,

Breaking News :

ကချင်နှင့် စစ်ကိုင်းနယ်စပ်တွင် စစ်ကောင်စီယာဉ်တန်း တိုက်ခိုက်ခံရပြီး ထိခိုက် သေဆုံးမှု များပြား

ဝိုင်းမော် ခလရ ၅၈ တပ်ရင်းပစ်ခတ်ခံရမှု စစ်ကောင်စီဘက် ထိခိုက်သေဆုံးမှုရှိ

ဖျားနာမှုများလာသည့် ဗန်းမော်စစ်ရှောင်စခန်းကို Lock Down ချမှတ်

မိုင်ဂျာယန် ကိုဗစ်-၁၉ ကူးစက်ရောဂါအခြေအနေနှင့်ပတ်သက်ပြီး KIO တာဝန်ရှိသူဖြင့် မေးမြန်းခြင်း

ခေါင်လန်ဖူး တရုတ်နယ်စပ် ကျေးရွာတွင် ကိုဗစ်လက္ခာဖြင့် သေဆုံးသူများရှိနေ

လိုင်ဇာရှိ ပြည်သူများကို ကိုဗစ်-၁၉ ပိုးရှိ မရှိ စစ်ဆေးသွားမည်

နွမ်းလန့် စစ်ရှောင်များ Covid-19 ကြောင့် စားဝတ်နေရေးခက်ခဲလာသဖြင့် နေရပ်ပြန်

ဂျေယန်စစ်ရှောင်စခန်းနှင့် ဝေကျိုင် စစ်ရှောင်စခန်းကို lockdown ချမှတ်

စစ်ကောင်စီ တင့်ကားတင် သင်္ဘောများ ရွှေကူမြို့အနီး ပစ်ခတ်တိုက်ခိုက်ခံရ

Lockdown ချထားသည့် မိုင်းနား KBC စစ်ရှောင်စခန်းတွင် အစားအသောက်ထောက်ပံ့မှုလိုအပ်နေ

ကချင်ပြည်နယ်ရှိ အာဏာသိမ်းစစ် စစ်တပ်၏ စခန်းကို KIA က တိုက်ခိုက်

အာဏာသိမ်းမှုကိုဆန့်ကျင်သော ပြည်သူလူထုကို စစ်တပ်က ပစ်သတ်မှုများလုပ်ဆောင်လာပြီးနောက် ကချင်ပြည်နယ်အနောက်ဘက်ရှိ မြန်မာစစ်တပ် တပ်စခန်းအချို့ကို မတ်လ ၁၁ ရက်နေ့မှစတင်ပြီး ကချင်လွတ်လပ်ရေးတပ်မတော် KIA က ဝင်ရောက် တိုက်ခိုက်မှုများ ပြုလုပ်လာနေကြောင်း သိရသည်။
KIA တပ်မဟာ ၉ ၊ တပ်ရင်း ၂၆ နယ်မြေ ဆယ်ဇင်းကျေးရွာအနီးတွင် တပ်စွဲထားသော မြန်မာစစ်တပ်စခန်းတစ်ခုကို ယနေ့ နံနက် ၃ နာရီခန့်တွင် KIA က ဝင်ရောက်တိုက်ခိုက်ခဲ့သည်။
“မနက် ၃ နာရီကျော်လောက်ကတည်းက အသံတွေကြားနေတာ။ မနက်သွားကြည့်တော့ တပ်တစ်ခုလုံး ဘာမှ မရှိတော့ဘူး။ မီးတွေလောင်နေပြီး အားလုံးပြာကျနေပြီ။ တချို့တွေ့လိုက်တဲ့သူတွေပြောတာတော့ တိုင်းရင်းသားလက်နက်ကိုင်အဖွဲ့တွေက ‘သွေးစီပြီညီနောင်အပေါင်းတို့’  သီချင်းဆိုပြပြီး လက်သုံးချောင်းထောင်ပြသွားတယ်လို့ ပြောကြတယ်။ မနက် ၅ နာရီလောက်တော့ ပြန်ထွက်သွားတယ်ပြောတယ်။ အခု ဆယ်ဇင်းမှာ ဘာမှ မရှိတော့ဘူး” ဟု အမည်မဖော်လိုသူ ဒေသခံ တစ်ဦးပြောသည်။
ပစ်ခတ်မှုတွင် မြန်မာစစ်တပ်ဘက် ထိခိုက်သေဆုံးမှုများရှိခဲ့ပြီး၊ အချို့မှာ ထွက်ပြေးသွားကြောင်း သိရသည်။
ကချင်ပြည်နယ်တွင် တိုက်ပွဲပြန်လည်ဖြစ်ပွားလာခြင်းနှင့်ပတ်သက်ပြီး KIO ဗဟိုဌာနချုပ် မှ ပြန်ကြားရေးတာဝန်ခံ ဗိုလ်မှူးကြီးနော်ဘူ က ယခုလိုပြောသည်။
“ကျနော်တို့ အစကတည်းက လက်ရှိဖြစ်နေတဲ့အခြေအနေကို အကြမ်းဖက်တဲ့ နည်းနဲ့ မဖြေရှင်းဖို့ တောက်လျှောက်ပြောနေတာဖြစ်တယ်။ ဒါပေမယ့် ဒီဗမာစစ်သားတွေက ပြည်သူတွေကို လက်နက်နဲ့ ပစ်တယ်။ ဒီလိုလုပ်တာက ကောင်းတဲ့အရာမဟုတ်ဘူး။ ကောင်းတဲ့ဖြေရှင်းနည်းမဟုတ်ဘူး။ ဒီမိုကရေစီနည်းလမ်းမကျဘူး။ ဒါကြောင့် ပြည်သူတွေကိုလည်းပြောချင်တယ် ကြောက်စရာမလိုဘူး။ ပြည်သူတွေလိုချင်တဲ့ ပန်းတိုင်ရည်ရွယ်ချက်ကို တစ်စိုက်မတ်တ်ဘဲ ဆက်လုပ်ဆောင်ကြပါလို့ ပြောချင်တယ်” ဟု ဗိုလ်မှူးကြီးနော်ဘူက ပြောသည်။
ဆယ်ဇင်းမြန်မာစစ်တပ်စခန်းကို KIA က တိုက်ခိုက်ဖျက်စီးလိုက်ပြီးနောက် KIA တပ်ရင်း ၂၆ ဘက်သို့ မြန်မာစစ်တပ်က လေယာဉ်ဖြင့် လာရောက်ပစ်ခတ်မှုများ ပြုလုပ်နေကြောင်း ဆက်ပြောသည်။
လက်ရှိအချိန်ထိ ဆယ်ဇင်းကျေးရွာနှင့် တာမခံကျေးရွာကြား နှစ်ဖက်တိုက်ပွဲများ ဆက်လက်ဖြစ်ပွားနေဆဲဖြစ်ကြောင်း ဒေသခံများက ပြောသည်။
Read Previous

ဗန်းမော်မှ ဖမ်းဆီးခံရသူတစ်ဦးကို တရားစွဲဆိုထားမှု နောက်တပတ်ရုံးထုတ်မည်

Read Next

လက်နက်ကြီးကျည်ကြောင့် ကာမိုင်းဒေသခံ ၄ဦး ထိခိုက်ဒဏ်ရာ ရရှိ

Leave a Reply

Your email address will not be published. Required fields are marked *