ငြိမ်းချမ်းရေးနှင့် တရားမျှတရေး အတွက် ကချင်လူငယ်များ မြစ်ကြီးနားမြို့တွင် ဆန္ဒပြပွဲပြုလုပ်နေစဉ် ထူးထူးခြားခြား မြန်မာစစ်တပ် တင့်ကားများ ၀င်ရောက်လာခြင်းသည် ‘စစ်အာဏာ’ ပြသခြင်းဖြစ်ကြောင်း ကချင်ပေါင်းစည်းပါတီ က ဝေဖန်လိုက်ပါသည်။
စက်တင်ဘာလ (၉)ရက်နေ့ မြစ်ကြီးနားမြို့နယ်တရားရုံး အနောက်ဘက်တွင် တတိယမြောက်နေ့ ဆန္ဒပြနေစဉ် စစ်သားများတင်ဆောင်ထားသော တင့်ကားအပါအဝင် စစ်ကား (၁၀)စီးခန့် လှည့်လည်ဖြတ်သွားခြင်းဖြစ်သည်။
“ကျနော်တို့နိုင်ငံဟာ နိုင်ငံရေးယဉ်ကျေးမှု မထွန်းကားသေးဘူးလို့မြင်တယ်။ ဘာကြောင့်လဲ ဆိုတော့ နိုင်ငံရေးဆိုတာက အရမ်းကိုသိမ်မွေ့တာဖြစ်တယ်။ အခုက စစ်ရေးနဲ့ ဓါးမိုးပြီး အုပ်ချုပ်နေတယ်လို့ မြင်နေရတယ်။ တစ်စုံတစ်ခုဖြစ်လာပြီဆိုရင် တပ်မတော်က အာဏာပြနေတဲ့အပိုင်းတွေဖြစ်နေတယ်
မြို့ပေါ်အတွင်း ပုံမှန်ဖြစ်လေ့ဖြစ်ထ မရှိသည့် ပြည်သူလူထုကြား ထင်ယောင်ထင်မှား ဖြစ်စေသည် သာမက ပြည်သူလူထုကို ခြိမ်းခြောက်မှုများ ဖြစ်စေသည်ဟုလည်း မြစ်ကြီးနားမြို့အခြေစိုက် ကချင်လူမှုဖွံ့ဖြိုးရေကွန်ရက် (KDNG)မှ ဦးစာဂျီး (Tsaji)က ယခုလို သုံးသပ်ပါသည်။
“မြို့အတွင်း တင့်ကားတွေ ရောက်လာတော့ ပြည်သူလူထုအတွက် စဉ်းစားစရာတွေ ဖြစ်လာခဲ့သလို အလန့်တကြားဖြစ်သွားခဲ့တယ်။ တက်ဖက်ကကြည့်မယ်ဆိုရင်လည်း ပြည်သူလူထုကို ခြိမ်းခြောက်မှုများ ဖြစ်နိုင်မလား။ နောက်ငြိမ်းချမ်းရေးလမ်းစဉ်နဲ့ ကြည့်မယ်ဆိုရင်လည်း တွေဖယ်မှုတွေဖြစ်စေတယ်။ တကယ့်ငြိမ်းချမ်းရေးကို လိုချင်နေတာကောဖြစ်ရဲ့လား။ ပြည်သူလူထုက မေးခွန်းတွေ ထုတ်လာနိုင်တယ်” ဟု သူက ဆိုပါသည်။
တပ်မတော်ဘက်ကနေ မြို့ပေါ်မှာ ဆန္ဒပြထုတ်ဖော်နေစဉ် စစ်ကားတွေနှင့် စစ်သားအပြည့်အဝ ပြည်သူတွေကို မြင်တွေ့အောင်ပတ်သွားခဲ့သည်မှာ တမင်ရည်ရွယ်ချက်ရှိရှိ ခြိမ်းခြောက်မှုများဖြင့် လုပ်ဆောင်ခဲ့ခြင်းဖြစ်သည်ဟု ကချင်တမျိုးသားလုံးဆိုင်ရာလူငယ်သမဂ္ဂ (AKYU) တာဝန်ခံ ကိုလွမ်းဇောင်း (Lum Zawng) က ယခုလို သုံးသပ်ပါသည်။
“အမှန်တိုင်းပြောရရင် ပြည်သူလူထုအတွက် လုံခြုံမှုအတွက်မဟုတ်ဘဲ ပြည်သူလူထုကို စစ်အာဏာ ပြသနေတယ်လို့မြင်တယ်။ ဘာကြောင့်လဲဆိုတော့ အဲ့ဒီနေ့မှာက တစ်ဖက်က တရားရုံးဘက်မှာ ကချင်နှစ်ခြင်းခရစ်ယာန်အဖွဲ့ချုပ် (KBC) ဥက္ကဌကို တပ်မတော်ဘက်မှ တရားစွဲဆိုရန်လုပ်တဲ့ ရုံးချိန်းလည်းရှိနေတယ်။ အဲ့တော့ သူတို့ဘက်ကနေ မရည်ရွယ်ဘဲ ရောက်လာတာ မဟုတ်ဘဲ တမင်ရည်ရွယ်ချက်ရှိရှိနဲ့ ပြည်သူလူထုကို ထိတ်လန့်အောင် စီမံလုပ်ဆောင်ခြင်းဘဲ ဖြစ်တယ်” ဟု ဆိုပါသည်။
လက်ရှိနိုင်ငံရေး တည်ငြိမ်မှုမရှိသေးသည့်အချိန် မြို့ပေါ်အတွင်း စစ်အင်အားများဖြင့် ဝင်ရောက်လာမှုဟာ ငြိမ်းချမ်းရေးလုပ်ဆောင်နေသည့် ဖြစ်စဉ်ထဲမှာ အများပြည်သူအတွက်လုံးဝ မသင့်တော်ကြောင်း ကိုလွမ်းဇောင်းက ဆက်ပါသည်။
