,

Breaking News :

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ထီးချိုင့် တိုက်ပွဲတွင် စစ်ကောင်စီဘက်မှ ဗိုလ်ကြီး ၁ ဦး အပါအဝင် ၉ ဦး သေဆုံး

လူမရှိသည့် နေအိမ်များကို မီးရှို့မည်ဟု ခြိမ်းခြောက်ကာ မိုးမောက်ဒေသခံများကို နေရပ်ပြန်ခေါ်ကာ အကာအကွယ်ယူနေ

ဖားကန့်တွင် ​မြေစာပုံပြိုကျပြီး ရေမဆေးသမား ၁ ဦးသေဆုံး၊ တစ်ဦးပြင်းထန်ဒဏ်ရာရ

အင်းတော်နယ် နတ်မဟုတ်ကြီးကျေးရွာ မီးရှို့ဖျက်ဆီးခံရပြီး ပြည်သူ ၈ ဦးလည်း ဖမ်းဆီးခံထားရ

မြစ်ကြီးနားတွင် စစ်ကောင်စီအဖွဲ့ ကင်းပုန်းချ ဖမ်းဆီးမှုလုပ်ဆောင်နေ၊ တစ်ရက်အတွင်း လူငယ် ၂ဦး ဖမ်းဆီးခံရ

မြစ်ကြီးနား ဆန္ဒပြပွဲတွင် မြင်တွေ့ရသော ရဲတပ်ဖွဲ့ဝင်များ

မြစ်ကြီးနားမြို့တွင် စစ်ကောင်စီတပ်နှင့်ရဲတပ်ဖွဲ့များက မြို့ပေါ်ရပ်ကွက်နေရာအနှံ့တွင် ကင်းပုန်းများချထားကာ ဖမ်းဆီးရိုက်နက် မှုများလုပ်ဆောင်နေပြီး စက်တင်ဘာလ ၂၁ရက်နေ့ တစ်ရက်အတွင်း လူငယ် ၂ဦးဖမ်းဆီးခံလိုက်ရကြောင်းသိရသည်။

ယမန်နေ့ ညနေ ၄နာရီဝန်းကျင် အထက ()ကျောင်းရှေ့ လူငယ် ၁ဦးကို အရပ်ဝတ်ဖြင့် ရဲတပ်သား ၂ဦးက လမ်းပိတ်ဆို့ ဖမ်းဆီးသွားပြီး ည ၈နာရီဝန်းကျင်တွင် ရမ်ပူရပ်ကွက်ရှိ နေအိမ်တစ်ခုတွင် စစ်ကောင်စီတပ်မှ ဝင်ရောက်စီးနင်းမှုကြောင့် လူငယ် တစ်ဦး ထပ်မံ ဖမ်းဆီးခံလိုက်ရသည်ဟု ဖြစ်စဉ်သိရှိသူ ဒေသခံတစ်ဦး KNG ကိုပြောသည်။

အထက ()ဘက်ဝင်လာတဲ့လမ်းမှာ ဆိုင်ကယ်စီးလာတဲ့ ကောင်လေးကို Honda Fit ကားတစ်စီးက သူ့ရဲ့ ရှေ့တည့်တည့်ပိတ်ချလိုက်ပြီး ဖမ်းသွားတာ။ ကောင်းလေးရဲ့ ဆိုကယ်ကိုတော့ အနီးမှာ ကင်းပုန်းခိုနေတဲ့ အရပ်ဝတ်နဲ့ ရဲ ၂ယောက်က ပြန်မောင်းသွားတယ်။ သူတို့ဖမ်းသွားတဲ့ ပုံစံအရမ်းမြန်တယ်။ သတင်းအတိအကျရထားတဲ့ ပုံစံနဲ့ ဖမ်းတာဖြစ်နိုင်တယ်။ ပြီးရင် ရမ်ပူဘက်မှာလည်း လူငယ်တစ်ယောက်ဖမ်းခံရတယ်လို့ကြားတယ်ဟုပြောသည်။

အဆိုပါ ဖမ်းဆီးခံရသည့် လူငယ် ၂ဦးသည် မည်သူမည်ဝါဖြစ်သည်ကို KNG သတင်းဌာနမှ သီးခြားအတည်ပြုနိုင်ခြင်းမရှိသေးပါ။

ထို့နောက် မွန်းလွှဲ ၃နာရီဝန်းကျင်တွင် မြစ်ကြီးနားမြို့နယ် နမ်ကျင်ကျေးရွာရှိ နေအိမ်တစ်ခုကို စစ်ကောင်စီတပ်များမှ လူဖမ်းဆီးရန် ဝင်ရောက်စီးနင်းခဲ့ပြီး လာရောက်ဖမ်းဆီးသည့် သူမရှိသည့်အတွက် သူ၏ သားဖြစ်သူ အသက် ၆နှစ်အရွယ်ရှိ ကလေးငယ်အား ထိုးကြိတ်ရိုက်နက်မှု ပြုလုပ်သွားကြောင်းသိရသည်။

စစ်ကောင်စီတပ်ဖွဲ့သည် ယခုနောက်ပိုင်း မြစ်ကြီးနားမြို့ပေါ် ရပ်ကွက်အတွင်း လမ်းနယ် လမ်းကြားများတွင် ကင်းပုန်းများချထားပြီး ဖမ်းဆီးမှုများပြုလုပ်နေသည့်အပြင် ပြည်သူများ၏ နေအိမ်များကိုလည်း ဝင်ရောက်စီးနင်း ဖမ်းဆီးမှုများ ယခင်ကထက် ပိုမိုလုပ်ဆောင်လာသည်ကို မြင်တွေ့ရသည်။

Read Previous

ငွေသာကျေးရွာ မီးရှို့ခဲ့သည့် စစ်ကောင်စီတပ်ကို ဒေသကာကွယ်ရေးတပ်များ တိုက်ခိုက်

Read Next

နန့်ယား ပြည်သူ့စစ်ခေါင်းဆောင် သတ်ခံရပြီးနောက် နန့်ယားကျေးရွာတွင် စစ်ဆေးရေးပိုမိုတင်းကြပ်ထား