ကချင်ပြည်နယ် ချီဖွေ (Chipwi) စစ်ရှောင်စခန်းတွင် ကျရောက်သော (၁၁၀) မမ အမြောက်ဆံဟောင်း၏ အရင်းပိုင်းကို မြန်မာအစိုးရ စစ်သားများ ထုတ်ယူခဲ့သော်လည်း ပေါက်ကွဲနိုင်သည့် ထိပ်ဖူးအပိုင်းကို ကျန်ထားသောကြောင့် စစ်ရှောင်များ စိုးရိမ်နေကြပါသည်။
“လာတူးဖော်တာတော့ သိပ်မကြာသေးဘူး။ ကျနော်တို့က လာတူးကြပြီဆိုတော့ အရမ်းဝမ်းသာနေတာ ဒါပေမယ့် ပိုအန္တာရယ်ရှိတဲ့အပိုင်းက ချန်ထားသေးကြတော့ စိတ်က မအေးရသေးဘူး။ ဘယ်နေ့ပြန်လာဖော်မယ်ဆိုတာလည်း သေချာမသိသေးဘူး” ဟု စစ်ရှောင်တာဝန်ခံ တစ်ဦးဖြစ်သူ ဦးလဆော့လွမ်းဇေ (Lasaw Lum Ze)က ပြောသည်။
ယင်းအမြောက်ဆံသည် လွန်ခဲ့သည့် ၂၀၁၈ ခုနှစ် စက်တင်ဘာလတွင် လော်ဝေါ်နှစ်ခြင်းခရစ်ယာန် ဘုရားကျောင်းဝင်းရှိ စစ်ရှောင်စခန်းနံဘေးတွင် မပေါက်ပွဲဘဲ ထိုးကျခဲ့ခြင်းဖြစ်သည်။ ယခုနှစ် ဧပြီလတွင် ချီဖွေမြို့ မြန်မာစစ်တပ်မှ ထုတ်ယူခဲ့စဉ် ပေါက်ကွဲနိုင်သည့် ထိပ်ဖူးအပိုင်းကို ချန်ထားခြင်း ဖြစ်သည်။
စစ်ရှောင်များပြောဆိုချက်အရ အမြောက်ဆံသည် မြေပြင်မှ အနက် ၁ လက်မခန့်သာ စိုက်ဝင်ထားခြင်းဖြစ်ပြီး ၎င်းနေရာအား သွပ်ကာပြီး ဆားဖျန်းထားသည်။
“သူတို့ပြောပုံအရဆိုရင်တော့ အမြောက်ဆံထိပ်ဖူးက အုတ်ခုံနီး အထဲကိုစိုက်ဝင်နေတဲ့ချိန်ကျတော့ ထုတ်ယူဖို့ခက်တယ်။ ဖောက်ခွဲလိုက်မယ်ဆိုရင်တော့ ဒီမှာရှိတဲ့စစ်ရှောင်တွေကို ခဏလောက် နေရာဖယ်ခိုင်းပြီး ဖောက်ခွဲလိုက်ရင်တော့ အဆင်ပြေနိုင်တယ်ပြောတယ်။ ဒါပေမယ့် ခက်တာက စစ်ရှောင်စခန်းနားမှာ တယ်လီနောဆက်သွယ်ရေး ဖုန်းတာဝါတိုင်ကိုတော့ မလျော်ပေးနိုင်ဘူးဆိုပြီး ပြောကြတယ်။” ဟု စစ်ရှောင်တစ်ဦးဖြစ်သည့် ပြောသည်။
ချီဖွေမြို့တွင်း စစ်ရှောင်မိသားစု ၅၀၀ ခန့်ရှိပြီး လော်ဝေါ်နှစ်ခြင်းခရစ်ယာနအဖွဲ့ချုပ် (LBC) နှင့် ကချင်နှစ်ခြင်းခရစ်ယာန်အဖွဲ့ချုပ် (KBC) အသင်းတော် ဘုရားကျောင်းများတွင် လာရောက်ခိုလှုံနေကြပြီး ယခုအမြောက်ကျသည့် နေရာသည် လော်ဝေါ်နှစ်ခြင်းအသင်းတော်တွင် ဖြစ်သည်။
Photo – Zami
