မိုးမောက်မြို့

စီအင်ရွာမှာ  လက်နက်ကြီးကျည်ထိမှန်လို့ အသက် ၈၀ နှစ်အရွယ်အဘိုးတစ်ဦးနဲ့ ရွာသားတစ်ဦးသေဆုံး

ဗန်းမော်ခရိုင် မိုးမောက်မြို့ စီအင်ကျေးရွာမှာ လက်နက်ကြီးကျည်ထိမှန်လို့ အသက် ၈၀ အရွယ်အဘိုးတစ်ဦးနဲ့ အမည်မသိအမျိုးသားတစ်ဦးသေဆုံးနေတယ်လို့ ဒေသခံတွေကပြောပါတယ်။ တိုက်ပွဲကြောင့် မိုးမောက်မြို့နယ် စီအင်ကျေးရွာနေပြည်သူတွေဟာ ဘေးလွတ်ရာ တော၊တောင်နဲ့ ဗန်းမော်ဘက်ကို ထွက်ပြးတိမ်းရှောင်နိုင်ခဲ့ကြပေမဲ့ အသက်ကြီးတဲ့သူတွေနဲ့ မသန်စွမ်းတဲ့သူတစ်ချို့ ရွာမှာကျန်နေခဲ့တာဖြစ်ပါတယ်။ ရွာမှာကျန်ခဲ့တဲ့သူတွေထဲမှာ လေဖြတ်နေတဲ့ အသက် ၈၀ အရွယ် ဦးငွားချီးလည်းပါဝင်တယ်လို့ သိရပြီး မေလ ၁၀ ရက်နေ့  မိသားစုဝင်တွေက ဦးငွါးချီးကို ကယ်ထုတ်ဖို့သွားခဲ့ချိန်မှာတော့ လက်နက်ကြီးကျည်ထိမှန်ထားတဲ့ဒဏ်ရာနဲ့ နေအိမ်အတွင်း သေဆုံးနေတယ်လို့ ဒေသခံအမျိုးသမီးတစ်ယောက်က ပြောပါတယ်။ “ဘယ်အချိန်မှာသေတာလည်းတော့ ရက်အတိအကျမသိဘူး ၁၀ ရက်နေ့ဆိုတာကလည်း သူ့သားတွေ သွားကယ်ထုတ်တဲ့နေ့မှာတွေ့လို့ ရက်သတ်မှတ်လိုက်တာဘဲရှိတာ အလောင်းကလည်း ပုပ်ပွနေပြီတဲ့၊ ရွာထဲမှာ မြုပ်ခဲ့ဖို့လည်းအချိန်မရခဲ့ဘူး၊ မြင်ဘဲမြင်ခဲ့ရပြီး ချက်ချင်းပြန်ထွက်ခဲ့ရတာတဲ့”လို့ပြောပါတယ်။ ဒါ့အပြင် နောက်ထပ် အမည်အသိယောကျ်ား အလောင်းတစ်ခုလည်း ရွာလမ်းမကြီးမှာ ရှိနေတယ်လို့ သိရပါတယ်။လက်နက်ကြီးကျည်ထိမှန်သေဆုံးနေတဲ့ ဦးငွါးချီးနဲ့ အမည်မသိအမျိုးသားကို ဒေသခံတစ်ချို့နဲ့ မိသားစုဝင်တွေက မြေမြုပ်သဂြိုလ်ဖို့ပြင်ဆင်ခဲ့ကြပေမယ့် တိုက်ပွဲပြင်းထန်နေတာကြောင့် သဂြိုလ်ချိန်မရဘဲနေအိမ်ထဲမှာဘဲ ပစ်ထားခဲ့ရတယ်လို့ သိရပါတယ်။   လက်ရှိမှာတော့ မိုးမောက်မြို့တွင်း ကျန်နေခဲ့တဲ့ဒေသခံပြည်သူအားလုံးကို မေလ ၁၀ ရက်နေ့ သွားရောက်ကယ်ထုတ် နိုင်ခဲ့ပြီဖြစ်တယ်လို့ ဆိုပါတယ်။ “အဲ့ဒီနေ့မှာဘဲ အကုန်လုံးကို ကယ်ထုတ်လာနိုင်ခဲ့တာ၊ အခုရွာမှာ ဘယ်သူ့မှ မရှိတော့ဘူး၊ ဒါပေမဲ့ အလောင်းတော့ သယ်လာလို့မရလိုက်ဘူးပေါ့၊ တစ်ခြား မိုးမောက်မြို့ပေါ်တွေမှာတော့ ဘယ်လိုလဲမပြောတတ်ပေမဲ့ စီအင်မှာတော့ မရဘူး”လို့နောက်ထပ်ဒေသခံအမျိုးသားတစ်ဦးက ပြောပါတယ်။ ပြီးခဲ့တဲ့ မေလ ၈ ရက်ည ၉ နာရီ ဝန်းကျင် စီအင်ကျေးရွာအတွင်း လက်နက်ကြီးအဆက်မပြတ် ကျရောက်ခဲ့တဲ့အတွက် အမျိုးသားတစ်ယောက်သေဆုံးခဲ့ပြီးတော့ နောက်ထပ်အမျိုးသားတစ်ယောက် ဒဏ်ရာပြင်းထန်ရရှိခဲ့တာဖြစ်ပါတယ်။ ဒါ့အပြင် ဗန်းမော်မြို့ လီဆူစစ်ရှောင်စစ်ရှောင်စခန်းမှာ လာရောက်ခိုလှုံနေကြတဲ့ စီအင်ကျေးရွာဒေသခံတွေဟာ လက်နက်ပစ်သံတွေမကြာခဏကြားနေရတဲ့အတွက် ထပ်မံတိမ်းရှောင်သွားကြပြီဖြစ်တယ်လို့ စစ်ရှောင်ကူညီသူ အမျိုးသားတစ်ယောက်က ပြောပါတယ်။ “သူတို့က လေယာဉ်ကွင်းနဲ့ ကပ်တော့ ပစ်သံတွေ မခံနိုင်လောက်အောင်ပစ်နေကြတဲ့အတွက်  မံစီမြို့နယ် မံသာရွာဘက်ကို အများကြီးထွက်ပြေးသွားကြပြီ၊ လမ်းကြောင်းတွေ ကလည်းထပ်ပိတ်လိုက်တော့ ကျန်နေတဲ့ ၈၀ လောက် ဘယ်မှထွက်လို့မရဘူး ဖြစ်နေတယ်”လို့ပြောပါတယ်။ စစ်တပ်ဘက်က တိုက်ပွဲဖြစ်ပွားနေတဲ့ မိုးမောက်နဲ့ မံစီမြို့ဘက်ကို ဗန်းမောက်မြို့တွင်းတပ်က အမြှောက်လက်နက်ကြီးတွေနဲ့ နေ့ည မပြတ်တိုက်ဆက် စစ်ကူပစ်ခတ်ပေးနေတာ တစ်ပတ်ကျော် ကြာမြင့်လာပြီဖြစ်တယ်လို့ ဗန်းမော်ဒေသခံတွေက ပြောပါတယ်။ လက်ရှိမှာတော့ ဗန်းမော်မြို့တွင်းမှာလက်နက်ကြီးသံတွေ အဆက်မပြတ်ကြားနေရပြီး မြို့တွင်းတိုက်ပွဲဖြစ်လာမှာ စိုးရိမ်တဲ့အတွက်  ထပ်မံထွက်ပြေးတိမ်းရှောင်နေကြသူတွေလည်း ရှိနေတယ်လို့ သိရပါတယ်။  By – Bu Bu

Read More »

မိုးမောက်မြို့ စျေးဆိုင် နဲ့ လူနေအိမ်တစ်ချို့ဖောက်ထွင်းခံနေရတဲ့အပြင် အရပ်သားနေအိမ်တစ်ချို့မှာစစ်တပ်ကနေရာယူထား 

မိုးမောက်မြို့မှာ စစ်တပ်က ဈေးဆိုင်တစ်ချို့ဖောက်ထွင်းပြီး တန်ဖိုးရှိပစ္စည်းတွေသယ်ယူနေတဲ့အပြင် လူနေအိမ်တစ်ချို့မှာလည်း ဝင်ရောက်နေရာယူထားကြတယ်လို့ ဒေသခံတွေကပြောပါတယ်။ ပြီးခဲ့တဲ့ ဧပြီလ ၂၅ ရက်နေ့ကစပြီး  မိုးမောက်မြို့ဈေးကြီးတံခါးရိုက်ချိုးပြီး ဈေးဆိုင်ထဲကပစ္စည်းတွေသယ်ယူနေတဲ့အပြင် လူမရှိတဲ့နေအိမ်တစ်ချို့မှာ စစ်သားတွေနေရာယူထားကြတယ်လို့  မိုးမောက်မြို့ခံတစ်ချို့ကပြောပါတယ်။ “ဈေးကြီးကိုဖျက်ပြီး ဆိုင်တွေမှာဝင်ပြီး နေရာတွေယူ၊ ပစ္စည်းတွေ ယူချင်သလိုယူနေကြတာ၊ ပြီးတော့ ညနေကျတော့ အဲ့ဒီဈေးရဲ့ မျက်စောင်းထိုးက ဆန်ဆိုင်ကနေပြီး ကားတွေရော အကုန်ယူသွားတာ”လို့ပြောပါတယ်။ မိုးမောက်မြို့မှာ ပြီးခဲ့တဲ့ မတ်လကုန်ပိုင်းကနေ စစ်တပ်နဲ့ KIA တပ်တို့အကြား မကြာခနဆိုသလို တိုက်ပွဲဖြစ်နေတဲ့အပြင် မြို့တွင်းလက်နက်ကြီးကျရောက်ပေါက်ကွဲတာတွေကြောင့် ဒေသခံအများပိုင်း နေရပ်စွန့်ခွာထွက်ပြေးကြပြီဖြစ်ပါတယ်။သို့သော် မသန်စွမ်းသူတစ်ချို့နဲ့  အိမ်စောင့်အဖြစ်ကျန်နေသေးတဲ့ ဒေသခံပြည်သူတစ်ချို့ ရှိနေသေးတာဖြစ်ပါတယ်။  ဒေသခံအများပိုင်းထွက်ပြေးတိမ်းရှောင်သွားတဲ့နောက် စစ်တပ်ဘက်က ပြည်သူတွေရဲ့နေအိမ်အထိ ပစ္စည်းခိုးယူတာ ဝင်ရောက်နေရာယူနေထိုင်နေကြတာကြောင့် ကျန်နေခဲ့တဲ့သူတွေလည်း ဗန်းမော်မြို့ဘက်ကို ထွက်ပြေးဖို့ ကား၊ သုံးဘီး၊ ဆိုင်ကယ်တွေနဲ့စီစဉ်နေကြတယ်လို့ သိရပါတယ်။ ဒါပေမယ့် မြို့ အဝင်အထွက်ကို စစ်တပ်ဘက်က ပိတ်လိုက်ဖွင့်လိုက်လုပ်နေတဲ့အပြင် မိုးမောက်– ဗန်းမော်သွားလမ်း ၅ မိုင်ဂိတ်မှာလည်း လမ်းသွားလမ်းလာပြည်သူတွေကို စစ်ဆေးမေးမြန်းတာတွေလုပ်နေတဲ့အတွက် ထွက်ပြေးဖို့ခက်ခဲနေတယ်လို့လည်း သိရပါတယ်။ “သူတို့က အဲ့ဒီ ၅မိုင်ဂိတ်မှာ ပိတ်ချလိုက်တာ၊ အဝင်အထွက်မလုပ်ခိုင်းဘူး တစ်ချို့ပြေးတဲ့သူတွေကိုကျတော့ ခင်ဗျားတို့ ကြောက်လို့ ပြေးတာ ပြေးကြပေါ့၊ ခင်ဗျားတို့သေမှာကြောက်တယ်မလား ပြေးကြဆိုပြီး ခနဲ့တဲ့တဲ့ စကားတွေနဲ့ ပြောနေတာ” လို့ မိုးမောက်မှာကျန်နေတဲ့ ဒေသခံအမျိုးသမီးတစ်ဦးက ပြောပါတယ်။ ဒါ့အပြင် မိုးမောက်မြို့ ကြေးနန်ရပ်ကွက်မှာရှိတဲ့ ခရစ်ယာန်ဘုရားကျောင်းရဲ့ လက်ဝါးကပ်တိုင်မှာ လက်နက်ကြီး၊ အမြောက်တွေဆင်ထားကြတယ်လို့လည်း မျက်မြင်တွေ့ရှိသူတွေက ပြောပါတယ်။ လက်ရှိမှာ မိုးမောက်မြို့ရဲ့အောက်ဘက်ခြမ်းကို ကချင်လွတ်လပ်ရေးတပ်မတော် KIA နဲ့တော်လှန်ရေးတပ်ပေါင်းစုတွေဘက်က နေရာယူထားပြီး မိုးမောက်မြို့အထွက်အထက်ပိုင်းကိုတော့  စစ်ကောင်စီတပ်က နေရာယူထားတာကြောင့် နှစ်ဖက် စစ်ရေးတင်းမာနေတယ်လို့ သိရပါတယ်။ မိုးမောက်နဲ့ လွယ်ဂျယ်ကြား စစ်ကောင်စီရဲ့အရေးပါတပ်စခန်းကြီးတွေဖြစ်တဲ့ ယောယုံ၊ မဒါဘွမ်၊ စိန်လုံ စတဲ့စခန်းတွေနဲ့ အတူ စခန်းပေါင်း ၁၀ ကျော်ကို KIA ဘက်က မတ်လမှာဘဲ သိမ်းပိုက်လိုက်ပြီဖြစ်ပြီး ဒီစခန်းကနေထွက်ပြေးသွားတဲ့ စစ်ကောင်စီတပ်သားတွေဟာ လက်ရှိ မိုးမောက် ခလရ  ၄၃၇ ရောက်ရှိနေပြီး စစ်အင်အားဖြည့်တင်းထားတယ်လို့လည်း သိရပါတယ်။ By – Bu Bu

Read More »

မိုးမောက် ၅ မိုင်ဂိတ်နားက ဘုရားကျောင်းနဲ့နေအိမ်တစ်အိမ်ကို စစ်တပ်က ဓါးမြဝင်တိုက်

မိုးမောက်မြို့အဝင် ၅ မိုင် ဂိတ်နားက နေအိမ်နဲ့ ဘုရားကျောင်းထဲကို စစ်ကောင်စီတပ်တွေက ဓားမြဝင်တိုက်ပြီး ရွှေ ၊ ငွေအမြောက်အများယူဆောင်သွားတဲ့အပြင် ဒေသခံတစ်ဦးကိုလည်း ဖမ်းဆီးခေါ်ဆောင်သွားတယ်လို့ မိုးမောက်ဒေသခံတွေဆိကနေ သိရပါတယ်။ အောက်တိုဘာ ၁၃ ရက်နေ့ည ၁၀ နာရီဝန်းကျင်ခန့် မိုးမောက် လုံဂျာဘွမ်(LungJa Bum)တောင်ခြေမှာ နေရာယူလှုပ်ရှားနေတဲ့…

Read More »

လုံဂျာဘွမ်တောင်ဘက်တွင် စစ်ကောင်စီ ၅ နေရာမှ လက်နက်ကြီးပစ်ခတ်နေသဖြင့် တောင်သူများ စပါးရိတ်သိမ်းချိန်ကျော်လွန်

တိုက်ပွဲပြင်းထန်သည့် မိုးမောက်မြို့ အရှေ့ဘက်ခြမ်း လုံဂျာဘွမ်တောင်ဘက်တွင် စစ်ကောင်စီတပ် လက်နက်ကြီးများ အဆက်မပြတ် ရမ်းသမ်းပစ်ခတ်မှုကြောင့် ဂျာဘွမ်တောင်ခြေအနီးတဝိုက် လယ်ယာစိုက်ပျိုးသည့် ဒေသခံတောင်သူများ လယ်လုပ်ငန်း အချိန်မှီ မရိတ်သိမ်းနိုင်သည့် ပြဿနာကြုံတွေ့နေရသည်ဟု သိရသည်။ အောက်တိုဘာလ ၂၂ ရက်နေ့မှစတင်ကာ စစ်ကောင်စီတပ်မှ…

Read More »

မိုးမောက်တွင် တပ်ရင်းမှုး မိုင်းနင်းမိသေဆုံးသဖြင့် ၃ ရက်ဆက်တိုက် လေယာဉ်ဖြင့် ဗုံးကျဲ တိုက်ခိုက်နေ

မိုးမောက်မြို့ အရှေ့ဘက် လုံဂျာဘွမ်သို့ ဝင်ရောက်လာသော စစ်ကောင်စီစစ်ကြောင်း မိုင်းနင်းမိပြီး တပ်ရင်းမှူးနှင့် စစ်သားအများအပြားသေဆုံးခဲ့သဖြင့် ထိုနေရာကို ၃ ရက်ဆက်တိုက် လေယာဉ်ဖြင့် ဗုံးကျဲ တိုက်ခိုက်နေသည်ဟု ဒေသခံများ ပြောသည်။ အင်အား ၅၀ ကျော်ပါဝင်သော စစ်ကောင်စီတပ်သည် စစ်ကြောင်း ၃ ကြောင်းခွဲ၍ အောက်တိုဘာ ၂၂…

Read More »

မိုးမောက်တွင် ၅ ရက်ကြာ တပ်စွဲခဲ့သော စစ်ကောင်စီတပ်များ ဗန်းမော်သို့ ပြန်လည်ဆုတ်ခွာ

မိုးမောက်မြို့ ဝဝမ်နှင့် ခါနန်ရပ်ကွက်တွင် ၅ ရက်ကြာ တပ်စွဲနေထိုင်သည့် စစ်ကောင်စီတပ်များ ဗန်းမော်မြို့သို့ ပြန်လည်ဆုတ်ခွာသွားပြီဟု သိရသည်။ စက်တင်ဘာ ၁၀ ရက်နေ့တွင် အင်အား ၂၀၀ ခန့်ပါဝင်သော စစ်ကြောင်းသည် ခူးလီ– နန့်လှိုင်လမ်းအတိုင်း ဗန်းမော်ဘက်သို့ ပြန်လည်ဆုတ်ခွာသွားသည်ဟု မိုမောက်မြို့ ခါနန်ရပ်ကွက်မှ အမျိုးသားတစ်ဦး က KNG ကို…

Read More »

မိုးမောက်တွင် စစ်ရေးတင်းမာနေသဖြင့် ဒေသခံ ၃၀၀ ဝန်းကျင်ထွက်ပြေးတိမ်းရှောင်နေရ

မိုးမောက်မြို့တွင် စစ်ကောင်စီတပ် နှင့် ကချင်လွတ်လပ်ရေးတပ်မတော် KIA တို့ကြား စစ်ရေးတင်းမာနေသောကြောင့် နှစ်ဖက်တပ်ကြားတွင် ရှိနေသော ဒေသခံ ၃၀၀ ခန့်သည် ဘေးလွတ်ရာသို့ တိမ်းရှောင်နေသည်ဟု သိရသည်။ စက်တင်ဘာလ ၆ ရက်နေ့ နံနက်ပိုင်းမှ စတင်ကာ ဗန်းမော်မြို့မှ စစ်ကောင်စီ ခမရ ၄၃၇ အင်အား ၂၀၀…

Read More »