,

Breaking News :

စစ်ရေးတင်းမာမှုများကြောင့် ဖောင်းဆိုင်ဒေသခံများ စပါးရိတ်သိမ်းရန် အခက်အခဲဖြစ်နေ

တနိုင်း-ရှင်ဗွေယန် လမ်းမပေါ်  စစ်ကောင်စီတပ်ကို KIA မိုင်းခွဲ တိုက်ခိုက်

KIO သည် ဓမ္မဘက်ရပ်တည်ပြီး အဓမ္မဘက် ရပ်တည်သူများမှာ အာဏာရှင်ကို ထောက်ခံနေဟု KIO ဥက္ကဋ္ဌ ဆို

ပန်ဆိုင်း မှာ ကချင်အမျိုးသမီး ၁ ဦး လက်နက်ကြီးကျည်စ ထိမှန်ပြီး ဒဏ်ရာပြင်းထန်

ဝိုင်းမော်မြို့နယ်တွင် ကိုဗစ်ကာကွယ်ဆေး နိုဝင်ဘာလ အပြီးထိုးမည်

စစ်တပ်၏ ရိုက်နက်မှု ဒဏ်ရာကြောင့် ပူတာအို လူငယ်တစ်ဦး သေဆုံး

မြန်မာနိုင်ငံသားအချို့ကို တရုတ်ဘက်က ညအချိန် ရိုက်နက်ပြီး အတင်းပြန်ပို့ရန် စီစဉ်ခဲ့

အရာတော် ဘောင်းကျကျေးရွာအတွင်း အာဏာသိမ်းတပ် တပ်စွဲထားကာ ညမထွက်ရ အမိန့်ထုတ်ပြန်

တနိုင်း-ရှင်ဗွေယန်လမ်းမပေါ် KIA နှင့် စစ်ကောင်စီတပ် တိုက်ပွဲဖြစ်ပွား စစ်ကောင်စီဘက်မှ ထိခိုက်မှုများနိုင်

မုံးကိုးမှာ စစ်ကောင်စီနဲ့ ကိုးကန့် MNDAA တိုက်ပွဲ ဆက်လက် ဖြစ်ပွား

ဂိုင်ဒေါ်ကျေးရွာက ၅ လောင်းပြိုင်လူသတ်မှု တရားခံ ၃ ဦးကို KIO အရှေ့ပိုင်းခရိုင်တရားရုံးတွင် ထပ်မံစစ်ဆေး

အသတ်ခံရသော မိသားစုဝင်များ (ဓါတ်ပုံ – RVA Kachin)

ကချင်ပြည်နယ်၊ ဗန်းမော်ခရိုင်၊ မံစီမြို့နယ်အတွင်းရှိ ဂိုင်ဒေါ်ကျေးရွာတွင်ဖြစ်ပွားခဲ့သော ၅ လောင်းပြိုင် လူသတ်မှုနှင့်ပတ်သက်ပြီး ဖမ်းဆီးထားသော တရားခံ ၃ဦးကို KIO ဗန်းမော်မြို့နယ်တရားရုံးတွင် စစ်ဆေးပြီးနောက် အရှေ့ပိုင်းခရိုင်တရားရုံးတွင် ထပ်မံစစ်ဆေးရန် ပြင်ဆင်နေကြောင်း KIO ဗဟိုဌာနချုပ် ပြန်ကြားရေးတာဝန်ခံ ဗိုလ်မှုးကြီးနော်ဘူထံမှ သိရသည်။

“အခုဖမ်းဆီးအရေးယူထားတဲ့ တရားခံ ၃ဦးကို ဘာကြောင့် လူသတ်မှုဖြစ်ပွားခဲ့တယ်။ ဒီလူသတ်မှုမှာဘာကြောင့် ပါဝင်ခဲ့တယ်။ ဒီအချက်တွေကို KIO ဗန်းမော်မြို့နယ်တရားရုံးမှာ စစ်ဆေးခဲ့ပြီဖြစ်တယ်။ အခုက ဒီအမှုကို စီရင်ချက်ချပေးဖို့ အရှေ့ပိုင်းခရိုင်တရားရုံးကို တရားခံလူနဲ့တကွ အမှုတွေကို အပ်နှံပေးခဲ့ပြီ” ဟု ပြောဆိုသည်။

လူသတ်မှုဖြစ်ပွားခဲ့သော နေရာသည် KIO ထိန်းချုပ်နယ်မြေအတွင်းဖြစ်နေသောကြောင့် ၎င်းအမှုကို KIO အရှေ့ပိုင်းခရိုင်တရားရုံးတွင် ပြန်လည် စစ်ဆေးနေပြီး စီရင်ချက်ချမည့်ရက်ကို အသေးစိတ်မသိရသေးကြောင်း သူကဆက်လက်ပြောဆိုသည်။

လူသတ်မှုဖြစ်ပွားခဲ့သည့် အဓိကပြဿနာအကြောင်းအရင်းမှာ ဘိုးဘေးစဉ်ဆက် လုပ်ကိုင်စားသောက်ခဲ့သည့် လယ်ယာမြေ အငြင်းပွားမှုကြောင့် ယခုလိုလူသတ်မှုအဆင့်ထိဖြစ်ခဲ့ကြောင်း စစ်ဆေးတွေ့ရှိသည်ဟု ဆိုသည်။

ဇူလိုင် ၂ရက်နေ့ လူသတ်မှုဖြစ်ပွားခဲ့ပြီးနောက် ၃ရက်နေ့တွင် တရားခံ ၃ဦးကို ဖမ်းဆီးအရေးယူနိုင်ခဲ့ကြောင်း သိရသည်။

KIO ၏တရားစီရင်ရေးတွင် ပြစ်မှုကျူးလွန်းသည့်အပေါ်မူတည်၍ ပြစ်ဒဏ်ချမှတ်မှုများပြုလုပ်ရာတွင် လူသတ်မှုအတွက် သေဒဏ်အထိ ချမှတ်နိုင်ကြောင်း ဗိုလ်မှူးကြီးနော်ဘူက ပြောသည်။

သတ်ဖြတ်ခံရသူများမှာ ဂိုင်ဒေါ်ရွာရှိ ဦးယာကု လန်းဇိန်းတန်ဂွမ်း၊ ဒေါ်ဆွမ်လွန်ထုနန် တို့ မိသားစုဝင် ၅ ဦးဖြစ်ကြောင်း သိရသည်။

Read Previous

ဘော်ဒါဆောင်ဖွင့်လှစ်ခွင့်မပြုမှုကြောင့် နယ်စပ်ဒေသမှ မြို့သို့ကျောင်းလာတက်မည့်ကျောင်းသားများအခက်တွေ့နေ

Read Next

ကချင်ပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ USDP ပါတီဖြင့်တွေ့ဆုံခြင်း

Leave a Reply

Your email address will not be published. Required fields are marked *