,

Breaking News :

ကပ်ဘေးနှစ်ခုကို အံတုရင်း ကြပ်တည်းလာသော လူနေမူဘဝ

မုံရွေးနှင့် ကြေးမုံရွာရှိ ဒေသခံများ ဖမ်းဆီးရိုက်နက်ခံရပြီး နေအိမ်တစ်ချို့ ဖမ်းရှို့ဖျက်ဆီးခံရ

ကသာတွင် စစ်ကောင်စီစစ်ကြောင်း ကို ပြည်သူ့ကာကွယ်ရေးတပ်မှ မိုင်းဆွဲ တိုက်ခိုက်

တနိုင်း ပယင်းမှော်ဘက်သို့ ဆင်များအသုံးပြုကာ ကုန်ပစ္စည်းတင်ပို့နေမှုကြောင့် လမ်းပျက်စီးနေ

နမ္မတူမြို့နယ်တွင် တိုက်ပွဲဆက်လက်ဖြစ်ပွားနေပြီး စစ်ရှောင်များ နေရပ်မပြန်နိုင်သေး

ဖားကန့်တွင် ည ၈ နာရီနောက်ပိုင်း အပြင်ထွက်သူများကို ပစ်ခတ်ရန် ညွန်ကြားချက်ရရှိထားဟုဆို

ကန့်ဘလူ၊ ဇော်ချောင်းကျေးရွာကို စစ်ကောင်စီက ဝင်ရောက်မီးရှို့သဖြင့် ပြည်သူ ၅ ထောင်ကျော် ထွက်ပြေးနေရ

ပင်လည်ဘူးတိုက်ပွဲတွင် စစ်ကောင်စီဘက်မှ ၃ ဦးကျဆုံးကာ ဒေသခံကာကွယ်ရေးတပ်ဘက်က ၅ဦးဒဏ်ရာရရှိခဲ့

ကင်းလှည့်သော စစ်ကောင်စီတပ်မှ လူငယ်တစ်ဦးကို အကြောင်းမဲ့ ပစ်သတ်

သတင်းထောက် နောင်ရိုး အပါအဝင် နိုင်ငံရေးလှုပ်ရှားသူ ၁၂ ဦး လွတ်မြောက်လာ

ဖားကန့်တွင် စစ်ကောင်စီ ပစ်ခတ်သော လက်နက်ကြီးကြောင့် ပြည်သူ ၂ ဦး သေဆုံး

ကချင်ပြည်နယ်၊ ဖားကန့်မြို့နယ် လုံးခင်း မှော်ပုံကျေးရွာတွင် စစ်ကောင်စီပစ်ခတ်သည့် လက်နက်ကြီးကြောင့် ထမင်းဆိုင်ပိုင်ရှင်နှင့် စျေးဝယ်သူအမျိုးသားတစ်ဦး သေဆုံးခဲ့ကြောင်း လုံးခင်းကျေးရွာဒေသခံများထံမှ သိရသည်။

ယမန်နေ့ည ၈ နာရီခန့်အချိန်တွင် ဖားကန့်မြို့နယ်ရှိ ဆန်ခါဘက်မှ လုံးခင်းဘက်သို့ စစ်ကောင်စီတပ်မှ လက်နက်ကြီး နှစ်လုံးပစ်ခတ်ခဲ့ရာ တစ်လုံးကျရောက်ပေါက်ကွဲခဲ့ပြီး ယင်းပေါက်ကွဲမှုကြောင့် ထမင်းဆိုင်ပိုင်ရှင် ဦးရုံဂွေအသက် ၅၀ နှစ် နှင့် စျေးလာဝယ်သူအမျိုးသားတစ်ဦး လက်နက်ကြီးကျည်ထိမှန် ပွဲချင်းပြီးသေဆုံးခဲ့​ကြောင်း လုံးခင်း မှ အမျိုးသားတစ်ဦးက ပြောသည်။

” တိုက်ပွဲဖြစ်တာမဟုတ်ဘူး စစ်ကောင်စီတပ်က တစ်ဖက်သတ် လက်နက်ကြီးနဲ့ရွာဘက်ကို လျှောက်ပစ်တာ အဲဒါ တစ်လုံးက ဆောင်းရာသီထမင်းဆိုင်ရှေ့မှာ ကျကွဲတာ ဆိုင်ရှင်နဲ့ဈေးဝယ်တဲ့သူ နှစ်ယောက်‌ကျည်စထိမှန်ပြီး ပွဲချင်းပြီးသေတယ်” လို့ ဒေသခံတစ်ဦးကပြောသည်။

လက်နက်ကျည်ထိမှန်သေဆုံးသွားသူ နှစ်ဦးမှာ ထမင်းဆိုင်ပိုင်ရှင် ဦးရုံဂွေနှင့် ဈေးဝယ်သူ ဦးမောင်မြင့် အသက် ၄၅ နှစ်တို့ဖြစ်ကြောင်း သိရပြီး ရုပ်အလောင်းအား ယနေ့ သဂြိုလ်လိုက်ပြီ ဖြစ်ကြောင်း သိရသည်။

ဒေသခံများ၏ ပြောဆိုချက်အရ ည ၇ နာရီဝန်းကျင်တွင် မဇွပ်ယန်ကျေးရွာဘက်မှ လက်နက်ကြီးသံများ ဦးစွာကြားခဲ့ရပြီး ည ၈ နာရီဝန်းကျင်တွင်မူ မှော်ပုံထမင်းဆိုင်ရှေ့ကျရောက်ပေါက်ကွဲမှသာ စစ်ကောင်စီဘက်မှ ပစ်ခတ်နေခြင်းဖြစ်ကြောင်း သိရသည်ဟု ဒေသခံ ၁ ဦးက ပြောသည်။

” အစတော့ မဇွပ်ယန်ဘက်က လက်နက်ကြီးသံကြားရတယ် ကျနော်တို့ထင်တာက ကျောက်လုပ်ကွက်တွေမှာ မိုင်းခွဲတာထင်တာ။ နောက်မှ လက်နက်ကြီးနဲ့ ပစ်နေမှန်း သိတာ” ဟု ဒေသခံတစ်ဦးက ပြောသည်။

လက်နက်ကြီး ကျကွဲသည့် မှော်ပုံနှင့် မဇွပ်ယန်အကျဉ်းထောင်သည်တစ်မိုင်ခန့်မျှသာကွာဝေး‌ကြောင်း ၎င်းကဆက်ပြောသည်။

ဖားကန့်တွင် ပြီးခဲ့သည့် အပတ်တွင်လည်း စစ်ကောင်စီတပ်က ကချင်လွတ်လပ်ရေးတပ်မတော် KIA တပ်မဟာ ၉ ဘက်သို့ လက်နက်ကြီး ပစ်ခတ်မှုများ ပြုလုပ်ခဲ့သည်။

Read Previous

စစ်ရေးအခြေအနေကြောင့် မြောင် ပညာရေးကျောင်းများကို ခေတ္တပိတ်ထား

Read Next

အလော့ဘွမ်အနီးတွင် စစ်ကောင်စီတပ်မှ စစ်ရေး ပြင်ဆင်မှုများ ပြုလုပ်နေဟု ဒေသခံများပြော

Leave a Reply

Your email address will not be published.