,

Breaking News :

မုံးကိုး နဲ့ တီးမ ကျေးရွာဘက် စစ်ကောင်စီ နဲ့ MNDAA ၊ KIA တို့ တိုက်ပွဲဖြစ်

အုပ်ချုပ်ရေးဒိုင်း ဘောလုံးပွဲကြောင့် နောင်မွန်တွင် Covid-19 ပိုးတွေ့ လူနာပိုများလာ

ဘွမ်ရာယန်စစ်ရှောင်စခန်းတွင် ကျန်းမာရေးနှင့် အစားအသောက်အကူညီများ ပြန်လည်လိုအပ်လာ

မြန်မာ-တရုတ် နယ်စပ်မှာ ပိတ်ထားတဲ့ ဂိတ်တွေကို ပြန်လည် ဖွင့်ဖို့ ဆိုင်းငံ့ထား

မြစ်ဆုံဒေသ စက်ယန္တရားကြီးများဖြင့် ရွှေတူးဖော်မှုကို ဒေသခံများ ကန့်ကွက်

ကသာမြို့နယ် ရပ်ကျေး အုပ်ချုပ်ရေးမှူး အများစု တာဝန်မှ နှုတ်ထွက်

ကချင်စစ်ရှောင်စခန်းများတွင် Covid-19 အတည်ပြုလူနာ ပိုးတိုးလာသဖြင့် စားဝတ်နေရေးအလွန်ခက်ခဲလာ

တရုတ်-မြန်မာ နှစ်နိုင်ငံ ကုန်သွယ်မှု မျှတမှု မရှိလို့ မြန်မာ လုပ်ငန်းရှင်များ ဆုံးရှုံးမှုများနေ

မုံးကိုးတိုက်ပွဲမှာ အရပ်သားပြည်သူ ၆ ဦး လက်နက်ကြီးကျည်စ ထိမှန်ဒဏ်ရ

ပြည်သူ့စစ်အဖွဲ့ အကျိုးအမြတ်ရနေသော ရွှေမှော်များကို KIA ပိတ်သိမ်းခိုင်း

ရွှေကူ CDM ပညာရေးဝန်ထမ်းများ ရုံးပြန်တက်ရန် မြို့နယ်ပညာရေးမှူး ဖိအားပေးခြိမ်းခြောက်နေ

ရွှေကူလူထုသပိတ်စစ်ကြောင်း

ဗန်းမော်ခရိုင် ရွှေကူမြို့နယ်တွင် လူထုအာဏာဖီဆန်မှု CDM ပြုလုပ်သော ပညာရေးဝန်ထမ်းများကို မြို့နယ်ပညာရေးမှူးက ဖိအားပေး ခြိမ်းခြောက်ကာ ဝန်ခံကတိလက်မှတ်ထိုးခြင်းဖြင့် ရုံးတက်ရန်စေခိုင်းနေကြောင်း သိရသည်။

စစ်အာဏာသိမ်းပြီးနောက်ပိုင်း အဆိုပါလုပ်ရပ်ကို ဆန့်ကျင်သည့် ပညာရေးဝန်ထမ်း ၄၀၀ ကျော်က CDM လှုပ်ရှားမှုတွင် ပါဝင်ခဲ့သော်လည်း မြို့နယ်ပညာရေးမှူး ဦးအောင်ဆွေ၏ ခြိမ်းခြောက်ဖိအားပေးမှုကြောင့် CDM ပြုလုပ်သည့် ဆရာ/မ ၁၀၀ ကျော်ခန့်သာ ကျန်ရှိတော့ကြောင်း လက်ရှိချိန်ထိ CDM ပြုလုပ်နေသော ဆရာမတစ်ဦးက ကချင်သတင်းဌာန KNG ကို ပြောဆိုခဲ့သည်။

“ပညာရေးနဲ့ပတ်သက်ပြီး CDM ပြုလုပ်တဲ့ ဝန်ထမ်းတွေ ၄၀၀ ကျော်လောက်ရှိထားတယ်။ အခုက ပညာရေးမှူးက ချော့လိုက် ခြိမ်းခြောက်လိုက် ရာထူးတိုးတဲ့စာတွေနဲ့ မျှားခေါ်လိုက်နဲ့လုပ်နေတယ်။ နောက်ဆုံးအိမ်အထိသွားပြီး ဖိအားလိုက်ပေးနေပြီ။ ဆရာမတို့ ဝန်ထမ်းတွေက အလုပ်ပြုတ်ရင်ပြုတ်သွားပါစေ။ ဒါပေမယ့် ဖမ်းဝရမ်းထုတ်ပြီး ထောင်ထဲပို့မှာကကြောက်တယ်။ အခုပိုဆိုးတာက တစ်အိမ်တက်တစ်အိမ်ဆင်းပြီး CDM မပြုလုပ်ကြောင်း လက်မှတ်လာထိုး။ မထိုးဘူးဆိုရင် ရဲနဲ့စစ်သားတွေကို ခေါ်ပြီး ဖမ်းဝရမ်းထုတ်မယ်လို့ ဆရာမတွေကို သူကိုယ်တိုင်ပြောနေတယ်” ဟု ပြောဆိုသည်။

ပညာရေးဝန်ထမ်း ထက်ဝက်ခန့်က CDM မပြုလုပ်ကြောင်း ပညာရေးမှူး ဦးအောင်ဆွေက စစ်ကောင်စီကို တင်ပြထားသဖြင့် အဆိုပါအရေအတွက် မပြည့်မချင်း ဆွဲခေါ် နေသော လုပ်ရပ်ဖြစ်သည်ဟု သူက ဆက်ဆိုသည်။

မြို့နယ် ပညာရေးမှူး ဦးအောင်ဆွေက ဖမ်းဝရမ်းထုတ်ခိုင်းမည်ဟုဆိုကာ ခြိမ်းခြောက်မူကြောင့် CDM ပြုလုပ်သော အများစုက လုပ်ငန်းခွင်သို့ ပြန်ဝင်ရန် စီစဉ်နေသည်ဟု သိရသည်။

အာဏာသိမ်းစစ်တပ်က ယခုနှစ်ပညာရေးကျောင်းကို ပြန်ဖွင့်တော့မည်ဟုပြောဆိုထားသော်လည်း ကျောင်းသားနှင့် မိဘများကမူ လူသတ်သမားများ သင်ပေးသော ပညာရေးစနစ်ကို မလိုလားကြောင်း ဆန္ဒဖော်ထုတ်မှုများ ရှိနေသည်။

Read Previous

မြို့သစ် ကုန်းလောကျေးရွာဘက်သို့ အာဏာသိမ်းစစ်တပ်က လေယာဉ်ဖြင့် ၄ ရက်ဆက်တိုက် ဗုံးကြဲတိုက်ခိုက်နေ

Read Next

ဟိုပင် တစ်ဝက်ချောင်းတံတား ၂ စင်းဗုံးခွဲခံရ

Leave a Reply

Your email address will not be published. Required fields are marked *