစ်သည်။

ကချင်စစ်ရှောင်များ နေရပ်ပြန်နိုင်ရေးအတွက် ကချင်လူသားချင်းစာနာမှုအဖွဲ့ (KHCC) က လုပ်ဆောင်နေသလို ရှမ်းမြောက် ကချင်လွတ်လပ်ရေးတပ်မတော် KIA တပ်မဟာ ၆ တွင်လည်း ရက်ပိုင်းအတွင်း တပ်မတော်နှင့် KIA ကြား တိုက်ပွဲဖြစ်ပွားခဲ့သည်။

ထိုသို့ နှစ်ဖက်တပ်ကြား သဘောတူ Bilateral လက်မှတ်ရေးထိုးနိုင်ခြင်း မရှိသေးသော်လည်း KHCC နှင့် NRPC တို့ ညှိနှိုင်းပြီး နေရပ်ပြန်နိုင်ရေး စီစဉ်နေသည်ဟု သိရသည်။

တိုက်ပွဲ ၉ နှစ်ပြည့်သည့်အချိန်တွင် စစ်ရှောင်တချို့နေရပ်ပြန်မှုများ ရှိခဲ့သော်လည်း ကချင်ပြည်နယ်နှင့် ရှမ်းပြည်နယ်မြောက် စစ်ရှောင်စခန်းတွင် စစ်ရှောင်စခန်း ၁၇၀ နှင့် စစ်ရှောင်လူဦးရေ ၁၂၀၀၀၀ ကျော်ရှိသေးသည်ဟု JST ၏ ထုတ်ပြန်ချက်မှ သိရသည်။

မြန်မာပြည်၏ ပြည်တွင်းစစ်ပဠိပက္ခသည် ၁၉၄၇ ပင်လုံစာချုပ်ကတိကဝတ် မဖော်ဆောင်နိုင်သောကြောင့် ဖြစ်ပေါ်လာသောနိုင်ငံရေးပြဿနာဖြစ်သဖြင့် တိုက်ပွဲများအမြန်ရပ်တန့်ကာ တွေ့ဆုံ့ဆွေးနွေးခြင်းဖြင့်အဖြေရှာရန် ကချင်ပြည်နယ်ပြည်သူ့ပါတီ KSPP ကလည်း တောင်းဆိုထားသည်ကို တွေ့ရသည်။

သို့သော်လည်း ကချင်လွတ်လပ်ရေးအဖွဲ့ KIO အပါအဝင် မြောက်ပိုင်းမဟာမိတ်အဖွဲ့နှင့် အစိုးရတို့ကြား ငြိမ်းချမ်းရေးဆိုင်ရာဆွေးနွေးပွဲမှာ ယခုနှစ်ဆန်း တရုတ်နိုင်ငံ ကူမင်းမြို့တွင် အလွတ်သဘောတွေ့ဆုံခဲ့သည်မှာ နောက်ဆုံးဖြစ်ပြီး Covid-19 ကြောင့် တွေ့ဆုံမှု ရပ်တန့်နေသည်ကိုတွေ့ရသည်။

0 Reviews

Write a Review

Read Previous

မိုးရာသီဝင်သော်လည်း အင်းတော်ကြီးအိုင် တိမ်ကောနေဆဲ

Read Next

ကချင်ပြည်နယ်တွင် ထိုင်းပြည်တော်ပြန် အယောက် ၄၀၀ ကျော်ရှိလာ

Leave a Reply

Your email address will not be published. Required fields are marked *