မိုးတားလေး
-
Dec- 2023 -26 Decemberသတင်း
မိုးတားလေးမှာ စစ်တပ်က ဗုံးကျဲလို့ KPDF တပ်ဖွဲ့ ၁ ဦးသေဆုံး၊ အရပ်သားလည်း ၃ ဦးထက်မနည်း ထိခိုက်ဒဏ်ရာရရှိ
ကသာမြို့နယ် မိုးတားလေးကျေးရွာမှာ စစ်ကောင်စီတပ်တွေဟာ တိုက်ပွဲဖြစ်ပွားခြင်းမရှိဘဲ မိုးတားလေးရွာထဲကို အကြောင်းမဲ့ဗုံးကျဲတိုက်ခိုက်သွားတဲ့အတွက် မြို့လှ KPDF က တပ်သားတစ်ဦးသေဆုံးပြီး အရပ်သား ၃ ဦးထက်မနည်း ထိခိုက်ဒဏ်ရာရရှိထားတယ်လို့ ကာကွယ်ရေးတပ်နဲ့နီးစပ်သူတွေ ဆီကနေ သိရပါတယ်။ ဒီဇင်ဘာလ ၂၆ ရက်နေ့ ဒီကနေ့ နေ့လည် ၁၁ နာရီခွဲအချိန် မြစ်ကြီးနားကနေ တက်လာတဲ့ စစ်ကောင်စီတပ်ရဲ့ဂျက်ဖိုက်တာတစ်စီးဟာ မိုးတားလေးရွာနဲ့ ကျွန်းပင်ရွာဘက်ကို ပေါင် ၅၀၀ လောက်ရှိတဲ့ ဗုံး တစ်လုံးစီကျဲချသွားတာဖြစ်တယ်လို့ ကသာကာကွယ်ရေးတပ် တာဝန်ရှိသူတစ်ဦးက KNG ကိုခုလိုပြောပါတယ်။ “ဟုတ်တယ် မိုးတားလေးမှာ တော်လှန်ရေးအဖွဲ့တွေ ကင်းပတ်ရင်းခနနားနေတဲ့ချိန် ဗုံးချသွားတာ KPDF ကတစ်ယောက်ကျတယ်။ ပြီးတော့ အရပ်သား မိန်းကလေး တစ်ယောက်နဲ့ အမျိုးသား ၂ ယောက်လည်း ထိထားတယ်။ ကျွန်းပင်ဘက်ကတော့ ထိခိုက်တာမရှိဘူးလို့ဘဲ သိထားသေးတယ် အဲလောက်ဘဲပြောလို့ရအုံးမယ် အသေးစိတ်တော့ မသိရသေးဘူး”လို့ ပြောပါတယ်။ စစ်ကောင်စီတပ်ဘက်က ဗုံးကျဲချသွားတဲ့နေအိမ်ဟာ တော်လှန်ရေးတပ်ဖွဲ့တွေ ကင်းပတ်ရင်း ယာယီဝင်နားနေတဲ့နေအိမ်ဖြစ်ပြီး ပစ်မှတ်ကိုတိတိကျကျပစ်သွားတာဖြစ်တဲ့အတွက် နေအိမ်မှာတည်းခိုနေတဲ့ တော်လှန်ရေးတပ်ဖွဲ့ဝင်တွေ ထိခိုက်သေဆုံးတာအပြင် အနီးပတ်ဝန်းကျင်မှာရှိတဲ့ နေအိမ် ၈ လုံးလည်း ထိခိုက်ပျက်စီးကာ အရပ်သားထိခိုက်မှုရှိတာဖြစ်တယ်လို့လည်း ဒေသခံတွေကပြောပါတယ်။ ခုလို စစ်တပ်ဘက်က တော်လှန်ရေးတပ်ဖွဲ့ဝင်တွေ ယာယီဝင်နားနေတဲ့နေရာကိုပါ တိတိကျကျ ဗုံးကျဲသွားတာဟာ စစ်တပ်သတင်းပေးထက်သာတဲ့ တပ်တွင်းသတင်းပေးတွေရှိနေတဲ့အတွက် ဖြစ်နိုင်တယ်လို့ ကာကွယ်းတပ်နဲ့နီးစပ်သူတစ်ဦးက ပြောပါတယ်။ “ပစ်မှတ်ဒီလောက်တိတိကျကျပစ်နိုင်တာ ဒါပထမဆုံးအကြိမ်ဘဲ ရိုးရိုးသတင်းပေးထက် သာတဲ့သတင်းပေးရှိနေလို့ ဒီလိုပစ်မှတ်တိကျတာ”လို့ ပြောပါတယ်။ စစ်တပ်က ဗုံးကျဲချသွားတဲ့ မိုးတားလေးရွာနဲ့ကျွန်းပင်ရွာဟာ မိုင်အားဖြင့် ၃ မိုင်ခန့်ဝေးတဲ့ရွာဖြစ်ပါတယ်။ ကသာမှာ ဒီဇင်ဘာလ လဆန်းပိုင်းကစပြီး စစ်ကိုင်းဘက်ကနေ ဝင်ရောက်နေတဲ့ စစ်ကောင်စီတပ်ရဲ့ကျားဘီလူးဆိုတဲ့စစ်ကြောင်းတွေရောက်လာပြီးနောက် ဒီဇင်ဘာလ ၁၆ ရက်နေ့ ကသာမြို့နယ် ပကဖက သတင်းတာဝန်ခံအပါအဝင် ၃ ယောက် သတ်ဖြတ်ခံရတဲ့အပြင် ဒီဇင်ဘာလ ၂၀ ရက်နေ့မှာလည်း မိုးတားလေး ဒရုန်းတပ်ဖွဲ့ဝင် ၃ ဦးနဲ့ ဒီဇင်ဘာလ ၂၃ ရက်နေ့ အောင်ပုံရွာက ဒေသခံတစ်ဦးကိုလည်း သတ်ဖြတ်ခံလိုက်ရပြီဖြစ်ပါတယ်။ ခုလို တော်လှန်ရေးတပ်ဖွဲ့ဝင်တွေအပြင် အရပ်သားသတ်ဖြတ်ခံရတာ ခပ်စိပ်စိပ်ဖြစ်လာနေတာဟာ စစ်တပ်သတင်းပေးအခိုင်မာရှိနေခြင်းကြောင့်ဖြစ်တယ်လို့ ဒေသခံတွေက ပြောပါတယ်။ ကသာမြို့ဟာ ကချင်– စစ်ကိုင်းအစပ်မှာရှိတဲ့မြို့နယ်ဖြစ်ပြီး ဧရာဝတီမြစ်ကမ်းနံဘေး ရှိတဲ့မြို့နယ်ဖြစ်တဲ့အပြင် စစ်ရေးအရအချက်ချကျတဲ့ နေရာလည်းဖြစ်ပါတယ်။ By – ဇမီ
Read More » -
21 Decemberသတင်း
မိုးတားလေးတိုက်နယ် ပကဖရဲ့ ဒရုန်းတပ်ဖွဲ့ဝင် ၃ ယောက် အသတ်ခံရ
စစ်ကိုင်း နဲ့ ကချင်အစပ် ကသာမြို့နယ် မိုးတားလေးတိုက်နယ်မှာ မနေ့က ဒီဇင်ဘာလ ၂၀ ရက်နေ့ မနက်ပိုင်း စစ်ဆင်ရေးသွားပြီး ပြန်လာတဲ့ မိုးတားတိုက်နယ်ပြည်သူ့ကာကွယ်ရေးတပ်ဖွဲ့ရဲ့ ဒရုန်းတပ်ဖွဲ့ဝင် ၃ ယောက် စစ်ကောင်စီစစ်ကြောင်းနဲ့တိုးပြီး အသတ်ခံခဲ့ရတယ်လို့ ကသာမြို့နယ်ပြည်သူ့အုပ်ချုပ်ရေးအဖွဲ့ဆီကသိရပါ တယ်။…
Read More » -
May- 2023 -24 Mayတိုက်ပွဲ
မိုးတားတိုက်နယ်တွင် စစ်ကောင်စီ စစ်ကြောင်း ၅ ကြိမ် တိုက်ခိုက်ခံရပြီး အထိနာခဲ့
ကသာခရိုင်၊ မိုးတားတိုက်နယ်တွင် စစ်ကောင်စီတပ် ခမရ ၄၁၅ စစ်ကြောင်းသည် တပတ်အတွင်း ၅ ကြိမ်အထိ တိုက်ခိုက်ခံရသောကြောင့် ထိခိုက်သေဆုံးမှုရှိခဲ့ကြောင်း သိရသည်။ အဆိုပါ စစ်ကြောင်းသည် မေလ ၁၁ ရက်နေ့ တစ်ကြိမ်၊ ၁၈ ရက်နေ့ ၂ကြိမ်၊…
Read More » -
Jan- 2023 -20 Januaryတိုက်ပွဲ
မိုးတားလေးတိုက်ပွဲတွင် စစ်ကောင်စီ ဗျူဟာမှူးတစ်ဦးကျဆုံးသဖြင့် ဂျက်ဖိုက်တာ ၂ စီးဖြင့် ထပ်မံပစ်ခတ်နေ
စစ်ကိုင်း–ကချင်အစပ် မိုးတားလေးတိုက်နယ်အတွင်း စစ်ကောင်စီတပ်နှင့် ABSDF၊ KPDF ပူးပေါင်းတပ်တို့အကြား စစ်ရေးတင်းမာနေဆဲဖြစ်ကာ ၃ ရက်တာတိုက်ပွဲအတွင်း စစ်ကောင်စီဘက်မှ ဗျူဟာမှူးတစ်ဦးကျဆုံးပြီး လက်ရှိချိန်တွင်လည်း ဂျက်လေယာဉ်ဖြင့် ထပ်မံပစ်ခတ်နေကြောင်း KPDF ရှေ့တန်းသတင်းရင်းမြစ်မှ သိရသည်။ ဇန်နဝါရီလ ၁၇ ရက်နေ့မှစကာ ကသာ၊ ချောင်းဝကျေးရွာမှ…
Read More » -
19 Januaryသတင်း
ကသာနယ်တွင် စစ်ကောင်စီ ဗုံးကျဲတိုက်ခိုက်မှုကြောင့် အပြစ်မဲ့ ပြည်သူ ၇ ဦးသေဆုံးပြီး ၅ ဦးထက်မနည်း ထိခိုက်ဒဏ်ရာရရှိ
စစ်ကိုင်းတိုင်းဒေသ ကသာမြို့နယ် မိိုးတားလေးကျေးရွာကို စစ်ကောင်စီတပ် ဂျက်လေယာဉ်ဖြင့် ဗုံးကျဲတိုက်ခိုက်ခဲ့သည့်အတွက် ဒေသခံ ၇ ဦးသေဆုံးပြီး ၅ ဦး ပြင်းထန်ဒဏ်ရာရရှိခဲ့ကြောင်း ဒေသခံများထံမှသိရသည်။ ဇန်နဝါရီလ ၁၈ ရက်နေ့ ညနေပိုင်း ၄ နာရီဝန်းကျင်တွင် စစ်ကောင်စီတပ်သည်…
Read More » -
Nov- 2021 -8 Novemberသတင်း
ကသာမြို့နယ် မိုးတားလေး ကျေးရွာအနီး စစ်ကောင်စီ နှင့် PDF တို့ တိုက်ပွဲပြင်းထန်ပြီး နေအိမ်များ မီးလောင်
စစ်ကိုင်းတိုင်း၊ ကသာမြို့နယ် မိုးတားလေးကျေးရွာအနီးတွင် ယနေ့ နံနက် ၁၀နာရီဝန်းကျင်ခန့်မှစကာ PDF နှင့် စစ်ကောင်စီတပ်တို့ တိုက်ပွဲဖြစ်ပွားခဲ့ပြီးနောက် ကျေးရွာအတွင်း နေအိမ် ၈ လုံးခန့် မီးလောင်သွားကြောင်း ဒေသခံများထံမှ သိရသည်။ “ဒီမနက် ၁၀နာရီလောက်မှာ တိုက်ပွဲစဖြစ်တာ…
Read More »
