,

Breaking News :

မိုင်းနား KBC စစ်ရှောင်စခန်းမှ အမျိုးသမီး ၂ ဦးတွင် Covid-19 ပိုးတွေ့

မိုင်းနင်းမိ ထိခိုက်ခဲ့သော စစ်ကောင်စီတပ်က KIA တပ်စခန်းများသို့ လက်နက်ကြီးဖြင့် ပြန်လည်ပစ်ခတ်

မိုးညှင်းရဲစခန်းမှ အချုပ်သား ၇ ဦး ပိုးကူးစက်ခံရ

ပူတာအိုတွင် ကိုဗစ်-၁၉ အတည်ပြုလူနာ ၂ ဦး တိမ်းရှောင်နေ

ရွှေကူ ဆေးရုံကြီးတွင် အောက်စီဂျင် ထားနိုင်ရေး လူမှုကူညီရေးအဖွဲ့များ ကြိုးပမ်းနေ

ဖားကန့်လမ်း ကာမိုင်း စစ်တပ်ဂိတ် ဖောက်ခွဲ တိုက်ခိုက်ခံရ

ကသာမြို့အဝင် စစ်ကောင်စီ ကားတစ်စီး ပစ်ခတ် တိုက်ခိုက်ခံရ

မိုးညှင်းမြို့တွင် တပတ်အတွင်း ကိုဗစ်-၁၉ အတည်ပြု လူနာ ၁၆၀ ကျော်ရှိ

ရှဒူးဇွပ်ကျေးရွာတွင် ၂ရက်အတွင်း Covid-19 အတည်ပြု လူနာ ၄၇ ဦးရှိ

ပူတာအိုတွင် နာရေးကူညီမှု ကားတစ်စီး လိုအပ်ကြောင်း မေတ္တာ နာရေးကူညီမှုအသင်းပြော

လူစုလူဝေး ခွင့်မပြုသော်လည်း ဝိုင်မော်တွင် စစ်အာဏာရှင်ကို ပြည်သူများက ကန့်ကွက်ဆန္ဒဖော်ထုတ်

ကချင်ပြည်နယ်၊ ဝိုင်းမော်မြို့တွင် ဖေဖော်ဝါရီလ ၂၈ ရက်နေ့ အထွေထွေသပိတ်နေ့တွင် စစ်အာဏာရှင်ဆန့်ကျင်သည့် ဆန္ဒပြပွဲ မပြုလုပ်နိုင်ရန် ရဲနှင့်စစ်သားများက မနက် ၉နာရီခွဲအချိန်ခန့်တွင် လူစုနေရာတွင် ရောက်လာပြီး လူစုကို ဖြိုခွင်းလိုက်သည်။

လူစုလူဝေးပြုလုပ်နေသည့် နေရာအနီးတဝိုက်တွင် စစ်အင်အားများထပ်မံတိုးမြင့်ထားပြီး ဆန္ဒထုတ်ဖော်သူများနှင့် သတင်းထောက်များကိုပင် လိုက်လံဖမ်းဆီးမှုတွေပြု လုပ်ခဲ့သည်။

၎င်းနေရာတွင် လူစုကွဲသွားပြီးနောက် ၁၀နာရီခွဲအချိန်ခန့်တွင် ဝိုင်းမော် အထက(၂) အနောက်ဘက်ခြမ်းရှိ လမ်းသွယ်လမ်းကြားတွင် ဆန္ဒပြသည့် ပြည်သူများထပ်မံ လူအင်အားထောင်ချီစုဝေးပြီး လမ်းမကြီးဘက်သို့ ထပ်မံထွက်ခဲ့ရာ ရဲနှင့်စစ်သားများက ဒုတိယအကြိမ် ထပ်မံတားမြစ်ပိတ်ဆို့ခဲ့သည်။

ထိုအချိန် ဝိုင်းမော် ဝါးရှောင်ဆရာတော်က ရဲနှင့်ပြည်သူကြားဝင်ရောက်ညှိနှိုင်းပေးသောကြောင့်  နံနက်ပိုင်း ၁၁ နာရီခွဲအထိ ဆန္ဒထုတ်ဖော်ခွင့်ရရှိခဲ့သည်။

ယနေ့ဆန္ဒထုတ်ဖော်မှုတွင် ရဲနှင့်စစ်သားများက ရိုက်နက်ဖမ်းဆီးမှုမရှိခဲ့သော်လည်း ၁၁နာရီခန့်အချိန်တွင် ထပ်မံလူစုခွဲရန် လာရောက်တားမြစ်ခဲ့သောကြောင့် ဆန္ဒပြသည့် ပြည်သူများအနေဖြင့်လည်း လူစုခွဲပြီး ဆန္ဒထုတ်ဖော်မှုကို ရပ်တန့်လိုက်ကြောင်းသိရသည်။

ဝိုင်းမော်မြို့အတွင်း အာဏာရှင်စနစ်မလိုလားကြောင်း ဆန္ဒထုတ်ဖော်မှုကြောင့် ဖေဖော်ဝါရီလ ၂၇ရက်နေ့ ကျောင်းဆရာမတစ်ဦးနှင့် အရပ်သားတစ်ဦးကို ဖမ်းဆီးခံခဲ့ရပြီး မြစ်ကြီးနားအကျဉ်းထောင်သို့ပို့လိုက်ကြောင်းသိရသည်။

Read Previous

စစ်ကောင်စီ၏ ကချင်ပြည်နယ် စေ့စပ်ညှိနှိုင်းရေးကော်မတီကို ပြည်သူများ မလိုလား

Read Next

လီဆူအနုပညာရှင်တစ်ဦးကို စစ်တပ်က ညအချိန် ဖမ်းဆီး

Leave a Reply

Your email address will not be published. Required fields are marked *