,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ဆန္ဒပြလူစုခွဲချိန်တွင် ဖမ်းခံခဲ့ရသည့် အမျိုးသားတစ်ဦး ထောင်ထဲတွင် သေဆုံး

ဖားကန့် အကျဉ်းထောင်

ကချင်ပြည်နယ်၊ ဖားကန့်မြို့ မရှီကထောင်တွင် ပြီးခဲ့သောနှစ် ဒီဇင်ဘာလ စစ်အာဏာရှင်ဆန့်ကျင်သည့် သပိတ်စစ်ကြောင်း ဖြိုခွင်းခံရချိန် ဖမ်းခံခဲ့ရသည့် ဦးကျော်မင်း ခေါ်သူသည် မေလ ၂၈ ရက်ည ၁၁ နာရီခန့်တွင် နှလုံးဖောက်ကာ သေဆုံးသွားသည်ဟု ၎င်းနှင့် နီးစပ်သူများထံမှ သိရသည်။

“ပြီးခဲ့တဲ့နှစ် ဒီဇင်ဘာ၂၀ရက်နေ့က မရှီကထောင်ရပ်ကွက်က ဆန္ဒပြလူစုကွဲချိန်မှာဖမ်းခံရတဲ့ အုပ်စု ၁၄ ယောက်ထဲမှာ ပါတဲ့ ဦးကျော်မင်း ဆိုတဲ့အမျိုးသားပါတယ်။ အဲ့ဒါ မေလ ၂၈ ရက်ညက နှလုံးဖောက်ပြီးတော့ဆုံးသွားတယ် သိရတယ် “လို့ ဖားကန့်ဒေသခံတစ်ဦးက ပြောသည်။

သေဆုံးသွားသည့် ဦးကျော်မင်းသည် အသက် ၅၈ နှစ် ရခိုင်လူမျိုးဖြစ်ပြီး ပြီးခဲ့သည့် မတ်လအတွင်း ပုဒ်မ ၅၀၅-က ဖြင့် ထောင်ဒဏ်တစ်နှစ်ကျော် ချမှတ်ခံထားရသူ ဖြစ်သည်။

ဦးကျော်မင်းသေဆုံးချိန်တွင် အသက်ခြောက်နှစ်အရွယ် သမီးတစ်ယောက်နှင့် ဇနီးဖြစ်သူတို့ ကျန်ရစ်ခဲ့သည်ဟုသိရပြီး ၎င်း၏ရုပ်အလောင်းအား ယမန်နေ့ နေ့လည်၁နာရီအချိန်၌ ဖားကန့်မြို့ စုပေါင်းသုဿန်တွင် သဂြိုလ်ခဲ့ကြောင်း သိရသည်။

နိုင်ငံတော်ပုန်ကန်မှု ရာဇသတ်ကြီးဥပဒေပုဒ်မ၅၀၅-က သည် စစ်အာဏာရှင်ဆန့်ကျင်ဆန္ဒပြလှုပ်ရှားမူတွင် ပါဝင်သူများ ဖမ်းဆီးခံရစဉ် အများဆုံးစွဲဆိုခံရသည့် ရာဇသတ်ကြီး ဥပဒေပုဒ်မဖြစ်ပြီး အမြင့်ဆုံး ထောင်ဒဏ်၃နှစ်အထိ ချမှတ်နိုင်သည့် ဥပဒေဖြစ်သည်။

FEM (လွတ်လပ်စွာ ထုတ်ဖော်ပြောဆိုခွင့် မြန်မာ) ၏ ဖော်ပြချက်အရ အာဏာသိမ်းပြီးနောက်ပိုင်းတွင် ပုဒ်မ ၅၀၅ နှင့် ၅၀၅(က) အရ ဝရမ်းထုတ်ခံရသူ ၄၀၀၀ နီးပါးရှိကြောင်း သိရသည်။

အလားတူ ဖားကန့်မြို့နယ်တွင်လည်း ပုဒ်မ ၅၀၅-က နှင့် စွဲဆိုခံရသူ ၄၀ ဝန်းကျင်ခန့်ရှိနိုင်ကြောင်း ဖားကန့်မြို့မှ နိုင်ငံရေးတက်ကြွလှုပ်ရှားသူ လူငယ်တစ်ဦးက သုံးသပ် ပြောဆိုသည်။

Read Previous

အင်းတော်တွင်ဇနီးသည်ထံပြန်မည့်အမျိုးသား ယမ်းမှုန့်မိရာမှ စစ်ကောင်စီကသတ်ဖြတ်

Read Next

အရာတော်မြို့ လဝကရုံးကို ပြည်သူ့ကာကွယ်ရေးတပ်ဖွဲ့များ ပစ်ခတ်တိုက်ခိုက်