ကချင်ပြည်နယ် မြို့တော်မြစ်ကြီးနားတွင် မိုးတွင်းကာလ ရာသီတုတ်ကွေးရောဂါများ ကူးစက်ပျံ့နှံ့လျက်ရှိသောကြောင့် ကချင်နှစ်ခြင်းခရစ်ယာန်အဖွဲ့ချုပ် (KBC) အခြေပြု အသင်းတော် အမျိုးသားကျောင်း (Myu Sha Jawng)များကို ခေတ္တပိတ်ထားရကြောင်း သိရသည်။
Jan Mai Kawng ရပ်ကွက် Jan Mai Hpaji Shalat အမျိုးသားကျောင်းရှိ ကျောင်းသူ ကျောင်းသားများတွင် ဇူလိုင် လဆန်းပိုင်းကစပြီး ရာသီတုတ်ကွေး ဖြစ်ပွားမှု ပိုမိုများပြားလာ သောကြောင့် သြဂုတ်လ (၇)ရက်နေ့မှ (၁၁)ရက်နေ့ထိ ကျောင်းပိတ်ထားခဲ့ရကြောင်း ကျောင်းတာဝန်ခံ ဦး Lama Naw Tawng ကချင်သတင်းဌာန KNG ကို ပြောပါသည်။
“ကျနော့် ကျောင်းဂေဟာမှာက တော်တော်ဆိုးတယ်လို့ပြောလို့ရတယ်။ အဲ့ကြောင့် ဂေဟာလည်း ၁ပတ် ပိတ်ပေးလိုက်တယ်။ တစ်ခန်းမှာက အနည်းဆုံး ၅ယောက် ၆ယောက်ကျော် ဖြစ်လာတယ်။ တစ်ယောက်နဲ့တစ်ယောက်ကူးစက်ကြတာပေါ့။ မပိတ်လို့က မရတော့ဘူး” ဟု ဆိုသည်။
အဆိုပါ Jan Mai Hpaji Shalat ဂေဟာကျောင်းမှာ ကျောင်းသူကျောင်းသား စုစုပေါင်း (၁၈၀)ကျော် ရှိပြီး အများစုသည် မြစ်ကြီးနားမြို့အနီးတဝိုက်ရှိ ကလေးများနှင့် စစ်ရှောင်စခန်းများမှ ကလေးများဖြစ်ကြသည်။
ထိုနည်းသူ N’Jang Dung နှစ်ခြင်းအသင်းတော်တွင် ဖွင့်လှစ်ထားသည့် အမျိုးသားကျောင်းကိုလည်း ရာသီတုတ်ကွေးကြောင့် ပိတ်ထားရကြောင်းသိရသည်။
KBC အသင်းတော် အခြေပြုဖြင့် ဖွင့်လှစ်ထားသော ကချင်အမျိုးသားကျောင်းများတွင် အဓိက Jinghpaw စာနှင့်စကား၊ ကချင်ရိုးရာယဉ်ကျေးမှု နှင့် အင်္ဂလိပ်စာနှင့်စကား များကို သင်ကြားပေးသည်။
