,

Breaking News :

အင်းတော် ကျေးရွာနေအိမ်အချို့ကို စစ်ကောင်စီတပ်မီးရှို့၊ ထွက်မပြေးနိုင်သည့် သက်ကြီးရွယ်အိုများကို ဖမ်းဆီးထား

‘Kachin News Group (official)’ YouTube အတု နှင့် ‘Kachin News Group’ YouTube အစစ် ခွဲခြား သိရှိစေရန်

နန်းမားတွင် လင်မယားနှစ်ဦးဖမ်းဆီးခံရပြီး အမျိုးသားဖြစ်သူကို သတ်ဖြတ်ထား

ကသာမြို့မှ လူငယ် ၆ ယောက်အား စစ်ကောင်စီတပ်မှ ဖမ်းဆီးကာ ထောင်ဒဏ် ၁လစီချမှတ်

KIA ၊ PDF အဖွဲ့မှ ဒေသခံလူငယ်များကို ဖမ်းဆီးခေါ်ဆောင်သည်ဟူသော သတင်းအမှား ထပ်ဖြန့်

အင်းတော်တွင် စစ်ကောင်စီ စစ်ကြောင်း နှစ်ကြိမ်တိုက်ခိုက်ခံရပြီး  စစ်သား ၆ ဦးသေဆုံး၊ အရပ်သား ၂၀ ဦးကို လူသားဒိုင်းပြုလုပ် ရန် စစ်ကောင်စီဖမ်းဆီးထား

နောင်မွန်တွင် ကိုဗစ်ကူးစက်ခံရသူ ၂၀၀ ကျော်ရှိနေပြီး Mask နှင့် ဆေးဝါးအကူအညီတွေ အရေးပေါ်လိုအပ်နေ

စိတ်ဝင်စားဖွယ် သတင်းခေါင်းစဉ်ဖြင့် ဝင်ငွေရှာနေသည့် Youtube ချန်နယ်

စစ်တပ်ပြုလုပ်မည့် ရွေးကောက်ပွဲနှင့် ပတ်သက်ပြီး NUG အစိုးရ၏ လျှို့ဝှက် ညွန်ကြားစာ အတု ပြန့်နှံ့နေ

အင်းတော်နယ်တွင် စစ်ကောင်စီတပ် စစ်အင်အား ၄၀၀ ကျော်တိုးချဲ့ထား၊ ကျေးရွာ ၇ခု ထွက်ပြေးတိမ်းရှောင်နေရ

အင်းတော်ကြီး ချောင်းဝပြည်သူ့ စစ်စခန်းကို KIA နှင့် PDF မီးရှို့ဖျက်ဆီး

မိုးညှင်းမြို့နယ်မှ KIA စစ်သားများ

ကချင်ပြည်နယ် မိုးညှင်းမြို့နယ် အင်းတော်ကြီးဒေသ ချောင်းဝပြည်သူ့စစ်စခန်းတစ်ခု ယနေ့ ဧပြီ ၂၈ ရက်နေ့ နံနက်ပိုင်းတွင် KIA နှင့် PDF ပူးပေါင်းတပ်တို့မှ ဝင်ရောက်မီးရှို့ ဖျက်ဆီးခဲ့ကြောင်း ဒေသရင်းမြစ်များထံမှ သိရသည်။

ယနေ့ နံနက် ၄ နာရီဝန်းကျင်ခန့်တွင် ကချင်လွတ်လပ်ရေးတပ်မတော် KIA နှင့် PDF ပူးပေါင်းတပ်တို့မှ အင်းတော်ကြီးနှင့် မိုင် ၂၀ ခန့်အကွာတွင်ရှိသည့် ချောင်းဝ ပြည်သူ့စစ်စခန်းအား မီးရှို့ဖျက်ဆီးသွားကြောင်း ဒေသသတင်းရင်းမြစ်တစ်ဦးက KNG သို့ ပြောသည်။

“မှန်ပါတယ်ခဗျ ဒီနေ့မနက်လေးနာရီလောက် မှာ သိမ်းခံလိုက်ရတာပါ။ လူတော့ မရှိတော့ဘူးလို့ကြားတယ်။ ဒီဘက်က သေနတ်တွေပစ်တော့ စခန်းကလူတွေက နောက်ဆုတ်သွားကြတယ်။ စခန်းကို ပဲမီးရှို့ပြီး ပြန်ခဲ့တယ်တဲ့ လက်နက်ငယ်ပစ် သံတွေတော့ကြားရတယ်”ဟု ဒေသခံတစ်ဦးက ပြောသည်။

ယနေ့ နံနက် ပစ်ခတ်မှုတွင် ပြည်သူ့စစ်တပ်ဖွဲ့ဝင်များကမှ ပြန်လည်ပစ်ခတ်ခဲ့ခြင်းမရှိဘဲ ဆုတ်ခွာသွားသည့်အတွက် နှစ်ဘက်ပစ်ခတ်မှု မရှိခဲ့သောကြောင့် ထိခိုက်မှုမရှိကြောင်းလည်းသိရသည်။

“အဲ့ဒီချောင်းဝပြည်သူ့စစ်တွေက စခန်းကိုဆုတ်ခွာပြီး လုံးတုန် ပြည်သူ့စစ်စခန်းနဲ့သွားပေါင်းလိုက်တယ် လို့သိရတယ်”ဟု အခြားဒေသ ခံတစ်ဦးကပြောသည်။

ယနေ့ ပစ်ခတ်ခံရသော ချောင်းဝ ပြည်သူ့စစ်စခန်းသည် ယခင်အာဏာမသိမ်းခင်ကတည်းက တပ်စွဲထားသည့် စခန်းဖြစ်ပြီး အင်းတော်ကြီးဒေသတစ်လျှောက် အမာခံတပ်စွဲနေထိုင်ခဲ့သည့် စခန်းလည်းဖြစ်ကြောင်း သိရသည်။

မိုးညှင်းမြို့နယ်တွင် အာဏာသိမ်းပြီးနောက် စစ်ကောင်စီ လက်အောက်ခံ ရဲစခန်း၊ စစ်ကောင်စီတပ်စခန်းများ သိမ်းပိုက်ခံရမှုရှိခဲ့ပြီး ပြည်သူ့စစ်စခန်းသိမ်းခံရမှုမှာ ယခုပထမအကြိမ်ဖြစ်သည်။

Read Previous

ရွှေတူးဖော်မှု၊ ချောင်းရေ ပျက်စီးမှုကြောင့် ဒေသခံများ နောက်ဆက်တွဲ ဆိုးကျိုး ခံစားရမည်ကို စိုးရိမ်

Read Next

KIA တပ်ရင်း ၆ ကံဆီး (Ginsi) ဘက်သို့ စစ်ကောင်စီတပ်မှ လက်နက်ကြီး ပစ်ခတ်နေ

Leave a Reply

Your email address will not be published.