Breaking News :

ရှဒူးဇွပ်(Ja Htu Zup)ကျေးရွာ ရေဘေးဒဏ်ထပ်မံကြုံတွေ့နေရ

ရှမ်းမြောက် Howa Bum တောင်ပေါ် မြန်မာ စစ်တပ် နှင့် KIA တိုက်ပွဲ ဖြစ်ပွား

Covid-19 ကာလ ကိုယ်စားလှယ်လောင်းများ ကန့်သတ်ချက်ဖြင့် မဲဆွယ်နေရ

ပိုးတွေ့လူနာတည်းခိုခဲ့သော မြစ်ကြီးနား အေးချမ်းသာတည်းခိုခန်း နှင့်ဆက်စပ်ခဲ့သူ ၂၀ ဦးကို Quarantine ထားရှိ

ကျေးရွာနယ်နမိတ်ထိ ရွှေတူးဖော်လာမည်ကို ဆွမ်ပရာဘွမ်ဒေသခံများစိုးရိမ်

ကချင်ပြည်နယ်လိပ်စာဖြင့် ထပ်တိုးပိုးတွေ့လူနာ ၂ ဦးမှာ မန္တလေးနှင့် နေပြည်တော်တွင်အသွားအလာကန့်သတ်ခံထားရသူများဖြစ်

ဖားကန့်တွင် မဲဆွယ်စည်းရုံးမှုများ ရပ်နားထား

ပြည်နယ်တွင်းမှ ဖားကန့်သို့ဝင်လာသူများ ကွာရန်တင်းဝင်ရမည်

ပြည်တွင်းစစ်များ ရပ်တန့်ရန် ကချင်အမျိုးသားအတိုင်ပင်ခံအဖွဲ့တောင်းဆို

ငြိမ်းချမ်းရေးအတွက် ဘယ်လိုလွှတ်တော်ကိုယ်စားလှယ်များကို​ ရွေးချယ်ကြမလဲ

ကချင်ရိုးရာယဉ်ကျေးမှုအသင်း ဖျက်သိမ်းရန် ဆန္ဒဖော်ထုတ်သူကို တရားရုံးမှ ဒဏ်ငွေချမှတ်

(၇၂) ကြိမ်မြောက် ကချင်ပြည်နယ်နေ့အခမ်းအနားနှင့်ပတ်သက်ပြီး အငြင်းပွားမှုကြောင့် ကချင်ရိုးရာယဉ်ကျေးမှုအသင်း WHG ကို ဖျက်သိမ်းရန် ဆန္ဒဖော်ထုတ်ရာတွင် ဦးဆောင်သူ ဦး Tsawm Naw ကို ငြိမ်းစုစီ ပုဒ်မ ၁၉ ဖြင့် ဇန်နဝါရီလ ၁၇ ရက်နေ့ မြစ်ကြီးနားမြို့နယ် တရားသူကြီးမှ ငွေဒဏ် ၃ သောင်း ချမှတ်လိုက်ပါသည်။

ခွင့်ပြုချက်မယူဘဲ လူစုလူဝေး ဆန္ဒပြခဲ့ခြင်းကြောင့် ဦးဆောင်သူ ဦး Tsawm Naw ကို မြစ်ကြီးနားမြို့နယ် ရဲမှူးမြင့်မိုး မှ တရားလိုပြုကာ ငြိမ်းချမ်းစွာ စုဝေးခြင်းနှင့် စီတန်း လှည့်လည်ခြင်း ငြိမ်းစုစီ ပုဒ်မ (၁၉) ဖြင့် တရားစွဲဆိုခဲ့ခြင်းဖြစ်သည်။

“အမှုစီရင်တဲ့အပေါ်မှာ ကျနော့ကို ဦးစီး ဦးဆောင်တယ်ဆိုပြီး စွဲချက်တင်တာပေါ့နော်။ ဒါပေမဲ့ တကယ့် တကယ် ဦးဆောင်တယ် ဆိုတဲ့ထဲမှာ သူတို့ရဲ့ခွင့်ပြုမိန့်ကို တင်နေမဲ့အချိန်လည်း မဟုတ်တော့ဘူး။ အချိန်က နီးကပ်နေပြီ။ သူတို့လည်း မြေပြင်ရဲ့ အနေအထားကိုကြည့်ပြီး ကျနော့ကိုပဲ ဦးစီးဦးဆောင် ဆိုပြီးတော့ စွပ်စွဲလိုက်တာဖြစ်တယ်။ အဲတာကမဖြစ်သင့်ဘူး။ တကယ်ဆိုမြေပြင်မှာ တကယ်လှုပ်ရှားနေတဲ့ ဦးဆောင်နေတဲ့ ကော်မတီတွေလည်းရှိတယ်။” ဟု ဦး Tsawm Naw ပြောပါသည်။

(၇၂) ကြိမ်မြောက် ကချင်ပြည်နယ်နေ့ကို ကချင်လို ‘Jinghpaw Mungdaw Nhtoi’ ဆိုပြီး ခေတ်အဆက်ဆက် ပြုလုပ်လာပြီးနောက် ယခုနှစ်တွင် ‘Jinghpaw’ ကိုဖြုတ်ကာ အစီစဉ်ပြုလုပ်ရန် စီစဉ်ခဲ့သည့် ကချင်ရိုးရာယဉ်ကျေးမှုအသင်းကို ဖျက်သိမ်းပေးရန် ဇန်နဝါရီ ၇ ရက်နေ့တွင် ကချင်မျိုးနွယ်စု လူဦးရေ ၄၀ ခန့် မနောကွင်းရှေ့ ဆန္ဒဖော်ထုတ်ခဲ့ကြပါသည်။

ထို့နောက် ကချင်ငြိမ်းချမ်းရေးအကျိုးဆောင်အဖွဲ့ PCG ကြားဝင်ညှိနှိုင်းပေးခြင်းအားဖြင့် ကချင်ပြည်နယ်နေ့ကို ကချင်ဘာသာဖြင့် ‘Jinghpaw Mungdaw Nhtoi’ ဟု ပြန်လည်ရေးသားရန် ပြည်နယ်အစိုးရ ညွန်ကြားကာ တစ်ရက်သာ မနောပွဲပြုလုပ်ခဲ့ခြင်း ဖြစ်ပါသည်။

သို့သော်လည်း ကချင်ရိုးရာယဉ်ကျေးမှုအသင်းဦးဆောင်သော မနောပွဲနှင့် ဈေးရောင်းပွဲတော်များကို ဖေဖော်ဝါရီလသို့ ရက်နောက်ဆုတ်လိုက်ကြောင်းသိရပါသည်။

0 Reviews

Write a Review

Read Previous

ကျောက်နီထွက်သည့် နမ့်ယာပိုင်းကို လုံခြုံရေးအခြေအနေအရ လုပ်ကွက်ချထားမှုအစီစဉ် ချန်လှပ်

Read Next

နန့်ဝါသစ်တောကြိုးဝိုင်းကို ယခုလအတွင်း မြေပြင်တိုင်းတာမှုပြုလုပ်ပေးမည်ဟုဆို

Leave a Reply

Your email address will not be published. Required fields are marked *