,

Breaking News :

ဝက်လက်နယ် တိုက်ပွဲတွင် ၂ဖက်တပ် အကျအဆုံးများဟုဆို

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ကသာတွင် ကျောင်းသားတစ်ဦးထံမှ ဆေးခြောက်တွေ့ရှိသဖြင့် ပြည်သူ ၁၃ဦးကို စစ်ကောင်စီဖမ်းဆီး

အင်းတော်နယ်တွင် ထောင်ထားသည့် မိုင်းကြိုးစဆွဲမိသဖြင့် အမျိုးသား၂ဦးသေဆုံး

ကသာတွင် စစ်ကောင်စီ သတင်းပေးသူဟု ဆိုရသော ရာအိမ်မှူးတစ်ဦးဖမ်းဆီးခံရ

ပရိသတ်စိတ်ဝင်စားမည့် သတင်းအမှား ခေါင်းစဉ်ဖြင့် ဝင်ငွေရှာနေသော YouTube ချန်နယ်များကို သတိပြုရန်

ကင်းပုန်းဝပ်ပြီးပြန်လာသည့် စစ်ကောင်စီတပ် မိုင်းဆွဲတိုက်ခိုက်ခံရပြီး ၅ဦးသေဆုံး

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

ဖျက်သိမ်းလိုက်သော ကချင်ပြည်နယ်နေ့ မနောပွဲ အစား ဖေဖော်ဝါရီလတွင် ရိုးရာမနောပွဲ ပြန်လည် ပြုလုပ်မည်

မြစ်ကြီးနား မနောကွင်း

အမည်နာမ အငြင်းပွားမှုကြောင့် ဖျက်သိမ်းခဲ့ရသော (၇၂) ကြိမ်မြောက် ကချင်ပြည်နယ်နေ့ မနောပွဲတော်ကြီးကို ပြန်လည်အစားထိုးသည့် ‘ကချင်ရိုးရာ ယဉ်ကျေးမှု မနောပွဲတော်ကြီး’ ကို ဖေဖော်ရီလအတွင်း ၈ရက်ကြာ ပြန်လည် ပြုလုပ်မည်ဟု ကချင်ရိုးရာယဉ်ကျေးမှု တာဝန်ရှိသူများ ပြောပါသည်။

ကချင်မျိုးနွယ်စုအတွင်း အမည်နာမအငြင်းပွားမှုကြောင့် မနောပွဲ ရပ်ဆိုင်းခဲ့ရသော်လည်း ပွဲအတွက် ကြိုတင်ရယူထားသည့် လေလံများကို လျော်ကြေးအဖြစ် ပြန်လည်ပေးရသည့် အခြေအနေရှိလာသောကြောင့် မဖြစ်မနေ ပြန်လည် ပြုလုပ်ရခြင်း ဖြစ်သည် ဟု ကချင်ရိုးရာစာပေနှင့်ယဉ်ကျေးမှု ဗဟိုကော်မတီ၏ ဒု ဥက္ကဋ္ဌ ဦး Hpauwung Bawk Tawng က ယခုလို ပြောပါသည်။

“ကချင်ပြည်နယ်နေ့ကို ‘Jinghpaw Mungdaw Nhtoi’ လို့ မရေးရင် မနောပွဲ မကျင်းပရဘူးလို့ လူငယ်တစ်ချို့က လူအင်အားကြီးကြီးနဲ့ ဖျက်မယ်လို့ ပြောကြတယ်။ ပြီးရင် ကချင်ပြည်နယ် ဝန်ကြီးချုပ်ကိုလည်း သွားပြောကြတယ်တဲ့။ အဲ့တော့ ဝန်ကြီးချုပ်က နောက်ဆုံးမှာတော့ ကျနော်တို့ လူမျိုးအချင်းချင်းကြားမှာသာမက သီးခြားလူမျိုးစုကြားမှာလည်း မြင်မကောင်းစရာတွေ ဖြစ်လာနိုင်တယ် ဆိုပြီး သူတို့လိုချင်တဲ့ အမည်နာမ အသုံးပြုပြီး ကချင်ပြည်နယ်နေ့ ကို တစ်ရက်သာ ပြုလုပ်ခဲ့တာဖြစ်တယ်။ အဲ့ကြောင့် ကျနော်တို့ WHG စီစဉ်ထားတဲ့အတိုင်း ဖြစ်မလာခဲ့ဘူး။ ကျနော်တို့က ဒီမနောပွဲလုပ်ဖို့ ငွေကြေးလေးလံတွေ ရရယူထားတာဖြစ်တယ်။ နောက်ဆုံးပွဲမဖြစ်တော့ လေလံငွေကြေးတွေကို ဘယ်သူဆပ်ပေးမှာလဲ။ အစိုးရကလည်း ဆပ်ပေးမှာမဟုတ်ဘူး။ ကျနော်တို့လည်း ဒီလောက်များတဲ့ ငွေတွေမဆပ်နိုင်ဘူး။ အဲ့တော့ ကျနော်တို့က ပြည်ထောင်စုနေ့ကျရောက်တဲ့ ဖေဖော်ဝါရီလမှာ ကျင်းပဖို့ ဆုံးဖြတ်ခဲ့တာပါ။” ဟု ပြောဆိုခဲ့ပါသည်။

သို့သော်လည်း မနောပွဲနာမည်ကို ‘ပြည်ထောင်စုနေ့ မနောပွဲ’ အဖြစ်မဟုတ်ဘဲ ကချင်ရိုးရာမနောပွဲအဖြစ်သာ ပြုလုပ်သွားမည်ဟု ပြောပါသည်။

ဖေဖော်ဝါရီလ ၅ ရက်နေ့မှ ၁၂ရက်အထိ ကျင်းပသွားရန် စီစဉ်နေပြီး ၊ ဈေးရောင်းပွဲတော်များ၊ အားကစားပြိုင်ပွဲများ ပါဝင်ကာ မနောအကဖြင့် ပြုလုပ်သွားမည်ဖြစ်ကြောင်း သိရပါသည်။

အဆိုပါ မနောပွဲကျင်းပနိုင်ရန်အတွက် ကချင်မျိုးနွယ် ၆ မျိုးမှ တစ်ဖွဲ့လျှင် မြန်မာကျပ်ငွေ သိန်း၁၀၀ ထုတ်ကာ ပြုလုပ်သွားမည့်အကြောင်း ဦး Hpauwung Bawk Tawng ထံမှသိရပါသည်။

ဇန်နဝါရီလ ၁၀ ရက်နေ့ ကျရောက်သော (၇၂) ကြိမ်မြောက်ကချင်ပြည်နယ်နေ့ကို ပြည်နယ်အစိုးရဦးဆောင်မှုဖြင့် နိုင်ငံတော်အတိုင်ပင်ခံ ပုဂ္ဂိုလ်လည်း တက်ရောက်ကာ တစ်ရက်သာ မနောပွဲဖြင့် ပြုလုပ်ခဲ့ကြပါသည်။

 

Read Previous

NLD တိုင်းရင်းကော်မတီ ဥက္ကဋ္ဌ ကချင်လူမျိုး ခန့်ထားခြင်းပေါ် KSPP ဝေဖန်

Read Next

မြစ်ဆုံစီမံကိန်း ဖျက်သိမ်းပေးရန် တရုတ်သမ္မတကို ကချင်အဖွဲ့စည်းများ တောင်းဆို

Leave a Reply

Your email address will not be published.