-
Jun- 2025 -2 Juneသတင်း
မြစ်ရေတက်နေတဲ့ ဝိုင်းမော်မြို့နယ် ကျေးရွာတချို့မှာ သွားလာရေးအတွက် ငွေကျပ် ၆ သောင်းထိ ကုန်ကျနေရ
ကချင်ပြည်နယ် ဝိုင်းမော်မြို့နယ် အင်ဂန်းကျေးရွာ လမ်းနေရာတချို့မှာ ဧရာဝတီမြစ်ရေမြင့်တက်နေပြီး လမ်းတစ်ခါ ဖြတ်ကူးနိုင်ဖို့ ငွေကျပ် ၆ သောင်းခန့်အထိ ပေးနေရတယ်လို့ စစ်ရှောင်ပြည်သူတွေဆီကနေ သိရပါတယ်။ လက်ရှိ အင်ဂန်းကျေးရွာကနေ ထွက်နိုင်ဖို့အတွက် ရေကြီးသွားတဲ့ နေရာ ငါးခုလောက်ရှိပြီး ဆိုင်ကယ်နဲ့ ဖြတ်မရတဲ့အတွက် စက်လှေတွေကို အသုံးပြုနေရတယ်လို့ သိရပါတယ်။ ဒါပေမယ့်လည်း…
Read More » -
2 Juneသတင်း
မြစ်ကြီးနားဧရာဝတီမြစ်ရေကျဆင်းလာပေမဲ့ မြစ်ဖျားပိုင်းမှာမိုးကြီးနေ
ကချင်ပြည်နယ် မြစ်ကြီးနားမြို့ရဲ့ဧရာဝတီမြစ်ရေကျဆင်းလာပေမဲ့ မြစ်ဖျာပိုင်းဒေသဖြစ်တဲ့ ချီဖွေမြို့နယ်ဘက်မှာ မိုးကြီးနေဆဲ ဖြစ်တယ်လို့ ဒေသခံတွေဆီကသိရပါတယ်။ ပြီးခဲ့တဲ့ မေလ ၃၁ ရက်နေ့ကစပြီးတရွေ့ရွေ့နဲ့တက်လာတဲ့ မြစ်ကြီးနားမြို့ရဲ့ ဧရာဝတီမြစ်ရေဟာ ဒီနေ့ ဇွန်လ ၂ ရက်နေ့ နေ့လည် ၁၁ နာရီ ဝန်းကျင်ကစလို့ နာရီဝက်အတွင်း ၂ လက်မခန့်နှုန်းနဲ့ မြစ်ရေစကျနေပြီလို့ ကချင်ပြည်နယ်မိုးဇလရဲ့ ဦးစီးမှူး ဦးနိုင်လင်းထွေးက သူ့ရဲ့ ဖေ့ဘုတ်စ်ကတစ်ဆင့် ကြေညာလိုက်ပါတယ်။ “တိုင်ကိုကြည့်လိုက်ပါ။ ရေလည်းငြိမ်သွားပါပြီ။ မနက် ၄ နာရီခွဲကနေစပြီးမှ…
Read More » -
May- 2025 -31 Mayသတင်း
ချီဖွေမြို့မှာ မေခမြစ်ရေမြင့်တက်နေဆဲဖြစ်ပြီး စစ်ရှောင်စခန်းအများပိုင်း ရေနစ်မြုပ်
ကချင်ပြည်နယ်အထက်ပိုင်း မိုးသည်းထန်စွာရွာသွန်းနေတာကြောင့် မေခမြစ်ရေဆက်မြင့်တက်နေဆဲဖြစ်ပြီး စစ်ရှောင်စခန်းအများပိုင်း ရေနစ်မြုပ်နေပြီဖြစ်ပါတယ်။ ပြီးခဲ့တဲ့ မေလ ၂၃ ရက်ကစပြီး ချီဖွေ၊ပန်ဝါ၊ဆော့လော်၊လန်ဆယ်၊ခေါင်လန်ဖူး၊ပူတာအိုဘက်မှာ မိုးသည်းထန်စွာရွာသွန်းနေတာ တစ်ပတ်ကျော်ကြာလာချိန် မေခမြစ်ရေကလည်း တဖြည်းဖြည်းမြင့်လာတာဖြစ်ပါတယ်။ မေလ ၃၀ ရက်ညအထိ မြို့ထဲရေဝင်ရောက်တာမရှိသေးပေမယ့် မေလ ၃၁…
Read More » -
29 Mayသတင်း
လုံးခင်း ကျေးရွာတိုက်ပွဲအတွင်း အရပ်သား သေဆုံးဒဏ်ရာရရှိမှု များပြား
ဖားကန့် လုံးခင်းကျေးရွာထဲ ဝင်ရောက်လာတဲ့ စစ်ကောင်စီတပ် တိုက်ခိုက်ခံရမှုမှာ လူသားဒိုင်းအဖြစ် ဖမ်းဆီးခေါ်ဆောင်ခံရတဲ့ အရပ်သားတချို့ ထိခိုက် သေဆုံးမှု ရှိခဲ့တယ်လို့ သိရပါတယ်။ မေလ ၂၈ ရက်နေ့ မနေ့က မနက်ပိုင်း လုံးခင်းကျေးရွာ ရိန်းဘိုးမိုဘိုင်း ဆိုင်ရှေ့ ပြည်သူတစ်ဦးကို စစ်ကောင်စီတပ်က ပစ်သတ်ခဲ့သလို ကျေးရွာအတွင်း…
Read More » -
29 Mayသတင်း
KIA နဲ့ TNLA တွေ့ဆုံဖို့ အခြေခံ အချက် ၂ ချက် ရရှိထားပြီး အချိန်ညှိနှိုင်းနေဆဲ
ကချင်လွတ်လပ်ရေးတပ်မတော် KIA နဲ့ တအာင်းအမျိုးသားလွတ်မြောက်ရေးတပ်မတော် PSLF/TNLA တို့နှစ်ဖွဲ့အကြား ဆွေးနွေးပွဲအတွက် အခြေခံအားဖြင့် ခေါင်းစဥ်နှစ်ခုအထိ ရရှိထားပြီး ဆွေးနွေးပွဲအမြန်ဆုံး ဖြစ်မြောက်ဖို့အတွက် တွန်းအားပေး လုပ်ဆောင်နေတယ်လို့ TNLA က ပြောပါတယ်။ မေလ ၂၈ ရက်နေ့ မီဒီယာတွေ နဲ့ တွေ့ဆုံမှုအစီစဉ်တစ်ခုမှာ PSLF/TNLA တွဲဖက်အထွေထွေအတွင်းရေးမှူး ၂ ဗိုလ်မှူးကြီး တားပန်လ က KNG ကို ပြောဆိုခဲ့တာဖြစ်ပါတယ်။…
Read More » -
29 Mayသတင်း
လုံးခင်းကျေးရွာကို ဗုံးကြဲမယ်လို့ ခြိမ်းခြောက်ပြောဆိုပြီး စစ်ကြောင်းပြန်လည် ထွက်ခွာ
ဖားကန့်မြို့နယ် လုံးခင်းကျေးရွာထဲမှာ ရောက်ရှိနေတဲ့ စစ်ကောင်စီတပ်က ဖားကန့် စစ်တပ်ကုန်းဘက်ကို ဆက်လက်ချီတက်ဖို့ လူသားဒိုင်းအဖြစ် ရပ်မိရပ်ဖတွေကို ခေါ်ဆောင်ပြီး စစ်ကြောင်း ပြန်လည်ထွက်ခွာနေကြပြီလို့ သိရပါတယ်။ ဖားကန့်မြို့အဝင် ယမ်းချက်စက်ရုံနဲ့ လယ်ပြင်ကျေးရွာမှာ မေလ ၂၈ ရက်နေ့ မနေ့က တိုက်ခိုက်ခံရတဲ့ စစ်ကြောင်းတွေဟာ ယနေ့ မနက်ပိုင်း ၈ နာရီခွဲအချိန်အထိ အဲဒီနေရာမှာ ပိတ်မိနေတာဖြစ်ပါတယ်။ လက်ရှိ ဖားကန့်…
Read More » -
28 Mayသတင်း
ဖားကန့်မြို့နေရာ ၃ ခုမှာ တိုက်ပွဲပြင်းထန်
ဖားကန့်မြို့အဝင် ယမ်းချက်စက်ရုံမှာ ရောက်ရှိနေတဲ့ စစ်ကောင်စီတပ် စစ်ကြောင်းတွေမှာ ဒီကနေ့ မနက်ပိုင်း ၇ နာရီခွဲဝန်းကျင်အချိန် ဖားကန့် ဗျူဟာကုန်ဘက်ကို ဦးတည်ပြီး စစ်ကြောင်းထွက်ခွာခဲ့ရာ KIA နဲ့ တော်လှန်ရေးပူးပေါင်းတပ်တွေ လမ်းကြောင်းပိတ်ဆို့ တိုက်ခိုက်ခဲ့တဲ့အတွက် ၃ နေရာလောက်မှာ…
Read More » -
27 Mayသတင်း
မန္တလေး-မြစ်ကြီးနားလမ်းပိုင်း ကွင်းလမ်းအသုံးပြုနေရဆဲဖြစ်တဲ့အတွက် ကုန်စျေးနှုန်းဆက်မြင့်တက်နေ
မန္တလေး–မြစ်ကြီးနားကားလမ်းပိုင်းမှာ ကွင်းလမ်းအသုံးပြုပြီးသွားလာနေရဆဲဖြစ်တာကြောင့် ကချင်ပြည်နယ်ဘက်မှာ စားသောက်ကုန်တစ်ချို့ပြတ်လပ်လာပြီး ကုန်စျေးလည်း မြင့်တက်လာနေတယ်လို့ ဒေသခံတွေပြောပါတယ်။ ကချင်ပြည်အတွက် အဓိကကုန်သွယ်ရေးလမ်းမကြီးဖြစ်တဲ့ မန္တလေး –မြစ်ကြီးနားဗျူဟာကားလမ်းမကြီးကို စစ်ကောင်စီတပ်က ကန့်ဘလူမြို့နယ် ပေကြီး၊ဇီးကုန်းနဲ့စပယ်နံ့သာကျေးရွာတစ်လျှောက်မှာ ပိတ်ထားတာကြောင့် ကုန်ကားနဲ့ခရီးသည်ကားအားလုံး ကွင်းလမ်းလို့ခေါ်တဲ့ (မိုင် ၄၀ )လမ်းကို အသုံးပြုသွားလာနေရပြီး ခရီးကြန့်ကြာမှုကြုံနေရတယ်လို့ မြစ်ကြီးနားမြို့ ရမ်ပူရပ်ကွက်နေအမျိုးသားတစ်ဦး KNG ကိုပြောပါတယ်။ “အခုပိတ်ထားတဲ့ကွင်းလမ်းက အရင်အင်းတော်ကွင်းလမ်းထက်ဆိုးတယ်ပြောတယ် အဲ့ကြောင့်ကုန်တခါတခါရောက်ဖို့မလွယ်ဘူး။ အခုကုန်ကားတွေမဝင်တာအတော်ကြာပြီ မြို့ထဲမှာ ကွမ်းရွက်တွေ၊လက်ဖက်ရည်ဆိုင်သုံးပစ္စည်းတွေတချို့ပြတ်နေကြတယ်ဗျ ပစ္စည်းမရောက်လို့တဲ့”လို့ အသက် ၄၀ ကျော်အရွယ်အထက်ဖော်ပြပါအမျိုးသားကပြောပါတယ်။ လက်ရှိအသုံးပြုနေတဲ့ကွင်းလမ်းဟာ မိုင်းပေါင်း ၄၀ ကျော်ဝေးပြီး မြေသားလမ်းဖြစ်တာကြောင့် မိုးရွာသွန်းတဲ့အချိန်တွေမှာ လမ်းပိုင်းဆိုးဆိုးဝါးဝါးပျက်စီးလို့ သွားလာရခက်ခဲတာကြောင့် လမ်းမှာ တစ်ပတ်ကျော်ကြာတယ်လို့သိရပါတယ်။ “အရင်အင်းတော်ကွင်းလမ်းပိတ်တဲ့အချိန်ဆိုရင် တစ်ပတ် ၊တစ်ပတ်ကျော်ကျော်ဆိုမြစ်ကြီးနားရောက်ပြီ အခုက ပြီးခဲ့တဲ့ ၁၈ ရက်နေ့က မန္တလေးဂိတ်ကိုတင်ထားတာအခုထိမြစ်ကြီးနားဂိတ်ကိုမရောက်လာသေးဘူးပစ္စည်းကဆယ်ရက်တောင်ရှိပြီ “လို့ လူသုံးကုန်နဲ့စားသောက်ကုန်ရောင်းနေတဲ့မြစ်ကြီးနားမြို့တပ်ကုန်းရပ်ကွက်နေအမျိုးသမီးတစ်ဦးက ပြောပါတယ်။ အခုလိုကွင်းလမ်းအသုံးပြုသွားလာနေရတာကြောင့် မြစ်ကြီးနား၊ပူတာအိုနဲ့အခြားမြို့နယ်တွေဘက်မှာ စားသုံးသူအများဆုံးကုန်တွေဖြစ်တဲ့ ကွမ်းရွက်၊ လက်ဖက်ရည်ဆိုင်သုံးဂျုံမုန့်၊ စားဆီ၊ ခရမ်းချဥ်သီးတွေနဲ့အခြားကုန်ပစ္စည်းတွေပြတ်လပ်တာစျေးတက်တာတွေရှိနေတယ်လို့သိရပါတယ်။ “ပြည့်ဝ(စားဆီ) ငါးဆယ်သားနဲ့တပိဿဗူးတွေဆိုပြတ်နေပြီ လူတိုင်းနီးပါးကဗူးသေးပဲဝယ်သုံးကြတာ စျေးလည်းတက်တယ် ခါတိုင်းတစ်သောင်းပဲအခု ၁၂၀၀၀ ရှိတယ် ရွှေဝါဆပ်ပြာလည်းအဝယ်များတော့ ကုန်ကလည်းထပ်မရောက်ဆိုတော့စျေးတင်ရောင်းကြတယ် ၅၀၀၊ ၆၀၀ အထိထပ်တက်တယ်”မြို့ ခံအမျိုးသမီးတစ်ဦးက KNG ကိုပြောပါတယ်။ စစ်ကောင်စီတပ်နဲ့ပျူစောထီးပူးပေါင်းတပ်တွေ ကန့်ဘလူမြို့နယ်ထဲက မြစ်ကြီနား– မန္တလေးဗျူဟာကားလမ်းပိုင်းမှာ ယခုနှစ်ဖေဖော်ဝါရီလကတည်းက ခြေကုပ်တပ်စွဲထားပြီး မတ်လကနေ ယင်းကားလမ်းပိုင်းကိုပိတ်ထားတာဖြစ်ပါတယ်။ လက်ရှိအသုံးပြုနေတဲ့ကွင်းလမ်းတလျှောက်ကိုတော့ ကာကွယ်ရေးတပ်တွေဘက်က ထိန်းချုပ်ထားတယ်လို့လည်းသိရပါတယ်။ စစ်ကောင်စီတပ်ဟာ မန္တလေး– မြစ်ကြီးနားကားလမ်းပိုင်းကို ၂၀၂၄ ခုနှစ် သြဂုတ်လကစပြီး အင်းတော်မြို့မသိမ်းခင် ၂၀၂၅ ဧပြီလအထိ အင်းတော်မြို့ထဲကနေပိတ်ထားခဲ့ပါတယ်။…
Read More » -
27 Mayသတင်း
ဗန်းမော် တဖန်ထိုးစစ်မှာ စကခ ၂၁ ရှေ့တန်း ကာကင်းစခန်းတစ်ချို့ကို KIA ပြန်လည်သိမ်းပိုက်
ဗန်းမော်တိုက်ပွဲမှာ စစ်ရဟတ်ယာဉ် နှစ်စင်း KIA ပစ်ချလိုက်ပြီးနောက် KIA နဲ့ တော်လှန်ရေးတပ်ဖွဲ့များ ယနေ့ မေလ ၂၇ ရက်နေ့က စတင်ပြီး ထိုးစစ်ဆင်တိုက်ပွဲ ပြန်လည်စတင်လိုက်ရာ စစ်တပ်တပ်စွဲထားတဲ့ ဝင်းလိုက် (Win Light) ဟိုတယ်အပါအဝင် စကခ ၂၁ ကာကင်းတပ်စခန်းတစ်ချို့ကို ပြန်လည်သိမ်းပိုက်ထားတယ်လို့ သိရပါတယ်။ လက်ရှိ KIA နဲ့ တော်လှန်ရေးပူးပေါင်းတပ်တွေ စကခ ၂၁ အနီးရှိ အရေးပါတဲ့…
Read More » -
27 Mayသတင်း
စစ်ကောင်စီစစ်ကြောင်း ဖားကန့်မြို့အဝင်ထိရောက်ရှိနေပြီဖြစ်တဲ့အတွက် ကျေးရွာတစ်ချို့ကိုတိမ်းရှောင်ဖို့ KIA သတိပေးပြောဆို
ဖားကန့်မြို့ပေါ်ဘက်ကို စစ်ကောင်စီတပ် စစ်အင်အား ရာနဲ့ချီရောက်ရှိလာတဲ့အတွက် ဖားကန့်မြို့အဝင်ဝမှာရှိတဲ့ လယ်ပြင်နဲ့ ဖန်ခါးကုန်း ကျေးရွာနေ ဒေသခံပြည်သူတွေကို လုံခြုံရေးအရ ယာယီတိမ်းထားကြဖို့ ကချင်လွတ်လပ်ရေးတပ်မတော် KIA နဲ့ တော်လှန်ရေးပူးပေါင်းတပ်တွေ သတိပေးပြောဆိုထားတယ်လို့ သိရပါတယ်။ ပြီးခဲ့တဲ့ ဧပြီလ ၂၃ ရက်ကနေ ဖားကန့်ဘက်ကို စစ်အင်အား ၅၀၀ ဝန်းကျင်ခန့် စစ်ကြောင်းထိုးတက်လာတဲ့ စစ်ကောင်စီတပ်အဖွဲ့တွေဟာ မေလ ၂၆ ရက်နေ့ ဖားကန့်မြို့နဲ့ နီးကပ်တဲ့ ယမ်းချက်ရုံနဲ့ လယ်ပြင်၊ ဖန်ခါးကုန်းကျေးရွာဘက်ခြမ်းကို ရောက်ရှိသွားပြီး တိုက်ပွဲဖြစ်လာနိုင်တဲ့အတွက် အရပ်သားပြည်သူတွေ မထိခိုက်ရအောင် ကြိုတင် တိမ်းရှောင်ထားခိုင်းတယ်လို့ KIA နဲ့ နီးစပ်တဲ့ ဖားကန့်ပြည်သူတစ်ဦး KNG ကိုပြောပါတယ်။ “KIA ဘက်ကနေ ရှောင်ထားခိုင်းတယ် လယ်ပြင် အနီးတဝိုက်ရှိတဲ့ ပြည်သူတွေကို တိမ်းရှောင်ဖို့ ပြောထားတယ်။ တစ်ချို့က တိမ်းရှောင်နေကြတဲ့ ပြည်သူတွေရှိသလို မရှောင်ဘဲ ရှိနေကြတဲ့ ပြည်သူတွေလည်းရှိပါတယ်။ စစ်ကြောင်းတွေ ဝင်လာရင်တော့ ဘာပဲဖြစ်ဖြစ် တိုက်ပွဲဖြစ်လာနိုင်ခြေရှိလို့ ရှောင်ခိုင်တဲ့ သဘောလို့ပဲမြင်ပါတယ်”လို့ ပြောပါတယ်။ စစ်အင်အား ၅၀၀ ခန့်ရှိတဲ့ စစ်ကောင်စီတပ် စစ်ကြောင်းတွေဟာ ဖားကန့်မြို့အဝင် ယမ်းချက်ရုံနဲ့ လယ်ပြင်ကျေးရွာထဲကို မေလ ၂၆ နေ့ ည ၉ နာရီဝန်းကျင်ခန့် ဝင်ရောက်သွားခဲ့ပြီးတော့ လက်ရှိမှာ လယ်ပြင်နဲ့ ဖန်ခါးကုန်း အနီးတဝိုက် စစ်ရေးတင်းမာနေတယ်လို့ ပြောပါတယ်။ “စစ်ကြောင်းတွေက မနေ့ည ၉ နာရီလောက်ကနေ ယမ်းချက်စက်ရုံ တပ်ထဲကို တဖြေးဖြေးနဲ့ ဝင်သွားကြပြီ။ ပြီးရင် မနေ့ထဲမှာပဲ မဇွပ်ယန်ထောင်ရှိတဲ့ဘက်ကို လူအပြည့်အတင်တဲ့ ကား ၆ စီးဝင်သွားကြတယ်တဲ့။ အခုက လောလောဆယ်က ယမ်းချက်စက်ရုံလည်း အကျယ်ကြီးဆိုတော့ အဲထဲမှာပဲ နေရာယူနေကြတာလား။ အဲဒီလမ်းပိုင်ကလည်း ပြီးခဲ့တဲ့ ဧပြီလလောက်ကနေ ဘယ်သမှ မဖြတ်ကြတော့ဘူး။ အဲ့ကြောင့် ပြည်သူတွေကြည့်ရင် စစ်ကြောင်းသွားလာတာကို သိပ်မသိသာဘူး”လို့ပြောပါတယ်။ လက်ရှိ ဖားကန့်မြို့အနီးကို ရောက်သွားပြီဖြစ်တဲ့ စစ်ကြောင်းတွေက ဖားကန့်မြို့အဝင် စစ်ကောင်စီတပ်ရဲ့ ယမ်းချက်စက်ရုံနဲ့ လယ်ပြင်ကျေးရွာ တဝိုက်မှာ ရောက်ရှိနေကြပြီလို့ ဒေသခံတွေဆီကနေ သိရပေမယ့် ဒီကနေ့ မေလ ၂၇ ရက်နေ့ မှာ နှစ်ဖက်စစ်တပ် စစ်ရေးတင်းမာမှုဖြစ်နေတဲ့ စစ်ရေးအခြေအနေကတော့ အသေးစိတ်မသိရှိရသေးတာလည်းဖြစ်ပါတယ်။ အခုလို စစ်ကောင်စီစစ်ကြောင်းတွေ ဖားကန့်မြို့ထဲကို ဦးတည်ပြီး ရောက်ရှိလာပါက မမျှော်မှန်းနိုင်တဲ့ ထိတွေ့ တိုက်ပွဲတွေ ဖြစ်လာမှာသေချာတယ်လို့ KIO သတင်းနှင့်ပြန်ကြားရေးတာဝန်ခံ ဗိုလ်မှူးကြီးနော်ဘူက KNG ကိုပြောဆိုထားပါတယ်။ ဒါကြောင့် ဖားကန့်မြို့အနီးတဝိုက် စစ်ကောင်စီစစ်ကြောင်း ဝင်ရောက်လာနိုင်တဲ့ ကျေးရွာတစ်ချို့ကို KIA နဲ့ တော်လှန်ရေးပူးပေါင်းတပ်တွေက ယာယီတိမ်းရှောင်ကြဖို့ သတိပေးပြောဆိုထားတာဖြစ်တယ်လို့ သိရပါတယ်။ ကားမိုင်းကနေ ဖားကန့်ကို စစ်ကြောင်းထိုးလာတဲ့ စစ်ကြောင်းတွေ မေလ ၂၃ ရက်နေ့မှာ ပျားအုံနဲ့ နန့်တိန့်ကျေးရွာအရောက် KIA ပူးပေါင်းတပ်တွေ ခုခံတိုက်ခိုက်နေရာနေက စစ်ကြောင်း ၃ ခုခွဲပြီး လမ်းကြောင်းပျောက်သွားတာလို့ သိရပါတယ်။ မေလ ၂၆ ရက်နေ့ မနက်ပိုင်းမှာတော့ ဖားကန့်မြို့နဲ့ ၅ မိုင်၊ ၆ မိုင် နေရာတွေကို ကျော်တက်လာနိုင်ခဲ့ပြီး ဖားကန့်မြို့နဲ့ အနီးကပ်ဆုံး မြို့အဝင်ဝကို ရောက်ရှိလာကြတာဖြစ်ပါတယ်။ နန့်တိန့်ကျေးရွာအရောက်မှာ စစ်ကြောင်း ၃ ခုခွဲပြီး စစ်ကြောင်းပျောက်သွားတဲ့အတွက် KIA ဘက်က စစ်ကြောင်း ၃ ခုစလုံးကို ထိထိရောက်ရောက် ခုခံမကာကွယ်နိုင်ခဲ့တဲ့အတွက် စစ်ကြောင်းက ဖားကန့်မြို့အနီးဆုံးနေရာကို ရောက်ရှိသွားတာဖြစ်တယ်လို့ KIA ရှေ့တန်းသတင်းအရင်းအမြစ်နဲ့ နီးစပ်တဲ့ ဖားကန့်ဒေသခံတွေကပြောပါတယ်။ ပြီးခဲ့တဲ့ ဧပြီလ ၂၃ရက်နေ့နောက်ပိုင်း ဖားကန့်ဒေသကို စစ်အင်အား အလုံးအရင်းနဲ့ စစ်ကြောင်းထိုးဝင်ရောက်လာတဲ့အတွက် မအူပင်၊ နန့်ယား၊ ဆိုင်းဖရာ၊ ကပ်မှော်၊ တံတားညီနောင် စတဲ့ကျေးရွာ လမ်းကြောင်းတစ်လျှောက်မှာ KIA တပ်တွေ တစ်လဝန်းကျင်ခန့်အထိ ခုခံတိုက်ခိုက်ခဲ့တာဖြစ်ပါတယ်။…
Read More »
