စစ်ကိုင်း
-
Jul- 2024 -16 Julyသတင်း
ကသာမှာ ရွာပေါင်း ၃၀ လောက်မှာ ရေဝပ်နေတဲ့အတွက် ရေဘေးကြုံခဲ့ရ
စစ်ကိုင်းနဲ့ကချင်အစပ်က ကသာမြို့နယ်မှာ ဧရာဝတီမြစ်ရေမြင့်တက်မှုကြောင့် ရွာပေါင်း ၃၀ လောက် ရေဘေးအန္တရာယ်ကြုံတွေခဲ့ရတယ်လို့ ဒေသခံတွေကပြောပါတယ်။ ဇူလိုင်လ ၁၄ ရက်နေ့ကနေ ဧရာဝတီမြစ်ရေဟာ ကသာမြို့နယ်မှာ စိုးရိမ်ရေအမှတ်အောက်ကို ရောက်ရှိသွားပြီ မြစ်ကမ်းနဘေးက ကျေးရွာတွေနဲ့ မြေနိမ့်ပိုင်းကျေးရွာတွေ ရေဝပ်နေဆဲဖြစ်ပါတယ်။ လက်ရှိ ရေဘေးကြုံခဲ့ရတဲ့ဒေသခံတွေအတွက် အစား အသောက်၊ ဆေးဝါးနဲ့ အကူညီတွေလိုအပ်နေပြီး ကသာဒေသခံတွေဟာဖုန်း နဲ့ အင်တာနက်လိုင်းပြတ်တောက်မှုတွေကြောင့် ရေဘေးအတွက်ကြိုတင် ပြင်ဆင်ချိန်လည်းမရလိုက်ဘူး လို့ဒေသခံတွေကပြောပါတယ်။ “ကျနော်တို့လူထုတွေကလည်း မိုးလေဝသသတင်းအချက်လက်တွေက သတင်းနားထောင်တာတွေလည်း နည်းသလို အင်တာနက်မရတော့လည်းသတင်းတွေကမသိရဘူးလေ။ မသိရတော့ ကြိုကြေညာထားလည်း ရွှေ့ပြောင်းတာမလုပ်ဘူး ရေရောက်လာမှပဲ လုပ်ကြတဲ့အခါ ပြင်ဆင်ချိန်အားနည်းတာပေါ့ ဆေးဝါးနဲ့ စား နပ်ရိက္ခာပါပဲ အဓိကပဲ”လို့ဒေသခံတစ်ယောက်ကပြောပါတယ်။ ရေဘေးကြုံခဲ့ရတဲ့ ကျေးရွာတွေက ကျော်ပင်၊ သံပုရာကျွန်း၊ ညောင်ခြေထောက်၊ ကျောက်ပုံ၊ ကလုံ ဆယ်ကြီး နဲ့ ဒေါင့်ကြီးစတဲ့ကျေးရွာတွေအပါအဝင် မြေနိမ့်ပိုင်းကျေးရွာပေါင်း ၃၀ လောက်ရေဘေးကြုံတွေ့ ခဲ့ကြရတာဖြစ်ပါတယ်။ ဧရာဝတီမြစ်ရေဟာ ကသာမြို့နယ်မှာ ပြီးခဲ့တဲ့ ဇူလိုင်လ ၃ ရက်နေ့ကစပြီး တဖြည်းဖြည်းမြင့်တက်လာရာ ကနေ ဇူလိုင်လ ၁၃ ရက်နေ့အထိ အမြင့်ဆုံးစိုးရိမ်ရေအမှတ်အထက် ပေဝက်ခန့်ကျော်လွန်ရောက်ရှိခဲ့ ကြောင်း မိုးဇလရဲ့ထုတ်ပြန်ချက်အရသိရပါတယ်။ ဒါ့အပြင် တစ်ဖက်မှာတော့ တိရစ္ဆာန်သေဆုံးမှုနဲ့ စပါးခင်းပျက်စီးမှုတွေများပြားသလို လူပျောက်ဆုံးနေတာ တွေပါရှိတယ်လို့ ဒေသခံတွေကပြောပါတယ်။ “အရင်နှစ်တွေနဲ့မတူပဲ ရေကတစ်အားတိုးလိုက်တယ်။ ရေကနေ့ချင်းညချင်းတိုးပြီးဖြစ်သွားလိုက်တာ။ ပျောက်ဆုံးတာတွေလည်းရှိတယ်။ ပျောက်သွားတာတွေလည်းအခုချိန်ထိဆက်သွယ်လို့မရသေးဘူး။ “လို့ပြောပါတယ်။ ရေနစ်ပြီးတဲ့နောက်ပိုင်းပျောက်ဆုံးသူတွေရှိပေမဲ့လည်း အတိအကျအတည်ပြုဖို့ခက်သလို ပျောက်ဆုံးသူ တွေရှိတာတော့သေချာကြောင်းဒေသခံတွေကဆိုပါတယ်။ ဒါ့အပြင် ကသာမြို့နယ်အတွင်း စက်သုံးဆီပြတ်လက်မှုနဲ့ စက်သုံးဆီဈေးနှုန်းမြှင့်တက်မှုတွေကြောင့် ကူညီကယ်ဆယ်ရေးလုပ်ငန်းတွေလုပ်ဆောင်ရာမှာအခက်အခဲတွေရှိနေတယ်လို့ပြောပါတယ်။ လက်ရှိတော့ ရေဘေးသင့်ခဲ့တဲ့ ကျေးရွာတွေအတွက် ဆေးဝါးနဲ့အစားအသောက်အကူညီတွေများစွာလိုအပ် နေပြီး ပြန်လည်ထူထောင်ရေးအတွက်လည်းအကူညီတွေလိုအပ်နေတယ်လို့ပြောပါတယ်။…
Read More » -
9 Julyသတင်း
နန်းယွန်း-ပန်ဆောင် ကားလမ်းပိုင်းမြေပြိုကျနေတဲ့အတွက် ခရီးသွားပြည်သူတွေ သွားလာရေးခက်ခဲနေ
စစ်ကိုင်းတိုင်း အထက်ပိုင်းနာဂကိုယ်ပိုင်အုပ်ချုပ်ခွင့်ရဒေသ နန်းယွန်းမြို့နယ်နဲ့ ပန်းဆောင်မြို့နယ်ကြားမှာ ကားလမ်းမြေပြိုကျမှု ဆိုးဆိုးရွားရွားဖြစ်နေတာကြောင့် ခရီးသွားပြည်သူတွေအတွက် သွားလာရေးခက်ခဲနေတယ်လို့သိရပါတယ်။ နာဂဒေသ နန်းယွန်းမြို့နယ်နဲ့ ပန်ဆောင်မြို့နယ်တွေမှာ ပြီးခဲ့တဲ့ ဇွန်လ ၁၀ ရက်ကျော်ကတည်းက မိုးသည်းထန်စွာရွာသွန်းခဲ့ရာမှာ လေးပြင်းတိုက်ခတ်တာတွေ၊ ကားလမ်းမမြေပြိုကျပြီး သစ်ပင်ကျိုးကျတာတွေကြောင့် ကားလမ်းပိုင်းမှာသွားလာရခက်ခဲ့တာ ၂ ပတ်ကျော်လာပြီလို့ နန်းယွန်းမြို့ခံ လူငယ်တစ်ဦးက KNGကိုပြောပါတယ်။ “လမ်းတွေပြိုတာက နှစ်ပတ်လောက်တော့ရှိပြီ ကားသေးလေးတွေကစသွားလို့မရဘူး။ ဆိုင်ကယ်တော့သွားလို့ရတယ် ဒါပေမယ့် ခက်ခက်ခဲခဲသွားရတယ် ဆိုင်ကယ်ထမ်းသယ်ရတဲ့နေရာရှိတယ် တွန်းရတဲ့နေရာတွေရှိတယ် လူတောင်သိပ်မသွားလာကြဘူး။ ခုတလောကလမ်းအရမ်းဆ်ိုးတယ်”လို့ သူကပြောပါတယ်။ နန်းယွန်း နဲ့ ပန်ဆောင်မြို့နယ်ကို လီဒိုကားလမ်းမကြီး နဲ့ ဆက်သွယ်ထားတာဖြစ်ပြီး လက်ရှိကားလမ်းမြေပြိုမှုဆိုးဆိုးရွားရွားဖြစ်တဲ့နေရာဟာ နန်းယွန်းမြို့အကျော် ယောင်းငွေးကျေးရွာအနီးတစ်နေရာ၊ ပန်ဆောင်မြို့နယ်ထဲက လောက်လိုင်ကျေးရွာနဲ့ ပန်ဆောင်မြို့ကြားထဲက ဒေသအခေါ် (လင်းနို့ချောင်းအနီး)မှာ တစ်နေရာမှာအဆိုးဝါးဆုံးဖြစ်တယ်လို့ သိရပါတယ်။ ကားလမ်းမြေပြိုသွားတဲ့နေရာတွေမှာ ဆိုင်ကယ်တွေကိုလူအင်အားသုံးပြီးသယ်ရွေ့ရတာကြောင့် ခရီးသွားပြည်သူတွေငွေကုန်ကြေးကျပိုများတာ အချိန်ကြန့်ကြာတဲ့အခက်အခဲတွေကိုကြုံတွေ့နေရတယ်လို့ နောက်ထပ် နန်းယွန်းမြို့ခံလူငယ်တစ်ဦးက ဆက်ပြောပါတယ်။ “ကယ်ရီခက လူတစ်ယောက်ကို တစ်သိန်း ၊တစ်သိန်းနှစ်သောင်းရှိတယ် လမ်းပျက်တဲ့နေရာမှာဆိုင်ကယ် မပြီးရွှေ့ရတော့ အဲ့မှာတစ်နေရာ နှစ်သောင်းပေါ့ နှစ်နေရာရှိတယ် အဲ့မှာလေးသောင်းပေးရတယ်ဗျ အရင်ကထက်ပိုကုန်တာပေါ့”လို့သူကဆက်ပြောပါတယ်။ ကားလမ်းပြိုတဲ့နေရာမှာ ဆိုင်ကယ်မပြီး ရွေ့ပေးတဲ့လူငယ်တွေကို ဆိုင်ကယ်တစ်စီးကိုကျပ် ၂ သောင်းပေးရတယ်လို့သိရပါတယ်။ ပန်းဆောင်မြို့နယ်လူထုအတွက် အခြေခံစားသောက်ကုန်တွေနဲ့လူသူံးကုန်တွေကို အိန္ဒိယဘက်က သယ်ယူတာရှိသလို မြန်မာဘက်ခြမ်းကလည်းသယ်ယူရတာရှိပေမယ့် လက်ရှိကားလမ်းပြတ်တောက်မှုကြောင့် မြန်မာဘက်ခြမ်းကသယ်ယူတဲ့ကုန်စည်တွေစျေးထိုးတက်နေတယ်လို့လည်းသိရပါတယ်။ ဒါ့အပြင် နန်းယွန်းနဲ့ ပန်ဆောင်မြို့နယ်တွေထဲမှာ အခုလိုရာသီဥတုဆိုးဝါးမှုတွေကြောင့်ဖုန်းဆက်သွယ်ရေးလိူင်းတွေလည်းခက်ခဲနေပါတယ်။ လီဒိုကားလမ်းပိုင်းတစ်ခုတည်းနဲ့သွားလာလို့ရတဲ့ နန်းယွန်းမြို့နယ်ဟာ ကချင်နဲ့စစ်ကိုင်းအစပ်ကနယ်စပ်မြို့ဖြစ်သလို ပန်ဆောင်မြို့နယ်ဟာလည်း အိန္ဒိယ– မြန်မာ နယ်စပ်စည်းရိုးမှာရှိတဲ့မြို့တွေ ဖြစ်ပါတယ်။ By…
Read More » -
Jun- 2024 -25 Juneသတင်း
ကောလင်းမြို့နယ်က စစ်ဘေးရှောင်တွေ အကူညီတွေလိုအပ်နေ
စစ်ကိုင်းနဲ့ကချင်အစပ် ကောလင်းမြို့နယ်ထဲက စစ်ဘေးရှောင်တွေ စားနပ်ရိက္ခာ နဲ့ အမိုးအကာအကူညီတွေလိုအပ်နေတယ်လို့ စစ်ဘေးရှောင်ကူညီပေးရေးအဖွဲ့တွေဆီကသိရပါတယ်။ ဘေးလွှတ်ရာတောတောင်တွေထဲဖြစ်သလို တဲထိုးပြီးနေထိုင်နေရတဲ့ ကောလင်းစစ်ဘေးရှောင်တွေဟာ မိုးတွင်းရောက်လာတာနဲ့အတူ အကူညီတွေပိုပြီးလိုအပ်လာပြီး အစားအသောက်နဲ့ အမိုးအကာတွေက အဓိကလိုအပ်ချက်ဖြစ်တယ်လို့ ကောလင်းအနောက်ဘက်ခြမ်းက စစ်ဘေးရှောင်တစ်ယောက်ကပြော ပါတယ်။ “ဒီဘက်မှာက အကူညီပေးတဲ့အဖွဲ့တွေကမရောက်ခဲ့တဲ့အခါကျတော့ အကူအညီတွေကတော့ လိုအပ်ချက် တွေပဲဖြစ်နေတာပေါ့။ နောက်ဒီမှာက ဖြစ်သလိုပဲ အင်ဖက်တွေနဲ့မိုးပြီးနေရတဲ့အနေအထားဖြစ်တယ်။ ဒီနေရာမှာ စားရေးသောက်ရေးနဲ့ပတ်သက်ပြီး တကယ်ခက်ခဲတဲ့သူတွေလည်းရှိတယ် အကူညီတွေက တော်တော်ကြီးကိုလိုအပ်နေတာ”လို့ပြောပါတယ်။ ဒါ့အပြင် သောက်သုံးရေရရှိဖို့ခက်ခဲတဲ့အတွက် စစ်ဘေးရှောင်တွေ ကျန်းမာရေးထိခိုက်တာတွေအထိ ဖြစ်လာပြီး အဲ့ဒီအတွက်လည်း ဆေးဝါးအကူညီတွေလိုအပ်ချက်တွေရှိတယ်လို့ သိရပါတယ်။ တစ်ဖက်မှာ ကောလင်းဒေသခံတွေဟာ မြို့နယ်အတွင်းက စစ်ကောင်စီနဲ့လွှတ်ကင်းတဲ့နေရာတွေဆီ တိမ်းရှောင်ရတာဖြစ်တဲ့အတွက် ချောင်ကျတဲ့နေရာတွေကိုတိမ်းရှောင်ကြတဲ့ဒေသခံတွေဆိုရင် အကူအညီ မရတာမျိုးတွေရှိတယ်လို့ စစ်ဘေးရှောင်အမျိုးသမီးတစ်ယောက်ကအခုလိုပြောပါတယ်။ “ကျမတို့ပြေးတဲ့နေရာကျတော့ ချောင်လည်းကျတယ်။ ကျမတို့ဘက်မှာ ဆန်တော့တစ်ခေါက် ရဖူးပါ တယ်။ တော်တော်လေးအဆင်မပြေတဲ့မိသားစုတွေရှိတယ်။ ကျမတို့လည်းပါလာတဲ့ပစ္စည်းတွေကို ဝေငှရင်းနဲ့ မမျှ နိုင်တော့ဘူး ကိုယ့်ဟာကိုယ်အနိုင်နိုင်ပေါ့။ တစ်ခြားဘက်မှာလည်းလာလှူပေမယ့် ကျမတို့ဘက်မှာကျတော့ ချောင်လည်းကျတယ် လမ်းမကောင်းတော့မရောက်ရှိသေးတာပေါ့နော်”လို့ပြောပါတယ်။ ကောလင်းမြို့နယ်ကို ပြီးခဲ့တဲ့ ၂၀၂၃ ခုနှစ် နိုဝင်ဘာ ပထမအပတ်လောက်က KIA နဲ့ပူးပေါင်းအဖွဲ့တွေက သိမ်းပိုက်ကာ ၃ လကြာထိန်းချုပ်ထားခဲ့ပြီး ၂၀၂၄ ခုနှစ် ဖေဖော်ဝါရီလ ၁၃ ရက်နေ့မှာ စစ်ကောင်စီတပ် ဆီ ပြန်လက်လွှတ်ခဲ့ရတာဖြစ်ပါတယ်။ အဲ့ဒီလို လက်လွှတ်ခဲ့ရပြီးတဲ့နောက် စစ်ကောင်စီတပ်က ကောလင်းမြို့တွင်းရပ်ကွက်နဲ့ ရွာတစ်ချို့က ကနေအိမ်တွေကို ဆက်တိုက်မီးရှို့ဖျက်ဆီးခဲ့တဲ့အတွက် ဒေသခံတွေဒုနဲ့ဒေးဘေးလွှတ်ရာထွက်ပြေးခဲ့ ကြရပြီး အိုးမဲ့အိမ်မဲ့ဖြစ်ခဲ့ရပါတယ်။ လက်ရှိ ကောလင်းမြို့နယ်မှာ ဘေးလွှတ်ရာကိုထွက်ပြေးတိမ်းရှောင်နေကြရတဲ့ လူဦးရေ ၄ သောင်း ဝန်းကျင်လောက်ရှိပြီး ကုလသမဂ္ဂလူသားချင်းစာနာမှုဆိုင်ရာ ညှိနှိုင်းရေးရုံး UNOCHA ရဲ့ စာရင်းအရ တစ်နိုင်ငံလုံးမှာ ဘေးလွှတ်ရာထွက်ပြေးနေရတဲ့ လူဦးရေ သုံးသန်းကျော်ရှိနေပြီလို့ဖော်ပြထားပါတယ်။ By – အမိုး
Read More » -
3 Juneသတင်း
ကသာမှာထိတွေ့မှုဖြစ်
စစ်ကိုင်းနဲ့ကချင်အစပ် ကသာမြို့နယ်မှာ စစ်ကောင်စီတပ်နဲ့ ကာကွယ်ရေးတပ်တွေအကြား ဒီကနေ့ မနက်ပိုင်း ၈ နာရီလောက်မှာထိတွေ့မှုဖြစ်ခဲ့တယ်လို့ ကသာပြည်သူ့အုပ်ချုပ်ရေးအဖွဲ့ဝင်တွေဆီကသိရ ပါတယ်။ ကသာမြို့နယ်ရဲ့ ၃ မိုင်ပတ်ဝန်းကျင်မှာရှိတဲ့ရွာတွေကို စစ်ကြောင်းပတ်ထိုးနေတဲ့ အင်အား ၇၀ ပါ စစ်ကောင်စီစစ်ကြောင်းနဲ့ထိတွေ့မှုဖြစ်ခဲ့တာဖြစ်တယ်လို့ ကသာပြည်သူ့အုပ်ချုပ်ရေးအဖွဲ့ဝင်တစ်ယောက် ကပြောပါတယ်။…
Read More » -
May- 2024 -27 Mayသတင်း
စစ်ကိုင်း နဲ့ ကချင်အစပ်ကမြို့တွေမှာ တိုက်ပွဲပြင်းထန်နေ
စစ်ကိုင်းနဲ့ကချင်အစပ်မှာရှိတဲ့ မြို့နယ် ၃ မြို့မှာ စစ်ကောင်စီတပ်၊ ရှမ်းနီးအမျိုးသားတပ်မတော် SNA ပူးပေါင်းအဖွဲ့တွေနဲ့ ပြည်သူ့ကာကွယ်ရေးပူးပေါင်းတပ်ဖွဲ့တွေအကြား ဒီရက်ပိုင်းအတွင်းတိုက်ပွဲတွေပြင်းထန်နေတယ်လို့ ကာကွယ်ရေးတပ်ဖွဲ့ဝင်တွေဆီကသိရပါတယ်။ တိုက်ပွဲဟာ ပြီးခဲ့တဲ့ မေလ ၂၃ ရက်နေ့ကတည်းကစတင်ဖြစ်ပွားနေတာဖြစ်ပြီးတော့ စစ်ကိုင်းနဲ့ကချင်အစပ်မှာရှိတဲ့ ကောလင်း၊ ဝန်းသို နဲ့…
Read More » -
23 Mayသတင်း
စစ်ကိုင်းတိုင်းဘက်ကဝင်လာတဲ့ ကျွန်းသစ်ကား အစီးရေ ၁၀၀၀ နီးပါးစင်းခမ်းတံတားမှာပိတ်မိနေ
ကချင်ပြည်နယ် ဗန်းမော်မြို့နယ်ထဲက စင်းခမ်းတံတားမှာ စစ်ကိုင်းတိုင်းဘက်ကဝင်လာတဲ့ ကျွန်းသစ်ကားအစီးရေ ၁၀၀၀ နီးပါးပိတ်မိနေတယ်လို့သိရပါတယ်။ အဲ့ဒီကျွန်းသစ်ကားတွေဟာ ကချင်နဲ့စစ်ကိုင်းအစပ် စစ်ကိုင်းတိုင်းထဲက အင်းတော်မြို့နယ်၊ ဗန်းမောက်မြို့နယ်နဲ့ဖောင်းပြင်နယ်ထဲက ဝင်လာတဲ့ကားတွေဖြစ်ပြီး လက်ရှိစင်းခမ်းတံတားမှာ ပိတ်မိနေတာဖြစ်တယ်လို့ အင်းတော်နယ်ထဲက သစ်လုပ်ငန်းရှင်တွေနဲ့နီးစပ်တဲ့အမျိုးသားတစ်ဦးက KNG ကိုပြောပါတယ်။ “ဟုတ်တယ် ခါတိုင်းပုံမှန်ဖြတ်တဲ့ လမ်းကြောင်းပဲ အခုက စင်းခမ်းမှာပဲစုပုံပြီးမှပိတ်မိနေတာ အစီးရေ ၁၀၀၀ လောက်ရှိတယ်တဲ့ပိတ်မိနေတာ သူတို့သစ်လုပ်ငန်းရှင်တွေလည်း ပြောတယ် အဲ့မှာပိတ်မိနေတယ်ဆိုပြီး အဲ့ဘက်ကအဖွဲ့အစည်းတွေမလွတ်ပေးတာထင်တယ်”လို့သူကပြောပါတယ်။ စစ်ကိုင်းကနေထွက်လာတဲ့ ကျွန်းသစ်ကားတွေဟာ အမျိုးသားညီညွတ်ရေးအစိုးရ (NUG)ဆီမှာ တရားဝင်အခွန်ဆောင်ကာ ဖြတ်ကူးလာတဲ့ကားတွေဖြစ်ပြီး လက်ရှိ မံစီနယ်မှာတိုက်ပွဲတွေပြင်းထန်နေတာကြောင့်ပိတ်မိနေတာဖြစ်နိုင်တယ်လို့ စင်းခမ်းကျေးရွာ စခန်းသိမ်းတိုက်ပွဲမှာပါဝင်ခဲ့တဲ့ LPDF တာဝန်ရှိသူတစ်ဦးကပြောပါတယ် ။ “သစ်ကားတွေကျွန်းသစ်ကားတွေနေမှာပါ့အေး ပိတ်ရင်လည်းပိတ်လောက်တယ် ဘာကြောင့်ပိတ်လောက်လဲဆိုတော့ သူတို့ကအဲ့ဒီမှာအရင်တုန်းကစစ်ကောင်စီက အမြဲတမ်းဂိတ်ကြေးကောက်စားတဲ့ ဟာလေး မြစ်ကူးတံတား အခုကကျတော့ ကျွန်တော်တို့ဘက်က သိမ်းပိုက်ပြီးမှာဂိတ်မှာထိုင်လိုက်တယ်ဆိုတော့ဟိုမှာမံစီမှာလည်းတိုက်ပွဲ ဖြစ်နေတယ်ဆိုတော့လမ်းကမံစီလမ်းဖြတ်ရတာဆိုတော့ပိတ်လောက်တယ်”လို့သူကပြောပါတယ်။ စင်းခန်းကျေးရွာထဲက စစ်ကောင်စီတပ်စခန်း၊ရဲစခန်းနဲ့ကာကင်းဂိတ်တွေကို KIAပူးပေါင်းတပ်က မေလ ၇ ရက်နေ့မှာသိမ်းလိုက်ပြီးနောက် စင်းခမ်းတံတားကို KIA၊KPDF ပူးပေါင်းတပ်တွေက ထိန်းချုပ်လိုက်တာဖြစ်ပြီးအဲ့ဒီသစ်ကား အစီးရေ ၁၀၀၀ နီးပါးဟာ မေလ ၇ ရက်နေ့နောက်ပိုင်း ရောက်လာတဲ့ကားတွေလို့သိရပါတယ်။ စင်းခန်းကျေးရွာမသိမ်းမှီအချိန်ထိတော့ စစ်ကောင်စီတပ်ဟာ စင်းခမ်းတံတားမှာ ဂိတ်ထိုင်ပြီး သစ်ကားတစ်စီးကို ငွေကျပ် ၄သိန်း အခွန်ကောက်ခံပြီးဖြတ်သန်းခွင့်ပြုခဲ့တာဖြစ်ပါတယ်။ အဲ့ဒီကျွန်းသစ်ကားတွေဟာ အင်းတော်၊ဗန်းမောက်၊ ဖောင်းပြင်နယ်တွေထဲကနေ ဒီဇင်ဘာလလောက်ကတည်းကနေ စုဆောင်းထားတဲ့သစ်တွေဖြစ်ပြီး လက်ရှိသစ်ရာသီကုန်တော့မှဖြစ်တာကြောင့် တရုတ်ပြည်ကိုတင်ပို့ရာကနေ ပိတ်မိနေတာလို့သိရပါတယ်။ အင်းတော်၊ဗန်းမောက်၊ ဖောင်းပြင်နယ်တွေထဲကနေထွက်တဲ့သစ်ကားတွေအများအပြားဟာ NUG အစိုးရအုပ်ချုပ်ရေးစနစ်လည်ပတ်နေတဲ့ စစ်ကိုင်းတိုင်းမော်လူးမြို့ကိုဖြတ်ပြီးတရုတ်ပြည်ထဲအထိဝင်ရောက်နေတာဖြစ်ပါတယ်။ မော်လူးမြို့ကိုဖြတ်ပြီးတရုတ်ပြည်ကိုတင်သွင်းတဲ့လုပ်ငန်းရှင်ကြီးတွေရဲ့သစ်ကားတွေဟာ NUG ဆီအခွန်ဆောင်ထားတာကြောင့် အဖမ်းအဆီးမရှိ လွတ်ပေးနေ တာဖြစ်ပြီး မော်လူးဒေသထဲကအခွန်မဆောင်တဲ့ တနိုင်တပိုင်လုပ်သစ်လုပ်ငန်းရှင်တွေကိုတော့ ဖမ်းဆီးခံနေရတယ်လို့ဆိုကာ လွန်ခဲ့တဲ့လက ပြည်သူအချို့မော်လူးမြို့အုပ်ချုပ်ရေးတာဝန်ရှိသူတွေကို ဆန္ဒဖော်ထုတ်ခဲ့ကြပါတယ်။ စစ်ကိုင်းတိုင်းထဲက အထက်ဖော်ပြပါမြို့နယ်တွေမှာ စစ်အာဏာသိမ်းနောက်ပိုင်းသစ်ထုတ်လုပ်မှုတွေပိုမိုများပြားလာနေတာကြောင့် သစ်တောပြုန်းတီးမှုများလာပြီး ရာသီဥတုပူပြင်းတာ၊ စိုက်ပျိုးရေးလုပ်ငန်းတွေထိခိုက်လာတာစတဲ့ ပြဿနာတွေကိုဒေသခံတွေကြုံတွေ့နေရတယ်လို့သိရပါတယ်။ By – Zaw Zaw
Read More » -
8 Mayသတင်း
ကသာမှာ တိုက်ပွဲဖြစ်
စစ်ကိုင်းနဲ့ကချင်အစပ် ကသာမြို့နယ်မှာ ဒီကနေ့မနက်ပိုင်း ၇ နာရီလောက်ကစလို့ စစ်ကောင်စီတပ်နဲ့ ကာကွယ်ရေးပူးပေါင်းတပ်တွေအကြား တိုက်ပွဲပြင်းထန်ခဲ့တယ်လို့ ကသာပြည်သူ့အုပ်ချုပ်ရေးအဖွဲ့ဆီက သိရပါတယ်။ ကသာမြို့ရဲ့ မြို့အစွန်ရပ်ကွက်၊ မြို့ပြင်ကရွာတွေကို စစ်ကြောင်းပတ်ထိုးနေတဲ့ အင်အား ၁၀၀ ကျော်ရှိတဲ့ စစ်ကောင်စီစစ်ကြောင်းနဲ့ ကာကွယ်ရေးပူးပေါင်းတပ်တွေအကြား မြို့ပြင်က…
Read More » -
8 Mayသတင်း
ဆင်ဘိုသိမ်းပြီးတဲ့နောက်ပိုင်း စစ်ကောင်စီ ကသာမှာအင်အားအလုံးအရင်းနဲ့ စစ်ရေးလှုပ်ရှားနေ
စစ်ကိုင်း နဲ့ ကချင်အစပ် ကသာမြို့နယ်မှာ စစ်ကောင်စီတပ်က ဒီရက်ပိုင်းအတွင်း အင်အားအလုံးအရင်းသုံးပြီး စစ်ကြောင်းထိုး စစ်ရေးလှုပ်ရှားတာတွေလုပ်နေတယ်လို့ ဒေသခံတွေဆီကသိရပါတယ်။ စစ်အင်အား ၂၀၀ လောက်ရှိတဲ့ စစ်ကောင်စီစစ်ကြောင်းက ကသာမြို့ပြင်ကရွာတွေနဲ့ မြို့အစွန်ရပ်ကွက်တွေကို စစ်ကြောင်းထိုးနေတာလို့ ကသာပြည်သူ့အုပ်ချုပ်ရေးအဖွဲ့တာဝန်ရှိသူတစ်ယောက်ကပြောပါတယ်။ “သူတို့က မြို့ပတ်ဝန်းကျင်ကိုလှုပ်ရှားနေတာ ဒါ့ကြောင့်ဒီစစ်ကြောင်းတွေကိုပဲ ကျနော်တို့ကအာရုံစိုက်နေ တာ ဒီရက်ပိုင်းကို မြို့ပတ်ဝန်းကျင်မှာ အင်အားတော်တော်များတယ်ထွက်လာတာ မျက်မြင်တွေပြောတာက တော့ အင်အား ၂၀၀ ကျော်ရှိတယ်တဲ့ “လို့ပြောပါတယ်။ စစ်ကောင်စီတပ်က ပုံမှန်ဆိုရင် ကသာမြို့ပြင်တစ်လျှောက်စစ်ရေးလှုပ်ရှားတဲ့အခါ အင်အား ၈၀ ဝန်းကျင် လောက်နဲ့သာ စစ်ကြောင်းသွားလာနေပေမယ့် ဆင်ဘိုမြို့ကိုသိမ်းလိုက်တဲ့နောက်မှာတော့ သိသိသာသာအင်အားဖြည့်ပြီး စစ်ရေးလှုပ်ရှားလာနေတာဖြစ်တယ်လို့ ဆိုပါတယ်။ လတ်တလော စစ်ကောင်စီတပ်က ကသာမြို့နဲ့ ၃မိုင်ပတ်ဝန်းကျင်က နတ်ရေတွင်း၊ လမ်းခွ၊ ပင်းမလွှတ်၊ ဆင်အင်း၊ သုံးပုံး စတဲ့ ကျေးရွာတွေတစ်ဝှိုက်ကို စစ်ကြောင်းတွေထိုးနေတာလို့ကာကွယ်ရေးတပ်တွေဘက်ကပြောပါတယ်။ “ဆင်ဘိုတို့ဘာတို့ကျပြီးတာလဲပါမယ် ဒီရက်ပိုင်းက ဗန်းမော်တစ်ဝှိုက်ကလည်း စခန်းသိမ်းပွဲတွေ ရှိတယ် လေ ဒီလိုနယ်မြေအနေအထားကြောင့်လို့ပဲယူဆပါတယ် မြို့ရဲ့ခပ်လှမ်းလှမ်းကနေ ကာဖို့လုပ်တာလားပေါ့ သူတို့က ကုန်းကျတဲ့နေရာတွေကိုများတပ်စွဲမလားပေါ့ ကျနော်တို့ကလည်း သတိထားရတာပေါ့”လို့ပြောပါတယ်။ အဲ့ဒီစစ်ကြောင်းဟာ ကသာမြို့ပြင်က ကျေးရွာတွေနဲ့ မြို့အစွန်က ရွာတွေကို စစ်ကြောင်းပတ်ထိုးနေပြီး ကာကွယ်ရေးတပ်ဘက်က လည်း ဒရုန်းနဲ့တိုက်ခိုက်မှုတွေရှိတယ်လို့ဆိုပါတယ်။ ဒါ့အပြင် တစ်ဖက်မှာ စစ်ကောင်စီတပ်ဟာ ကသာမြို့တွင်းနေထိုင်တဲ့ စစ်မှုထမ်းဟောင်းတွေကို အတင်းအဓမ္မခေါ်ယူပြီးတော့ စစ်မှုပြန်ထမ်း ခိုင်းတာမျိုးတွေလည်းရှိနေတယ်လို့ သိရပါတယ်။ မနေ့က မေလ ၆ ရက်နေ့ညပိုင်းမှာ ကသာမြို့ပေါ် အမှတ် ၁ ရဲစခန်းရှေ့မှာ ဆိုင်ကယ်နဲ့ဖြတ်သွားတဲ့သူကို သေနတ်နဲ့လိုက်လံပစ်ခတ်ခဲ့ပြီး ထိခိုက်မှုရှိမရှိကိုတော့ KNG က အတည်မပြုနိုင်သေးပါဘူး။ ကသာမြို့နယ်ဟာ မြို့နယ်ရုံးတွေအခြေစိုက်ရာ မြို့ဖြစ်သလို ဧရာဝတီမြစ်ကမ်းနံဘေးမှာရှိတဲ့မြို့နယ်ဖြစ်ပြီး ၂၀၁၄ ခုနှစ်သန်းခေါင်စာရင်းတွေအရ လူဦးရေ ၁သိန်း၆သောင်းကျော်ရှိတဲ့မြို့ကြီးဖြစ်ပါတယ်။ By – Zaw Zaw
Read More » -
6 Mayသတင်း
ကသာမှာ မိုးကြိုးပစ်လို့ အမျိုးသားတစ်ဦးသေဆုံး
စစ်ကိုင်းနဲ့ကချင်အစပ် ကသာမြို့နယ်မှာ မေလ ၅ ရက်နေ့ ညပိုင်း ၇ နာရီဝန်းကျင် မိုးကြိုးပစ်လို့ အမျိုးသားတစ်ဦးသေဆုံးသွားတယ်လို့ဒေသခံတွေဆီကသိရပါတယ်။ ဖြစ်စဥ်ကတော့ ကသာမြို့နယ် မိုးတားလေးကျေးရွာ တစ်ဖက်ကမ်းမှာရှိတဲ့ မြေနုကျွန်းရွာမှာ ဖြစ်ပွား ခဲ့တာဖြစ်ပြီး အသက် ၄၀ ဝန်းကျင် အမျိုးသားတစ်ဦးသေဆုံးတဲ့အပြင် နွား ၄…
Read More » -
1 Mayသတင်း
ကသာမြို့နယ် ပြည်သူ့ဆေးရုံမီးလောင်
စစ်ကိုင်း နဲ့ ကချင်အစပ် ကသာမြို့နယ်က ပြည်သူ့ဆေးရုံ မနေ့ ညနေပိုင်း ၅ နာရီဝန်းကျင်လောက်မှာ မီးလောင်ခဲ့ပြီး ပြင်ပလူနာဌာနအဆောင်တစ်ခုလုံးမီးလောင်ပျက်ဆီးသွားတယ်လို့ ဒေသခံတွေဆီကသိရပါ တယ်။ ကသာမြို့နယ် ရပ်ကွက် ၄ မှာရှိတဲ့ ပြည်သူ့ဆေးရုံကြီးမီးလောင်ခဲ့တာဖြစ်ပြီး ကလေးမီးဖွားစာရင်းတွေနဲ့ ကလေးတွေအတွက်…
Read More »
